თსუ პროფესიული განათლების ცენტრი • TSU Centre of Vocational Education

15/07/2026

🩺 თეორიიდან კლინიკურ პრაქტიკამდე: თსუ პროფესიულმა სტუდენტებმა გაგუას კლინიკაში მნიშვნელოვანი პრაქტიკული სწავლება გაიარეს!

💉სამედიცინო სფეროში პროფესიული ზრდა სწორედ რეალურ გარემოში მიღებული გამოცდილებით იწყება. თსუ პროფესიული განათლების ცენტრის სტუდენტებმა მოდულის „პედიატრია და მოზარდები“ ფარგლებში, კლინიკური პრაქტიკის ეტაპი გაგუას კლინიკაში წარმატებით დაასრულეს.

👩‍⚕️ეს პროცესი სტუდენტებისთვის საუკეთესო გამოცდილება იყო. პროფესიული მასწავლებლების თინათინ ასათიანის და თამარ ხუჭუას მეთვალყურეობითა და სპეციალური მულაჟების დახმარებით, მათ პრაქტიკულად განახორციელეს ყველა ის სამედიცინო მანიპულაცია, რომელიც მომავალ საქმიანობაში დასჭირდებათ.

გაგუას კლინიკა • Gagua Clinic

#თსუ
#პროფესიულიგანათლება
#თსუპროფესიულიგანათლებისცენტრი
#პედიატრია #მოზარდები

10/07/2026

🔵”ვალგამას პროფესიული მომზადების ცენტრის 🇪🇪 (ესტონეთი) გამოცდილებამ საქართველოში საერთაშორისო აუდიტორია მოიცვა! ცენტრის ლოგისტიკის გამოცდილება წარმოდგენილი იყო საქართველოში გამართულ საერთაშორისო კონფერენციაზე პრეზენტაციით: „სიმულაციები, პროფესიული უნარების შეჯიბრებები და ციფრული გადაწყვეტილებები ლოგისტიკის პროფესიულ განათლებაში“.

👉ასე ეხმაურება ვალგამას პროფესიული მომზადების ცენტრი თსუ პროფესიული განათლების მესამე საერთაშორისო კონფერენციას, რომელზეც მოხსენება რანერტ ლინდტმა წარმოადგინა.

🚢🚚ესტონელმა პროფესიულმა მასწავლებელმა ისაუბრა ლოგისტიკის სწავლების პრაქტიკულ ამოცანებზე და იმ გამოცდილების შესახებ, თუ როგორ ეხმარება სიმულაციები, შეჯიბრება უნარებში, ციფრული გადაწყვეტილებები და კომპანიებთან თანამშრომლობა პროფესიული სწავლების რეალურ ცხოვრებასთან დაახლოებასა და სტუდენტების უნარების განვითარებას.

#თსუ

#ინტერნაციონალიზაცია
#პროფესიულიგანათლება
#თსუპროფესიულიგანათლებისცენტრი

08/07/2026

#თსუ
#პროფესიულიგანათლება
#ინტერნაციონალიზაცია
#თსუპროფესიულიგანათლებისცენტრი

06/07/2026

🟦პროფესიული განათლების III საერთაშორისო კონფერენცია „პროფესიული განათლების ტრანსფორმაცია გლობალურ ეპოქაში: ინოვაცია, უნარები და პარტნიორობა“ წარმატებით დასრულდა და იწყება სამზადისი უკვე IV საერთაშორისო კონფერენციისთვის!

🟨კონფერენციის მონაწილეებს სერტიფიკატები თსუ რექტორის მოადგილემ კახაბერ ჭეიშვილმა, პროფესიული განათლების ცენტრის ხელმძღვანელმა ლევან წიქარიძემ და ცენტრის ხელმძღვანელის მოადგილემ იმეზა ვაწაძემ გადასცეს.

🟩საინტერესო მოხსენებების და დისკუსიის შემდეგ კონფერენციის მონაწილეები კახეთს ესტუმრნენ. ექსკურსიის ფარგლებში ისინი ეწვივნენ ქართული ხუროთმოძღვრების ძეგლს - გრემის კომპლექსს. ექსკურსია სოფელ გრემში სოციალურ საწარმოში ,,თემი“ საქველმოქმედო ვიზიტით დასრულდა.

#თსუ
#პროფესიულიგანათლება
#ინტერნაციონალიზაცია
#თსუპროფესიულიგანათლებისცენტრი

06/07/2026

📣📣პროფესიული განათლების III საერთაშორისო კონფერენცია „პროფესიული განათლების ტრანსფორმაცია გლობალურ ეპოქაში: ინოვაცია, უნარები და პარტნიორობა“ საინტერესო თემებით და მომხსენებლებით!

🔵თბილისის სახელმწიფო უნივერსიტეტის პროფესიული განათლების ცენტრის ორგანიზებით გამართულ კონფერენციაში მონაწილეობა მიიღეს პროფესიულმა სტუდენტებმა და კურსდამთავრებულებმა, პროფესიული მასწავლებლებმა, ადმინისტრაციულმა პერსონალმა სხვადასხვა პროფესიული განათლების სასწავლებლებიდან, ექსპერტებმა ასევე პარტნიორი ორგანიზაციის წარმომადგენლებმა და მომხსენებლებმა ესპანეთიდან, ესტონეთიდან და ბოტსვანას რესპუბლიკიდან.

🌍კონფერენციაზე, რომელიც წარმოადგენს პლატფორმას გამოცდილების გაზიარებისთვის, ინოვაციური მიდგომების განხილვისა და პროფესიული განათლების განვითარების ახალი შესაძლებლობების აღმოჩენისთვის გლობალურ კონტექსტში, იმსჯელეს აქტუალურ თემებზე მრავალი მიმართულებით, მათ შორის პროფესიული განათლების ტრანსფორმაცია და ციფრული უნარების განვითარება, კიბერუსაფრთხოება და მონაცემთა დაცვა, ინკლუზიური და ხელმისაწვდომი განათლება, სამუშაოზე დაფუძნებული სწავლების მოდელები - კეთებით სწავლება, პროფესიული განათლება და შრომის ბაზარი, სტრატეგიული პარტნიორობების განვითარება განათლებასა და ინდუსტრიას შორის ადგილობრივ და საერთაშორისო დონეზე, საერთაშორისო თანამშრომლობის წარმატებული მოდელები და ერთობლივი საგანმანათლებლო პროგრამების განვითარება საერთაშორისო პარტნიორობის საფუძველზე.

#თსუ
#პროფესიულიგანათლება
#ინტერნაციონალიზაცია

03/07/2026

🎓 ივანე ჯავახიშვილის სახელობის თბილისის სახელმწიფო უნივერსიტეტის პროფესიული განათლების ცენტრის ორგანიზებით პროფესიული განათლების III საერთაშორისო კონფერენცია „პროფესიული განათლების ტრანსფორმაცია გლობალურ ეპოქაში: ინოვაცია, უნარები და პარტნიორობა“ გაიმართა,

💬 ღონისძიების მონაწილეებსა და სტუმრებს მისასალმებელი სიტყვით მიმართა თსუ რექტორმა, აკადემიკოსმა ჯაბა სამუშიამ და ისაუბრა პროფესიული განათლების როლზე ქვეყნის ეკონომიკური განვითარებისთვის.

💬 ღონისძიებას ესწრებოდნენ: საქართველოს განათლების, მეცნიერებისა და ახალგაზრდობის მინისტრის მოადგილე ბაია კვიციანი, საქართველოს პარლამენტის, განათლების ხარისხის განვითარების ეროვნული ცენტრის, ახალგაზრდობის სააგენტოს და დედაქალაქის მერიის წარმომადგენლები.

🔹 კონფერენციაში მონაწილეობა მიიღეს თსუ პროფესიული ცენტრის სტუდენტებმა და კურსდამთავრებულებმა, პროფესიულის მასწავლებლებმა, ადმინისტრაციულმა პერსონალმა სხვადასხვა პროფესიული განათლების სასწავლებლებიდან, ასევე პარტნიორი ორგანიზაციის წარმომადგენლებმა სხვადასხვა ქვეყნიდან.

🗓️ თსუ-ში აღნიშნული კონფერენცია 2024 წლიდან ტარდება და მასში მონაწილეობას საქართველოს პროფესიული საგანმანათლებლო დაწესებულებების და პარტნიორი ორგანიზაციების წარმომადგელნები იღებენ. 2026 წლიდან კონფერენცია საერთაშორისო გახდა და პირველად მონაწილეობდნენ უცხოელი პარტნიორები. წელს საქართველოს გარდა კონფერენციაზე წარმოდგენილი იყო მოხსენებები ესპანეთიდან, ესტონეთიდან, ბოტსვანას რესპუბლიკიდან.

#თსუ
#პროფესიულიგანათლება
#ინტერნაციონალიზაცია
#თსუპროფესიულიგანათლებისცენტრი

24/06/2026

💫„მაშინ, როდესაც კომპანია დაფუძნდა, ქვეყანაში აუდიო ინჟინერიაში ცოდნის დეფიციტი იყო. არ არსებობდა არცერთი პროფესიული სასწავლებელი, სადაც ეს საინჟინრო პროფესიები - აუდიო ინჟინერია, განათების ინჟინერია, სცენის კონსტრუქციების ინჟინერია ისწავლებოდა. ამ პრობლემის აღმოსაფხვრელად ჩვენ, მთელი გუნდი წავედით ევროპაში, მივიღეთ ცოდნა, შევიძინეთ პარტნიორები, რომლებიც დავპატიჟეთ საქართველოში. დავიწყეთ უცხოელ არტისტებთან აქტიურად მუშაობა, რაც დღემდე გრძელდება“, - „ჯეოვოისის“ ერთ-ერთი დამფუძნებელი და ტექნიკური დირექტორი კობა მათითაიშვილი კომპანიის 16 წლიან ისტორიაზე და ღონისძიების ინდუსტრიაში საინჟინრო პროფესიების მნიშვნელობაზე 🎙️რადიო „ფორტუნას“ ეთერში საუბრობს.

🎤🎧კომპანია „ჯეოვოისი“, რომელიც მასშტაბურ ღონისძიებებს დღეს უკვე არამარტო საქართველოში, არამედ ქვეყნის ფარგლებს გარეთაც ატარებს, წლებია თსუ პროფესიული განათლების ცენტრის პარტნიორია.

🟦კობა მათითაიშვილი თეორიულ ცოდნასთან ერთად, უდიდეს პრაქტიკულ გამოცდილებას პროფესიული პროგრამის „ღონისძიების ორგანიზება“ (თბილისი) სტუდენტებს უზიარებს.

Radio Fortuna FM 106,9

„ჯეოვოისი“ 2004 წელს დაარსდა.

22/06/2026

🛃თბილისის სახელმწიფო უნივერსიტეტის პროფესიული განათლების ცენტრის სტუდენტები გასვლითი სასწავლო ვიზიტით ფოთს ეწვივნენ, სადაც საბაჟო საქმიანობას, პროცედურებსა და კონტროლის მექანიზმებს რეალურ სამუშაო გარემოში გაეცნენ.

🟠ფოთის გაფორმების ეკონომიკურ ზონაში მებაჟე ოფიცრებმა სტუდენტებს საბაჟო საქმიანობის პრაქტიკული ასპექტები, მიმდინარე პროცედურები და სამუშაო სპეციფიკა რეალურ სამუშაო პროცესში აუხსნეს.

🔵საბაჟო-გამშვებ პუნქტზე „ფოთისა და ყულევის პორტები“ და ფოთის თავისუფალ ინდუსტრიულ ზონაში ვიზიტისას სტუდენტები შეხვდნენ ადმინისტრაციის და იქ მოქმედი კომპანიების წარმომადგენლებს და მათი სამუშაო სპეციფიკას შესახებ დეტალური ინფორმაცია მიიღეს.

🔴პრაქტიკული სწავლების ფარგლებში სტუდენტებმა დაათვალიერეს ავტოსატრანსპორტო საშუალებების სკანირების პუნქტიც, რეალურ სამუშაო გარემოში დააკვირდნენ თუ როგორ ხორციელდება სკანირების პროცედურები, როგორ იყენებენ მებაჟე-ოფიცერები თანამედროვე ტექნოლოგიებს საბაჟო კონტროლის პროცესში.

#გახდიპროფესიონალი
#თსუპროფესიულიგანათლებისცენტრი
#თსუ
#პროფესიულიგანათლება
#საბაჟოსაქმე

18/06/2026

📣თბილისის სახელმწიფო უნივერსიტეტისა და ესტონეთის ვალგამას პროფესიული განათლების ცენტრები სტუდენტური პრაქტიკების ორგანიზებას ლოგისტიკის მიმართულებით ერთობლივად განახორციელებენ.

🟦ამის შესახებ შეთანხმებას თსუ და ვალგამას პროფესიული განათლების ცენტრების ხელმძღვანელების ლევან წიქარიძის და მარგუს ოჯაოცის შეხვედრაზე მიაღწიეს. მხარეები ასევე შეთანხმდნენ ერთობლივი საერთაშორისო ინიციატივების შემუშავების თაობაზე.

🟨ესტონეთის ვალგამას პროფესიული განათლების ცენტრის ხელმძღვანელის ვიზიტის ფარგლებში გაიმართა საქმიანი შეხვედრები ქუთაისში ადმინისტრაციულ პერსონალთან, ლოგისტიკის მიმართულებით პროგრამების ხელმძღვანელებთან და პარტნიორი ორგანიზაციის წარმომადგენლებთან.

🟥ქართულმა მხარემ მიიღო მიწვევა ესტონეთში, სადაც ესტონელი კოლეგები თსუ პროფესიული განათლების ცენტრის წარმომადგენლებს საკუთარ საუკეთესო პრაქტიკასა და გამოცდილებას გაუზიარებენ.

#გახდიპროფესიონალი
#თსუპროფესიულიგანათლებისცენტრი
#თსუ
#ინტერნაციონალიზაცია

16/06/2026

✨თბილისის სახელმწიფო უნივერსიტეტის პროფესიული განათლების ცენტრში საქართველოში ქრისტიანობის სახელმწიფო სარწმუნოებად გამოცხადების 1700 წლისთავისა და საქართველოს კათალიკოს-პატრიარქის ილია II ხსოვნისადმი მიძღვნილი ღონისძიება გაიმართა, რომელსაც თსუ რექტორის მოადგილე კახაბერ ჭეიშვილი, თსუ ხარისხის უზრუნველყოფის სამსახურის უფროსი შოთა ფოთოლაშვილი, პროფესიული განათლების ცენტრის ხელმძღვანელი ლევან წიქარიძე, პროგრამის ხელმძღვანელები, მასწავლებლები და სტუდენტები ესწრებოდნენ.

🔵თსუ პროფესიული განათლების ცენტრის რეესტრის მწარმოებელმა მენეჯერმა ჰუმანიტარულ მეცნიერებათა ფაკულტეტის, კულტურის კვლევების დოქტორანტმა ნინო გოგიაშვილმა წაიკითხა საჯარო ლექცია თემაზე „ქართული გალობა როგორც მეხსიერების არე“, რომელიც მიეძღვნა ქართულ გალობას, როგორც ეროვნული და სულიერი მეხსიერების მნიშვნელოვან არეს. ღონისძიება 🎶მუსიკალურად გააფორმა ანსამბლმა „იალონი“, რომელმაც შეასრულა ქართული საგალობლებისა და ტრადიციული მუსიკის ნიმუშები.

🟡საღამოზე ასევე გაიმართა ანსამბლ „იალონის“ ხელმძღვანელის ნინო ნანეიშვილის 📖წიგნის „წერილს გწერ ბებიას“ პრეზენტაცია. გამოცემა აერთიანებს ოჯახური მეხსიერების, თაობათა კავშირისა და ტრადიციების გადაცემის თემებს.

იალონი • Ialoni

#თსუპროფესიულიგანათლებისცენტრი
#თსუ