30/06/2026
*पीएम श्री गांधी विद्यालयात प्रवेशोत्सव उत्साहात साजरा*
*तुम्हीच उद्याच्या भारताचे भविष्य आहात आपल्या गांधी विद्यालयाचे नाव उज्वल करा -* सौ.स्वातीताई गुल्हाने नगराध्यक्ष नगरपरिषद आर्वी
*आपली शाळा हि महाराष्ट्रामध्ये प्रथम क्रमांक येण्याकरिता सर्वतोपरी प्रयत्न करेल* -श्री गौरव जी जाजू उपाध्यक्ष तसेच सभापती शिक्षण समिती नगर परिषद आर्वी
आज विदर्भातील शाळा ह्या पूर्ववत नवीन सत्रामध्ये सुरू झाल्या यामध्येच पीएम श्री नगरपरिषद माध्यमिक उच्च माध्यमिक विद्यालय 30 जून सकाळी नऊ वाजता नवीन विद्यार्थ्यांचे भव्य असे स्वागत घेण्यात आले.
स्वागत करता सर्वत्र विविध प्रकारच्या आकर्षक असे डेकोरेशन करण्यात आले होते मान्यवरांच्या हस्ते विद्यार्थ्यांना चॉकलेट्स , गुलाबपुष्प आणि बलून देऊन त्यांना प्रवेशित करण्यात आले या कार्यक्रमाचे अध्यक्षस्थान स्वातीताई गुल्हाने नगराध्यक्ष नगरपरिषद आर्वी प्रमुख अतिथी म्हणून उपाध्यक्ष तसेच शिक्षण समिती सभापती श्री गौरव जी जाजू तसेच सदस्य श्री लवेश जी गलोले, श्रीमती शुभांगी ताई गाठे ,श्रीमती प्रियंका ताई भीमके ,प्राचार्य श्री विश्वेश्वर पायले , पर्यवेक्षिका ज्योतीताई अजमेरे, प्राध्यापक नितीन बोडके या मान्यवरांचे हस्ते राजश्री शाहू महाराज यांच्या विचारप्रतिमेचे पूजन झाले त्यानंतर वर्ग पाचवीतील नवीन प्रवेशित विद्यार्थ्यांना पुस्तके ,बॅग ,कंपास ,चॉकलेट्स, आणि सहा नोटबुक असलेला संच आणि शाळेचा गणवेश वितरित करण्यात आला, याप्रसंगी विद्यार्थ्यांचे पालकही मोठ्या प्रमाणावर उपस्थित होते.
मान्यवरांनी आपल्या भाषणामधून विद्यार्थ्यांना नवीन सत्राच्या शुभेच्छा दिल्या आणि या शाळेने अनेक दिग्गज असे विद्यार्थी तयार केलेले आहेत आपणही आपल्या परिश्रमाच्या जोरावर त्या पदापर्यंत पोहोचू शकता . ज्या ज्या गोष्टींची भविष्यामध्ये या विद्यालयाला गरज असेल त्याचे परिपूर्णता करण्याकरता नगरपरिषद आर्वी नेहमी तयार राहील अशी ग्वाही सुद्धा दिली. प्राचार्यांनी प्रास्ताविकामधून या कार्यक्रमाचे महत्त्व विद्यार्थ्यांना सांगितले. कार्यक्रमाचे संचालन प्रमोद नागरे यांनी तर आभार प्रदर्शन पर्यवेक्षिका ज्योतीताई अजमेर यांनी केले.
