05/05/2016
,,კაცობრიობა დედით და მამით ობოლ ბავშვს დაემსგავსებოდა, ამქვეყნად მხატვრობა რომ ,,არ ყოფილიყო"–წერდა ნოდარ დუმბაძე. მხატვრობა არა მარტო პროფესია, არამდე მთელი სამყაროა და ისტორია ამ სამყაროს შექმნის. ფერთა გამით გადმოსცე გრძნობა, ეს გაცილებით უფრო რთულია ვიდრე ბგერით, სიტყვით, წერით. . .
დაინახო . . . აღიქვა. . . და იგრძნო. . . .თუ ეს სამი ასპექტი გაერთიანდა, შემოქმედის მიზანი მიღწეულია.
ლანა ბუბაშვილი ტყიბულის სამხატვრო სკოლის IV კლასის მოსწავლეა. ნიჭმა, რომელიც ბუნებამ მას თან დააყოლა და პროფესიონალი პედაგოგების შრომამ უკვალოდ არ ჩაიარა. შედეგი, რომელიც თან მოჰყვა მონდომებას, სწავლასა და შრომას, საამაყოა არა მარტო ლანასთვის, არამედ მისი მშობლიური სამხატვრო სკოლისა და მთელი ქალაქისათვის. რამდენიმე დღის წინ ცნობილი გახდა, რომ წითელი ჯვრის საერთაშორისო კონფერენციაზე ჟენევაში ლანას ნამუშევრებს დიდი მოწონება ხვდა წილად. პეიზაჟების რეპროდუქციები, რომლებიც გუაშებით არის შესრულებული, მსოფლიოს 186 ქვეყანაში დაიბეჭდება და ჩვენი მომავალი მხატვრის სახელს ამ ქვეყნების მხატვართა სამყარო გაიცნობს. ეს ძალიან დიდი წარმატებაა. . .
ეს ჩვენი ქალაქის შვილის წარმოჩინებაა. . . ეს ტყიბულის სამხატვრო სკოლისა და მისი პედაგოგების დამსახურებაა!!!
