Fablab Iliauni • ფაბლაბ ილიაუნი

08/05/2026

გელით 9 მაისს ევროპის დღეზე ფაბლაბის სივრცეში 🚀

📅 9 მაისს, 12:00-დან 18:00 საათამდე

📍 ექსპო ჯორჯია, მე-11 პავილიონი | სტენდი N28

გვეწვიეთ ილიაუნის სტენდზე და აღმოაჩინეთ სივრცე, სადაც მეცნიერება, ტექნოლოგია და ინოვაცია ერთიანდება.

ადგილზე დაგხვდებათ ჩვენი ჰუმანოიდი რობოტი- ატომი. შეძლებთ გაცნობასა და მასთან ინტერაქციას

გარდა ამისა ადგილზე დაგხვდებათ:

▪️ ვირტუალური რეალობის კუთხე

▪️ 3D პრინტინგის კუთხე- გაეცანობით 3D პრინტინგისა და სკანირების შესაძლებლობებს

▪️ რობოტიკისა და ინჟინერიის კუთხე - შეძლებთ ჩაერთოთ რობოტიკისა და ინჟინერიის პრაქტიკულ პროცესებში

▪️ დრონები და Arduino-ზე აწყობილი რობოტები

🔗დეტალური პროგრამა: https://tinyurl.com/yc28mx2r
🔗ვრცლად ევროპის დღის შესახებ: https://tinyurl.com/yc239mz4

ილიაუნი ევროპის დღეზე ✨

📅 9 მაისს, 12:00-დან 18:00 საათამდე
📍 ექსპო ჯორჯია, მე-11 პავილიონი | სტენდი N28

გვეწვიეთ ილიაუნის სტენდზე და აღმოაჩინეთ სივრცე, სადაც მეცნიერება, ტექნოლოგია და ინოვაცია ერთიანდება.

რა გელოდებათ:

⭐ კიბერლაბორატორია უნილაბის სივრცე

▪️ უნიპოდკასტი – ჩაწერეთ პოდკასტი

▪️ #ეთამაშემენტორს – ითამაშეთ სახალისო ქვიზები ტექნოლოგიებსა და ევროკავშირზე

▪️ წერილი ევროპას – დაუტოვეთ გზავნილი ევროპას

⭐ ტექნოლოგიური მეწარმეობის ცენტრი & ფაბლაბ ილიაუნი

▪️ გაიცანით ილიაუნის ჰუმანოიდი რობოტი ატომი 🤖

▪️ გამოსცადეთ ვირტუალური რეალობა (VR)

▪️ გაეცანით 3D პრინტინგისა და სკანირების შესაძლებლობებს

▪️ ჩაერთეთ რობოტიკისა და ინჟინერიის პრაქტიკულ პროცესებში

▪️ აღმოაჩინეთ დრონები და Arduino-ზე აწყობილი რობოტები

▪️ ითამაშეთ STEAM თამაშები და მიიღეთ მონაწილეობა mini battle bot-ების შეჯიბრებაში

⭐სტენდზე წარმოდგენილი იქნება ევროკავშირის ხელშეწყობით მიმდინარე პროექტები, რომლებიც მოიცავს ისეთ მიმართულებებს, როგორიცაა: ციფრული ტრანსფორმაცია განათლებაში, კვლევის ეთიკა და კეთილსინდისიერება, ხელოვნური ინტელექტი და ინოვაცია, ჯანდაცვის განათლების მოდერნიზება, მდგრადი განვითარება და მწვანე კომპეტენციები, ასევე ახალგაზრდა მკვლევრებისა და სტუდენტების უნარების განვითარება.

🔗 დეტალური პროგრამა: https://tinyurl.com/yc28mx2r

🔗ვრცლად ევროპის დღის შესახებ: https://tinyurl.com/yc239mz4

24/04/2026

კვირას, 26 აპრილს, შემოგვიერთდით წნორში ილიას განათლების ფესტივალზე სადაც ჩვენი ჰუმანოიდი ატომი დაგხვდებათ✨
📅 15:00-18:00 საათამდე ცოდნის კაფეში გიმასპინძლებთ

20/02/2026

For English Scroll Down
📣 Startup Grind Pitch Battle Royale საქართველო — ადგილობრივი გამარჯვებულები ცნობილია!
🚀17 თებერვალს, Startup Grind Tbilisi-სა და ილიას სახელმწიფო უნივერსიტეტის წარმომადგენლობებმა უმასპინძლეს Startup Grind Pitch Battle Royale-ის პირველ ადგილობრივ გამოშვებას.
⭕ Startup Grind Pitch Battle Royale არის Startup Grind-ის გლობალური ინიციატივა, რომლის ფარგლებშიც მონაწილე სტარტაპები გამოცდილი ჟიურის წინაშე ფიჩავენ, იღებენ პროფესიულ უკუკავშირს და იბრძვიან საერთაშორისო არენაზე გასვლის შესაძლებლობისთვის.
ორწუთიანი პრეზენტაციებისა და ჟიურისთან კითხვა-პასუხის სესიის შემდეგ, გამოვლინდნენ წლევანდელი ადგილობრივი გამარჯვებულები:
🏆 იდეის ეტაპზე მყოფი (Idea Stage) გამარჯვებული სტარატპი — Parallax VR.
🏆 განვითარების ეტაპზე მყოფი (Development Stage) გამარჯვებული სტარატპი — ReFi.Trading
🌏 შემდეგი ეტაპისთვის, ჩვენი ადგილობრივი გამარჯვებულები საქართველოს წარადგენენ გლობალურ ვირტუალურ ნახევარფინალში, რომელსაც Startup Grind-ის სათაო ოფისი 25 თებერვალს გამართავს.
შემოგვიერთდით და მივულოცოთ ჩვენს გამარჯვებულებს ეს მნიშვნელოვანი ნაბიჯი გლობალურ ასპარეზზე!

🚀 Startup Grind Pitch Battle Royale Georgia — Local Winners Announced!
On February 17, Startup Grind Tbilisi and Ilia State University Chapters hosted the first local edition of Startup Grind Pitch Battle Royale, bringing together some of Georgia’s most promising early-stage startups for a live pitch competition.
Following live 2-minute pitches and a Q&A session with the judging panel, this year’s local winners were selected:
🏆 Idea Stage Winner — Parallax VR
Parallax VR automates the conversion of CAD models into interactive AR/VR experiences.
🏆 Development Stage Winner — ReFi.Trading
ReFi.Trading builds the ex*****on layer for modern markets through non-custodial, AI-powered trading automation.
🌏 Next Stop: Global Semi-Finals
Our local winners will now represent Georgia at the Global Virtual Semi-Finals, hosted by Startup Grind HQ on February 25.
Join us in congratulating our winners as they take their next step onto the global stage

04/02/2026

🚀 პირველად საქართველოში საერთაშორისო კონკურსი Startup Grind Pitch Battle Royale

17 თებერვალს, Startup Grind-ის თბილისისა და ილიას სახელმწიფო უნივერსიტეტის წარმომადგენლობა, ილიაუნის ბაზაზე უმასპინძლებს საერთაშორისო კონკურსს - Startup Grind Pitch Battle Royale.

⭕ Startup Grind Pitch Battle Royale არის Startup Grind-ის გლობალური ინიციატივა, რომლის ფარგლებშიც მონაწილე სტარტაპები წარსდგებიან გამოცდილი ჟიურის წინაშე, მიიღებენ პროფესიულ უკუკავშირს და იბრძოლებენ საერთაშორისო არენაზე გასვლის შესაძლებლობისთვის.

📅 თარიღი: 17 თებერვალი
📍 თბილისი | ილიაუნის თეატრი
🎤 პიჩი: 2 წუთი | 3 სლაიდი | Q&A ჟიურისგან

🏆 გამარჯვებულ გუნდს ელის:
• Startup Grind-ის საერთაშორისო კონფერენციის ბილეთი (27–29 აპრილი, 2026)
• ნახევარფინალისა და ფინალის ეტაპზე გადასვლის შესაძლებლობა
• საერთაშორისო აღიარება
• ციფრული რესურსების პაკეტი გენერალური სპონსორებისგან

🎯 მონაწილეობა შეუძლიათ:
• იდეის ეტაპზე მყოფ სტარტაპებს
• განვითარების ეტაპზე მყოფ სტარტაპებს
• Traction ეტაპზე მყოფ სტარტაპებს

📌რეგისტრაციის ბმული მონაწილეებისთვის: https://pitchbattleroyale.com/apply
📆 აპლიკაციის შევსების ბოლო ვადა 11 თებერვალი, 23:59

📌რეგისტრაციის ბმული გულშემატკივრებისთვის: https://www.startupgrind.com/e/mpr547/

👉დეტალური ინფორმაცია: http://bit.ly/3Zd2ZJA

16/01/2026

🔴 ილიას სახელმწიფო უნივერსიტეტში ტექმეწარმეობისა და ინოვაციების განვითარების ცენტრის ორგანიზებით გაიმართა საჯარო შეხვედრების ციკლი „მენეჯმენტი შექსპირის მიხედვით: 4 გაკვეთილი ლიდერობაზე“.
📝 შექსპირის ტრაგედიების მაგალითებზე ორგანიზაციულმა ფსიქოლოგმა საბა ჩიხლაძემ განიხილა სამუშაო გარემოში ლიდერობის, გადაწყვეტილების მიღების, კომუნიკაციისა და ურთიერთობების სირთულეები.

16/12/2025

🔴 ილიას სახელმწიფო უნივერსიტეტი ექვს ევროპულ პარტნიორ ორგანიზაციასთან ერთად ევროპის ინოვაციებისა და ტექნოლოგიების ინსტიტუტის (EIT) საგრანტო კონკურსის - EIT Higher Education Initiative / Call for Proposals 2024 - გამარჯვებულია და იწყებს ახალ საერთაშორისო პროექტს ELICIA - Empowering Leadership in Creative Innovation and AI-driven Entrepreneurship.

🎯 კონკურსის მიზანია ევროპული უმაღლესი განათლების ხარისხისა და კონკურენტუნარიანობის გაძლიერება ინოვაციური შესაძლებლობების განვითარების დაფინანსებითა და განათლებისა და კვლევის სფეროში ინსტიტუციური და სისტემური ცვლილებების ხელშეწყობით.

🌐 პროექტის კონსორციუმში ხუთი ქვეყნის შვიდი პარტნიორია, მათ შორის ხუთი უნივერსიტეტი და ორი - ბიზნესაქსელერატორი.

✨ ილიაუნი პროექტში მნიშვნელოვან როლს შეასრულებს, როგორც ინოვაციებისა და კვლევის რეგიონული ცენტრი.

უნივერსიტეტში დაფუძნდება:
▪️ რობოტიკისა და ხელოვნური ინტელექტის ლაბორატორია - სპეციალიზებული სივრცე კვლევისთვის, ექსპერიმენტებისა და ახალი ტექნოლოგიების დასანერგად;
▪️ საგანმანათლებლო ტრენინგმოდული მეწარმეობის, პროტოტიპირების, რობოტიკის, ინოვაციებისა და კრეატიული ინდუსტრიების მიმართულებით.

🔗 სრული ინფორმაცია იხილეთ ბმულზე: https://shorturl.at/eXeg7

10/12/2025

🎉 ილიაუნელები ავთანდილ მღებრიშვილი და მურო თაკალანძე Forbes Georgia 30 Under 30 2025-ის საზოგადოებრივი გავლენის კატეგორიის გამარჯვებულები არიან!

📌 საზოგადოებრივი გავლენის კატეგორიაში იმარჯვებენ ნომინანტები, რომლებიც საზოგადოებას ცვლიან სოციალური პროექტებით, სამოქალაქო ინიციატივებით, საზოგადოების კეთილდღეობაზე ორიენტირებული საქმიანობით.

▶️ ავთანდილ მღებრიშვილი ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრის ხელმძღვანელია. ცენტრი ფაბლაბ ილიაუნისთან ერთად სტუდენტებს და დაინტერესებულ პირებს საშუალებას აძლევს, ინოვაციური იდეები რეალობად აქციონ კვალიფიციური პერსონალისა და თანამედროვე ტექნოლოგიური დანადგარების დახმარებით.

ავთანდილი ქვეყნის მასშტაბით ხელმძღვანელობს ინოვაციურ და საგანმანათლებლო პროექტებს, რომლებიც ფოკუსირებულია არაფორმალური განათლების, მეწარმეობის, ტექნოლოგიებისა და STEAM მიმართულებათა სასწავლო პროგრამების შექმნასა და გავრცელებაზე.

ავთანდილი ასევე Georgian Robotics Association • საქართველოს რობოტიკის ასოციაციის ხელმძღვანელია, აქვს YouTube არხი TechCrush ტექნოლოგიური თემების პოპულარიზაციის, საინჟინრო ცოდნის გაზიარებისა და ახალგაზრდების მოტივაციის ასამაღლებლად.

▶️ მურო თაკალანძე, სტრატეგიული კომუნიკაციებისა და საზოგადოებასთან ურთიერთობის (PR) სპეციალისტი, რამდენიმე წელია აქტიურად მონაწილეობს საგანმანათლებლო საქმიანობაში, აქტიურად უჭერს მხარს ახალგაზრდულ ინიციატივებს. ილიაუნის მოწვეული ლექტორია და მისი პროფესიული საქმიანობა ახალგაზრდების ხელშეწყობა და სოციალური პასუხისმგებლობის გაძლიერებაზე ზრუნვაა.

🚀ილიას სახელმწიფო უნივერსიტეტი ულოცავს ავთანდილსა და მუროს ამ მიღწევას!

08/12/2025

25 ნოემბერს, 18:00 საათზე, ილიაუნის თეატრში გაიმართა შეხვედრა ევროპის ადრეული ეტაპის ინვესტორთან და ზრდის ექსპერტთან, ბას გოდსკასთან. ღონისძიება სტარტაპ გრაინდ თბილისს მიერ მოეწყო ილიას სახელმწიფო უნივერსიტეტის მხარდაჭერით.

ბასი miro.com-ის ანგელოზი ინვესტორია. მის მიერ განხორციელებულმა 50+ ინვესტიციამ $1 მილიარდზე მეტი კაპიტალი მოიზიდა ისეთი ფონდებისგან, როგორებიცაა Iconiq, Accel, Insight, Salesforce, Google, Y Combinator და Techstars. მისი პორტფოლიო კომპანიების საერთო საბაზრო ღირებულებამ $20 მილიარდს მიაღწია.

მომხსენებელმა საკუთარი კარიერული გზა გააზიარა — მსხვილი კორპორაციების მარკეტინგიდან ევროპის ერთ-ერთ წამყვან ინვესტორობამდე. შეხვედრის მონაწილეებმა მიიღეს სასარგებლო ინფორმაცია და რჩევები ადრეული ეტაპის სტარტაპების შეფასების კრიტერიუმებზე, დამფუძნებლებისა და გუნდების შეფასების პროცესზე, ინვესტორებთან კომუნიკაციის სტრატეგიებსა და თავიდან ასარიდებელ შეცდომებზე.

მომხსენებელმა ასევე განიხილა აღმოსავლეთ ევროპის ტექნოლოგიური ეკოსისტემის უპირატესობები და გადასალახი ბარიერები გლობალური კაპიტალის მოსაზიდად.

ღონისძიება უნიკალური შესაძლებლობა აღმოჩნდა სტარტაპ დამფუძნებლებისთვის, ინვესტორებისა და ტექნოლოგიის ენთუზიასტებისთვის — მათ მიიღეს პრაქტიკული რჩევები იმის შესახებ, თუ როგორ იქმნება წარმატებული კომპანიები განვითარებად ბაზრებზე.

02/12/2025

📣 15-16 ნოემბერს ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრის ორგანიზებით გაიმართა საერთაშორისო ჰაკათონი DIGIEDUHACK 2025: Rethinking Education in the Age of Digital Skill.
⭕ DigiEduHack EIT-ის (ინოვაციისა და ტექნოლოგიის ევროპული ინსტიტუტი) ციფრული განათლების სამოქმედო გეგმით ხორციელდება. DigiEduHack 2019 წლიდან აქტიურად მიმდინარეობს მთელი ევროპის და მის ფარგლებს გარეთ და მონაწილე ქვეყნების გუნდებს აერთიანებს განათლების უკეთესი მომავლის შესაქმნელად.
🟥 ჰაკათონის ფინალურ ეტაპზე ჟიურიმ 50 მონაწილე შეარჩია. სხვადასხვა მიმართულების სტუდენტთა და მოსწავლეთაგან შემდგარმა გუნდებმა 10 იდეა წარმოადგინეს.
🚀ადგილობრივი ჟიურის წევრების გადაწყვეტილებით ჰაკათონის გამარჯვებული გუნდია AI IA Labs, რომლის იდეაც საქართველოს სახელით წარსდგება DigiEduHack2025-ის გლობალურ ნომინაციაზე.
👉 AI IA Labs მობილური სასწავლო აპლიკაციაა, რომელიც მოზარდებისთვის ჩვეულ სქროლვის პროცეს სსწავლების პროცესად გარდაქმნის: პლატფორმა AI-ს გამოყენებით ამარტივებს საგანმანათლებლო ვიდეოებს, მომხმარებელს სთავაზობს მოკლე განმარტებასა და სწრაფ ქვიზებს. შედეგად, მოსწავლეები ინარჩუნებენ კონცენტრაციას და უფრო ეფექტურად სწავლობენ.
📎 AI AI Labs-ის პროექტი შეგიძლიათ იხილოთ აქ: https://digieduhack.com/solutions/ai-ia-labs
👥 ჰაკათონის ადგილობრივი ჟიურის წევრები იყვნენ:
▶ ავთანდილ მღებრიშვილი, ილიაუნის ტექნოლოგიური მეწარმეობისა და ინოვაციების განვითარების ცენტრის ხელმძღვანელი
▶ თინი მამუჩაშვილი, ილიას სახელმწიფო უნივერსიტეტის პრეაქსელერატორ Zoomout-ის მენეჯერი, სტარტაპ Neuropilot-ის დამფუძნებელი
▶ გიორგი ახალაია, ილიაუნის ბიზნესის ტექნოლოგიებისა და განათლების ფაკულტეტის ასოცირებული პროფესორი, კიბერუსაფრთხოების მკვლევარი
🔴 ღონისძიება აერთიანებდა საგანმანათლებლო სესიებს, მენტორინგსესიებს, ნეთვორქინგის ღონისძიებებს და გუნდურ სამუშაოს. მონაწილეები მუშაობდნენ ტექნოლოგიურ ინოვაციებზე განათლების მიმართულებით. ილიას სახელმწიფო უნივერსიტეტი 2020 წლიდან უერთდება DigiEduHack EIT-ის პროექტს.

11/11/2025

საერთაშორისო ჰაკათონი DIGIEDUHACK 2025

🔴 14-16 ნოემბერს ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრის ორგანიზებით გაიმართება ჰაკათონი DIGIEDUHACK 2025: Rethinking Education in the Age of Digital Skill საერთაშორისო პროექტის DigiEduHack ფარგლებში.

📌 პროექტი EIT-ის (ინოვაციისა და ტექნოლოგიის ევროპული ინსტიტუტი) ციფრული განათლების სამოქმედო გეგმით ხორციელდება. DigiEduHack 2019 წლიდან აქტიურად მიმდინარეობს მთელი ევროპის და მის ფარგლებს გარეთ და მონაწილე გუნდებს აერთიანებს განათლების უკეთესი მომავლის შესაქმნელად.

👥 მონაწილეობა შეუძლიათ 16 წლის ზემოთ სტუდენტებს, მასწავლებლებს, მოსწავლეებს, ანტრეპრენერებს, ინოვატორებსა და ციფრული განათლებით დაინტერესებულ ნებისმიერ პირს.

🚀 მონაწილეები იმუშავებენ ინოვაციურ იდეებზე, რომლებიც ხელს შეუწყობს განათლების განვითარებას ციფრული ტექნოლოგიების საშუალებით. პროექტების მიზანია ცოდნის გავრცელების ხელშეწყობა, ინკლუზიურობის ზრდა და თანამედროვე გამოწვევებზე პასუხი.

📌 12 ნოემბერს, 19:00 საათზე, ონლაინ გაიმართება საინფორმაციო შეხვედრა ჰაკათონის შესახებ. დასწრება შესაძლებელია ბმულით: https://meet.google.com/coc-updt-voi

🔗 სარეგისტრაციო ბმული: https://forms.gle/H4ftpgJpm5KGcXCc7
📅 რეგისტრაციის ბოლო ვადა: 13 ნოემბერი, 23:59 საათი
📍 ღონისძიება გაიმართება ილიას სახელმწიფო უნივერსიტეტის ბაზაზე

ვრცლად: https://shorturl.at/y5C4F

22/10/2025

📣 გსურს შენი ფანტაზია რეალურ ობიექტად აქციო?

ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრი იწყებს 3D ბეჭდვისა და დიზაინის უფასო კურსს VII-XII კლასების მოსწავლეებისთვის.

🚀 მონაწილეები გაეცნობიან 3D ბეჭდვის პრინციპებსა და ტექნოლოგიას, ისწავლიან 3D პრინტერთან მუშაობის პრაქტიკულ მეთოდებს, Autodesk Fusion 360 პროგრამას და თავად შექმნიან ციფრულ მოდელებს, რომლებსაც რეალურ ობიექტებად გარდაქმნიან ბეჭდვის პროცესში.

👉 მონაწილეები შეფასდებიან პრაქტიკული სავარჯიშოებით, შესრულების ხარისხისა და აქტიურობის მიხედვით. შუალედური ეტაპების წარმატებით გავლის შემდეგ წარმოადგენენ საკუთარ პროექტებს, საუკეთესო ნამუშევრის ავტორები დაჯილდოვდებიან სპეციალური პრიზით – 3D პრინტერებით.

🔗 მონაწილეობისთვის საჭიროა არა უგვიანეს 30 ოქტომბრისა შეავსო მარტივი
სააპლიკაციო ფორმა: https://forms.gle/dJNQLw5Ywrj9PMhX9

⭕ კურსი ჩატარდება დისტანციურად Google meets-ის გამოყენებით.
კურსის ხანგრძლივობა: 4 კვირა

📆 ტრენინგის ხანგრძლივობა: კვირაში 2 დღე, 2 საათი

კურსი ხორციელდება შოთა რუსთაველის საქართველოს ეროვნული სამეცნიერო ფონდის 2024 წლის მეცნიერების პოპულარიზაციისათვის მიზნობრივ საგრანტო კონკურსში გამარჯვებულ პროექტთან „სამეცნიერო ცოდნის 3D ფრთები“ (ავტორი - ილიას სახელმწიფო უნივერსიტეტის ასოცირებული პროფესორი ჯუანშერ ჯეჯელავა) თანამშრომლობით.