თავისუფალი უნივერსიტეტის სამართლის სკოლა

19/11/2025

თბილისის თავისუფალი უნივერსიტეტი საქართველოს ადვოკატთა ასოციაციის მხარდაჭერით გიწვევთ ბიზნესის სამართლის განგრძობადი იურიდიული განათლების მე-15 ეროვნულ კონფერენციაზე.

კონფერენცია გაიმართება 2025 წლის 6-7 და 20-21 დეკემბერს თბილისის თავისუფალ უნივერსიტეტში და მასში მონაწილეობა შეუძლია ნებისმიერ დაინტერესებულ პირს. თითოეულ დღეს კონფერენცია დაიწყება 10:00 საათზე და ჩატარდება 2 სესია, ერთი სესიის ხანგრძლივობა შეადგენს 90 წუთს.

კონფერენციაზე განხილულ იქნება შემდეგი საკითხები:

1. კრედიტისა და სიცოცხლის დაზღვევის ურთიერთმიმართება საკრედიტო ურთიერთობებში, თეორია და სასამართლო პრაქტიკა - ქეთევან მესხიშვილი, ბიოგრაფია იხილეთ აქ https://shorturl.at/yWjF9
2. ინტერესთა კონფლიქტი არბიტრაჟში: საქართველოს სასამართლოების ლეგიტიმური კონტროლი თუ გადაჭარბებული ჩარევა? - ქეთევან მესხიშვილი, ბიოგრაფია იხილეთ აქ https://shorturl.at/xkMmr
3. პარტნიორის გარიცხვა საწარმოდან დერივაციული სარჩელის საფუძველზე, სასარჩელო წარმოებასთან დაკავშირებული საპროცესო-სამართლებრივი და სამეწარმეო-სამართლებრივი გამოწვევები - ლაშა ცერცვაძე, ბიოგრაფია იხილეთ აქ https://shorturl.at/uxr9S
4. ქართული კომპანიის საგადასახადო ვალდებულებები არარეზიდენტებთან ურთიერთობაში: რისკები და გადაჭრის გზები - გიორგი ხანჯალიაშვილი, ბიოგრაფია იხილეთ აქ https://shorturl.at/Qm7eq
5. შრომის სამართლის პრაქტიკული ასპექტები: ხელოვნური ინტელექტი სამსახურეობრივ გარემოში (1), დავის ადრეულ ეტაპზე პრევენციის და გადაწყვეტის მექანიზმები შრომის ურთიერთობებში (2) - სოფიო ჩაჩავა, ბიოგრაფია იხილეთ აქ https://shorturl.at/gWnLY
6. მართლმსაჯულების ორი გზა: საარბიტრაჟო და სასამართლო განხილვის პრაქტიკული შედარება - დავით ტაბატაძე, ბიოგრაფია იხილეთ აქ https://shorturl.at/LUjAZ
7. კოლექტიური შრომითი დავების სპეციფიკა და პრაქტიკული ასპექტები - ანა სამსონია, ბიოგრაფია იხილეთ აქ https://shorturl.at/JdZJk

კონფერენციის მონაწილეები მიიღებენ თბილისის თავისუფალი უნივერსიტეტის და ადვოკატთა ასოციაციის ერთობლივ სერტიფიკატს, ხოლო დაგროვილი კრედიტები (12 კრედიტი) ჩაეთვლებათ განგრძობადი იურიდიული განათლების ფარგლებში სავალდებულო კრედიტ-საათებად.

კონფერენციაში მონაწილეობის ღირებულება შეადგენს 250 ლარს. ერთი ორგანიზაციიდან 3 ან 4 ადამიანის მონაწილეობის შემთხვევაში თითოეული მონაწილისთვის გადასახდელი თანხა იქნება 220 ლარი, ხოლო 5 და მეტი ადამიანის მონაწილეობის შემთხვევაში - 200 ლარი.

კონფერენციაზე დასწრება შესაძლებელია მხოლოდ ონლაინ რეგისტრაციის გავლისა და კონფერენციის საფასურის გადახდის შემდეგ. ონლაინ რეგისტრაციის ბოლო ვადაა 2025 წლის 3 დეკემბრის 18:00 საათი.

მონაწილეობის საფასურის დაფარვა უნდა მოხდეს 2025 წლის 3 დეკემბრის ჩათვლით. ონლაინ რეგისტრაციისთვის, იხილეთ ბმული https://shorturl.at/CDmkd

ინდივიდუალური გადახდის შემთხვევაში, გთხოვთ თანხა ჩარიცხოთ თბილისის თავისუფალი უნივერსიტეტის ანგარიშზე: საქართველოს ბანკი, GE16BG0000000353107100 და საგადახდო დავალება გამოგზავნოთ ელ მისამართზე [email protected]. თანხის გადასახდელად ინვოისის საჭიროების შემთხვევაში, გთხოვთ ონლაინ რეგისტრაციისას შეავსოთ შესაბამისი ველები, რის საფუძველზეც გამოგეგზავნებათ ინვოისი.

რეგისტრაცია დასრულებულად ჩაითვლება მხოლოდ ონლაინ რეგისტრაციისა და მონაწილეობის საფასურის გადახდის შემდეგ.

კონფერენციის დღის წესრიგი იხილეთ აქ: https://shorturl.at/HVD6Q

დამატებითი ინფორმაციისათვის დაუკავშირდით ირაკლი გვარამაძეს: [email protected]

2025 წლის 6-7 და 20-21 დეკემბერი

21/08/2025

თავისუფალი უნივერსიტეტის სამართლის პროგრამის კურსდამთავრებული ნუცა ავალიშვილი სწავლას აგრძელებს გერმანიაში, ბუცერიუსის სამართლის სკოლის ბიზნესის სამართლის სამაგისტრო პროგრამაზე.

ნუცამ მოიპოვა შიდა საუნივერსიტეტო დაფინანსება.

მან მოწვევა მიიღო აგრეთვე გოტინგენის უნივერსიტეტიდან ინტელექტუალური საკუთრების სამაგისტრო პროგრამაზე, თუმცა საბოლოოდ არჩევანი ბუცერიუსის სამართლის სკოლაზე შეაჩერა.

21/08/2025

სამართლის სკოლის კურსდამთავრებული ნია ბერაძე სწავლას აგრძელებს აშშ-ში, Pace University-ის ნიუ-იორკის კამპუსში, Comparative Law-ს სამაგისტრო პროგრამაზე, საერთაშორისო ბიზნეს სამართლის მიმართულებით.

ნიამ მოწვევა მიიღო აგრეთვე American University Washington College of Law, Cardozo School of Law, UNH Franklin Pierce School of Law, Syracuse University და St. John's University-დან, მაგრამ საბოლოოდ მაინც Pace University-ის პროგრამაზე შეაჩერა არჩევანი.

21/08/2025

სამართლის სკოლის კურსდამთავრებული ელენე კუტალაძე სექტემბრიდან სწავლას აგრძელებს Central European University-ში. ის ისწავლია Global Business Law and Regulation-ის სამაგისტრო პროგრამაზე.

ელენემ მოიპოვა უნივერსიტეტის შიდა დაფინანსება, რომელითაც დაიფარება მისი სწავლის ხარჯები.

07/07/2025

თბილისის თავისუფალი უნივერსიტეტი საქართველოს ადვოკატთა ასოციაციის მხარდაჭერით აცხადებს მონაწილეთა რეგისტრაციას ტრენინგზე ვალდებულებითი სამართლის აქტუალური საკითხები.

ტრენინგი ჩატარდება 2025 წლის 19-20 ივლისს თბილისის თავისუფალ უნივერსიტეტში და მას გაუძღვება ქეთევან მესხიშვილი - თბილისის თავისუფალი უნივერსიტეტის პროფესორი და თბილისის სააპელაციო სასამართლოს მოსამართლე. ტრენინგის თითოეული დღე მოიცავს 6 სასესიო საათს.

ტრენინგის მიზანია ვალდებულებითი სამართლის ყველა იმ პრობლემური საკითხის მიმოხილვა, რომელიც უახლესი სასამართლო პრაქტიკის გათვალისწინებით, ყველაზე აქტუალურია. საკითხები შერჩეულია იმის მიხედვით, თუ რა პრაქტიკული ტენდენციებია დავებთან მიმართებით და რა გამოწვევები არსებობს თეორიული საკითხების პრაქტიკაში იმპლემენტაციის თვალსაზრისით.

ტრენინგი ხელს შეუწყობს, როგორც თეორიული ცოდნის გაღრმავებას ვალდებულებით სამართალში, ასევე პრაქტიკული უნარ-ჩვევების გამომუშავებას, სასამართლო პრაქტიკის შესწავლას, ანალიზს, მათ შორის, ერთგვაროვანი და განსხვავებული სასამართლო პრაქტიკების მიმოხილვას. ტრენინგის მიზანია მსმენელს გაუღრმავოს თეორიული ცოდნა, გააცნოს აქტუალური სასამართლო პრაქტიკა, მიმოიხილოს პრაქტიკული ხასიათის მატერიალურ-სამართლებრივი და საპროცესო გამოწვევები, რომლებიც, ერთი მხრივ, სასამართლო პრაქტიკის განვითარების შედეგია, და მეორე მხრივ, აზრთა სხვადასხვაობის გამო მწვავე დისკუსიის საგანია.
ტრენინგის თეორიულ-პრაქტიკული სინთეზი იძლევა შესაძლებლობას, რომ იგი გახდეს ეფექტური პრაქტიკული სახელმძღვანელო სამართლის დამამთავრებელი კურსის სტუდენტებისათვის, ასევე მოქმედი იურისტებისა და ადვოკატებისათვის.

ტრენინგზე დასასწრებად აუცილებელია ონლაინ რეგისტრაციის გავლა და ტრენინგის საფასურის გადახდა. ონლაინ რეგისტრაციის ბოლო ვადა არის 2025 წლის 16 ივლისი. ონლაინ რეგისტრაციისთვის, იხილეთ ბმული https://shorturl.at/NzJ8x

მიღების პირობების შესახებ ინფორმაციის გასაცნობად, იხილეთ ბმული https://shorturl.at/uVK6J

2025 წლის 19-20 ივლისი

01/05/2025

თბილისის თავისუფალი უნივერსიტეტის სამართლის სკოლის გუნდი ცენტრალური და აღმოსავლეთ ევროპის იმიტირებული სასამართლო პროცესის (CEEMC) ნახევარფინალისტი გახდა. კონკურსი ჩატარდა პოლონეთში, ქალაქ ვარშავაში.

უნივერსიტეტის სახელით კონკურსში მონაწილეობდნენ: სამართლის საბაკალავრო პროგრამის სტუდენტი საბა სარჯველაძე და ბიზნესის სამართლის სამაგისტრო პროგრამის სტუდენტები ვიქტორ იაგუტიანი და ანა ჩხიკვაძე.

ანა ჩხიკვაძემ მოიპოვა საპატიო მომხსენებლის ჯილდო.

გუნდის მწვრთნელი იყო ბიზნესის სამართლის სამაგისტრო პროგრამის კურსდამთავრებული და სამართლის სკოლის ლექტორი ქეთი ბენაშვილი.

კონკურსის ფარგლებში თავისუფალი უნივერსიტეტის გუნდი შეხვდა შემდეგ გუნდებს: Ivan Franko National University (უკრაინა), Babeș-Bolyai University, Faculty of Law (რუმინეთი), Comenius University (სლოვაკეთი) და West University of Timișoara (რუმინეთი).

CEEMC წარმოადგენს ერთ-ერთ ყველაზე მნიშვნელოვან ღონისძიებას ევროპის მასშტაბით. შეჯიბრი ტარდება 1994 წლიდან.

თავისუფალი უნივერსიტეტის სამართლის სკოლის გუნდის კონკურსში მონაწილეობის ხარჯებს ყოველწლიურად კახა ბენდუქიძის ცოდნის ფონდი აფინანსებს.

15/11/2024

თბილისის თავისუფალი უნივერსიტეტი საქართველოს ადვოკატთა ასოციაციის მხარდაჭერით გიწვევთ ბიზნესის სამართლის განგრძობადი იურიდიული განათლების მე-14 ეროვნულ კონფერენციაზე.

კონფერენცია გაიმართება 2024 წლის 14-15 და 21-22 დეკემბერს თბილისის თავისუფალ უნივერსიტეტში და მასში მონაწილეობა შეუძლიათ, როგორც ადვოკატთა ასოციაციის წევრებს, ასევე სხვა პრაქტიკოს იურისტებს. თითოეულ დღეს კონფერენცია დაიწყება 10:00 საათზე და ჩატარდება 2 სესია, ერთი სესიის ხანგრძლივობა შეადგენს 90 წუთს.

კონფერენციაზე განხილულ იქნება შემდეგი საკითხები:

- შრომითი მიგრაციის აქტუალური საკითხები (1 სესია); არასრულწლოვანთა სამოქალაქო სამართლებრივი პასუხისმგებლობა (1 სესია) - ქეთევან მესხიშვილი, ბიოგრაფია იხილეთ აქ https://shorturl.at/yWjF9
- შრომის ინსპექციის პრაქტიკა და გამოწვევები (2 სესია) - სოფიო ჩაჩავა, ბიოგრაფია იხილეთ აქ https://shorturl.at/gWnLY
- ხელოვნური ინტელექტის სამართლებრივი რეგულირება, გამოწვევები და შესაძლებლობები - ლაშა ცერცვაძე. ბიოგრაფია იხილეთ აქ https://shorturl.at/YYWQF
- შეზღუდული პასუხისმგებლობის საზოგადოების დაშლა - დავით ტაბატაძე, ბიოგრაფია იხილეთ აქ https://shorturl.at/LUjAZ
- კორპორატიული გარიგებები: იურიდიული გამოწვევები და გადაჭრის გზები ახალი მეწარმეთა შესახებ კანონიდან გამომდინარე - ანა ქოჩიაშვილი, ბიოგრაფია იხილეთ აქ https://shorturl.at/bOvCu
- საგადასახადო სამართლის მნიშვნელობა იურისტის კარიერაში - გიორგი ხანჯალიაშვილი. ბიოგრაფია იხილეთ აქ https://shorturl.at/88L9a

კონფერენციის მონაწილეები მიიღებენ თბილისის თავისუფალი უნივერსიტეტის და ადვოკატთა ასოციაციის ერთობლივ სერტიფიკატს, ხოლო დაგროვილი კრედიტები (12 კრედიტი) ჩაეთვლებათ განგრძობადი იურიდიული განათლების ფარგლებში სავალდებულო კრედიტ-საათებად.

კონფერენციაში მონაწილეობის ღირებულება შეადგენს 250 ლარს. ერთი ორგანიზაციიდან 3 ან 4 ადამიანის მონაწილეობის შემთხვევაში თითოეული მონაწილისთვის გადასახდელი თანხა იქნება 220 ლარი, ხოლო 5 და მეტი ადამიანის მონაწილეობის შემთხვევაში - 200 ლარი.

კონფერენციაზე დასწრება შესაძლებელია მხოლოდ ონლაინ რეგისტრაციის გავლისა და კონფერენციის საფასურის გადახდის შემდეგ. ონლაინ რეგისტრაციის ბოლო ვადაა 2024 წლის 10 დეკემბრის 18:00 საათი. მონაწილეობის საფასურის დაფარვა უნდა მოხდეს 2024 წლის 10 დეკემბრის ჩათვლით. ონლაინ რეგისტრაციისთვის, იხილეთ ბმული https://shorturl.at/aLLkO

ინდივიდუალური გადახდის შემთხვევაში, გთხოვთ თანხა ჩარიცხოთ თბილისის თავისუფალი უნივერსიტეტის ანგარიშზე: საქართველოს ბანკი, GE16BG0000000353107100 და საგადახდო დავალება გამოგზავნოთ ელ მისამართზე [email protected]. თანხის გადასახდელად ინვოისის საჭიროების შემთხვევაში, გთხოვთ ონლაინ რეგისტრაციისას შეავსოთ შესაბამისი ველები, რის საფუძველზეც გამოგეგზავნებათ ინვოისი.

რეგისტრაცია დასრულებულად ჩაითვლება მხოლოდ ონლაინ რეგისტრაციისა და მონაწილეობის საფასურის გადახდის შემდეგ.

დამატებითი ინფორმაციისათვის დაუკავშირდით ირაკლი გვარამაძეს: [email protected]

2024 წლის 14-15 და 21-22 დეკემბერი

11/11/2024

2024 წლის 14 ნოემბერს 16:45 საათზე, თბილისის თავისუფალი უნივერსიტეტის სამართლის სკოლა მართავს საჯარო ლექციას თემაზე ციფრული მოწყობილობების ჩხრეკის სტანდარტები ამერიკის კონსტიტუციის მე-4 შესწორების მიხედვით.

ციფრული მედიის - კომპიუტერების, მობილური ტელეფონებისა და სოციალური მედიის გავრცელებამ დანაშაულთა უმეტესობა, მათ შორის ფიზიკური დანაშაული, კიბერდანაშაულებად აქცია. ციფრული ტექნოლოგიების სწრაფად ცვალებადობის პარალელურად, იურიდიული სისტემები ცდილობენ დაეწიონ და ციფრულ სამყაროში შექმნილ გამოწვევებს მიუსადაგონ გრძელვადიანი ფუნდამენტური პრინციპები, რომლებიც 200 წელზე მეტი ხნის განმავლობაში მიემართებოდა ფიზიკურ სამყაროს.

ლექცია მოკლედ მიმოიხილავს შეერთებულ შტატებში ჩხრეკისა და ჩამორთმევის შესახებ არსებული კანონმდებლობის სტანდარტებს, რაც მოიცავს „ჩხრეკის“ განმარტებას, ორდერის მოთხოვნას და გამონაკლისებს ორდერის მოთხოვნიდან. ასევე განხილული იქნება, სასამართლოების მიერ არსებული კონსტიტუციური იურისპრუდენციის ციფრულ მედიასთან ადაპტირების პროცესი.

საჯარო ლექციას გაუძღვება ჩარლზ შმიტზი, ამერიკის იუსტიციის დეპარტამენტის სამართლებრივი მრჩეველი, ამერიკის საელჩო საქართველოში.

ლექცია ჩატარდება კახა ბენდუქიძის კამპუსში, მცირე საკონფერენციო დარბაზში, ბიბლიოთეკასთან.

დასწრება თავისუფალია.

21/10/2024

2024 წლის 24 ოქტომბერს 16:00 საათზე, თბილისის თავისუფალი უნივერსიტეტის სამართლის სკოლა, გაეროს განვითარების პროგრამის UNDP-ის მხარდაჭერით, მართავს საჯარო ლექციას თემაზე არჩევანის არჩევნები. ლექცია შეეხება 2024 წლის საპარლამენტო არჩევნებს.

საჯარო ლექციას გაუძღვებიან თბილისის თავისუფალი უნივერსიტეტის ასოცირებული პროფესორი გიორგი ბურჯანაძე და თბილისის თავისუფალი უნივერსიტეტის ასისტენტ-პროფესორი გიორგი მშვენიერაძე.

ლექცია ჩატარდება კახა ბენდუქიძის კამპუსში, მე-200 აუდიტორიაში.

დასწრება თავისუფალია.

13/10/2024

თბილისის თავისუფალი უნივერსიტეტის სამართლის სკოლა, გაეროს განვითარების პროგრამის UNDP-ის მხარდაჭერით, აცხადებს სტუდენტური გუნდების რეგისტრაციას ადამიანის უფლებათა სამართალში იმიტირებული სასამართლო პროცესის შეჯიბრში მონაწილეობის მისაღებად.

შეჯიბრის ფარგლებში გუნდები წარმოადგენენ მოსარჩელე და მოპასუხე მხარეებს საქართველოს საკონსტიტუციო სასამართლოში. შეჯიბრის თემატიკაა საარჩევნო უფლება.

შეჯიბრის მსვლელობისას სტუდენტებს მოეთხოვებათ როგორც საქართველოს საკონსტიტუციო სასამართლოს გადაწყვეტილებების, ასევე ადამიანის უფლებათა ევროპული სასამართლოს პრაქტიკის გამოყენება.

შეჯიბრი შედგება წერილობითი დავალების წარდგენის, ტრენინგისა და იმიტირებული სასამართლო პროცესებისგან. წერილობითი დავალების შემოწმების შედეგად შეირჩევა 8 ძირითადი და 1 სათადარიგო გუნდი, რომლებიც მონაწილეობას მიიღებენ ტრენინგსა და იმიტირებული სასამართლო პროცესში. სათადარიგო გუნდი იმიტირებულ სასამართლო პროცესში მონაწილეობას მიიღებს მხოლოდ იმ შემთხვევაში, თუ რომელიმე ძირითადი გუნდი გამოეთიშება შეჯიბრს.

ტრენინგი ჩატარდება 2024 წლის 10 ნოემბერს, ხოლო იმიტირებული სასამართლო პროცესები - 2024 წლის 23-24 ნოემბერს.

შეჯიბრში მონაწილეობა შეუძლიათ საქართველოში არსებული აკრედიტებული უმაღლესი საგანმანათლებლო დაწესებულებების სამართლის საბაკალავრო და სამაგისტრო პროგრამების სტუდენტებით დაკომპლექტებულ გუნდებს არანაკლებ 2 და არაუმეტეს 4 წევრის შემადგენლობით. თითოეული უნივერსიტეტიდან შესაძლებელია წარდგენილ იქნეს არაუმეტეს 3 გუნდი.

შეჯიბრში მონაწილეობის მისაღებად აუცილებელია 2024 წლის 21 ოქტომბრის ჩათვლით შეავსოთ ელექტრონული სარეგისტრაციო ფორმა. ონლაინ რეგისტრაციისთვის, იხილეთ ბმული https://rb.gy/droebq

კითხვების შემთხვევაში დაუკავშირდით ირაკლი გვარამაძეს ელ. ფოსტაზე: [email protected]

2024 წლის 23-24 ნოემბერი

09/10/2024

2024 წლის 16-17 ნოემბერი