სამართლისა და საერთაშორისო ურთიერთობების ფაკულტეტი

10/06/2026

2026 წლის 9 ივნისს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სტუდენტები, ფაკულტეტის საჯარო სამართლის აკადემიური დეპარტამენტისა და ქრისტიანული კულტურის კვლევების ლაბორატორიის ორგანიზებით, მოწვეული ასისტენტ-პროფესორის მუხრან მდივანის ხელშეწყობით გაცნობით-შემეცნებითი ვიზიტით საქართველოს პარლამენტს ეწვივნენ.

ვიზიტის ფარგლებში სტუდენტებს შესაძლებლობა ჰქონდათ დასწრებოდნენ პლენარულ სხდომას, სადაც მათ საქართველოს პარლამენტის თავმჯდომარე და დეპუტატები გულთბილად მიესალმნენ.

სტუდენტებმა ასევე მოისმინეს ინფორმაცია საქართველოს პარლამენტის საქმიანობის შესახებ, გაეცნენ საკანონმდებლო პროცესის თავისებურებებს და დაათვალიერეს პარლამენტარიზმის მუზეუმი.

ვიზიტის მნიშვნელოვანი ნაწილი იყო სტუდენტების მიერ საქართველოს პარლამენტში საკანონმდებლო წინადადების წარდგენა, რომელიც ქონების გადასახადის სისტემის რეფორმას ეხება და ითვალისწინებს შემოსავლის ზღვრის გაზრდასა და ინდივიდუალური დაბეგვრის პრინციპზე გადასვლას.

მსგავსი აქტივობები ხელს უწყობს სტუდენტების პროფესიულ განვითარებას, პრაქტიკული ცოდნის გაღრმავებასა და საკანონმდებლო საქმიანობის უშუალოდ გაცნობას, რაც მათ მომავალი პროფესიული საქმიანობისთვის მნიშვნელოვან გამოცდილებას სძენს.

09/06/2026

სსიპ - სარკინიგზო ტრანსპორტის სააგენტოსა და საქართველოს ტექნიკურ უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში, გაწვდით ინფორმაციას სააგენტოში გამოცხადებული ანაზღაურებადი სტაჟირებების შესახებ:



სარკინიგზო უსაფრთხოების დეპარტამენტის სტაჟიორი:
https://vacancy.hr.gov.ge/JobProvider/UserOrgVaks/Details/99383?active=1



სარკინიგზო თავსებადობის დეპარტამენტის სტაჟიორი:
https://vacancy.hr.gov.ge/JobProvider/UserOrgVaks/Details/99381?active=1



იურიდიული დეპარტამენტის სტაჟიორი:
https://vacancy.hr.gov.ge/JobProvider/UserOrgVaks/Details/99382?active=1





განაცხადები მიიღება ვებგვერდის - www.hr.gov.ge - მეშვეობით 17 ივნისის ჩათვლით

საჯარო სამსახურში უზრუნველყოფილია თანაბარი დასაქმების პირობები და დასაქმების მსურველთა განცხადებების განხი.....

28/05/2026

2026 წლის 28 მაისს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე, საჯარო სამართლის დეპარტამენტის ორგანიზებითა და ამავე დეპარტამენტის მოწვეული უფროსი მასწავლებლის, საერთაშორისო ურთიერთობების დოქტორის, მოქმედი კერძო აღმასრულებლის ნანა კანკავას ინიციატივით, გაიმართა საჯარო ლექცია თემაზე: „იძულებითი აღსრულება და მასთან დაკავშირებული სამართლებრივი ასპექტები“.
ლექცია ინტერაქტიულ რეჟიმში ჩატარდა და ორ საათზე მეტხანს გაგრძელდა. შეხვედრის ფარგლებში განხილულ იქნა იძულებითი აღსრულების პროცესთან დაკავშირებული პრაქტიკული და სამართლებრივი საკითხები, ასევე სტუდენტებს შესაძლებლობა ჰქონდათ, დაესვათ მათთვის საინტერესო კითხვები და მიეღოთ ამომწურავი პასუხები.

28/05/2026

სასიხარულოა, რომ საქართველოს სახელმწიფო დაცვის სპეციალური სამსახურის (სსდს) ვეტერანთა კავშირის გამგეობის გადაწყვეტილებით, გენერალ-მაიორ ზაზა შუბითიძის სახელობის სიგელები გადაეცამა საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის იმ კურსდამთავრებულებს, რომელებმაც 2024-2025 წლებში წარჩინებით დაასრულეს სპეციალური საუნივერსიტეტო კურსი - „ოპერატიულ-სამძებრო საქმიანობა“ (ოსს) .

საამაყოა, რომ საქართველოს ტექნიკური უნივერსიტეტი პირველი ქართული უმაღლესი სასწავლებელია, სადაც დაინერგა აღნიშნული საუნივერისტეტო დისციპლინა - "ოპერატიულ-სამძებრო საქმიანობა" და შეიქმნა პირველი ღია სწავლების კურსი.

ახალი სასწავლო დისციპლინის დანერგის პროცესში, ფაკულტეტის პროფესორ-მასწავლებლებთან ერთად, აქტიურად იყვნენ ჩართულები ვეტერანთა კავშირის წევრები, რომლებიც დღესაც აქტიურად უძღვებიან სასწავლო პროცესს.

სახელობის სიგელებით სტუდენტების დაჯილდოვის საზეიმო ცერომონია ჩატარდება საქართველოს ტექნიკურ უნივერისტეტში და მასში მონაწილეობას მიიღებს სახელმწიფო დაცვის ვეტერანები და გენერალ-მაიორ ზაზა შუბითიძის ოჯახის წევრები.

ღონისძიება გაიმართება 5 ივნისს 16:00 საათზე ფაკულტეტის ბიბლიოთეკაში.

25/05/2026

2026 წლის 21 მაისს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე, საჯარო სამართლის დეპარტამენტის ორგანიზებითა და პროფესორ გივი ლობჟანიძის ინიციატივით, ჩატარდა საერთაშორისო სამეცნიერო კონფერენცია ილიასეული სლოგანით — „ენა, მამული, სარწმუნოება“, რომელიც მიეძღვნა საქართველოში ქრისტიანობის სახელმწიფო რელიგიად გამოცხადების 1700 წლისთავს.
კონფერენცია ჰიბრიდულ რეჟიმში გაიმართა და მასში მონაწილეობდნენ როგორც ადგილობრივი, ისე უცხოელი აკადემიური წრის წარმომადგენლები.

25/05/2026

https://www.interpressnews.ge/ka/article/870751-sakartvelos-teknikuri-universitetis-studentebi-sascavlo-komponentis-parglebshi-sakartvelos-parlamentshi-imqopebodnen

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სტუდენტები,

22/05/2026

2026 წლის 11–13 მაისს თურქმენეთის საგარეო საქმეთა სამინისტროს საერთაშორისო ურთიერთობების ინსტიტუტში გაიმართა საერთაშორისო სამეცნიერო-პრაქტიკული კონფერენცია აკადემიური პერსონალისათვის და III საერთაშორისო კონკურსი - სტუდენტებისათვის.
ზემოაღნიშნულ კონფერენციასა და კონკურსში მონაწილეობდნენ დელეგაციები მსოფლიოს 22 ქვეყნიდან, მათ შორის: საქართველო, აშშ, აზერბაიჯანი, გერმანია, საფრანგეთი, ბელგია, დიდი ბრიტანეთისა და ჩრდილოეთ ირლანდიის გაერთიანებული სამეფო, თურქეთი, თურქმენეთი, ბელარუსი, ირანის ისლამური რესპუბლიკა, ნეპალი, ომანი, რუსეთის ფედერაცია, სამხრეთ კორეა, ტაჯიკეთი, უკრაინა, უზბეკეთი, ყაზახეთი, ყირგიზეთი, ინდოეთი და ჩინეთის სახალხო რესპუბლიკა.
კონფერენციაში წარმატებით მონაწილეობდნენ საქართველოს ტექნიკური უნივერსიტეტის წარმომადგენლები — მეცნიერებათა დოქტორი, პროფესორი ბადრი ნაჭყებია და სამართლისა და საერთაშორისო ურთიერთობების ფაკულტეტის აფილირებული ასისტენტი ვახტანგ მურადაშვილი.
მასპინძელი ქვეყნის წარმომადგენლების თხოვნით, ქართველმა მეცნიერებმა თურქმენეთის სხვადასხვა უმაღლეს საგანმანათლებლო დაწესებულების სტუდენტებისათვის ჩაატარეს ვორქშოპები, მასტერკლასები და საჩვენებელი ლექციები, რომლებიც საერთაშორისო ურთიერთობების, დიპლომატიისა და თანამედროვე გლობალური გამოწვევების აქტუალურ საკითხებს შეეხებოდა.
აღსანიშნავია, რომ სტუდენტურ საერთაშორისო კონკურსში საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სტუდენტებმა მნიშვნელოვანი წარმატება მოიპოვეს. კერძოდ: ლაშა მესხმა პირველი ადგილი დაიკავა, ხოლო ნიკა ნადარაიამ — მესამე ადგილი.
ქართულ დელეგაციას უმასპინძლა და წარმატება უსურვა საქართველოს საგანგებო და სრულუფლებიანმა ელჩმა თურქმენეთში ბატონმა კონსტანტინე საბიაშვილმა.

09/05/2026

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელით, მწუხარებას გამოთქვამს სამართლის დოქტორის, სამართლისა და საერთაშორისო ურთიერთობების ფაკულტეტის ასოცირებული პროფესორის, ადვოკატთა ასოციაციის წევრი (საერთო სპეციალიზაციის) ადვოკატის, ახალგაზრდა პედაგოგისა და მკვლევრის – ლევან დუნდუას გარდაცვალების გამო და სამძიმარს უცხადებს ოჯახს, მეგობრებს, კოლეგებსა და აღზრდილებს.

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელ....

01/05/2026

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის საერთაშორისო სამეცნიერო-პრაქტიკული კონფერენცია „ქართლის მოქცევის 1700 წლისთავი“ სლოგანით „ენა, მამული, სარწმუნოება“

საქართველოს მეცნიერებათა ეროვნული აკადემიისა და საპატრიარქოს ინიციატივით, საფუძველი ჩაეყარა კულტურულ-საგანმანათლებლო პროგრამას „ქართული თვითმყოფადობა.“ აღნიშნული პროგრამის ფარგლებში, საერთაშორისო კონფერენცია ტარდება ინტელექტუალური სამართლის ლაბორატორიისა და საჯარო სამართლის დეპარტამენტის ინიციატივით.
ზოგადი ინფორმაცია: კონფერენცია გაიმართება 2026 წლის 21 მაისს 15.00 საათზე თბილისში, საქართველოს ტექნიკური უნივერსიტეტის VI კორპუსის მე-9 სართულზე, ფაკულტეტის ბიბლიოთეკაში.
ღონისძიების სამუშაო ენებია ქართული და ინგლისური.
საკონტაქტო ინფორმაცია: ელ-ფოსტა: [email protected]
კონფერენციაში მონაწილეობის უფლება აქვთ:
• აკადემიურ და სამეცნიერო-კვლევითი სფეროს წარმომადგენლებს
• აღმასრულებელი და საკანონმდებლო ორგანოს წარმომადგენლებს
• უმაღლესი საგანმანათლებლო დაწესებულებების აკადემიურ პერსონალს
• დოქტორანტებსა და მაგისტრანტებს • დამოუკიდებელ მკვლევარებს
მონაწილეობის ფორმები:
• ინდივიდუალური ან ჯგუფური მოხსენება
• ონლაინ ვიდეო-რეჟიმში მოხსენება
• მონაწილეობა მომხსენებლის სტატუსით
• მონაწილეობა სტუმრის/დაინტერესებული პირის სტატუსით
კონფერენცია უზრუნველყოფს:
კონფერენციის კრებულის გამოცემას
• მონაწილეებისათვის სერთიფიკატის გაცემას
• პარტნიორული ურთიერთობების გაღრმავების შესაძლებლობას
• კვლევითი პროექტების დაგეგმვის პლატფორმას
მნიშვნელოვანი ვადები: თეზისების/სტატიების მიღების ვადა: 2026 წლის 10 მაისი კონფერენციის ჩატარების თარიღი: 2026 წლის 21 მაისი ნაშრომის გაფორმების ტექნიკური მოთხოვნები:
• მოცულობა: 8–10 გვერდი (A4 ფორმატი) • შრიფტი: Sylfaen (ქართულისთვის), Times New Roman (ინგლისურისთვის) • შრიფტის ზომა: 12 • ინტერვალი: 1.5 • აბზაცი: 1.25 • ყველა ველი 2 სმ • ილუსტრაციები, დიაგრამები და გრაფიკები უნდა იყოს შესრულებული MS Word-ში ნაშრომის სტრუქტურა: 1. სტატიის სათაური 2. ავტორის (ავტორების) სახელი, გვარი 3. სამუშაო ადგილი, თანამდებობა, სამეცნიერო წოდება, საკონტაქტო მონაცემები 4 აბსტრაქტი ქართულ და ინგლისურ ენაზე (150-250 სიტყვა) 6. საკვანძო სიტყვები ქართულ და ინგლისურ ენაზე 4. შესავალი 6. ძირითადი ტექსტი 7. დასკვნა 8. გამოყენებული ლიტერატურა (APA სტილი)
ნაშრომის გაგზავნის წესი: მოხსენების ტექსტი უნდა გაიგზავნოს ელექტრონულად, Word ფორმატში, შემდეგ მისამართზე: [email protected]

30/04/2026

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე პროფესორების ნიკოლოზ ფიფიას, არჩილ ლორიას და მამუკა სარჩიმელიას ინიციატივით გაიმართა საჯარო ლექცია თემაზე: „აუდიტორიიდან საკანონმდებლო წინადადებამდე“.

ინტერაქტიულ ფორმატში ჩატარებულმა შეხვედრამ სტუდენტებს მისცა შესაძლებლობა თეორიული ცოდნა პრაქტიკულ პროცესთან დაეკავშირებინათ და ემუშავათ რეალურ სამართლებრივ საკითხებზე.

მსგავსი აქტივობები მნიშვნელოვნად ზრდის სტუდენტების მოტივაციას და ხელს უწყობს მათი პრაქტიკული უნარების განვითარებას.