ქუთაისის საერთაშორისო უნივერსიტეტი / Kutaisi International University

  • Home
  • Georgia
  • Kutaisi
  • ქუთაისის საერთაშორისო უნივერსიტეტი / Kutaisi International University

ქუთაისის საერთაშორისო უნივერსიტეტი / Kutaisi International University Tertiary education

🌐ქუთაისის საერთაშორისო უნივერსიტეტი (KIU) გიწვევთ სამაგისტრო პროგრამის -„ფინანსები და ინფორმაციის მენეჯმენტი (FIM)" ონლა...
26/06/2026

🌐ქუთაისის საერთაშორისო უნივერსიტეტი (KIU) გიწვევთ სამაგისტრო პროგრამის -„ფინანსები და ინფორმაციის მენეჯმენტი (FIM)" ონლაინ ღია კარის დღეზე.

🚀 პროგრამა მიუნხენის ტექნიკურ უნივერსიტეტთან (TUM) თანამშრომლობით შეიქმნა, ის ერთადერთია რეგიონში და შეთავაზებულია მხოლოდ ქუთაისის საერთაშორისო უნივერსიტეტის მიერ.

📅6 ივლისი
🕛 12:00 საათი
💻 ონლაინ
🗣️ სამუშაო ენა: ინგლისური

👨‍🏫ღია კარის დღის სპიკერი: KIU-ს FIM პროგრამის ავტორი, მიუნხენის ტექნიკური უნივერსიტეტის (TUM) მათემატიკური ფინანსების კათედრის ხელმძღვანელი, ქუთაისის საერთაშორისო უნივერსიტეტის პროფესორი რუდი ზაგსტი.

📍პროგრამის უპირატესობებია:

✅ ინოვაციური კურიკულუმი - შემუშავებულია მიუნხენის ტექნიკურ უნივერსიტეტთან თანამშრომლობით;

✅დარგის ექსპერტების ჩართულობით ინტერდისციპლინური სწავლება;

✅საერთაშორისო კავშირები და კარიერული შესაძლებლობები როგორც საქართველოში, ისე საზღვარგარეთ;

✅ულტრათანამედროვე კამპუსი - სტუდენტების ინტერესებზე მორგებული სასწავლო ინფრასტრუქტურა.

⌛ღია კარის დღეზე რეგისტრაცია შესაძლებელია 5 ივლისის 17:00 საათამდე:
https://forms.cloud.microsoft/e/P5ZaEq4aL9

🔹შემოგვიერთდით 6 ივლისს (12:00 საათზე) ონლაინ:
https://teams.microsoft.com/meet/48537581494084?p=mHX3hzNOitWbjYYtep

👉ვრცლად პროგრამის შესახებ: https://www.kiu.edu.ge/?m=370

❗️2026-2027 აკადემიური წლიდან, KIU-ს სამაგისტრო საფეხურის ყველა პირველკურსელის სწავლას აფინანსებს სახელმწიფო!



📍KIU - ადგილი, სადაც ცოდნა ქმნის მომავალს!

📌 KIU-ს აფინანსებს საერთაშორისო-საქველმოქმედო ფონდი „ქართუ".

🚀ქუთაისის საერთაშორისო უნივერსიტეტის (KIU) სტუდენტების მიერ შექმნილმა, აგრო ტექნოლოგიურმა სტარტაპმა - „ტერაგარდი“(TerraG...
25/06/2026

🚀ქუთაისის საერთაშორისო უნივერსიტეტის (KIU) სტუდენტების მიერ შექმნილმა, აგრო ტექნოლოგიურმა სტარტაპმა - „ტერაგარდი“(TerraGuard), საქართველოს ინოვაციების და ტექნოლოგიების სააგენტოს (GITA) 150 000 ლარიანი გრანტი მოიპოვა. ათასზე მეტ სტარტაპს შორის, „ტერაგარდი“ ოფიციალურად შეირჩა Startupbootcamp Georgia-ს ბაზრის ათვისების (Market Entry) პროგრამიდან.

🍇ახალგაზრდა ქართველი ინოვატორების მიერ შექმნილი „ტერაგარდი“ მიზნად ისახავს ვენახებში დაავადებებისა და რისკების ადრეულ აღმოჩენას, მევენახეებისთვის საჭირო გადაწყვეტილებების მიღებაში დახმარებას და ვენახის მართვის გაუმჯობესებას.

👉“ტერაგარდის” ავტორები არიან KIU-ს სტუდენტები: ოთარ ხუნაშვილი, დაჩი ხელაშვილი, გოგა ჯინჭარაძე, ანდრია ბერიძე, პეტრე ხარაზაშვილი.

🚀სტარტაპელების ეს წარმატება კიდევ ერთხელ ადასტურებს, რომ ქუთაისის საერთაშორისო უნივერსიტეტი, პრაქტიკული და თეორიული ცოდნის გაერთიანებით, ფოკუსირებულია STEM განათლებაზე და ზრდის ახალგაზრდა ინოვაციურ ლიდერებს. KIU-ს და მის სტუდენტებს მნიშვნელოვანი ადგილი უჭირავთ საქართველოს ტექნოლოგიური სტარტაპების ეკოსისტემის განვითარებაში.

! აირჩიე #197!



📍KIU - ადგილი, სადაც ცოდნა ქმნის მომავალს!

📌 KIU-ს აფინანსებს საერთაშორისო-საქველმოქმედო ფონდი „ქართუ“.

✅ქუთაისის საერთაშორისო უნივერსიტეტი (KIU) მასწავლებლებისთვის STEAM ბანაკს მასპინძლობს. ბანაკი საქართველოს განათლების, მე...
22/06/2026

✅ქუთაისის საერთაშორისო უნივერსიტეტი (KIU) მასწავლებლებისთვის STEAM ბანაკს მასპინძლობს. ბანაკი საქართველოს განათლების, მეცნიერებისა და ახალგაზრდობის მინისტრის პირველმა მოადგილე ლევან ღირსიაშვილმა გახსნა.

🔹სამინისტროს ინიციატივით, პროექტი უკვე მესამე წელია ხორციელდება და მიზნად ისახავს საჯარო სკოლებში საბუნებისმეტყველო, ტექნოლოგიური და შემოქმედებითი მიმართულებების გაძლიერებას.

💫STEAM ბანაკის გახსნის ღონისძიებაში მონაწილეობდნენ ქუთაისის საერთაშორისო უნივერსიტეტის კანცლერი ლევან კოპალიანი და ქალაქ ქუთაისის მერი დავით ერემეიშვილი.

✨ბანაკის ფარგლებში განსაკუთრებული ყურადღება დაეთმობა STEAM მიმართულებით სასწავლო დავალებების შემუშავებასა და საბუნებისმეტყველო მეცნიერებების, ტექნოლოგიების, ინჟინერიის, ხელოვნებისა (Art) და მათემატიკის ინტეგრირებული სწავლების ხელშეწყობას. ბანაკის პრაქტიკული აქტივობების საშუალებით, პედაგოგები განივითარებენ პროექტებზე დაფუძნებული სწავლებისა და ინოვაციური სასწავლო გარემოს ორგანიზებისთვის საჭირო კომპეტენციებს.

📚ბანაკის დასრულების შემდეგ მონაწილეები საკუთარ სკოლებში STEAM კლუბებს დააფუძნებენ, რომლებიც პრაქტიკული პროექტების განხორციელებაზე იქნება ორიენტირებული. STEAM ბანაკს ქუთაისის საერთაშორისო უნივერსიტეტი 22 ივნისიდან 26 ივნისის ჩათვლით უმასპინძლებს.

✨ ! !

🚀 KIU-ადგილი, სადაც ცოდნა ქმნის მომავალს!

📍 KIU-ს აფინანსებს საერთაშორისო საქველმოქმედო ფონდი "ქართუ".

20/06/2026

🔹 ქუთაისის საერთაშორისო უნივერსიტეტსა (KIU) და საქართველოს პროკურატურას შორის თანამშრომლობა დაიწყო

🤝ქუთაისის საერთაშორისო უნივერსიტეტსა (KIU) და საქართველოს პროკურატურას შორის თანამშრომლობის მემორანდუმი გაფორმდა. დოკუმე...
19/06/2026

🤝ქუთაისის საერთაშორისო უნივერსიტეტსა (KIU) და საქართველოს პროკურატურას შორის თანამშრომლობის მემორანდუმი გაფორმდა. დოკუმენტს ხელი მოაწერეს KIU-ს აღმასრულებელმა დირექტორმა/რექტორმა ვახტანგ ცაგარელმა და საქართველოს გენერალურმა პროკურორმა გიორგი გვარაკიძემ.

🔹შეთანხმება ითვალისწინებს სტუდენტთა სტაჟირებისა და პრაქტიკული ცოდნის მიღების შესაძლებლობას, საერთო ინტერესების სფეროში შემავალი საკითხების შესახებ კვლევასა და სასწავლო-საგანმანათლებლო პროექტების განხორციელებას.

🔹ღონისძიებას KIU-ს კანცლერი ლევან კოპალიანი, საქართველოს პროკურატურისა და უნივერსიტეტის წარმომადგენლები ესწრებოდნენ.

🔹მემორანდუმის ხელმოწერის შემდეგ ქუთაისის საერთაშორისო უნივერსიტეტის სამართლის სკოლის სტუდენტებისთვის საჯარო ლექცია ჩატარდა, რომელიც მისასალმებელი სიტყვებით გახსნეს KIU-ს აღმასრულებელმა დირექტორმა/რექტორმა ვახტანგ ცაგარელმა და საქართველოს გენერალურმა პროკურორმა გიორგი გვარაკიძემ. ვიზიტისას სტუმრებმა ასევე დაათვალიერეს ულტრათანამედროვე კამპუსი.

👉ინფორმაცია ვრცლად: https://www.kiu.edu.ge/index.php?m=205&news_id=676&lng=geo

📣 ! !



✨KIU-ადგილი, სადაც ცოდნა ქმნის მომავალს!

📍KIU-ს აფინანსებს საერთაშორისო საქველმოქმედო ფონდი "ქართუ".

✅ქუთაისის საერთაშორისო უნივერსიტეტის აღმასრულებელმა დირექტორმა/რექტორმა ვახტანგ ცაგარელმა რექტორთა საბჭოს სხდომაში მიიღო...
18/06/2026

✅ქუთაისის საერთაშორისო უნივერსიტეტის აღმასრულებელმა დირექტორმა/რექტორმა ვახტანგ ცაგარელმა რექტორთა საბჭოს სხდომაში მიიღო მონაწილეობა, რომელსაც განათლების, მეცნიერებისა და ახალგაზრდობის მინისტრი გივი მიქანაძე ხელმძღვანელობდა.

🔹შეხვედრაზე საქართველოს სახელმწიფო და კერძო უნივერსიტეტების რექტორებმა უმაღლესი განათლების დაფინანსების ახალი მოდელის დადგენილების პროექტი განიხილეს.

18/06/2026

🚀 KIU ფილდსის მათემატიკურ მეცნიერებათა კვლევითი ინსტიტუტის აფილირებული წევრი გახდა

🌐ქუთაისის საერთაშორისო უნივერსიტეტმა (KIU), მსოფლიოს ერთ-ერთ წამყვან, კანადაში დაფუძნებულ ფილდსის მათემატიკურ მეცნიერება...
17/06/2026

🌐ქუთაისის საერთაშორისო უნივერსიტეტმა (KIU), მსოფლიოს ერთ-ერთ წამყვან, კანადაში დაფუძნებულ ფილდსის მათემატიკურ მეცნიერებათა კვლევით ინსტიტუტთან (Fields Institute for Research in Mathematical Sciences) თანამშრომლობის ხელშეკრულება გააფორმა, რომლის საფუძველზე KIU-მ აღნიშნული კვლევითი ცენტრის აფილირებული უნივერსიტეტის სტატუსი მიიღო.

🔹პარტნიორობა KIU-ს შესაძლებლობას აძლევს, კიდევ უფრო გააფართოოს თანამშრომლობა საერთაშორისო სამეცნიერო და საგანმანათლებლო სივრცესთან, ჩაერთოს ერთობლივ კვლევით ინიციატივებში და საკუთარი წვლილი შეიტანოს ზუსტი მეცნიერებების განვითარებაში.

🔹 აფილირებული უნივერსიტეტის სტატუსი განსაკუთრებულად მნიშვნელოვანია KIU-ს ბაზაზე ახლად დაფუძნებული, გიორგი ნიკოლაძის სახელობის სამეცნიერო-კვლევითი ცენტრისთვის.

✅ქუთაისის საერთაშორისო უნივერსიტეტი განაგრძობს საერთაშორისო პარტნიორული ქსელის გაფართოებას და მსოფლიოს წამყვან საგანმანათლებლო-კვლევით ინსტიტუტებთან თანამშრომლობის გაღრმავებას, რაც ემსახურება უნივერსიტეტის მნიშვნელოვან მისიას, ხელი შეუწყოს საქართველოში საერთაშორისო სტანდარტების განათლების, მეცნიერების, კვლევისა და ინოვაციების განვითარებას.

👉 ინფორმაცია ვრცლად: https://www.kiu.edu.ge/index.php?m=205&news_id=674&lng=geo

✨ ! !



🚀 KIU-ადგილი, სადაც ცოდნა ქმნის მომავალს!

📍 KIU-ს აფინანსებს საერთაშორისო საქველმოქმედო ფონდი "ქართუ".

🌐ქუთაისის საერთაშორისო უნივერსიტეტში (KIU) ახალგაზრდული პროექტი „გაეროს მოდელირება“ გაიმართა. მასში იმერეთის რეგიონიდან ...
15/06/2026

🌐ქუთაისის საერთაშორისო უნივერსიტეტში (KIU) ახალგაზრდული პროექტი „გაეროს მოდელირება“ გაიმართა. მასში იმერეთის რეგიონიდან 14–18 წლის მოსწავლეები მონაწილეობდნენ.

🔹პროექტი მიზნად ისახავდა ახალგაზრდებში გაერთიანებული ერების ორგანიზაციის საქმიანობის, საერთაშორისო ურთიერთობებისა და გლობალური გამოწვევების შესახებ ცნობიერების ამაღლებას. ღონისძიება მისასალმებელი სიტყვით გახსნა ქუთაისის საერთაშორისო უნივერსიტეტის კანცლერმა ლევან კოპალიანმა.

🔹შეხვედრის მონაწილეებს სიტყვით მიმართეს ქუთაისის დელეგატმა საქართველოს პარლამენტში ზაზა ლომინაძემ, ქუთაისის მერმა დავით ერემეიშვილმა, თერჯოლის მერმა მანუჩარ რობაქიძემ და სამტრედიის მერმა დავით ბახტაძემ.

🔹 პროექტი წარმოადგენს საგანმანათლებლო და სიმულაციურ პლატფორმას, რომლის ფარგლებში მონაწილეებმა მოირგეს სხვადასხვა ქვეყნის დიპლომატების როლები, იმუშავეს თემატურ კომიტეტებში და გენერალურ ასამბლეაში, იმსჯელეს აქტუალურ გლობალურ საკითხებზე და შეიმუშავეს რეზოლუციის პროექტები.

🔹„გაეროს მოდელირება“ ქუთაისის მერიის მხარდაჭერითა და სსიპ “ახალგაზრდობის სააგენტოს” ინიციატივით ხორციელდება.

✨ ! !

🚀 KIU-ადგილი, სადაც ცოდნა ქმნის მომავალს!

📍 KIU-ს აფინანსებს საერთაშორისო საქველმოქმედო ფონდი "ქართუ".

🔹14 ივნისი შეზღუდული შესაძლებლობის მქონე პირთა უფლებების დაცვის დღეა. ამ თარიღთან დაკავშირებით, ქუთაისის საერთაშორისო უნ...
14/06/2026

🔹14 ივნისი შეზღუდული შესაძლებლობის მქონე პირთა უფლებების დაცვის დღეა. ამ თარიღთან დაკავშირებით, ქუთაისის საერთაშორისო უნივერსიტეტს (KIU) საქართველოს იუსტიციის სამინისტროს წარმომადგენლები ესტუმრნენ და KIU-სტუდენტებისთვის საჯარო ლექცია ჩაატარეს.

🔹ღონისძიება ქუთაისის საერთაშორისო უნივერსიტეტის აღმასრულებელმა დირექტორმა/რექტორმა ვახტანგ ცაგარელმა და იუსტიციის მინისტრის მოადგილე მერაბ ტურავამ გახსნეს. საჯარო ლექციას უძღვებოდა იუსტიციის სამინისტროს წარმომადგენელი მარიკო კობახიძე. შეხვედრა მიზნად ისახავდა შშმ პირთა უფლებების შესახებ საზოგადოების ცნობიერების ამაღლებას, საჯარო სერვისებისა და იმ პოლიტიკის გაცნობას, რომელსაც სახელმწიფო ახორციელებს.

🔹ქუთაისის საერთაშორისო უნივერსიტეტის ულტრათანამედროვე ინფრასტრუქტურა - საგანმანათლებლო და საცხოვრებელი სივრცეები, სრულად ადაპტირებულია შშმ პირების საჭიროებებზე. კამპუსი ითვალისწინებს ხელმისაწვდომობას, რომელიც ხელს უწყობს სასწავლო პროცესში სრულფასოვან მონაწილეობას.

👉ინფორმაცია ვრცლად: https://www.kiu.edu.ge/index.php?m=205&news_id=673&lng=geo

📣 ! !



✨KIU-ადგილი, სადაც ცოდნა ქმნის მომავალს!

📍KIU-ს აფინანსებს საერთაშორისო საქველმოქმედო ფონდი "ქართუ".

Address

Kutaisi/Youth Avenue 5th Lane
Kutaisi
4600

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Website

,

Alerts

Be the first to know and let us send you an email when ქუთაისის საერთაშორისო უნივერსიტეტი / Kutaisi International University posts news and promotions. Your email address will not be used for any other purpose, and you can unsubscribe at any time.

Contact The University

Send a message to ქუთაისის საერთაშორისო უნივერსიტეტი / Kutaisi International University:

Shortcuts

Share