20/01/2026
Ekaterine Tabukashvili 🌟🏆
#რუბრიკა #ინტერვიუ #ტრენერთან
👉გვინდა წარმოგიდგინოთ, #ფსიქოლოგი #ბიზნეს #ტრენერი და ფასილიტატორი კონსულტანტი, არტ თერაპევტი, პოზიტიური ფსიქოკონსულტანტი, ტრენერთა ასოციაციის წევრი და პოზიტიური და ტრანსკულტურული ფსიქოთერაპიის მსოფლიო ასოციაციის წევრი - ეკატერინე თაბუკაშვილი;
📌მოტო: იყავი მართალი საკუთარ თავთან და ადამიანების წინაშე, არასდროს დანებდე და დაიჯერე საკუთარი შესაძლებლობების, იყავი მადლიერი, არასდროს დაკარგო რწმენა და იმედი, იარე შენი ოცნებისკენ მაშინაც კი, როცა ეს შეუძლებლად გეჩვენება.
✨ეკატერინეს შესახებ:
14 წლიანი სამუშაო გამოცდილება სახელმწიფო უწყებაში ადამიანური კაპიტალის განვითარებისა და მართვის მიმართულებით. 5+ წლიანი გამოცდილება Soft Skills ტრენინგების დაგეგმვასა და განხორციელებაში. საჯარო, კერძო, არასამთავრობო და საერთაშორისო ორგანიზაციებთან როგორც დამოუკიდებელი ტრენერი. განხორციელებული 40-ზე მეტი პროექტი. საკონსულტაციო ტრენინგ კომპანია Thinkograma • ფიქროგრამას დამფუძნებელი.
🎯რატომ ტრენერობა?
ტრენერობა ჩემთვის განსაკუთრებული მნიშვნელობის საქმიანობაა, რომლისგანაც უდიდეს სიამოვნებას ვიღებ. ეს არის პროცესი, სადაც ერთმანეთს ერწყმის ცოდნის, გამოცდილების, ემოციის, განწყობისა და ადამიანური ღირებულებების გაზიარება. ტრენერობა ჩემთვის თვითგანვითარების უწყვეტი პროცესია. ყოველი ახალი ჯგუფი ახალი გამოწვევა და ახალი გამოცდილებაა, რაც მუდმივად მაძლევს ზრდის შესაძლებლობას როგორც პროფესიულ, ისე პიროვნულ დონეზე. ამ სფეროში მუშაობა ჩემთვის ნიშნავს მუდმივ განვითარებას, ახალი, საინტერესო და ეფექტური ინსტრუმენტების ძიებას, რათა სწორად და შედეგიანად შევძლო ცოდნისა და გამოცდილების მონაწილეებამდე მიტანა.
ტრენინგების ჩატარების შემდეგ მონაწილეების და კომპანიების მხრიდან მიღებული მაღალი შედეგი გახდა მთავარი მოტივაცია, რის გამოც ტრენერობა ჩემი საქმიანობის განუყოფელ ნაწილად იქცა.
✅სამუშაო ტრენინგ თემატიკა და მიმართულება:
📍ეფექტური კომუნიკაცია
📍მომხმარებელთა ეფექტური მომსახურება
📍დროისა და პრიორიტეტების მართვა
📍სტრესის მართვა
📍კონფლიქტის მართვა
📍თანამშრომლის კეთილდღეობა
📍არტთერაპია
📍თვითმოტივაცია (მასტერკლასები)
✅საქმიანობის მთავარი სტიმულია
ჩემთვის, როგორც ტრენერისთვის, საუკეთესო ჯილდო ტრენინგის დასრულების შემდეგ კმაყოფილი და მოტივირებული მონაწილეების ხილვაა. უდიდესი სტიმული მათი დადებითი უკუკავშირი და გაზიარებული ემოციებია. როცა ვისმენ, რომ ტრენინგი მათთვის მხოლოდ სწავლება არ არის, არამედ ტრანსფორმაციის, განვითარების და პიროვნული ზრდის პროცესის ხელშეწყობაა- ეს მაძლევს მოტივაციას, რომ გავაგრძელო სწავლა-განვითარება, გავეცნო უახლეს მიდგომებს და გავხადო ჩემი ტრენინგები უფრო საინტერესო, მრავალფეროვანი და ნაყოფიერი.
ბედნიერებაა აკეთებდე საქმეს, რომელიც გიყვარს და რომელიც უდიდეს სიამოვნებას განიჭებს.
✅პრინციპები:
უწყვეტი განვითარება, პასუხისმგებლობის გრძნობა, ურთიერთპატივისცემა, მადლიერება, სამართლიანობა, გულწრფელობა, ემპათია, მხარდაჭერა და ხელშეწყობა.
#ტრენერთა #ასოციაცია
#მხარს #ვუჭერ #ტრენერთა #გაერთიანებას
