1972 ൽ നാഷണൽ സർവീസ് സ്കീമിന്റെ എസ്. ഡി. കോളേജിലെ ആദ്യ യൂണിറ്റ് ഡോ.കേശവപ്പണിക്കർ പ്രോഗ്രാം ഓഫീസറായി തുടക്കം കുറിച്ചു. 1985 ൽ മലയാള വിഭാഗത്തിലെ പ്രൊഫ.ഈശ്വരൻ നമ്പൂതിരിയും പ്രോഗ്രാം ഓഫീസറായി ചേർന്നു. 1987 ൽ ഫിസിക്സ് വിഭാഗത്തിലെ അധ്യാപകൻ പ്രൊഫ. എസ്. രാമാനന്ദ് പ്രോഗ്രാം ഓഫീസറായി ചുമതലയേറ്റു. ഇക്കാലയളവിൽ ജില്ലയുടെ വിവിധ സാമൂഹിക പ്രവർത്തനങ്ങളിലെ പങ്കാളിത്തം കൊണ്ട് യൂണിറ്റ് ശ്രദ്ധിക്കപ്പെട്ടു .കേരള സർവ്
വകലാശാലയുടെ അംഗീകാരങ്ങൾക്ക് യൂണിറ്റ് അർഹമാവുകയും അതിലൂടെ മറ്റുള്ളവർക്ക് മാതൃകയാവുകയും ചെയ്തു.ഈ സേവന മനോഭാവം യൂണിറ്റിന്റെ തുടർ പ്രവർത്തനങ്ങളിലും പ്രതിഫലിക്കുന്നു.
സാമൂഹിക പ്രതിബദ്ധതയുള്ള പ്രവർത്തനങ്ങളുടെ ഭാഗമായി നിരവധി പുരസ്കരങ്ങൾ പ്രോഗ്രാം ഓഫീസർമാർക്കും യൂണിറ്റിനും ലഭിച്ചിട്ടുണ്ട്. കേരള സർവകലാശാലയുടെ മികച്ച പ്രോഗ്രാം ഓഫീസർക്കുള്ള അവാർഡ് 1990-91 ൽ പ്രൊഫ.എസ്.രാമാനന്ദ്, 2003-04 ൽ ഡോ.എ.സുബ്രഹ്മണ്യൻ എന്നിവർക്ക് ലഭിച്ചു. 2005-06 ൽ കേരള സർക്കാരിന്റെ മികച്ച പ്രോഗ്രാം ഓഫീസർക്കുള്ള അവാർഡ് ഡോ.കെ.പി.രാമചന്ദ്രൻ പിള്ള ഏറ്റുവാങ്ങി. 2007-08 വർഷത്തിൽ സർവ്വകലാശാലയുടെ പ്രത്യേക പുരസ്കാരത്തിനും അദ്ദേഹത്തെ തിരഞ്ഞെടുത്തു. കേരള സർവകലാശാല ഈ യൂണിറ്റിനെ മികച്ച യൂണിറ്റിനുള്ള പ്രത്യേക അവാർഡിന് തിരഞ്ഞെടുത്തു. 2009-10 ൽ പ്രോഗ്രാം ഓഫീസർ ഡോ. ടി. ആർ. അനിൽകുമാറിനെ മികച്ച പ്രകടനത്തിനുള്ള പ്രത്യേക അവാർഡിന് തിരഞ്ഞെടുത്തു. 2015-16 ലും 2016-17 ലും ഡോ. വിനീത് ചന്ദ്ര കെ. എസിനു മികച്ച പ്രോഗ്രാം ഓഫീസർക്കുള്ള അവാർഡ് ലഭിച്ചു. 2014-15 ൽ യൂണിവേഴ്സിറ്റിയുടെ പ്രത്യേക പുരസ്കാരത്തിനും അദ്ദേഹം അർഹനായി. 2013-14 ൽ പ്രോഗ്രാം ഓഫീസറായ ഡോ. എസ്. അജയകുമാറിനും യൂണിവേഴ്സിറ്റിയുടെ പ്രേത്യേക അവാർഡ് ലഭിച്ചു. മികച്ച പ്രോഗ്രാം ഓഫീസർക്കുള്ള കേരള സർവകലാശാലയുടെ പുരസ്കാരത്തിന് 2018-19 ൽ ഡോ. ജെ. വീണ, 2020-21 ൽ ഡോ. എസ്. ലക്ഷ്മി എന്നിവരും അർഹരായി.
കേരള സംസ്ഥാന സർക്കാരിന്റെയും, കേരള സർവകലാശാലയുടെയും നിരവധി അവാർഡുകൾ യൂണിറ്റിനും പ്രോഗ്രാം ഓഫീസർമാർക്കും ലഭിച്ചിട്ടുണ്ട്. 1987 മുതൽ 1992 വരെ എസ്. ഡി. കോളേജ് എൻ. എസ്സ്. എസ്സ്. യൂണിറ്റിനെ മികച്ച യൂണിറ്റിനുള്ള അവാർഡിനായി യൂണിവേഴ്സിറ്റി തിരഞ്ഞെടുത്തു. 1993-94 ൽ ഡ്രഗ് ഫ്രീ ക്യാമ്പസ് ക്യാമ്പയിൻ പ്രവർത്തനങ്ങളുടെ ഭാഗമായി യൂണിറ്റിന് കേരള സർവകലാശാലയുടെ പ്രത്യേക അർഡ് ലഭിച്ചിട്ടുണ്ട്. 2003 മുതൽ 2006 വരെ മികച്ച യൂണിറ്റിനുള്ള അവാർഡ് നമ്മുടെ യൂണിറ്റിന് ലഭിച്ചു. 2010മുതൽ 2015വരെ തുടർച്ചയായി യൂണിറ്റിന് കേരള സർവകലാശാലയുടെ പ്രത്യേക അവാർഡും ലഭിച്ചു. 2015-16 മുതൽ 2020-21 വരെ തുടർച്ചയായി മികച്ച എൻ. എസ്സ്. എസ്സ്. യൂണിറ്റിനുള്ള അവാർഡ് എസ്. ഡി. കോളേജ് എൻ. എസ്സ്. എസ്സ്. യൂണിറ്റിന് ലഭിച്ചിട്ടുണ്ട്.
കേരള സർവകലാശാലയെ പ്രതിനിധീകരിച്ച് ഡൽഹിയിൽ വെച്ചു നടക്കുന്ന റിപ്പബ്ലിക് ദിന ക്യാമ്പിൽ 2005-06 ൽ അൽ അമീൻ, 2007-08 ൽ അരുൺ പുരുഷോത്തമൻ, സൂര്യ എസ്. കുമാർ, 2021-22 ൽ വാണി എസ്. എന്നിവർ പങ്കെടുത്ത് എസ്. ഡി. കോളേജ് എൻ. എസ്സ്. എസ്സ്. യൂണിറ്റിന്റെ അഭിമാനമുയർത്തി........................................................................
മെഗാ പ്രൊജക്റ്റ്
1. 2016-17 : സനാതന സുമംഗലി
സംസ്ഥാന സാമൂഹിക നീതി വകുപ്പിന്റെയും ആലപ്പുഴയിലെ നഗരസഭയുടെയും കീഴിൽ പ്രവർത്തിക്കുന്ന മഹിളാ മന്തിരത്തിലെ അന്തേവാസികളായ എസ്. രാജി, ഗീത സാഹു എന്നിവരുടെ വിവാഹം നടത്തുന്നതിനായി എൻ. എസ്സ്. എസ്സ്. യൂണിറ്റിന്റെ നേതൃത്വത്തിൽ "സനാതനം സുമംഗലി" എന്ന പേരിൽ ധനം സമാഹരിച്ചു വിവാഹത്തിന്റെ ഭൂരിഭാഗം ചെലവും നടത്താൻ കഴിഞ്ഞു.
2. 2017-18 : സനാതന ഭവനം
എസ്. ഡി. കോളേജ് എൻ. എസ്സ്. എസ്സ്. യൂണിറ്റിന്റെ ആഭിമുഖ്യത്തിൽ മാരാരിക്കുളത്ത് ഒരു നിർധന കുടുംബത്തിന് "സനാതന ഭവനം" എന്ന പേരിൽ വീട് നിർമ്മിച്ചു നൽകി. വീടിന്റെ താക്കോൽദാന കർമം എസ്. ഡി. കോളേജ് മാനേജർ പി.കൃഷ്ണകുമാർ നിർവഹിച്ചു.
3. 2018-19 : ജീവനം
ആലപ്പുഴ എസ്. ഡി. കോളേജ് എൻ. എസ്സ്. എസ്സ്. യൂണിറ്റിന്റെ 2018-2019 അദ്ധ്യയന വർഷത്തെ മെഗാ പ്രൊജക്ട് "ജീവനം" പദ്ധതിയുടെ ഭാഗമായി ഗീതാഭവനത്തിൽ ഉണ്ണിക്കൃഷ്ണപ്പിള്ളയ്ക്ക് ഓട്ടോറിക്ഷ നൽകി സഹായിച്ചു.
4. 2019-20 : സനാതനലയം
നാഷണൽ സർവീസ് സ്കീമിന്റെ അമ്പതാം വാർഷികത്തോടനുബന്ധിച്ച് 50 വീടുകൾ നിർമ്മിച്ചു നൽകുക എന്ന കേരള യൂണിവേഴ്സിറ്റി നാഷണൽ സർവീസ് സ്കീമിന്റെ ലക്ഷ്യം നിറവേറ്റുന്നതിന്റെ ഭാഗമായി ആലപ്പുഴ എസ്. ഡി. കോളേജ് എൻ.എസ്സ്. എസ്സ്. യൂണിറ്റ് "സനാതനാലയം" ഭവന നിർമ്മാണ പദ്ധതി നടപ്പിലാക്കി. കോളേജ് എൻ. എസ്സ്. എസ്സ്. യൂണിറ്റിന്റെ ദത്ത് ഗ്രാമമായ ഇരവുകാട് വാർഡിലെ ഒരു നിർധന കുടുംബത്തിന് വീട് നിർമ്മിച്ചു നൽകി.
5.2020-21 : പ്രയാണം
2020-2021വർഷത്തെ മേഗാ പ്രൊജെക്ടിന്റെ ഭാഗമായി പ്രയണം എന്നപേരിൽ ശാരീരികമായി അസ്വസ്ഥതകൾ നേരിടുന്ന ഒരു ലോട്ടറി വില്പന തൊഴിലാളിക്ക് അദ്ദേഹത്തിന്റെ പ്രയാണം സുഗമമാക്കുന്നതിന് ഒരു മുച്ചക്രവഹനം വാങ്ങി നൽകി.
6. 2021-22 : പുനർജ്ജനി
സനാതന ധർമ കോളേജിന്റെ പ്ലാറ്റിനം ജൂബിലി ആഘോഷങ്ങളുടെ ഭാഗമായി 2021-22 വർഷത്തെ മെഗാ പ്രൊജക്റ്റായി "പുനർജ്ജനി" എന്ന പേരിൽ സനാതന എൻ. എസ്സ്. എസ്സ്. കുടുംബം നിർധനരായ ഒരു കുടുംബത്തിൽ നിന്ന് വന്ന ഞങ്ങളുടെ തന്നെ ഒരു സഹപാഠിക്ക് വീട് നിർമ്മിച്ചു നൽകുന്ന പ്രവർത്തനങ്ങളിൽ ഏർപ്പെട്ടിരിക്കുകയാണ്. ഈ പ്രൊജക്റ്റിലൂടെ ആ ജീവിതങ്ങൾക്ക് ഒരു പുനർജ്ജന്മം നൽകാനാണ് എൻ. എസ്സ്. എസ്സ്. യൂണിറ്റ് മുന്നോട്ടിറങ്ങുന്നത്........................................................................
നിലവിലെ പ്രോഗ്രാം ഓഫീസർമാർ
1. ഡോ. എസ്. ലക്ഷ്മി (അസിസ്റ്റന്റ് പ്രൊഫസർ & മേധാവി , ഫിസിക്സ് വിഭാഗം)
2. ശ്രീമതി. നീത പ്രസാദ് (അസിസ്റ്റന്റ് പ്രൊഫസർ, ഇംഗ്ലീഷ് വിഭാഗം)
