18/05/2022
നാളെ കേരളം ഒരു ചരിത്രം കുറിക്കാൻ പോവുകയാണ്…
കേന്ദ്രസർക്കാർ വിറ്റ ഹിന്ദുസ്ഥാൻ ന്യൂസ് പ്രിന്റ് ലേലത്തിൽ പങ്കെടുത്ത് കേരളം സർക്കാർ ഏറ്റെടുത്തിരുന്നു, ഹിന്ദുസ്ഥാൻ ന്യൂസ് പ്രിന്റിന്റെ സ്ഥാനത് അടി മുടി പ്രൊഫഷണൽ ആയ കേരള പേപ്പർ പ്രോഡക്ട് ലിമിറ്റഡ് നാളെ കേരളത്തിന്റെ മുഖ്യമന്ത്രി നാടിനു സമർപ്പിക്കുകയാണ്.
പ്രൊഫഷണൽ രീതിയിൽ സ്ഥാപനം അതും സർക്കാരിന്റെ കീഴിൽ , കേട്ടിട്ടുണ്ട് കേട്ടിട്ടുണ്ട്…..
2021 ഡിസംബർ 21 നു കേരളത്തിന്റെ വ്യവസായ വകുപ്പ് മന്ത്രി കോട്ടയത്തെ വെള്ളൂരിൽ വച്ച് ഒരു പത്രസമ്മേളനം വിളിച്ചിരുന്നു. അതിനു തൊട്ട് തലേ ദിവസം ആയിരുന്നു കമ്പനീസ് രെജിസ്റ്റ്രാർ കേരള പേപ്പർ പ്രോഡക്റ്റ് ലിമിറ്റഡ് എന്ന കമ്പനിക്ക് അംഗീകാരം നൽകിയത്.
അന്നത്തെ പത്രസമ്മേളനത്തിൽ മന്ത്രി kPPL ൽ നടത്താൻ പോകുന്ന നവീകരണ പ്രവർത്തനങ്ങളെ കുറിച്ച് വിശദീകരിച്ചത്. KPPL ന്റെ വികസനം 46 മാസം കൊണ്ട് നാലുഘട്ടമായാണ് നടത്തുക. ഒന്നാം ഘട്ടം മെയ് 31 നു പൂർത്തിയാക്കും എന്നും പറഞ്ഞിരുന്നു. എന്നാൽ അതിനു മുൻപ് തന്നെ ഒന്നാം ഘട്ടം പൂർത്തിയ്ക്കാൻ KPPL നു സാധിച്ചു. കൃത്യമായ ആസൂത്രണം വഴിയാണ് ഇത് സാധ്യമായത്. വിലകൊടുത്തു വാങ്ങുന്ന പൾപ്പും , റീസൈക്കിൾ ചെയ്ത പൾപ്പും ഉപയോഗിച്ചുള്ള പേപ്പർ നിർമാണം ആണ് ഇത് വഴി സാധ്യമാകുന്നത്.
രണ്ടാം ഘട്ടം പ്രവർത്തങ്ങൾ സെപ്റ്റമ്പർ 30 ഓട് കൂടി പൂർത്തിയാവും എന്നായിരുന്നു മന്ത്രി അന്നത്തെ പത്രസമ്മേളനത്തിൽ അറിയിച്ചിരുന്നത് എന്നാൽ ഒന്നാം ഘട്ടത്തിനോടൊപ്പം തന്നെ രണ്ടാം ഘട്ട പ്രവർത്തനങ്ങളും ആരംഭിച്ചിരുന്നു. ഇപ്പോഴത്തെ പ്രവർത്തിയുടെ പുരോഗതി പ്രകാരം ജൂലൈ അവസാനം പൂർത്തിയാവും. രണ്ടാം ഘട്ടത്തിൽ നാച്ചുറൽ പൾപ്പിൽ നിന്നും പ്രോഡക്റ്റ് ഉണ്ടാക്കും.
ഒന്നും രണ്ടും ഘട്ടം നിലവിൽ ഉള്ള ഫാക്ടറി നവീകരിക്കുന്നത് ആണെങ്കിൽ ഒക്ടോബറിൽ ആരംഭിക്കുന്ന മൂന്നാം ഘട്ടം പുതിയൊരു തുടക്കമാണ്. വിപണിയിൽ ഏറെ ആവശ്യം ഉള്ള ഫോൾഡിങ് പേപ്പറുകൾ ഉണ്ടാക്കാൻ ആണ് ഇതിലൂടെ ലക്ഷ്യം വെക്കുന്നത്.
46 മാസം കൊണ്ട് 3500 കോടി ടേൺ ഓവർ ഉള്ള , 5 ലക്ഷം മെട്രിക് ടണ് പ്രൊഡക്ഷൻ ഉള്ള ഒരു സ്ഥാപനം ആക്കി മാറ്റാൻ ആണ് സർക്കാർ ശ്രമിക്കുന്നത്. നിലവിൽ 240 തൊഴിലാളികൾ ആണ് ഉള്ളത് , 46 മാസം കൊണ്ട് 1500 പേർക്ക് തൊഴിൽ നൽകുന്ന ഒരു സ്ഥാപനമായി KPPL മാറും.
ഇത്രയും കൃത്യമായ ഷെഡ്യൂൾ ഒക്കെ വച്ച് പ്രവർത്തിക്കുന്നതിനെ അല്ലെ പ്രൊഫെഷണൽ രീതി എന്ന പറയുന്നത് ??
വ്യവസായ വകുപ്പ് മന്ത്രി പറഞ്ഞ ഒരു കാര്യം കൂടി ചേർക്കുന്നു " പൊതുമേഖല ഒരു ബദൽ ആകണമെങ്കിൽ ഇന്നിൻ്റെ വെല്ലുവിളികളെ നേരിടാൻ കരുത്തുള്ളതായിരിക്കണം , അത് മൽസരക്ഷമമായിരിക്കണം , ലാഭകരവുമായിരിക്കണം. ഇത് വീണ്ടെടുക്കുന്നത് തൊഴിലാളികളെ സംരക്ഷിക്കുക എന്ന ഒറ്റ അജണ്ട വച്ച്കൊണ്ടല്ല, തൊഴിലാളികളുടെ സംരക്ഷണവും കൂടിയാണ് എന്നാൽ അതിനോടൊപ്പം തന്നെ നമ്മളുടെ ദേശീയ സമ്പത്ത് എന്ന നിലയിൽ ഇത് എങ്ങനെ മുന്നോട്ട് കൊണ്ട് പോകാം , ഇതാണ് ഞങ്ങൾ കണ്ട ഒരു ഭാഗം "
അപ്പൊ..... Let's create history.
