02/08/2025
შეფასებისა და გამოცდების ეროვნულმა ცენტრმა უკვე გამოაქვეყნა გამოცდების პირველადი შედეგები. შესაბამისად, ჩვენთვის ცნობილი გახდა "სწავლულის" აბიტურთა მიერ მიღებული შეფასებები. ჩვენ, მასწავლებლები აბიტურებთან ერთად განვიცდით, ვნერვიულობთ, ველოდებით იმ თავგადაკლული შრომის შედეგს, რომელსაც გავცემთ თითოეული აბიტურის მიმართ. განცდა, რომელიც ახლავს გამოცდებს, ჩვენთვის არ ახალია, მაგრამ ხშირად ვართ გამოსაცდელის მდგომარეობაში.
ვნებათაღელვა ჯერ არ ჩამქრალა, ვინაიდან, ჯერ კიდევ წინაა სხვადასხვა ეტაპი გასავლელი და შემდეგ მოხდება საბოლოო შედეგის დადასტურება: აპელაცია, გათანაბრება, კონკურსები და ბოლოს ჩარიცხვები. მაშინ ზუსტად გვეცოდინება, ვინ, რომელ უნიში ჩაირიცხა, რომელ პროგრამაზე, გრანტით თუ უგრანტოდ და ა.შ.
"სწავლულის" აბიტურთა პირველადი შედეგები კარგია. ყოველგვარი მიკერძოების, ტენდენციურობის გარეშე უნდა აღვნიშნო, რომ შედეგები შესაბამისია იმ შრომის, რომელიც თითოეულმა მათგანმა გასწია, მაგრამ ისიც უნდა დავამატო, რომ უკეთესი მონაცემებითაც შეიძლებოდა გვეამაყა. ბევრი მათგანი კმაყოფილია, ზოგი უკმაყოფილოა შეფასებით, მაგრამ არსებობს აპელაციის შესაძლებლობა, რომელსაც უთუოდ გამოიყენებე❤️❤️ ❤️
რჩევა მინდა მივცე აბიტურებს(თუ მიიღებენ) რომლებიც მომავალში ეროვნულ გამოცდებზე აპირებენ გასვლას.
სასწავლო პროცესის დაწყებიდან მთელი სერიოზულობით უნდა მოეკიდოთ თქვენზე დაკისრებულ მოვალეობას. ერთი დღეც არ უნდა ჩააგდოთ და ყველა დავალება, რომელიც მოითხოვს თქვენგან ძალისხმევას, მეცადინეობას, უნდა შეასრულოთ. ორივე მხარე: მასწავლებელი და აბიტური ერთნაირად არის პასუხისმგებელი შედეგზე. განსაკუთრებული მონდომება უნდა გამოავლინონ იმ აბიტურებმა, რომელთა საბაზისო ცოდნა ძალიან მწირია. სასწავლო წლის დამთავრებამდე რამდენიმე თვით გააქტიურება საკმარისი არ არის საუკეთესო შედეგისთვის📕📗📘.
სოციალურ ქსელს რომ გადახედავ, ძალიან ბევრი იმედგაცრუებულია, ბევრს ეჭვი აქვს, რომ სათანადოდ არ იქნა შეფასებული მათი ნაშრომი, ბევრი უჩივის საკითხების სირთულეს, ბევრი აცხადებს, რომ მათი შრომა შესაბამისად დაფასდა. ყველას აქვს საკუთარი შეხედულება და შეიძლება ჩამოთვლილ მოსაზრებებში იყოს სიმართლის მარცვალი. მეც ვფიქრობ, რომ შრომა ფასდება, თუმცა შეცდომის გამორიცხვაც არ შეიძლება, ვინაიდან, გვქონდა ბევრი მაგალითი წინა წლებში აპელაციის შედეგად 6-9 ქულის დამატების. ბრძოლას ნამდვილად აქვს აზრი, თუ ეჭვი გვაქვს იმასთან დაკავშირებით, რომ ნაშრომის შეფასებისას შესაძლებელია უზუსტობას ქონდეს ადგილი(არ მინდა გამსწორებლების რისხვა გამოვიწვიო, მაგრამ ფაქტი ჯიუტია, ერთ ჩვენს აბიტურს 11 ქულა დაემატა აპელაციის
შედეგად).❓❗️
ისიც უნდა აღინიშნოს, რომ ზოგადად, უმეტეს შემთხვევაში აბიტურთა ცოდნა უფრო სიღრმისეულია, ვიდრე ის ქულები, რომელიც შეიძლება მათ გამოცდაზე მიიღეს, მაგრამ რადგან ქულები წყვეტს ამ შემთხვევაში მათ მომავალს, გასაგებია ის ნერვიულობა, სტრესი, ზოგჯერ დაბნეულობაც, რომელიც შეიძლება მთელი წელი აწუხებდათ და გამოცდებზე კიდევ უფრო გაუმძაფრდათ. ეხლა ის დროა, რომ მოეშვან, დაისვენონ, წარსულში დატოვონ ყველაფერი, რაც მათთვის არასასიამოვნო იყო, მოემზადონ ცხოვრების ახალი ეტაპისთვის, ენერგიულად შეაღონ ზოგმა სასურველი უნივერსიტეტის კარი, ზოგმა კი, სადაც ჩაირიცხება, თუმცა მობილობით სარგებლობის შემთხვევაში მომავალში შეიძლება იქ შეძლოს სწავლის გაგრძელება, სადაც თავიდანვე ოცნებობდა❤️❤️❤️
ვულოცავ ყველა აბიტურს, რომლებმაც წარმატებით ჩააბარეს გამოცდები, იმათაც, რომლებმაც ბარიერი გადალახეს (ფაქტობრივად სტუდენტებს)❤️❤️❤️ არამც და არამც არ დარჩებით საუნივერსიტეტო სწავლების მიღმა. გისურვებთ მომავალში ბევრ წარმატებას, წინსვლას, საკუთარი თუ სხვისი შრომის დაფასების უნარის გამომუშავებას, ბედნიერებას, მიღწეული შედეგებით არ დაკმაყოფილებას, მეტ მოტივაციას, მონდომებას და ყველა იმ ამოცანის წარმატებულად გადაჭრას, რომელიც თქვენი ცხოვრების სავალ გზაზე გაჩნდება.
მინდა ვისარგებლო შემთხვევით და მადლობა გადავუხადო "სწავლულის" აბიტურიენტთა მშობლებს❤️❤️❤️რომლებიც გვერდში დაუდგნენ შვილებს, დახმარება აღმოუჩინეს ცოდნის გაღრმავებისა და საუკეთესო მომავლისთვის ბრძოლის გზაზე.
ადმინისტრაციის სახელით მადლობას ვუხდი "სწავლულის" მასწავლებლებს, დიდ პატივისცემას და მოწიწებას გამოვხატავ მათ მიმართ ❤️❤️❤️, რომლებმაც ყველაფერი გააკეთეს აბიტურთა დასაფრთიანებლად. საწყენი არ მინდა იყოს, მაგრამ აუცილებლად უნდა აღვნიშნო, რომ ზოგჯერ დიდ როლს გამართლებაც ასრულებს გამოცდის დროს და ამიტომ, ხშირად არის შემთხვევები, როცა ყველას მოლოდინი არ მართლდება. ჩვენს საყვარელ, მართლაც ძალიან კეთილშობილ, თავიანთი ინდივიდუალიზმით, სიყვარულით, ზრდილობით გამორჩეულ, ნიჭიერ ახალგაზრდებს კიდევ ერთხელ გილოცავთ წარმატებებს, გისურვებთ, რომ ყოველი დღე თქვენთვის იყოს სიკეთის, სიხარულის მომტანი. გვეიმედებით, გვეამაყებით, დალოცვილები და ბედნიერები იყავით მთელი ცხოვრება❤️❤️❤️.
Send a message to learn more
