16/04/2024
आज दिनांक 15 एप्रिल 2024 रोजी स्थानिक अकोला येथील शासकीय अध्यापक महाविद्यालयात य. च. म. मुक्त विद्यापीठ व नियमित बी. एड्. यांच्या संयुक्त विद्यमाने भारतरत्न डॉक्टर बाबासाहेब आंबेडकर यांची 133 वी जयंती साजरी करण्यात आली.
या कार्यक्रमासाठी महाविद्यालयाची प्रभारी प्राचार्य डॉक्टर आशु आल्हाद धारस्कर भावसार मॅडम यांनी अध्यक्षस्थान भूषवले तसेच प्रमुख अतिथी म्हणून सुधाकरराव नाईक कला, विज्ञान व वाणिज्य महाविद्यालयाचे प्रा. डॉ. भास्कर पाटील सर उपस्थित होते.
या कार्यक्रमामध्ये य. च. म. मुक्त विद्यापीठातील तसेच नियमित बी. एड्. च्या प्रशिक्षणार्थ्यांनी आपल्या गीतांमधून, भाषणांमधून, कवितेमधून तसेच एकपात्री प्रयोगातुन महामानवाच्या जीवनावर प्रकाश टाकला.
डॉ. बाबासाहेब आंबेडकरांचे विचार आत्मसात केल्याने स्वतःचीच नव्हे तर देशाची प्रगती होईल असे प्रतिपादन प्रमुख अतिथी डॉ भास्कर पाटील सरांनी केले.
कार्यक्रमाचे अध्यक्ष डॉ आशु आल्हाद धारस्कर भावसार मॅडम यांनी शिक्षक कसा असावा या सोबतच डॉ बाबासाहेब आंबेडकर यांनी विद्यार्थ्यांना दिलेला संदेश आपल्या अध्यक्षीय भाषणात प्रतिपादन केला.
या कार्यक्रमाचे सूत्रसंचालन बी एड व्दितीय वर्ष प्रशिक्षणार्थी अक्षय नागरे यांनी केले, कार्यक्रमाचे प्रास्ताविक अंजली काळे यांनी केले तसेच कार्यक्रमाचे आभार प्रदर्शन रश्मी ढगे यांनी केले.
या जयंती उत्सवाच्या कार्यक्रमासाठी महाविद्यालयातील प्राध्यापक वर्ग, य. च. म. मुक्त विद्यापीठ व नियमित बी. एड्. प्रथम व व्दितीय वर्षाचे सर्व प्रशिक्षणार्थी उपस्थित होते.