Department of Strategic Development and International Relations - BSU

04/05/2026

📢 იაპონიის მთავრობის (MEXT) სტიპენდია - 2027 🇯🇵🎓

იაპონიის საელჩო საქართველოში აცხადებს განაცხადების მიღებას 2027 წლის MEXT სტიპენდიის პროგრამაზე.

🔹 პროგრამა განკუთვნილია:

ბაკალავრიატის სტუდენტებისთვის
ტექნოლოგიური კოლეჯის (KOSEN) სტუდენტებისთვის
პროფესიული კოლეჯის სტუდენტებისთვის
კვლევითი პროგრამების კანდიდატებისთვის

პროგრამა სტუდენტებს აძლევს შესაძლებლობას ისწავლონ იაპონიაში, გაიღრმაონ ცოდნა იაპონურ ენასა და კულტურაში და მიიღონ სრულფასოვანი აკადემიური გამოცდილება.

🗓 განაცხადების მიღების ბოლო ვადა: 5 ივნისი, 17:00

📝 კითხვების ან დამატებითი ინფორმაციისთვის შეგიძლიათ მიმართოთ იაპონიის საელჩოს კულტურის განყოფილებას:
📧 [email protected]

20/04/2026

📢 ბათუმის შოთა რუსთაველის სახელმწიფო უნივერსიტეტის სტუდენტებისთვის მნიშვნელოვანი შესაძლებლობა

საქართველოში იაპონიის ელჩის, ბატონ იშიძუკა ჰიდეკის სახელით, ბათუმის შოთა რუსთაველის სახელმწიფო უნივერსიტეტს ეცნობა, რომ 2026 წლის „იაპონური ენის პროგრამის საზღვარგარეთელი სტუდენტებისთვის (Outstanding Students)“ განაცხადების მიღება ოფიციალურად დაიწყო.

📌 განაცხადების წარდგენის ბოლო ვადაა: 2026 წლის 24 აპრილი, პარასკევი, 17:00 საათი

აღნიშნული პროგრამა ხორციელდება იაპონიის ფონდის მიერ და მიზნად ისახავს იმ სტუდენტების შერჩევას, რომლებიც საზღვარგარეთ იაპონურ ენას სწავლობენ და გამოირჩევიან მაღალი აკადემიური შედეგებით. შერჩეული მონაწილეები მიწვეულნი იქნებიან იაპონიაში ორკვირიან სასწავლო პროგრამაზე, რომელიც გაიმართება 2026 წლის 2–16 სექტემბერს.

პროგრამა სტუდენტებს სთავაზობს უნიკალურ შესაძლებლობას:
• გაიღრმავონ იაპონური ენის ცოდნა
• გაეცნონ იაპონურ კულტურასა და საზოგადოებას ლექციებისა და აქტივობების საშუალებით
• გააძლიერონ მოტივაცია ენის შემდგომი შესწავლისთვის

იაპონიის საელჩო საქართველოში მოუწოდებს უნივერსიტეტს, გაავრცელოს ინფორმაცია სტუდენტებში და წაახალისოს მათი აქტიური მონაწილეობა აღნიშნულ პროგრამაში.

საელჩო მზად არის საჭიროების შემთხვევაში გაუწიოს დამატებითი ინფორმაცია და დახმარება. საკონტაქტო: [email protected]

ეს ინიციატივა წარმოადგენს მნიშვნელოვან შესაძლებლობას, რომელიც კიდევ უფრო გააძლიერებს საქართველოსა და იაპონიას შორის საგანმანათლებლო და კულტურულ თანამშრომლობას.

06/03/2026

📣📍🌏10 მარტს, 13:00 საათზე, სააქტო დარბაზში, ბსუ-ს საბაკალავრო, სამაგისტრო და სადოქტორო საფეხურის სტუდენტებისთვის გაიმართება საინფორმაციო შეხვედრა ,,ერაზმუს+“-ისა და სხვა გაცვლითი პროგრამების შესახებ.

გთხოვთ, დაესწროთ.

05/03/2026

მიკოლას რომერისის უნივერსიტეტის (MRU) ლიეტუვური ენისა და კულტურის საზაფხულო კურსი

მიკოლას რომერისის უნივერსიტეტი (MRU) გიწვევთ
ლიეტუვური ენისა და კულტურის ინტენსიურ საზაფხულო კურსს, რომელიც ჩატარდება 2026 წლის 18 მაისიდან 16 ივნისამდე.

კურსის დონე: A2

პროგრამა მოიცავს: ლექციებს, ექსკურსიებს, კულტურულ ღონისძიებებსა და ინტერაქციულ აქტივობებს.

კურსის თარიღები: 2026 წლის 18 მაისი – 16 ივნისი.

რეგისტრაციის ბოლო ვადა: 2026 წლის 16 მარტი.

საკონტაქტო პირი განაცხადებისა და დოკუმენტების წარდგენასთან დაკავშირებით:
ლიანა პეტრონიტე (Liana Petronytė) – [email protected]

დაწვრილებითი ინფორმაცია იხილეთ ბმულზე:

Mykolas Romeris University (MRU) is organising an intensive summer course in Lithuanian language and culture from 18 May 2026 to 16 June 2026. We invite foreign citizens (students, professors, and researchers) to learn the Lithuanian language and deepen their knowledge of Lithuanian culture, history...

27/02/2026

Erasmus+-ის ეროვნული ოფისის მიერ ორგანიზებული ვებინარები

Erasmus+-ის ეროვნული ოფისი საქართველოში მარტის თვეში გეგმავს ვებინარების ჩატარებას. კერძოდ, 6 და 16 მარტს, ეროვნული ოფისი უმასპინძლებს ონლაინ შეხვედრებს Erasmus+ პროგრამასთან დაკავშირებულ მნიშვნელოვან საკითხებზე.

თუ ხართ დაინტერესებული Erasmus+ პროგრამით და გსურთ ჩაერთოთ მასში, ოფისის მიერ ორგანიზებული ვებინარები უპასუხებს ყველა მნიშვნელოვან საკითხს, რომელთა ცოდნაც საჭიროა პროგრამაში განაცხადის შესატანად.

ვებინარები განკუთვნილია Erasmus+ პროგრამის ყველა სექტორისთვის: უმაღლესი განათლება, ახალგაზრდობა, სპორტი, პროფესიული განათლება და ტრეინინგები, სკოლა.

შეხვედრებზე დასწრება განსაკუთრებით საინტერესო იქნება დამწყებთათვის ან ნაკლები გამოცდილების მქონე ინდივიდებისთვის.

I ვებინარი - Erasmus+ პროგრამის ფარგლებში არსებული შესაძლებლობების შესახებ
🗓️ თარიღი: 06.03.2026
🕰️ დრო: 12:00 - 13:00
🔗 სარეგისტრაციო ბმული: https://forms.gle/YFQemtFKXBdhK2sV6

II ვებინარი - Erasmus+-ის პროგრამასთან დაკავშირებული სპეციფიკური მხარდაჭერა დამწყებთათვის
🗓️ თარიღი: 16.03.2026
🕰️ დრო: 11:00 - 11:30
🔗 სარეგისტრაციო ბმული: https://forms.gle/pVHXAYm9mxCZyq6RA

III ვებინარი - Erasmus+ პროგრამის ადმინისტრაციული მოთხოვნები
🗓️ თარიღი: 16.03.2026
🕰️ დრო: 12:00 - 12:30
🔗 სარეგისტრაციო ბმული: https://forms.gle/1EUhwZDRXF591ZaS9

IV ვებინარი - Erasmus+ პროგრამასთან დაკავშირებული რესურსებისა და ტექნიკური მექანიზმების გამოყენება
🗓️ თარიღი: 16.03.2026
🕰️ დრო: 12:45 - 13:15
🔗 სარეგისტრაციო ბმული: https://forms.gle/xS3KYqBLyvZ5zLFn7

V ვებინარი - როგორ მოვძებნოთ პარტნიორები Erasmus+ პროგრამაში
🗓️ თარიღი: 16.03.2026
🕰️ დრო: 13:45 - 14:15
🔗 სარეგისტრაციო ბმული: https://forms.gle/BZQcuPKQq5N5v5EE6

GEO 📅 თარიღი: 16 მარტი, 2026 💻 ფორმატი: ონლაინ (Google Meet პლატფორმა) ⏰ დრო: 13:45 – 14:15 🔗 მნიშვნელოვანი ინფორმაცია: ონლაინ შეხვედრის .....

19/02/2026

მარია კიური-სკლოდოვსკას პოსტსადოქტორო სტიპენდიების (Marie Skłodowska-Curie Actions) შესაძლებლობები ლიონის სხვადასხვა უნივერსიტეტსა და კვლევით დაწესებულებაში.

დეტალური ინფორმაციისთვის ეწვიეთ:

19/02/2026

საერთაშორისო სიმპოზიუმი "French cultural heritage in the Francophone space: memory, identity and heritage preservation"

სიმპოზიუმი გაიმართება 2026 წლის 23 აპრილს.

აბსტრაქტის წარდგენის ბოლო ვადა: 2026 წლის 28 თებერვალი
რეგისტრაციის საფასური: 50 ევრო (30 ევრო დოქტორანტებისთვის)
დეტალური ინფორმაციისთვის იხილეთ ბმული:

Le colloque international « Héritage culturel français dans l’espace francophone : mémoire, identité et patrimonialisation », organisé par la Chaire Senghor de l’Université de l’Ouest de Timișoara, en partenariat avec la Chaire Senghor de l’Université Jean Moulin Lyon 3 se tiendra ...

11/02/2026

ლატვიის სახელმწიფო სასწავლო სტიპენდიები

2026/2027 აკადემიური სასწავლო წლისთვის დაიწყო განცხადებების მიღება ლატვიის სახელმწიფო სასწავლო სტიპენდიების მოსაპოვებლად.

სასტიპენდიო პროგრამა ითვალისწინებს:

უმაღლესი საგანმანათლებლო დაწესებულებების სტუდენტებისა და აკადემიური პერსონალისთვის ლატვიის უნივერსიტეტებში 2026/2027 აკადემიური წლისათვის სწავლის დაფინანსებას;
ლატვიის უნივერსიტეტების მიერ ორგანიზებულ საზაფხულო სკოლებში მონაწილეობის დაფინანსებას.
ყოველთვიური სტიპენდიის ოდენობა და ხანგრძლივობა:

ბაკალავრებისთვის - 500 ევრო, ხანგრძლივობა - 10 თვე;
მაგისტრებისთვის 600 ევრო, ხანგრძლივობა - 10 თვე;
დოქტორანტებისთვის 700 ევრო, ხანგრძლივობა - 11 თვე.
სასტიპენდიო პროგრამის შესახებ დეტალური ინფორმაცია ვებგვერდებზე https://www.viaa.gov.lv/en/latvian-state-scholarships და https://studyinlatvia.lv/scholarships


განაცხადები მიიღება 2026 წლის 1 თებერვლიდან 2026 წლის 1 აპრილის ჩათვლით პლატფოტრმაზე https://scholarships.viaa.gov.lv/en/login

ლატვიის უნივერსიტეტებში სწავლის, ხელმისაწვდომი სასწავლო პროგრამებისა და სხვა პრაქტიკული ინფორმაციის შესახებ დეტალები ხელმისაწვდომია დანართის სახით და ვებგვერდზე www.studyinlatvia.lv

Citizens of 39 eligible countries are welcome to apply for Latvian State scholarship for studies in Latvian higher education institutions.

11/02/2026

„სასტიპენდიო პროგრამა ჩეხეთში 2026-2027

გამოცხადდა განცხადებების მიღება ჩეხეთის რესპუბლიკის სასტიპენდიო პროგრამაზე 2026-2027 აკადემიური წლისთვის.


პროგრამა ყოველწლიურად ხორციელდება საქართველოს განათლებისა და მეცნიერების სამინისტროსა და ჩეხეთის რესპუბლიკის განათლების, მეცნიერების, ახალგაზრდობისა და სპორტის სამინისტროს შორის განათლებისა და მეცნიერების სფეროში თანამშრომლობის შესახებ 2017 წელს გაფორმებული შეთანხმების საფუძველზე.

2026-2027 აკადემიური წლისთვის ჩეხეთის სასტიპენდიო პროგრამაში მონაწილეობის მისაღებად, კანდიდატმა უნდა წარმოადგინოს პროგრამის შესაბამისად მოთხოვნილი დოკუმენტაცია (შედგენილი ინგლისურ ენაზე ან ოფიციალურად თარგმნილი დედანთან ერთად) ელ. ფოსტაზე - [email protected]

სასწავლო და კვლევითი ვიზტების დაფინანსების მიზნით წარმოსადგენი დოკუმენტაცია

ა) საბაკალავრო და სამაგისტრო საფეხურის სტუდენტებისთვის:

1. რეზიუმე/CV;
2. სამოტივაციო წერილი;
3. უმაღლესი საგანმანათლებლო დაწესებულების მიერ გაცემული დიპლომი და დიპლომის დანართი, ხოლო აქტიური სტუდენტური სტატუსის მქონდე კონკურსანტებმა უნდა წარმოადგინონ აქტიური სტუდენტური სტატუსის შესახებ ოფიციალური ცნობა და ნიშნების ფურცელი (დოკუმენტი წარმოდგენილი უნდა იყოს ინგლისურ ენაზე, თარგმანი - დამოწმებული სანოტარო წესით).
4. ერთი სარეკომენდაციო წერილი საქართველოს უმაღლესი საგანმანათლებლო დაწესებულებიდან (გაცემული ბოლო ექვსი თვის განმავლობაში).
5. ჩეხური ენის ცოდნის დამადასტურებელი სერტიფიკატის ასლი (ან სხვა ენის, რომელიც მისაღებია მასპინძელი დაწესებულებისთვის, სასურველია ინგლისური);
შენიშვნა 1. ჩეხური ენის ცოდნა CEFR-ის B2 დონეზე არის დაშვების წინაპირობა მრავალ აკადემიურ მიმართულებაზე, თუ სხვა რამ არ არის განსაზღვრული. ჩეხური ენის ცოდნა CEFR-ის C1 (C2) დონეზე შესაძლოა მოთხოვნილი იყოს ზოგიერთი სახელოვნებო აკადემიის პროგრამისთვის; დამატებითი ინფორმაციისთვის გთხოვთ დაუკავშირდეთ შერჩეულ უნივერსიტეტს/აკადემიას.
შენიშვნა 2. მიიღება TOEFL, IELTS, CPE ან ინგლისური ენის ცოდნის დამადასტურებელი სხვა ფართოდ აღიარებული სერტიფიკატები. თუ კანდიდატი არ ფლობს არცერთ სერტიფიკატს, მაშინ ასევე მისაღები იქნება ხელმოწერილი წერილი საქართველოს უნივერსიტეტის ინგლისური ენის პროფესორისგან, რომლითაც დადასტურდება კონკურსანტის ენის ფლობის დონე.
6. პასპორტის ასლი;
7. ჩეხეთის რესპუბლიკის უმაღლეს სასწავლო დაწესებულებაში მიღების შესახებ ოფიციალური დოკუმენტი/მოწვევის წერილი (არსებობის შემთხვევაში).

ბ) სადოქტორო საფეხურის სტუდენტებისთვის სასწავლებლად/კვლევითი საქმიანობისთვის:

1. რეზიუმე/CV და სამეცნიერო პუბლიკაციების ჩამონათვალი;
2. სამოტივაციო წერილი და კვლევის გეგმა ჩეხეთის რესპუბლიკაში კვლევითი სამუშაოსთვის (მაქს. 3 გვერდი);
3. მაგისტრის დიპლომის (მათ შორის ნიშნების ფურცელი) ან დოქტორის დიპლომის (ასეთის არსებობის შემთხვევაში) ნოტარიულად დამოწმებული ასლები;
4. ერთი სარეკომენდაციო წერილი საქართველოს უმაღლესი საგანმანათლებლო დაწესებულებიდან (გაცემული ბოლო ექვსი თვის განმავლობაში).
5. ჩეხეთის რესპუბლიკის მასპინძელი უმაღლესი სასწავლო დაწესებულებიდან მიღების შესახებ ოფიციალური ცნობა/მოწვევის წერილი; წერილი უნდა შეიცავდეს ინფორმაციას კვლევისთვის შერჩეული სფეროს შესახებ.
6. პასპორტის ასლი.

განაცხადების მიღება წარმოებს 2026 წლის 26 თებერვლის 17:00 საათამდე ელ. ფოსტაზე [email protected]

02/02/2026

ჩინეთის სახალხო რესპუბლიკის მთავრობის სტიპენდიები „Youth of Excellence Scheme of China program” 2026-2027

ჩინეთის სახალხო რესპუბლიკის მთავრობის სასტიპენდიო „Youth of Excellence Scheme of China program” პროგრამა განკუთვნილია უცხო ქვეყნის მოქალაქეებისთვის და ითვალისწინებს ჩინეთში ინგლისურენოვან სამაგისტრო პროგრამებზე სწავლის სრულ დაფინანსებას.
სწავლის ხანგრძლივობა, ძირითადად, 12 თვეს შეადგენს, ხოლო გარკვეული პროგრამები ითვალისწინებს „1+1“ მოდელს, რომელიც აერთიანებს ჩინეთში სწავლას და პროფესიულ საქმიანობას კანდიდატის სამშობლოში.

პროგრამა ითვალისწინებს სრულ სტიპენდიას, რაც გულისხმობს სწავლის საფასურისა და სწავლის პერიოდში ცხოვრებასთან დაკავშირებული ხარჯების დაფინანსებას.

განაცხადების მიღება წარმოებს ელექტრონულად ჩინეთის მთავრობის სტიპენდიების სისტემის (Chinese Government Scholarship System) მეშვეობით 2026 წლის 31 მარტის 23:59 საათამდე (GMT+8).

02/02/2026

ბრუნეი-დარუსალამის მთავრობის სტიპენდია უცხოელი სტუდენტებისთვის

სტიპენდიები აპლიკანტებს აძლევს შესაძლებლობას ისწავლონ ხუთ სხვადასხვა უნივერსიტეტში როგორც საბაკალავრო, ასევე სამაგისტრო საგანმანათლებლო პროგრამებზე: ბრუნეი დარუსალამის უნივერსიტეტი (UBD), ისლამ სულთან შარიფ ალის უნივერსიტეტი (UNISSA), ბრუნეის ტექნოლოგიური უნივერსიტეტი (UTB), რელიგიურ მასწავლებელთა უნივერსიტეტის კოლეჯი (KUPU SB) და ბრუნეის პოლიტექნიკური უნივერსიტეტი (PB).

კონკურსში მონაწილეების განაცხადების წარდგენის საბოლოო ვადაა 2026 წლის 15 თებერვალი. დეტალური ინფორმაცია იხილეთ ბმულზე:

The Ministry of Foreign Affairs was formally established upon the resumption of Brunei Darussalam's full independence on 1 January 1984. His Royal Highness Prince Mohamed Bolkiah was appointed as the Minister of Foreign Affairs of Brunei Darussalam.