Raje Dharmarao of Arts & Commerce College, Allapalli, Raje Dharmarao of Arts & Commerce College, Pin :, Allapalli (2026)

Q: What is the address?

Raje Dharmarao Of Arts & Commerce College, Pin :

14/04/2026

राजे धर्मराव महाविद्यालयात डॉ. बाबासाहेब आंबेडकर यांची १३५ वी जयंती उत्साहात साजरी

आल्लापल्ली: येथील राजे धर्मराव कला आणि वाणिज्य महाविद्यालयात भारतीय राज्यघटनेचे शिल्पकार डॉ. बाबासाहेब आंबेडकर यांची १३५ वी जयंती मोठ्या उत्साहात साजरी करण्यात आली.

कार्यक्रमाच्या सुरुवातीला डॉ. बाबासाहेब आंबेडकर यांच्या प्रतिमेला पुष्पहार अर्पण करून अभिवादन करण्यात आले. यावेळी महाविद्यालयातील प्राध्यापक वृंद, शिक्षक आणि शिक्षकेत्तर कर्मचारी मोठ्या संख्येने उपस्थित होते.

उपस्थित मान्यवरांनी डॉ. बाबासाहेब आंबेडकर यांच्या जीवनकार्यावर प्रकाश टाकत, त्यांच्या विचारांचा वारसा पुढे नेण्याचा संकल्प केला. सामाजिक न्याय आणि समतेचा संदेश देणाऱ्या या कार्यक्रमात सर्व कर्मचाऱ्यांनी उत्साहाने सहभाग नोंदवला.

27/03/2026

राजे धर्मराव महाविद्यालयात कै. श्रीमंत राजे विश्वेशराव महाराज यांच्या पुण्यतिथीनिमित्त अभिवादन कार्यक्रम संपन्न

आलापल्ली: स्थानिक राजे धर्मराव कला आणि वाणिज्य महाविद्यालयात २७ मार्च रोजी कै. श्रीमंत राजे विश्वेशराव महाराज यांच्या पुण्यतिथीनिमित्त अभिवादन कार्यक्रमाचे आयोजन करण्यात आले होते.

कार्यक्रमाच्या अध्यक्षस्थानी महाविद्यालयाच्या प्राचार्य डॉ. रंजना लाड लाभल्या होत्या. प्रारंभी महाराजांच्या प्रतिमेला पुष्पहार अर्पण करून भावपूर्ण आदरांजली वाहण्यात आली. यावेळी उपस्थितांनी महाराजांच्या कार्याचे स्मरण केले.

या कार्यक्रमाला महाविद्यालयातील सर्व प्राध्यापक, शिक्षक आणि शिक्षकेत्तर कर्मचारी मोठ्या संख्येने उपस्थित होते.

23/02/2026

राजे धर्मराव कला आणि वाणिज्य महाविद्यालय, आल्लापल्ली येथे राष्ट्रीय सेवा शिबिराचा उत्साहात समारोप

आलापल्ली: राजे धर्मराव कला आणि वाणिज्य महाविद्यालय, आल्लापल्ली येथे राष्ट्रीय सेवा योजनेच्या विशेष शिबिराचा समारोप सोहळा २२ फेब्रुवारी २०२६ रोजी उत्साहात संपन्न झाला. रामय्यपेठा परिसरात आयोजित करण्यात आलेल्या या शिबिराने सामाजिक बांधिलकी, स्वच्छता, आरोग्य जागरूकता आणि ग्रामविकासाच्या विविध उपक्रमांद्वारे समाजात सकारात्मक संदेश दिला.

समारोप सोहळ्याच्या अध्यक्षस्थानी महाविद्यालयाच्या प्राचार्या डॉ. रंजना लाड मॅडम विराजमान होत्या. आपल्या अध्यक्षीय भाषणात त्यांनी विद्यार्थ्यांनी शिबिरादरम्यान केलेल्या कार्याचे कौतुक करत राष्ट्रीय सेवा ही केवळ उपक्रम नसून ती व्यक्तिमत्त्व विकासाची शाळा असल्याचे सांगितले. समाजाशी नाते दृढ करताना विद्यार्थ्यांनी जबाबदारीची जाणीव ठेवावी, असे आवाहनही त्यांनी केले.

प्रमुख मार्गदर्शक म्हणून उपस्थित असलेल्या डॉ. नीरज खोब्रागडे यांनी विद्यार्थ्यांना सेवाभाव, शिस्त आणि संघभावनेचे महत्त्व पटवून दिले. राष्ट्रीय सेवा योजनेतून विद्यार्थ्यांना नेतृत्वगुण, संवादकौशल्य आणि सामाजिक जाणीव विकसित करण्याची संधी मिळते, असे त्यांनी नमूद केले.

कार्यक्रमाला प्रमुख पाहुणे म्हणून डॉ. सुर सर उपस्थित होते. त्यांनीही शिबिरादरम्यान राबविण्यात आलेल्या विविध उपक्रमांचे कौतुक करत ग्रामीण भागाच्या विकासात युवकांची भूमिका अत्यंत महत्त्वाची असल्याचे प्रतिपादन केले.

समारोपीय कार्यक्रमाचे प्रभावी सूत्रसंचालन प्रा. प्रतिभा जवादे यांनी केले. कार्यक्रमाची सांगता राष्ट्रीय सेवा योजना अधिकारी प्रा. दया मेश्राम यांनी आभार प्रदर्शनाने केली. त्यांनी शिबिर यशस्वी करण्यासाठी सहकार्य करणाऱ्या सर्व मान्यवर, ग्रामस्थ आणि स्वयंसेवकांचे मनःपूर्वक आभार मानले.

या राष्ट्रीय सेवा शिबिराच्या माध्यमातून विद्यार्थ्यांनी सामाजिक उत्तरदायित्वाची जाणीव ठेवत प्रत्यक्ष कार्यातून समाजसेवेचा आदर्श निर्माण केला. समारोप सोहळ्याने या सेवायज्ञाला प्रेरणादायी आणि भावनिक अशी सांगता मिळाली.

23/02/2026

राजे धर्मराव कला व वाणिज्य महाविद्यालय येथे संत गाडगेबाबा जयंती उत्साहात साजरी

आल्लापल्ली : राजे धर्मराव कला व वाणिज्य महाविद्यालय येथे राष्ट्रसंत संत गाडगेबाबा यांची जयंती उत्साहात साजरी करण्यात आली. कार्यक्रमाच्या अध्यक्षस्थानी महाविद्यालयाच्या प्राचार्या डॉ. रंजना लाड या उपस्थित होत्या.

यावेळी बोलताना डॉ. रंजना लाड यांनी संत गाडगेबाबांच्या समाजप्रबोधनाच्या कार्याचा गौरवपूर्ण उल्लेख केला. त्या म्हणाल्या की, संत गाडगेबाबांनी स्वच्छता, अंधश्रद्धा निर्मूलन, शिक्षण आणि समाजातील समानता यासाठी आयुष्यभर कार्य केले. त्यांच्या विचारांची आजच्या काळात विशेष गरज असून विद्यार्थ्यांनी त्यांच्या जीवनातून प्रेरणा घेऊन समाजहिताची जाणीव ठेवावी, असे आवाहन त्यांनी केले.

कार्यक्रमाला महाविद्यालयातील डॉ. नीरज खोब्रागडे, डॉ. सुर सर तसेच प्रा. डोंगरे सर यांची विशेष उपस्थिती लाभली. कार्यक्रमाचे प्रास्ताविक प्रा. दया मेश्राम यांनी केले. त्यांनी संत गाडगेबाबांच्या जीवनकार्याचा संक्षिप्त आढावा घेत त्यांच्या विचारांचे अनुकरण करण्याचे आवाहन केले. कार्यक्रमाच्या शेवटी उपस्थितांनी संत गाडगेबाबांच्या प्रतिमेस पुष्पहार अर्पण करून अभिवादन केले.

18/02/2026

राजे धर्मराव कला आणि वाणिज्य महाविद्यालय

राष्ट्रीय सेवा योजना (NSS) विशेष शिबिर

दिनांक : १७ फेब्रुवारी २०२६ (शिबिराचा दुसरा दिवस)

       राष्ट्रीय सेवा योजनेच्या विशेष शिबिराचा दुसरा दिवस दिनांक १७ फेब्रुवारी २०२६ रोजी उत्साहपूर्ण वातावरणात पार पडला. सकाळी ५:३० वाजता स्वयंसेवकांनी उठून दिनक्रमास सुरुवात केली. त्यानंतर व्यायाम, योगा व धावण्याचे सत्र घेण्यात आले. शारीरिक तंदुरुस्ती आणि शिस्त यांना प्राधान्य देत सर्व विद्यार्थ्यांनी उत्स्फूर्त सहभाग नोंदविला. व्यायामानंतर नाश्ता व चहा देण्यात आला.

       आजचा दिवस शिबिराच्या उद्घाटनाचा असल्यामुळे सर्व स्वयंसेवकांनी विविध जबाबदाऱ्या गांभीर्याने पार पाडल्या. स्वच्छता मोहीम, मंच सजावट, जेवणाची तयारी आदी कामे विद्यार्थ्यांच्या तयार केलेल्या गटांमार्फत सुव्यवस्थितपणे करण्यात आली. उद्घाटन सोहळ्यास महाविद्यालयाच्या प्राचार्या डॉ. रंजना लाड या प्रमुख मार्गदर्शक म्हणून उपस्थित होत्या. तसेच गावातील प्रतिष्ठित नागरिक, शिबिरासाठी शाळा उपलब्ध करून देणारे मुख्याध्यापक तसेच शिक्षक आणि ग्रामस्थ मोठ्या संख्येने उपस्थित होते. यावेळी मान्यवरांचा सत्कार करून त्यांचा गौरव करण्यात आला.

       संध्याकाळच्या बौद्धिक सत्रात स्वयंसेवकांनी मोठ्या उत्साहाने सहभाग घेतला. विविध सामाजिक विषयांवर चर्चा करण्यात आली. जेवणानंतर दुसऱ्या दिवसापासून होणाऱ्या सर्व कार्यक्रमांची सविस्तर रूपरेषा स्वयंसेवकांना समजावून सांगण्यात आली. विद्यार्थ्यांचे विविध गट तयार करून त्यांना कामाची विभागणी करण्यात आली. प्रत्येक गटाला विशिष्ट जबाबदाऱ्या देण्यात आल्या, ज्यामुळे पुढील कार्यक्रमांचे नियोजन अधिक सुबक व प्रभावी होईल.

       शेवटी, रात्री ठीक १०:०० वाजता सर्व स्वयंसेवकांनी विश्रांतीसाठी झोप घेतली आणि दिवसाची सांगता करण्यात आली.

17/02/2026

राष्ट्रीय सेवा योजना (NSS) विशेष निवासी शिबिर

राजे धर्मराव कला व वाणिज्य महाविद्यालय, आल्लापल्ली

दिनांक : १६ फेब्रुवारी २०२६
स्थळ : रामय्यपेठा, जिल्हा परिषद प्राथमिक शाळा

आज दिनांक १६ फेब्रुवारी २०२६ रोजी राजे धर्मराव कला व वाणिज्य महाविद्यालय, आल्लापल्ली यांच्या राष्ट्रीय सेवा योजना विभागाच्या वतीने सात दिवसीय विशेष निवासी शिबिरास रामय्यपेठा येथील जिल्हा परिषद प्राथमिक शाळेत उत्साहात प्रारंभ झाला. दुपारी ठीक २.०० वाजता स्वयंसेवक विद्यार्थी व प्राध्यापकवृंद शिबिरस्थळी प्रस्थान झाले.

शिबिरस्थळी पोहोचताच सर्वप्रथम निवासाची व्यवस्था करण्यासाठी शाळेतील वर्गखोल्यांची स्वच्छता करण्यात आली. तसेच शाळेच्या परिसराची साफसफाई करून स्वच्छ व आरोग्यदायी वातावरण निर्माण करण्यात आले. पिण्याच्या पाण्याची सोय, स्वयंपाकाची व्यवस्था आणि आवश्यक साहित्याची जुळवाजुळव करण्यात आली. विद्यार्थी व प्राध्यापक यांनी एकत्रितपणे श्रमदान करून जेवण तयार केले, यामुळे सहकार्य, समन्वय आणि सामूहिक जबाबदारीची भावना अधिक दृढ झाली.

जेवणानंतर सर्व स्वयंसेवकांना पुढील सहा दिवसांच्या कार्यक्रमांची सविस्तर रूपरेषा समजावून सांगण्यात आली. विविध उपक्रमांच्या अंमलबजावणीसाठी विद्यार्थ्यांचे गट तयार करण्यात आले व प्रत्येक गटाला स्वतंत्र जबाबदाऱ्या देण्यात आल्या. शिस्त, वेळेचे व्यवस्थापन आणि सामाजिक बांधिलकी यांचे महत्त्व अधोरेखित करण्यात आले.

पहिल्या दिवसाचे नियोजनबद्ध कामकाज पूर्ण करून सर्व स्वयंसेवक विद्यार्थी रात्री १०.०० वाजता विश्रांतीस गेले. अशा प्रकारे शिस्तबद्ध, उत्साही आणि सेवाभावी वातावरणात राष्ट्रीय सेवा योजना विशेष निवासी शिबिराचा पहिला दिवस यशस्वीरीत्या पार पडला.

26/01/2026

राजे धर्मराव कला आणि वाणिज्य महाविद्यालयात प्रजासत्ताक दिन उत्साहात साजरा

आल्लापल्ली : राजे धर्मराव कला आणि वाणिज्य महाविद्यालय, आल्लापल्ली येथे दिनांक २६ जानेवारी २०२६ रोजी प्रजासत्ताक दिन अत्यंत उत्साहात व देशभक्तीपूर्ण वातावरणात साजरा करण्यात आला.

कार्यक्रमाची सुरुवात सकाळी ७.०० वाजता ध्वजारोहणाने झाली. ध्वजारोहण महाविद्यालयाचे प्राचार्य डॉ. एन. टी. खोब्रागडे यांच्या हस्ते करण्यात आले. यावेळी व्यासपीठावर प्राध्यापक, शिक्षकेतर कर्मचारी तसेच राष्ट्रीय सेवा योजना (NSS) चे स्वयंसेवक उपस्थित होते.

ध्वजारोहणानंतर राष्ट्रगीत गायन करण्यात आले. प्राचार्य डॉ. खोब्रागडे यांनी विद्यार्थ्यांना संबोधित करताना प्रजासत्ताक दिनाचे ऐतिहासिक महत्त्व सांगून संविधानातील मूल्ये, कर्तव्यभावना आणि लोकशाही व्यवस्थेचे संरक्षण करण्याचे आवाहन केले. तसेच विद्यार्थ्यांनी शिक्षणाबरोबरच सामाजिक जबाबदारीची जाणीव ठेवावी, असे मार्गदर्शन केले.

कार्यक्रमात विद्यार्थ्यांनी देशभक्तीपर गीतांचे सादरीकरण करून उपस्थितांची मने जिंकली. संपूर्ण महाविद्यालय परिसर देशभक्तीच्या घोषणांनी दुमदुमून गेला.
या कार्यक्रमास महाविद्यालयातील सर्व प्राध्यापक, कर्मचारी व मोठ्या संख्येने विद्यार्थी उपस्थित होते. कार्यक्रमाचे आयोजन शिस्तबद्ध व यशस्वीरीत्या पार पडले.

25/01/2026

राजे धर्मराव कला आणि वाणिज्य महाविद्यालय, आल्लापल्ली येथे राष्ट्रीय मतदान दिवस उत्साहात साजरा

आल्लापल्ली: राजे धर्मराव कला आणि वाणिज्य महाविद्यालय, आल्लापल्ली येथे आज दिनांक २५ जानेवारी २०२६ रोजी राष्ट्रीय मतदान दिवस उत्साहपूर्ण वातावरणात साजरा करण्यात आला. लोकशाही प्रक्रियेत मतदानाचे महत्त्व अधोरेखित करणे व युवकांमध्ये मतदानाबाबत जनजागृती निर्माण करणे हा या कार्यक्रमाचा मुख्य उद्देश होता.

कार्यक्रमाची सुरुवात राष्ट्रीय मतदान दिन शपथ घेऊन करण्यात आली. यावेळी उपस्थित विद्यार्थ्यांना स्वच्छ, निर्भय व जबाबदारीने मतदान करण्याचे महत्त्व समजावून सांगण्यात आले. लोकशाही बळकट करण्यासाठी प्रत्येक नागरिकाने मतदानाचा हक्क बजावणे अत्यंत आवश्यक असल्याचे प्रतिपादन करण्यात आले.

प्रसंगी महाविद्यालयाचे प्राध्यापकवर्ग व शिक्षकेतर कर्मचारी व विद्यार्थी उपस्थित होते. मार्गदर्शनपर भाषणात वक्त्यांनी मतदान हे केवळ हक्क नसून नागरिकाचे कर्तव्य असल्याचे स्पष्ट केले. विशेषतः युवकांनी लोकशाही प्रक्रियेत सक्रिय सहभाग घ्यावा, असे आवाहन करण्यात आले.

कार्यक्रमाचे आयोजन महाविद्यालयाच्या राज्यशास्त्र व एन.एस.एस विभागाच्या वतीने करण्यात आले. कार्यक्रम यशस्वीतेसाठी प्राध्यापक व विद्यार्थ्यांनी परिश्रम घेतले. राष्ट्रीय मतदान दिवसाच्या निमित्ताने विद्यार्थ्यांमध्ये लोकशाही मूल्यांची जाणीव अधिक दृढ झाली.

14/01/2026

राजे धर्मराव कला व वाणिज्य महाविद्यालय, आल्लापल्ली येथे भूगोल दिन उत्साहात साजरा

आल्लापल्ली: राजे धर्मराव कला आणि वाणिज्य महाविद्यालय, आल्लापल्ली येथे प्रसिद्ध भूगोलशास्त्रज्ञ डॉ. चंद्रशेखर धुंडिराज देशपांडे यांच्या जयंतीनिमित्त भूगोल दिन अत्यंत उत्साहपूर्ण वातावरणात साजरा करण्यात आला. या कार्यक्रमाचे आयोजन भूगोल विभागाच्या वतीने करण्यात आले होते.

कार्यक्रमाच्या अध्यक्षस्थानी महाविद्यालयाचे आदरणीय प्राचार्य डॉ. एन. टी. खोब्रागडे उपस्थित होते. तर प्रमुख मार्गदर्शक म्हणून डॉ. सुर सर यांनी विद्यार्थ्यांना मार्गदर्शन केले. यावेळी प्रमुख पाहुणे म्हणून डॉ. डोंगरे सर उपस्थित होते. कार्यक्रमात उपस्थित मान्यवरांनी भूगोलशास्त्राचे महत्व, त्याची व्याप्ती आणि आधुनिक काळातील भूगोल विषयाची गरज यावर सखोल विचार मांडले.

अध्यक्षीय भाषणात प्राचार्य डॉ. एन. टी. खोब्रागडे यांनी भूगोल हा केवळ नकाशांपुरता मर्यादित नसून पर्यावरण, हवामान बदल, नैसर्गिक संसाधने आणि मानवी जीवन यांचा सखोल अभ्यास करणारा विषय असल्याचे नमूद केले. तसेच विद्यार्थ्यांनी भूगोल विषयाचा अभ्यास करून संशोधन, प्रशासन व पर्यावरण संवर्धनाच्या क्षेत्रात योगदान द्यावे, असे आवाहन त्यांनी केले.

प्रमुख मार्गदर्शक डॉ. सुर सर यांनी आपल्या मार्गदर्शनपर भाषणात डॉ. चंद्रशेखर धुंडिराज देशपांडे यांच्या भूगोल क्षेत्रातील कार्याचा आढावा घेतला. त्यांनी भूगोल विषयातील संशोधनाची गरज, बदलते पर्यावरणीय प्रश्न आणि त्यावरील उपाययोजना यावर विद्यार्थ्यांना प्रेरणादायी मार्गदर्शन केले. प्रमुख पाहुणे डॉ. डोंगरे सर यांनीही भूगोल विषयाच्या व्यावहारिक उपयोगांवर प्रकाश टाकत विद्यार्थ्यांना अभ्यासाबरोबरच क्षेत्रकार्यावर भर देण्याचा सल्ला दिला.

कार्यक्रमाचे प्रास्ताविक प्रा. दया मेश्राम यांनी करून भूगोल दिन साजरा करण्यामागील उद्देश स्पष्ट केला. संपूर्ण कार्यक्रमाचे सुत्रसंचालन प्रा. जव्हादे मॅडम यांनी अत्यंत प्रभावी व संयोजित पद्धतीने केले. कार्यक्रमाच्या शेवटी प्रा. थामदेव ठेंगरे यांनी उपस्थित मान्यवर, प्राध्यापक व विद्यार्थ्यांचे आभार मानून कार्यक्रमाची सांगता केली.

या कार्यक्रमाला महाविद्यालयातील प्राध्यापकवर्ग, कर्मचारी आणि मोठ्या संख्येने विद्यार्थी उपस्थित होते. भूगोल दिनाच्या माध्यमातून विद्यार्थ्यांमध्ये भूगोल विषयाविषयी जाणीव व आवड निर्माण झाली, असे मत उपस्थितांनी व्यक्त केले.

12/01/2026

राजे धर्मराव कला व वाणिज्य महाविद्यालय, आल्लापल्ली येथे राजमाता जिजाऊ व स्वामी विवेकानंद जयंती उत्साहात साजरी

आल्लापल्ली : राजे धर्मराव कला व वाणिज्य महाविद्यालय, आल्लापल्ली येथे आज दिनांक १२ जानेवारी २०२६ रोजी राष्ट्रीय सेवा योजना (NSS) व महाविद्यालयाचा सांस्कृतिक विभाग यांच्या संयुक्त विद्यमाने भारताच्या इतिहासातील दोन महान व्यक्तिमत्त्वे राजमाता जिजाऊ आणि स्वामी विवेकानंद यांची जयंती अत्यंत उत्साहपूर्ण व प्रेरणादायी वातावरणात साजरी करण्यात आली. कार्यक्रमाची सुरुवात दीपप्रज्वलन व प्रतिमापूजनाने करण्यात आली.

या कार्यक्रमाच्या अध्यक्षस्थानी महाविद्यालयाचे प्राचार्य डॉ. एन. टी. खोब्रागडे हे उपस्थित होते. आपल्या अध्यक्षीय भाषणात त्यांनी राजमाता जिजाऊंच्या संस्कारक्षम मातृत्वाचा व स्वामी विवेकानंदांच्या राष्ट्रउभारणीच्या विचारांचा सखोल आढावा घेतला. “शिवरायांना घडविणाऱ्या जिजाऊंचे विचार आणि तरुणाईला आत्मविश्वास देणारे विवेकानंदांचे तत्त्वज्ञान आजच्या विद्यार्थ्यांसाठी दिशादर्शक ठरते,” असे प्रतिपादन त्यांनी केले.

कार्यक्रमाच्या यशस्वी आयोजनासाठी NSS कार्यक्रम अधिकारी, सांस्कृतिक विभागप्रमुख, प्राध्यापकवर्ग तसेच विद्यार्थ्यांनी विशेष परिश्रम घेतले. या जयंती कार्यक्रमामुळे विद्यार्थ्यांमध्ये संस्कार, स्वाभिमान, राष्ट्रभक्ती व सामाजिक जाणीव वृद्धिंगत होण्यास निश्चितच मदत होईल, असा विश्वास उपस्थित मान्यवरांनी व्यक्त केला.

04/01/2026

राजे धर्मराव महाविद्यालयात स्पर्धा परीक्षा मार्गदर्शन शिबिराचा शुभारंभ

आल्लापल्ली : राजे धर्मराव कला आणि वाणिज्य महाविद्यालय, आल्लापल्ली येथे दिनांक ४ जानेवारी २०२६ रोजी स्पर्धा परीक्षा मार्गदर्शन शिबिराचे आयोजन करण्यात आले होते. स्पर्धा परीक्षांची तयारी करणाऱ्या विद्यार्थ्यांना योग्य दिशा व मार्गदर्शन मिळावे या उद्देशाने या शिबिराचे आयोजन करण्यात आले होते.

या शिबिरात मार्गदर्शक म्हणून डॉ. सुर सर उपस्थित होते. त्यांनी विद्यार्थ्यांना स्पर्धा परीक्षांचे स्वरूप, अभ्यासाची योग्य पद्धत, वेळेचे नियोजन तसेच यशासाठी आवश्यक असलेली मानसिक तयारी याविषयी सविस्तर मार्गदर्शन केले. प्रमुख पाहुणे म्हणून प्रा. डोंगरे सर उपस्थित होते. त्यांनी विद्यार्थ्यांना सातत्य, परिश्रम आणि आत्मविश्वास या त्रिसूत्रीच्या आधारे यश संपादन करण्याचा संदेश दिला.

या कार्यक्रमास प्रा. प्रणय वनकर, प्रा. करण मेश्राम, प्रा. अमोल बोरकुटे, प्रा. जयपाल कोंडागुर्ले यांची विशेष उपस्थिती लाभली होती. उपस्थित प्राध्यापकांनी विद्यार्थ्यांना मार्गदर्शन शिबिराचा पूर्ण लाभ घेण्याचे आवाहन केले.

विशेष बाब म्हणजे, विद्यार्थ्यांच्या मागणीचा आणि उत्स्फूर्त प्रतिसादाचा विचार करून इथून पुढे दर रविवारी हे स्पर्धा परीक्षा मार्गदर्शन शिबिर महाविद्यालयात नियमितपणे आयोजित करण्यात येणार आहे. या उपक्रमामुळे परिसरातील विद्यार्थ्यांना स्पर्धा परीक्षांच्या तयारीसाठी महत्त्वाचे व्यासपीठ उपलब्ध होणार असून त्यांच्या शैक्षणिक व व्यावसायिक प्रगतीस चालना मिळणार आहे.

03/01/2026

राजे धर्मराव कला आणि वाणिज्य महाविद्यालय, आल्लापल्ली येथे सावित्रीबाई फुले जयंती साजरी

आल्लापल्ली : येथील राजे धर्मराव कला आणि वाणिज्य महाविद्यालयात थोर समाजसुधारिका, क्रांतिकारी शिक्षिका व स्त्री शिक्षणाच्या जननी सावित्रीबाई फुले यांची जयंती उत्साहात साजरी करण्यात आली. कार्यक्रमाची सुरुवात सावित्रीबाई फुले यांच्या प्रतिमेला पुष्पहार अर्पण करून करण्यात आली.

यावेळी महाविद्यालयाचे प्राध्यापकवर्ग, शिक्षकेत्तर कर्मचारी तसेच मोठ्या संख्येने विद्यार्थी उपस्थित होते. आपल्या मार्गदर्शनपर भाषणात वक्त्यांनी सावित्रीबाई फुले यांनी स्त्री शिक्षणासाठी केलेले संघर्ष, सामाजिक अन्यायाविरुद्ध लढा आणि त्यांच्या विचारांची आजच्या काळातील उपयुक्तता यावर प्रकाश टाकला. शिक्षण हे सामाजिक परिवर्तनाचे प्रभावी साधन असून सावित्रीबाईंच्या विचारांवर चालण्याची गरज असल्याचे मत त्यांनी व्यक्त केले.

कार्यक्रमादरम्यान विद्यार्थ्यांनी सावित्रीबाई फुले यांच्या जीवनकार्यावर आधारित मनोगते व्यक्त केली. काही विद्यार्थ्यांनी कविता व प्रेरणादायी विचार सादर करून कार्यक्रमात रंगत आणली.

कार्यक्रमाचे सूत्रसंचालन सुयोग्य रितीने करण्यात आले तर आभार प्रदर्शनाने कार्यक्रमाची सांगता झाली. या जयंती कार्यक्रमामुळे विद्यार्थ्यांमध्ये सामाजिक भान, समानता आणि शिक्षणाचे महत्त्व अधोरेखित झाले.

Raje Dharmarao of Arts & Commerce College, Allapalli

14/04/2026

27/03/2026

23/02/2026

23/02/2026

18/02/2026

17/02/2026

26/01/2026

25/01/2026

14/01/2026

12/01/2026

04/01/2026

03/01/2026

Address

Website

Alerts

Shortcuts

Share

Category