Raje Dharmarao of Arts & Commerce College, Allapalli

25/09/2026

राष्ट्रीय सेवा योजना स्थापणा दिवस साजरा करण्यात आला.

24/09/2026

राष्ट्रीय सेवा योजना स्थापना दिवस उत्साहात

आलापल्ली, दि. २४ सप्टेंबर : राजे धर्मराव कला व वाणिज्य महाविद्यालय, आलापल्ली (स्थित - नागेपल्ली) येथे राष्ट्रीय सेवा योजना (NSS) स्थापना दिवस उत्साहपूर्ण वातावरणात साजरा करण्यात आला. कार्यक्रमाच्या अध्यक्षस्थानी महाविद्यालयाच्या प्राचार्या डॉ. रंजना लाड मॅडम होत्या.

कार्यक्रमाचे प्रास्ताविक राष्ट्रीय सेवा योजना विभागप्रमुख प्रा. मेश्राम सर यांनी केले. यावेळी प्रमुख पाहुणे म्हणून इंग्रजी विभागप्रमुख डॉ. सूर सर व अर्थशास्त्र विभागप्रमुख डॉ. डोंगरे सर उपस्थित होते. प्रमुख पाहुण्यांनी आपल्या मार्गदर्शनातून राष्ट्रीय सेवा योजना ही विद्यार्थ्यांमध्ये सामाजिक बांधिलकी, सेवाभाव, नेतृत्वगुण व राष्ट्रप्रेमाची भावना विकसित करणारे प्रभावी माध्यम असल्याचे सांगितले.

अध्यक्षीय भाषणात प्राचार्या डॉ. रंजना लाड मॅडम यांनी विद्यार्थ्यांनी शिक्षणासोबत समाजसेवेची जाणीव ठेवून सामाजिक विकासामध्ये सक्रिय सहभाग घ्यावा, असे आवाहन केले. NSS च्या माध्यमातून विद्यार्थ्यांना समाजाशी जोडण्याचे आणि जबाबदार नागरिक घडविण्याचे कार्य केले जाते, असे त्यांनी नमूद केले.

कार्यक्रम यशस्वी करण्यासाठी डॉ. बोरकुटे सर व डॉ. घोनमोडे मॅडम यांनी विशेष सहकार्य केले. कार्यक्रमाचे सूत्रसंचालन बी.कॉम.च्या विद्यार्थिनी संजीवनी गावडे यांनी केले.

यावेळी महाविद्यालयातील प्राध्यापक, कर्मचारी व विद्यार्थी मोठ्या संख्येने उपस्थित होते. उत्साहपूर्ण वातावरणात कार्यक्रमाची सांगता झाली.

18/09/2026

राजे धर्मराव महाविद्यालयात रोजगार मेळावा उत्साहात संपन्न

आलापल्ली, दि. १७ सप्टेंबर २०२६
राजे धर्मराव कला व वाणिज्य महाविद्यालय, आलापल्ली येथे विद्यार्थ्यांना रोजगाराच्या विविध संधी उपलब्ध करून देण्याच्या उद्देशाने रोजगार मेळाव्याचे आयोजन करण्यात आले. या मेळाव्याला विद्यार्थ्यांचा उत्स्फूर्त प्रतिसाद मिळाला.
महाविद्यालयाच्या प्राचार्या डॉ. लाड मॅडम यांच्या मार्गदर्शनाखाली हा कार्यक्रम आयोजित करण्यात आला. रोजगार मेळाव्याच्या माध्यमातून विद्यार्थ्यांना विविध रोजगाराच्या संधी, आवश्यक कौशल्ये, मुलाखतीची तयारी तसेच रोजगारासाठी आवश्यक असलेल्या विविध बाबींची माहिती मिळाली.
या कार्यक्रमासाठी प्रा. जाधव सर, प्रा. मांदाळे सर व प्रा. वाढई सर यांनी मार्गदर्शन केले. कार्यक्रमाचे आयोजन डॉ. खोब्रागडे सर यांनी केले. तसेच राष्ट्रीय सेवा योजना (NSS) विभागाचे प्रमुख प्रा. मेश्राम सर यांनी कार्यक्रमाच्या नियोजनात व आयोजनात महत्त्वाची भूमिका बजावली.
कार्यक्रम यशस्वी करण्यासाठी डॉ. सूर सर, डॉ. डोंगरे सर, डॉ. घोनमोडे मॅडम, डॉ. बोरकुटे सर व प्रा. शंभरकर सर यांची उपस्थिती व सहकार्य लाभले.
विद्यार्थ्यांना शिक्षणासोबतच रोजगाराच्या संधींची माहिती मिळावी आणि त्यांच्यामध्ये रोजगाराभिमुख कौशल्यांचा विकास व्हावा, या उद्देशाने आयोजित करण्यात आलेला हा रोजगार मेळावा विद्यार्थ्यांसाठी उपयुक्त ठरला.

06/09/2026

विद्यार्थ्यांच्या प्रार्थनेने महाविद्यालयीन वातावरण भक्तिमय

आलापल्ली (नागेपल्ली) : राजे धर्मराव कला व वाणिज्य महाविद्यालय, आलापल्ली (स्थित नागेपल्ली) येथे विद्यार्थ्यांनी सामूहिक प्रार्थना सादर केली. मधुर स्वरात प्रार्थना म्हणत विद्यार्थ्यांनी महाविद्यालयीन वातावरणात सकारात्मकता, शिस्त आणि एकात्मतेचा संदेश दिला. विद्यार्थ्यांच्या उत्स्फूर्त सहभागामुळे परिसर प्रसन्न व आनंददायी वातावरणाने भारावून गेला. नियमित प्रार्थनेमुळे विद्यार्थ्यांमध्ये शिस्त, एकाग्रता, आत्मविश्वास आणि सकारात्मक विचारांची जोपासना होण्यास निश्चितच मदत होत आहे.

05/09/2026

राजे धर्मराव महाविद्यालयात शिक्षक दिन उत्साहात साजरा

आलापल्ली (नागेपल्ली) : राजे धर्मराव कला व वाणिज्य महाविद्यालय, आलापल्ली (स्थित नागेपल्ली) येथे प्राचार्या डॉ. लाड मॅडम यांच्या मार्गदर्शनाखाली शिक्षक दिन उत्साहात साजरा करण्यात आला. कार्यक्रमाच्या अध्यक्षस्थानी प्रभारी प्राचार्य डॉ. नीरज खोब्रागडे सर होते.

यावेळी प्रमुख वक्ते डॉ. आर. सुर सर, इंग्रजी विभागप्रमुख तसेच डॉ. डोंगरे सर, अर्थशास्त्र विभागप्रमुख यांनी शिक्षक दिनाचे महत्त्व विशद करत विद्यार्थ्यांना मोलाचे मार्गदर्शन केले. त्यांनी भारताचे माजी राष्ट्रपती, महान तत्त्वज्ञ व शिक्षणतज्ज्ञ डॉ. सर्वपल्ली राधाकृष्णन यांच्या जीवनकार्यावर प्रकाश टाकला. डॉ. राधाकृष्णन यांच्या जन्मदिनी, ५ सप्टेंबर रोजी शिक्षक दिन साजरा केला जातो. शिक्षक हा केवळ ज्ञान देणारा नसून विद्यार्थ्यांच्या व्यक्तिमत्त्वाला आकार देणारा मार्गदर्शक असतो, असे त्यांनी आपल्या मार्गदर्शनातून स्पष्ट केले.

राष्ट्रीय सेवा योजना (NSS) प्रमुख प्रा. मेश्राम सर यांनी कार्यक्रमाचे सूत्रसंचालन केले, तर डॉ. बोरकुटे सर, राज्यशास्त्र विभागप्रमुख यांनी कार्यक्रमाच्या यशस्वी आयोजनासाठी सहकार्य केले.

कार्यक्रमाचे विशेष आकर्षण म्हणजे विद्यार्थ्यांनी एक दिवस शिक्षकाची भूमिका स्वीकारून आपल्या सहाध्यायींना अध्यापन केले. या उपक्रमातून विद्यार्थ्यांना अध्यापनाचा प्रत्यक्ष अनुभव मिळण्यासोबतच नेतृत्वगुण, आत्मविश्वास, संवादकौशल्य व जबाबदारीची जाणीव विकसित होण्यास मदत झाली. सहभागी विद्यार्थ्यांना यावेळी पारितोषिकांचे वितरण करण्यात आले.

विद्यार्थ्यांच्या सर्वांगीण व व्यक्तिमत्त्व विकासाच्या दृष्टीने हा अभिनव उपक्रम अत्यंत प्रेरणादायी ठरला असून, विद्यार्थ्यांच्या सुप्त गुणांना वाव देणारी आणि शिक्षकांविषयी आदराची भावना वृद्धिंगत करणारी ही उपक्रमशीलता महाविद्यालयासाठी निश्चितच कौतुकास्पद ठरली.

08/08/2026

14/04/2026

राजे धर्मराव महाविद्यालयात डॉ. बाबासाहेब आंबेडकर यांची १३५ वी जयंती उत्साहात साजरी

आल्लापल्ली: येथील राजे धर्मराव कला आणि वाणिज्य महाविद्यालयात भारतीय राज्यघटनेचे शिल्पकार डॉ. बाबासाहेब आंबेडकर यांची १३५ वी जयंती मोठ्या उत्साहात साजरी करण्यात आली.

कार्यक्रमाच्या सुरुवातीला डॉ. बाबासाहेब आंबेडकर यांच्या प्रतिमेला पुष्पहार अर्पण करून अभिवादन करण्यात आले. यावेळी महाविद्यालयातील प्राध्यापक वृंद, शिक्षक आणि शिक्षकेत्तर कर्मचारी मोठ्या संख्येने उपस्थित होते.

उपस्थित मान्यवरांनी डॉ. बाबासाहेब आंबेडकर यांच्या जीवनकार्यावर प्रकाश टाकत, त्यांच्या विचारांचा वारसा पुढे नेण्याचा संकल्प केला. सामाजिक न्याय आणि समतेचा संदेश देणाऱ्या या कार्यक्रमात सर्व कर्मचाऱ्यांनी उत्साहाने सहभाग नोंदवला.

27/03/2026

राजे धर्मराव महाविद्यालयात कै. श्रीमंत राजे विश्वेशराव महाराज यांच्या पुण्यतिथीनिमित्त अभिवादन कार्यक्रम संपन्न

आलापल्ली: स्थानिक राजे धर्मराव कला आणि वाणिज्य महाविद्यालयात २७ मार्च रोजी कै. श्रीमंत राजे विश्वेशराव महाराज यांच्या पुण्यतिथीनिमित्त अभिवादन कार्यक्रमाचे आयोजन करण्यात आले होते.

कार्यक्रमाच्या अध्यक्षस्थानी महाविद्यालयाच्या प्राचार्य डॉ. रंजना लाड लाभल्या होत्या. प्रारंभी महाराजांच्या प्रतिमेला पुष्पहार अर्पण करून भावपूर्ण आदरांजली वाहण्यात आली. यावेळी उपस्थितांनी महाराजांच्या कार्याचे स्मरण केले.

या कार्यक्रमाला महाविद्यालयातील सर्व प्राध्यापक, शिक्षक आणि शिक्षकेत्तर कर्मचारी मोठ्या संख्येने उपस्थित होते.

23/02/2026

राजे धर्मराव कला आणि वाणिज्य महाविद्यालय, आल्लापल्ली येथे राष्ट्रीय सेवा शिबिराचा उत्साहात समारोप

आलापल्ली: राजे धर्मराव कला आणि वाणिज्य महाविद्यालय, आल्लापल्ली येथे राष्ट्रीय सेवा योजनेच्या विशेष शिबिराचा समारोप सोहळा २२ फेब्रुवारी २०२६ रोजी उत्साहात संपन्न झाला. रामय्यपेठा परिसरात आयोजित करण्यात आलेल्या या शिबिराने सामाजिक बांधिलकी, स्वच्छता, आरोग्य जागरूकता आणि ग्रामविकासाच्या विविध उपक्रमांद्वारे समाजात सकारात्मक संदेश दिला.

समारोप सोहळ्याच्या अध्यक्षस्थानी महाविद्यालयाच्या प्राचार्या डॉ. रंजना लाड मॅडम विराजमान होत्या. आपल्या अध्यक्षीय भाषणात त्यांनी विद्यार्थ्यांनी शिबिरादरम्यान केलेल्या कार्याचे कौतुक करत राष्ट्रीय सेवा ही केवळ उपक्रम नसून ती व्यक्तिमत्त्व विकासाची शाळा असल्याचे सांगितले. समाजाशी नाते दृढ करताना विद्यार्थ्यांनी जबाबदारीची जाणीव ठेवावी, असे आवाहनही त्यांनी केले.

प्रमुख मार्गदर्शक म्हणून उपस्थित असलेल्या डॉ. नीरज खोब्रागडे यांनी विद्यार्थ्यांना सेवाभाव, शिस्त आणि संघभावनेचे महत्त्व पटवून दिले. राष्ट्रीय सेवा योजनेतून विद्यार्थ्यांना नेतृत्वगुण, संवादकौशल्य आणि सामाजिक जाणीव विकसित करण्याची संधी मिळते, असे त्यांनी नमूद केले.

कार्यक्रमाला प्रमुख पाहुणे म्हणून डॉ. सुर सर उपस्थित होते. त्यांनीही शिबिरादरम्यान राबविण्यात आलेल्या विविध उपक्रमांचे कौतुक करत ग्रामीण भागाच्या विकासात युवकांची भूमिका अत्यंत महत्त्वाची असल्याचे प्रतिपादन केले.

समारोपीय कार्यक्रमाचे प्रभावी सूत्रसंचालन प्रा. प्रतिभा जवादे यांनी केले. कार्यक्रमाची सांगता राष्ट्रीय सेवा योजना अधिकारी प्रा. दया मेश्राम यांनी आभार प्रदर्शनाने केली. त्यांनी शिबिर यशस्वी करण्यासाठी सहकार्य करणाऱ्या सर्व मान्यवर, ग्रामस्थ आणि स्वयंसेवकांचे मनःपूर्वक आभार मानले.

या राष्ट्रीय सेवा शिबिराच्या माध्यमातून विद्यार्थ्यांनी सामाजिक उत्तरदायित्वाची जाणीव ठेवत प्रत्यक्ष कार्यातून समाजसेवेचा आदर्श निर्माण केला. समारोप सोहळ्याने या सेवायज्ञाला प्रेरणादायी आणि भावनिक अशी सांगता मिळाली.