26/12/2022
نن مي یو بحث واورید چې په کچه ګړۍ کې یو پخوانی بوټ فروش چې اوس يې ځان په غلابي جنرال معرفي کړی یو کس ته په موسیساتو کې د ښځینه وو د کار د بندیدلو په خاطر د قناعت ورکولو په موخه وايې زه یوه موسسه لرم او لس نفره مجردان کار را سره کوي ته دي خور را استوې چې زموږ سره کار وکړي که نه؟ ژر ووایه را استوي یې که نه؟
هغه بیچاره ورته بې ځوابه شي.
که زه وای نو ورته ویل مي نه زه خپله خور د داسي کسانو موسسې ته چې ټول عمر يې له مور، خور او ټولني څخه لیري په مکمل محرومیت او م.فع.ولیت کې تیر کړی وي نه خپل ننګ او ناموس پیژني نه د بل نه ور استوم.
خو که یوه موسسه وي او هلته د افغانستان د پوهنتونونو څخه فارغان، په افغاني کلتور پوه، متخصص، او د افغانانو خادم او صادق مسئولین ناست وي، نوري خویندي هم هلته کار کوي، نو بیا خپله خور د خپل اسلامي او افغاني کلتور مطابق ور استووم چې وطن ته خدمت وکړي.
