18/02/2026
यशवंतराव चव्हाण महाविद्यालयातील राज्यस्तरीय सामान्य ज्ञानस्पर्धेला विद्यार्थ्यांचा भरभरून प्रतिसाद...
१७० हुन अधिक विद्यार्थ्यांचा सहभाग...
गिऱ्हे शीतल संजीव हिने शंभरपैकी ९४ गुण घेत प्राप्त केला प्रथम क्रमांक...
अंबाजोगाई : यशवंतराव चव्हाण महाविद्यालय येथे विद्यार्थी विकास विभाग, डॉ.बाबासाहेब आंबेडकर मराठवाडा विद्यापीठ, छत्रपती संभाजीनगर आणि यशवंतराव चव्हाण महाविद्यालय स्पर्धा परीक्षा विभाग यांच्या संयुक्त विद्यामाने दिनांक ०५ फेब्रुवारी २०२६ वार, गुरुवार रोजी राज्यस्तरीय सामान्य ज्ञान स्पर्धा परीक्षा २०२६ चे आयोजन करण्यात आले होते. विद्यार्थ्यांना स्पर्धा परीक्षेची आवड निर्माण व्हावी. स्पर्धा परीक्षा तयारी करणाऱ्या विद्यार्थ्यांचा अभ्यास व्हावा,तयारी व्हावी, व पुढील काळात होणाऱ्या स्पर्धा परीक्षांना सामोरे जाताना त्यांच्यात आत्मविश्वास निर्माण व्हावा या हेतूने या परीक्षेचे आयोजन करण्यात आले होते. या स्पर्धेमध्ये यशवंतराव चव्हाण महाविद्यालयातील विद्यार्थ्यांसोबतच अंबाजोगाई शहरातील विविध महाविद्यालयातील स्पर्धा परीक्षेची तयारी करणाऱ्या विद्यार्थ्यांनी सहभाग नोंदवला. या परीक्षेमध्ये एकूण १७० पेक्षा अधिक विद्यार्थ्यांनी सहभाग घेतला. पोलीस भरती, तलाठी भरती परीक्षेवर आधारित अभ्यासक्रम ठेवण्यात आला होता.
या परीक्षेत अनुक्रमे गिऱ्हे शीतल संजीव- ९४ प्रथम, केकाण सोमनाथ - ८९ द्वितीय, बहिरवाल नितीन बाबा - ८७ तृतीय, देशमुख अतुल रवींद्र -८७ तृतीय तर ८६ गुण मिळवून उत्तेजनार्थ पारितोषिके जाधव लोचना साहेबराव, हंगे प्रियंका काशिनाथ, सुरनर मिनिनाथ कैलास, खंदाडे निवृत्ती दासू, सानप सचिन विश्वंभर, चोले ज्ञानेश्वरी मदन, गिरी विजय रामानंद या विद्यार्थ्यांना प्राप्त झाली. प्राचार्य डॉ. शिवदास शिरसाठ यांच्या मार्गदर्शनात उपप्राचार्य डॉ. रमेश शिंदे, प्रा. प्रताप जाधव, स्पर्धा परीक्षा विभाग प्रमुख प्रा. दिलीप भिसे, प्रा. महेश गोरे, प्रा.प्रकाश लोखंडे, प्रा.रोहित पाटील, प्रा. शुभम बालूरे प्रा.संजय जाधव, प्रा.संकेत हंडीबाग, प्रा.बाबासाहेब माने इतर सर्व प्राध्यापक वृंद, कार्यालयीन कर्मचारी सूर्यकांत घाडगे राम सरवदे यांच्या सहकार्यातून संपन्न झाली. सोबतच श्री. दत्ता दराडे, श्री. दिनेश पवार यांचे ही विशेष सहकार्य लाभले.
