Balasinor College Of Polytechnic

13/10/2026

06/05/2026

01/03/2026

01/03/2026

પ્રેસ અહેવાલ
તારીખ: 26/02/2026
ઇન્ડસ્ટ્રિયલ વિઝિટ – અમૂલ ડેરી અને ચોકલેટ પ્લાન્ટ
બાલાસિનોર કોલેજ ઓફ પોલિટેકનિક દ્વારા તા. 26 ફેબ્રુઆરી, 2026 (ગુરુવાર)ના રોજ વિદ્યાર્થીઓ માટે અમૂલ ડેરી અને ચોકલેટ પ્લાન્ટ ખાતે ઇન્ડસ્ટ્રિયલ વિઝિટનું આયોજન કરવામાં આવ્યું હતું. આ મુલાકાતનો મુખ્ય હેતુ વિદ્યાર્થીઓને ઔદ્યોગિક ઉત્પાદન પ્રક્રિયા અને આધુનિક ટેકનોલોજી વિશે પ્રાયોગિક જ્ઞાન આપવાનો હતો.
વિદ્યાર્થીઓ સવારે 9:00 વાગ્યા સુધી કોલેજ કેમ્પસ ખાતે એકત્રિત થયા હતા. નિર્ધારિત બસ રૂટ મુજબ કોલેજ કેમ્પસથી NH-47, લાડવેલ ચોકડી, ડાકોર, ઉમરેઠ, લિંગડા ચોકડી, ભાલેજ, સમારખા ચોકડી માર્ગે અમૂલ ડેરી પહોંચ્યા હતા.
અમૂલ ડેરી ખાતે નિષ્ણાત અધિકારીઓએ વિદ્યાર્થીઓને દૂધ પ્રોસેસિંગ, પેકેજિંગ અને ગુણવત્તા નિયંત્રણની પ્રક્રિયા વિશે વિગતવાર માર્ગદર્શન આપ્યું. ત્યારબાદ ચોકલેટ પ્લાન્ટમાં ચોકલેટ બનાવવાની પ્રક્રિયા, કાચા માલથી લઈને તૈયાર ઉત્પાદનમાં પરિવર્તન સુધીની સંપૂર્ણ માહિતી આપવામાં આવી. વિદ્યાર્થીઓએ વિવિધ મશીનો અને ઓટોમેશન સિસ્ટમ્સનું કાર્ય પણ નિહાળ્યું.
કોલેજ દ્વારા ફરજિયાત ડ્રેસ કોડ મુજબ તમામ વિદ્યાર્થીઓએ સફેદ શર્ટ, કાળા પેન્ટ, શૂઝ અને કોલેજ આઈ-કાર્ડ પહેરી હાજરી આપી હતી. શિસ્ત અને સમયપાલનનું ખાસ ધ્યાન રાખવામાં આવ્યું હતું.
આ ઇન્ડસ્ટ્રિયલ વિઝિટ વિદ્યાર્થીઓ માટે અત્યંત ઉપયોગી સાબિત થઈ હતી અને તેમને પ્રાયોગિક જ્ઞાન સાથે ઔદ્યોગિક ક્ષેત્ર અંગે વધુ સમજ પ્રાપ્ત થઈ હતી. કોલેજ સંચાલકમંડળ આચાર્ય કેમ્પસ ડાયરેક્ટર અને સ્ટાફના માર્ગદર્શન હેઠળ કાર્યક્રમ સફળતાપૂર્વક પૂર્ણ થયો હતો...