Léachtaí Cholm Cille

04/04/2019

Táimid ag súil go mór le Léachtaí Cholm Cille ar an 26-27 Aibreán. Is féidir clárú i gcomhair léachtaí na bliana seo ar ár suíomh gréasáin:

Comhdháil de chuid Scoil an Léinn Cheiltigh, Ollscoil Mhá Nuad

28/03/2017

Déanfar saol agus saothar an Mhoinsíneora Pádraig Ó Fiannachta a chíoradh ag Léachtaí Cholm Cille 2017, a bheidh ar siúl ón 21-22 Aibreán i nDíseart an Daingin, Co. Chiarraí. Tá clár na léachtaí agus gach eolas eile ar fáil ar an suíomh gréasáin: http://leachtaicholmcille.ie

Comhdháil de chuid Scoil an Léinn Cheiltigh, Ollscoil Mhá Nuad.

09/02/2016

An Éiceolaíocht i dTraidisiún na Gaeilge a bheidh mar théama do Léachtaí Cholm Cille XLVII na bliana seo, a thionólfar i nDíseart an Daingin ón 1-2 Aibreán. I bhfianaise na práinne timpeall ar mhórcheist ábhartha seo na linne, féachann sraith léachtaí na Comhdhála le scagadh a dhéanamh ar an aigne dhúchais i leith na timpeallachta ó ré na Sean-Ghaeilge i leith, he hionchas bonn, fuinneamh agus treoir a chur faoinár n-iarrachtaí cosanta agus caomhnaithe ar acmhainní na cruinne.

Comhdháil de chuid Scoil an Léinn Cheiltigh, Ollscoil Mhá Nuad.

09/12/2015

Tá áthas orainn a fhógairt go mbeidh Léachtaí Cholm Cille XLVII ar siúl ón 1-2 Aibreán 2016 sa Díseart, An Daingean, Co. Chiarraí. 'An Éiceolaíocht i dTraisidiún na Gaeilge' a bheidh mar théama na comhdhála. Scaipfear an clár agus tuilleadh eolais go luath i mí Eanáir.

18/03/2015

Bhí an-deireadh seachtaine againn ag Léachtaí Cholm Cille 2015. Ár mbuíochas libh uilig a d’fhreastail ar an gcomhdháil agus a chuir chomh mór sin leis an bplé laistigh agus lasmuigh den léachtlann féin.

13-14 Márta 2015, comhdháil de chuid Scoil an Léinn Cheiltigh, Ollscoil Mhá Nuad.

13/03/2015

Píosa beag ar Tuairisc.ie maidir le Léachtaí Cholm Cille. Is féidir clárú anocht i bhFoirgneamh Hume ó 6.30pm ar aghaidh agus cuirfear tús leis an chomhdháil ar 7.15pm. Muna bhfuil ar do chumas a bheith i láthair anocht is féidir clárú maidin amárach. Tá muid ag súil go mór leis an imeacht!

Caitheann Tuairisc.ie súil chun cinn ar a bhfuil ag tarlú i saol na Gaeilge agus na Gaeltachta as seo go ceann seachtaine

11/03/2015

Tá muid ag súil go mór le fáilte a chur romhaibh ag Léachtaí Cholm Cille 2015! Amárach an lá deiridh gur feidir clárú ar líne, agus molann muid do dhaoine sin a dhéanamh, ach is féidir clárú ar an láthair le linn na comhdhála féin freisin.

http://www.leachtaicholmcille.ie/claru/

13-14 Márta 2015, comhdháil de chuid Scoil an Léinn Cheiltigh, Ollscoil Mhá Nuad.

07/03/2015

Imeacht scolártha eile, sa bhreis ar Léachtaí Cholm Cille, ar siúl in Ollscoil Mhá Nuad an tseachtain seo chugainn:

LÉACHT AN BHREATHNAIGH

Beidh an chéad léacht chuimhneacháin dar teideal:

‘Fr Paul Walsh – tireless researcher; versatile, innovative scholar’

á tabhairt ag an

Dr Nollaig Ó Muraíle MRIA

Déardaoin 12 Márta ag 6.30 p.m.
i Léachtlann 4, Áras John Hume, Ollscoil Mhá Nuad.

Fáiltiú i ndiaidh na léachta.
R.S.V.P roimh 10 Márta chuig [email protected]

Léachtóir le Breatnais i gColáiste Phádraig Maigh Nuad agus Ollamh leis an Stair Eaglasta ina dhiaidh sin ann a bhí in An tAthair Pól Breathnach (1885-1941). Ba scoláire dúthrachtach ildánach é a d’fhoilsigh mórchuid leabhar, eagrán agus alt ar ghnéithe éagsúla de stair, de litríocht agus de léann na hÉireann.

04/03/2015

Taighde nua ar shaothar an Athar Peadar Ua Laoghaire. Seolfar léachtaí foilsithe na bliana seo caite, in eagar ag an Dr Eoghan Ó Raghallaigh, le linn Léachtaí Cholm Cille 2015.

13-14 Márta 2015, comhdháil de chuid Scoil an Léinn Cheiltigh, Ollscoil Mhá Nuad.

03/03/2015

'Scéal scríbhneora: plota, carachtair agus téamaí'

Anna Heussaff | Dé Sathairn 14 Márta | 3.15pm

Conas mar a tharla dom i m'úrscéalaí i gcúinsí an lae inniu in Éirinn? Dá dtabharfainn insint ar an ábhar sin i bhfoirm úrscéil, cad é an plota a chuirfeadh stiúir ar imeachtaí mo shaoil, cé hiad na carachtair is mó a d'imir tionchar orm, agus cad iad na téamaí a thiocfadh chun solais? Crá nó cinniúint, toil nó tionóisc, cé acu díobh a thiomáin na cinní a thug orm tosú ar ghairm nua in aois a 45 bliain dom agus seacht leabhar a sholáthar go dtí seo?

Ní scríobhfaidh mise a leithéid d'úrscéal riamh, ach is i riocht nótaí don úrscéal gan scríobh a bheidh an léacht seo. Gnéithe den phlota, mar shampla: comhrá gan choinne a tharla nuair a bhí mé idir dhá thráth i mo shaol; spléachtaí siar ar luathiarrachtaí ficsin nár éirigh leo; coimhlintí maidir le stádas an scríbhneora in Éirinn; bacanna airgid nár sháraigh mé. I measc na gcarachtar, beidh daoine muinteartha agus cairde a choimeád misneach liom; foilsitheoirí a chuir muinín ionam; paiteolaí, gardaí agus scata eile ar iarr mé cúnamh taighde orthu; agus dréachtléitheoirí a thug idir mholadh agus cháineadh luachmhar dom. Beidh trácht agam ar dhá láthair shuntasacha, Cill Mhaighneann i mBaile Átha Cliath agus Leithinis Bhéarra in iardheisceart na tíre.

Baineann an scéal seo le mo shaol pearsanta, le pobal na Gaeilge agus le cultúr na leabhar in iarthar an domhain. Ach ní nach ionadh, ní bheidh nótaí ná insint ar chríoch an scéil, mar nach eol d'aon duine cad iad na caibidlí atá fós i ndán dúinn, má tá.

http://www.leachtaicholmcille.ie/achoimri/

02/03/2015

'(Soi)scéal an Standúnaigh'

Tadhg Ó Dúshláine | Dé Sathairn 14 Márta | 2.30pm

Féachann an páipéar seo le saothar cruthaitheach an úrscéalaí sagairt, Pádraig Standún, a scagadh faoi léas oiliúint agus ghairm an údair: Coláiste Phádraig, Má Nuad, Dara Comhairle na Vatacáine, Lumen Gentium, Gaudium et Spes. Pléifear mórcheisteanna morálta agus sóisialta na linne i gcomhthéacs an aggiornamento agus díreófar go háirithe ar an úrscéal fáistineach, faoistiniúil 2016 A.D., mar léiriú ar aidhmeanna agus ar mhodheolaíocht na bparabal seo, ón té nárbh áibhéil ‘Canon Sheehan na Gaeilge’ a thabhairt air.

http://www.leachtaicholmcille.ie/achoimri/

26/02/2015

'Idir Dhá Shaol: Scríbhneoirí na hAthbheochana i Sasana agus in Éirinn'

Ríona Nic Congáil | Dé Sathairn 14 Márta | 12.15pm

Díreoidh an chaint seo ar scríbhneoirí Gaeilge na hathbheochana a bhí lonnaithe i Sasana nó a chaith cuid mhaith ama i Sasana. I measc na ndaoine seo, tá Liam P. Ó Riain, Pádraic Ó Conaire, Mícheál Breathnach, Norma Borthwick agus Mícheál Mac Liammóir. Breathnófar ar a gcúlra agus ar an gcaoi ar mealladh i dtreo na Gaeilge iad. Déanfar trácht ar an gciorcal scríbhneoireachta a chothaigh siad, ar an tionchar a bhí ag an saol i Sasana ar a gcuid scríbhneoireachta agus ar an mbaint a bhí acu le scríbhneoirí Gaeilge in Éirinn.

Mar shampla, ba dhuine ceannródaíoch é Liam P. Ó Riain (1867–1942), a raibh tionchar aige ar imeachtaí liteartha, cultúrtha, sóisialta agus polaitiúla in Éirinn agus i Sasana ó dheireadh an naoú haois déag go dtí aimsir an tSaorstáit. Tar éis dó dul ar imirce chun ceird na hiriseoireachta a fhoghlaim i Londain, d’fhill sé ar Éirinn, áit a bhfuair sé post mar eagarthóir an nuachtáin náisiúnta The Irish Peasant. Thuig Ó Riain an tábhacht a bhain leis an gcomhoibriú i measc scríbhneoirí na Gaeilge agus chothaigh sé gréasáin idir lucht na Gaeilge in Éirinn agus i Sasana. Chomh maith leis sin, bhí sé ar thús cadhnaíochta agus é ag iarraidh cultúr Gaelach na n-óg a chur chun cinn, cur chuige a bhí bunaithe ar a thaithí ar chultúr na n-óg i Sasana.

Sa chaint seo, déanfar iarracht cur le saothar cuimsitheach Dhonncha Uí Shúilleabháin, Conradh na Gaeilge i Londain 1894-1917, a foilsíodh sa bhliain 1989.

http://www.leachtaicholmcille.ie/achoimri/