ბათუმის სახელმწიფო საზღვაო აკადემიის - მეზღვაურთა სასწავლო, საწვრთნელი და სერტიფიცირების ცენტრი, მეზღვაურებს და საზღვაო ფლოტის სპეციალისტებს თავაზობს კვალიფიკაციის დონის ამაღლებას თანამედროვე სტანდატების შესაბამისი სასწავლო აღჭურვილობით.
ტრენინგ ცენტრი, გემის მეთაურის, რიგითი და დამხმარე შემადგენლობების თანამდებობების, აგრეთვე ნაპირზე დასაქმებული საზღვაო სფეროს სპეციალისტებისთვის მაღალკვალიფიციუ
რი მასწავლებლებით, ინსტრუქტორებით, ზედამხედველებითა და შემფასებლებით, სასწავლო აღჭურვილობით და ლიტერატურით, მართვის საინფორმაციო სისტემებით და საუკეთესო ტრენაჟერულ-სიმულაციური ტექნოლოგიებით, უზრუნველყოფს სასწავლო-საწვრთნელი პროცესის გამართულ ფუნქციონირებას.
ცენტრს ასევე გააჩნია საწვრთნელი აუზი, რომელიც აკადემიის სტუდენტებსა და მოქმედ მეზღვაურებს საშუალებას აძლევს, გაიარონ სავალდებულო პრაქტიკული წვრთნები საერთაშორისო საზღვაო ორგანიზაციის (IMO) მიერ შემუშავებული სტანდარტების შესაბამისად. აუზი სხვა ფუნქციებთან ერთად, აღჭურვილია ამინდის მოდელირების შესაძლებლობით. კურსანტები წვრთნებს უმაღლეს დონეზე, რეალურთან მიახლოებულ პირობებში გაივლიან, მაგალითად: შტორმის დროს სამაშველო კანჯოთი და ტივტივათი მანევრირება, გემიდან წყალში ჩავარდნილი ადამიანის გადარჩენა და სხვა.
საწვრთნელ ცენტრში მოქმედებს სხვადასხვა ფასდაკლებები ბათუმის სახელმწიფო საზღვაო აკადემიის კურსანტებისთვის და კურსდამთავრებულებისთვის, ასევე ბევრი საინტერესო სიახლე და ექსკლუზივი. მეტი ინფორმაციისთვის თვალი ადევნეთ ჩვენს გვერდს.
