10/04/2018
CSR-ის მნიშვნელობა უკვე კარგად ვიცით☝️👌 - Tako Rodonaia უღრმესი მადლობა მარკეტერებისგან ❤️❤️❤️
🗣️ - "ამ პროექტში ჩართვის დღიდან, სულ ვფიქრობ, მეც რომ მქონოდა ასეთი შესაძლებლობა, რამდენ სირთულეს ავიცილებდი თავიდან. მე იმ თაობას ვეკუთვნი, რომლის დიდი ნაწილიც პროფესიას დაუფიქრებლად, ხშირად სხვების მიხედვით ირჩევდა, რაც ხშირად ცხოვრების ყველაზე მთავარ დისკომფორტს ქმნიდა.
დღეს, მარკეტინგი ძალიან პოპულარული მიმართულებაა, თუმცა ხშირად მისი შინაარსი ბევრმა თუ იცის. პროფესიის არჩევისას შეიძლება მოიხიბლო მისი პოპულარობით, თუმცა შემდეგ ნელ-ნელა მიხვდე, რომ ეს სულაც არ არის „ის რაც გეგონა“. სწორედ ამ „გაუგებრობის“ თავიდან აცილებას, თემის ირგვლივ მეტი ცოდნის მოძიებას და გამოცდილების გაზიარებას გულისხმობს ეს პროგრამა.
სტუდენტებთან ერთ-ერთ მნიშვნელოვან მიმართულებებზე, ბიზნესის სოციალურ პასუხისმგებლობაზე ვისაუბრე. ეს თემა სულ უფრო მეტ დატვირთვას იძენს თანამედროვე მარკეტინგში. ვიმსჯელეთ, რატომ არის პასუხისმგებლიანი ბიზნესის არსებობა გადამწყვეტი, რა საერთაშორისო გამოცდილება არსებობს ამ კუთხით და რა გამოწვევის წინაშე ვდგავართ, დღეს, საქართველოში. ეს თემა მოსწავლეებისთვის ძალიან ახლობელი, ჩემთვის კი, მათთან ამ საკითხზე საუბარი ძალიან სასარგებლო აღმოჩნდა. ჩვენ განვიხილეთ როგორია კომპანია, როდესაც ის კორპორაციული მოქალაქეა, ვისაუბრეთ იმ საკითხებზე, რომლებსაც ერთი უნივერსალური რეცეპტი არ გააჩნია და დადებით შედეგს მიდგომების მრავალფეროვნება განაპირობებს.
წარმატებას ვუსურვებ პროექტის ყველა მონაწილეს და მათი გაცნობის შემდეგ, დარწმუნებით შემიძლია ვთქვა, რომ მომავალი ნათელი და იმედის მომცემია" - თაკო როდონაია (კომპანია ჯეოსელის კორპორაციული კომუნიკაციების ექსპერტი)