08/06/2019
పుస్తెలమ్మి అయిన సరే పులస తినాలి అన్న సామెత విన్నార ఎప్పుడైనా
అలా ఎందుకు అన్నారు అసలు ,,, దాని వెనుక కధ ఏంటి ఈ రోజు చూద్దాం అండి
#పులస_చేప - మన గోదావరి జిల్లాలో లభిస్తుంది దీని ఖరీదు కేజీ సుమారు 3 వేల నుండి 5 వేల వరకు ఉంటుంది ఒక్కోసారి డిమాండ్ బట్టి 8 వేల రూపాయలు కూడా ఉంటాదండి . దీనిని అమ్మెటప్పుడు పాట ( bidding ) వేస్తారు ఒక్కొకరు ధర పెట్టి పాడుకుంటారు. ఈ చేప గొప్పతనం ఏమిటంటే ఎక్కడో ఆస్ట్రేలియా లో పుట్టి, న్యూజిలాండ్ వస్తుంది అక్కడ నుండి టాంజినీయా దేశం తర్వాత హిందూమహాసముద్రంలో కలిసి అక్కడ నుండి బంగాళాఖాతం లోకి వస్తుంది. ఎప్పుడైతే గోదావరిలో ఎర్ర నీరు వస్తుందో ఆ శ్రేష్టమైన మంచినీటిని త్రాగడానికి గోదావరి సముద్రం కలిసే అంతర్వేదిలో ఇవి ఎదురీది గోదావరిలోకి వస్తాయి. ఇక్కడ కొన్ని గుడ్లు కూడా పెడతాయి అనంతరం మళ్ళీ సముద్రంలోకి వెళ్లిపోతుంది. అలా గోదావరి లోకి ఎదురిదుతూ వచ్చి తిరిగి సముద్రంలో కలిసే మధ్యలో మన జాలర్లు వీటిని పట్టుకుంటారు. ప్రవాహానికి ఎదురు ఈడుతుంది మాములుగా అలా ఎదురు ఈదే చేపలు చాలా వరకు చచ్చిపోతాయి. దీనికి ముల్లులు ఎక్కువగా ఉండటం వలన అలా ఎదురు ఈదగలుగుతుంది. కాని ఒక్కసారి ఒలలో పడగానే చనిపోతుంది. సముద్రంలో ఉన్నపుడు దీనిని ఇలస అని అంటారు. ఎప్పుడైతే గోదావరిలో కలుస్తుందో అప్పుడు దీనిని పులస అంటారు. ఇలస గా ఉన్నప్పుడూ దీని ధర కేవలం 70 నుండి 120 రూపాయలు మాత్రమే ఉంటుంది. పులస గా మారిన తర్వాత దీని రేటు అమాంతం పెరిగిపోతుంది. పుస్తెలమ్మి అయిన సరే పులస తినాలి అని ఊరికే అనలేదు దీని రుచి అలాంటిది ఒక్కసారి పులస చేప కూర తింటే ఇంకా మిగతావి అన్నీ దీని ముందు తక్కువగానే అనిపిస్తాయి ( ధర గురించి కాదు - రుచి పరంగా )....
ఒరిస్సా నుండి సేమ్ ఇలానే ఉండే చేపలు ఇక్కడకు తెచ్చి బురిడీ కొట్టించి అమ్మేస్తారు వీటి డిమాండ్ ను క్యాష్ చేసుకోవడం కోసం వీటిని గుర్తించడం చాలా తక్కువ మందికే తెలుస్తుంది అందులో పెద్ద వారు అయితే బాగా గుర్తిస్తారు ఇవి వెండి రంగులో మెరుస్తాయి నోటి దగ్గర పసుపు రంగు పోలి ఉంటాయి. ఈ పులసలో మళ్ళీ రెండు రకాలండోయ్ ఒకటి పోతు పులస మరోటి సెన పులస ... దీనిలో ఆడ పులస అంటే సెన పులసి కి మరింత డిమాండ్ ఎక్కువ
పులస తెచ్చేస్తే సరిపోదు అండి అది వండే విధానం కూడా తెలియాలి ... పులస కూరలో లేత బెండకాయలు వేసి బాగా మగ్గిన తర్వాత అలానే పక్కన పెట్టేసి ఆ తర్వాత రోజు తినాలి ... వండిని రోజు కంటే ఆ రోజు వదిలేసి తర్వాత రోజు తింటే జన్మలో మర్చిపోరు. ఏంటి కూర కి అంత బిల్డప్ అవసరమా అనుకుంటారేమో ... దాని రుచి అలాంటిది కాబట్టి ఇంతలా చెప్తున్నానండి ... ఓ పాలి మీరు కూడా తినండి నిజంగా చాలా బాగుంది అంటారు. అన్నట్టు ఇప్పుడు ఇది ఎందుకు చెప్పారు ఇదంతా అనుకుంటారేమో పులస సంవత్సరంలో దొరికేది మూడు నెలలు మాత్రమే నండి అది కూడా వచ్చే జులై నెల, ఆగష్టు మరియు సెప్టెంబర్ నెలలలో మాత్రమే వీటి కోసం మన గంగపుత్రులు ప్రాణాలను సైతం పలంగా పెట్టి పట్టుకుంటారండి గోదారిలో ఆయ్
Note ; ఎప్పుడు చెప్పేదే ఈ పోస్ట్ ని కాపీ చేసుకుంటే కూసంత క్రెడిట్ కూడా ఇవ్వండి మరి ఆయ్
