https://www.facebook.com/111986283599259/

बरमा फरायसालिमा बर' फरायसा गौथुम,बरमा, Barama (2026)

18/05/2026

दिनै बरमा फरायसालिमा बर'‌ फरायसा गौथुम आरो बर' बिफाननि बानजाइनाइआव बर' बिजों सान फालिदों।

खालार:18/05/2026
जायगा: बरमा फरायसालिमानि डिजितेल थाखो खथा।

दिनै 18 मे, #बर' #बिजों #सान।
बे सानखौ गुबुन गुबुन आफाद, फसंथान, फरायसालि, फरायसालिमाफोरा फालिनाय बादिनो बरमा फरायसालिमा बर'‌ फरायसा गौथुम लोगोसे बर' बिफान जयै सानसेनि मेहेर गोनां हाबाफारिनि गेजेरजों बर' बिजों सानखौ फालिदों ।
बे हाबाफारियावनो बाहागो लानो हादों बरमा फरायसालिमानि मानिजाथाव गोरायुं ड॰ रैरुब ब्रह्म (i/c) आरो बरमा फरायसालिमा बर' फरायसा गौथुमनि आफादगिरि लोगोसे सानथौ बिफाननि लोगो बिबुंगिरि मानिनां ड॰ सन्जय बर'। बेजों लोगोसेनो बाहागो लानो हाबावदों बरमा फरायसालिमानि मानगोनां बिबुंगिरि बिथांमोन आरो फरायसा बिथांमोना।
मख' नो गोनांदि दिनैनि बे हाबाफारि आव बर' बिफाननि बारग'नो गोनां UG आरो MA नि फरायसाफोरखौ "बिदाइ हाबाफारि" बो लाफानाइ जायो। लोगोसे हाबाफारिआ जोबोद गाजा- गोमजा है जानानै थांओ ।

12/05/2026

गोदानै फैनो गोनां फंबाइ बिनानाव नोंथांमोननो फरायसालियाव मुं थिसनफैनाइआव मदद नि गोनांथि जायोब्ला कल खालामनो हागोन। आरो लोगोसे हवाटसेबनि दारैबो सोंहरनो हागोन।
गोजोनथों।।

12/04/2026

बर' फरायसा गौथुमनि फ्राइ हानजासे बैसागु मोसानाइ।

12/04/2026

11-04-2026 इं खालार एबा मैआनि हाबाफारि आव बरमा फरायसालिमानि सिंआव जों बरमा फरायसालिमा बर' फरायसा गौथुमनि बानजाइनाइ आव 5थि आगु बैसागु सान फालिथाइ आ मेहेरगोनांहै जानानै थांओ।
मख'नो गोनांदि, फुंबिलिनि 9.00 रिंगासो समाव बैसागो नि गोथार फिरफिलाखौ फरायसालिमानि सिथलाआव बिरहोनाइ जायो। बिरहोगिरि महरै गौथुमनि आफादगिरि मानाव गेदेर ड. सनजय बर' ( सानथौ बिफाननि बिबुंगिरि) ।

बेनि उनाव फुंबिलिनि 10.00 रिंगासो समाव फरायसालिमानि गोथार बाथौ गुदियाव आलारि बाथि फोजोंनाइ जायो। फोजोंजेनगिरि महरै बर' बिफाननि बिफान गाहाइ मानगोनां ड. चितरनजन मुसाहारि बिथांआ फोजोंनाइ जायो।

बेनि उनाव गेदेररनिफ्राइ बोर लानाइ आरो उनदैखौ अन्नाइ होनाइ हाबाफारि लानाइ जायो। लोगोसे फोरोंगिरि आरो फराइसा दानदिसे रंजानाय हाबाफारि लानानै सानजौफुनि खुंखा जानाइ आरो बोथिसे ओंखामजों जयै जानाइ जायो। बेनि उनाव जोबथि हाबाफारि महरै उदां रंजानाय हाबाफारि लानाइ जायो।
मखनो गोनांदि हाबाफारिआ आब्रुथियै जोबोर मेहेरगोनां जानानै जोबनानै थांओ‌।

बरमा फरायसालिमा जिव रावजों.....✌️✌️✌️
बरमा फरायसालिमा बर' फरायसा गौथुम जिव लावथों......✌️✌️✌️

11/04/2026

बरमा फरायसालिमा बर' फरायसा गौथुमनि बान्जायनायाव दिनै 11 एप्रिल (2026 इं मायथाइ) खालाराव खुंफुंनो लादों आगु बैसागु फालिथाइ।
बेनिखायनो बरमा फराइसालिमानि गासै मानगोनां फोरोंगिरि आरो फरायसा नोंथांमोनजों लोगोसे बारग' फरायसा आदा, आब' गासै नोंथांमोनखौ हाबाफारियाव फैनानै बाहागो लाफैनो थाखाय गुरैयै खावलायहरनाय जाबाय।
गोजोनथों।।🙏🙏

16/02/2026

बर' थुनलाइ आफादनि बारग' आफादगिरि, साहित्य अकादमी बड' एदभाइजरि बर्डनि लिंथुमगिरि, गागि थुनलाइगिरि, राफोद दैदैनगिरि मानाव गेदेर तरेन बर' सार बिथांआ थांनाइ 14- 02- 2026 इं खालाराव रूंसारि जालांनाइआव बरमा फराइसालिमा बर' फराइसा गौथुमा (BCBSA) गोथौयै दुखु मोनो।
लोगोसे दिनै 16 फेब्रुवारि 2026 इं खालाराव बरमा फराइसालिमा बर' फराइसा गौथुमनि बानजाइनाइ आव बरमा फराइसालिमानि सिथलाआव गेदेमा बिथांनि मुसुखाआव आलारि बाथिजों लोगोसे बिबार बावनाइ जायो । आरोबाव बिथांनि जिवमाया जेन सोरगोआव आलो गोजोनहै जायगा मोनो बेनि थाखाइ गसाइनि सेराव दानदिसे सम आरज बो गाबनाइ जायो।
बिथां गेदेमानि मावनाइ दांनाइ आरो बर' माहारिनि गेजेराव बिहोमा होलांनाइ गासैबो बर' हारिनि गेजेराव अलंबार बादि गोजों जानानै थाबाइ थागोन आरो बिथांखौ जों जेब्लाइबो गोसो खांनांगोन।

16/11/2025

बर' राव गेवलांथों ....
बर' थुनलाइ गोसारथों..
जै बर' हारिनि जै..

16/11/2025

*दिनै 16/11/25 इं खालार बर' थुनलाइ आफादनि 74थि गायसनथाइ सानखौ बरमा फराइसालिमा बर' फरायसा गौथुमाबो बायदि गाबगोनां हाबाफारि लानानै फालिनाय जायो।
फुंबिलि समाव फिरफिला बिरहोनाय आरो मुंख्लंफोरनो बिबार बाउनाय हाबाफारिखौ मावफुंनाय जायो। बेनि उनाव थुनलाइयारि बादायलायनाय आरो गेवलां मेल लानाय जायो।
मख'नो गोनांदि बे मेहेरगोनां हाबाफारियावनो जोंनि बरमा फरायसालिमानिनो सानथौ बिफाननि बिबुंगिरि आरो बरमा फरायसालिमा बर' फरायसा गौथुमनि आफादगिरि ड° सनजय बर' सार बिथांआ गावनि आखाइजों लिरनाय गांसे बिजाबबो बेखेवना होनाय जायो।*

16/08/2025

खुंगा 8 थि रेणु बड़' गोसोखां सान फालिथाइनि हारिमु मोनाबिलियाव लानाय मोननैसो सावगारि।

12/03/2024

गिबि गिबियावनो बरमा फरायसालिमा बर' फरायसा गौथुमनि जानानै साफ्रोमनिसिमबो गाहाम हामलाइनाय बाउहरबाय।

बेनि गेजेरजों बरमा फरायसालिमानि साफ्रोमबो फरायसा लोगो नोंथांमोननो मिथिहोनो मोननानै गोजोन्नाय मोनदोंदि, 2023-24 इं मायथाइ बोसोरनि थाखाय बरमा फरायसालिमा फरायसा खौसे आफादनि बिसायख'थिया बोहैथि दाननि 16 मार्च खालाराव जानो थांगासिनो दं। बेनिखायनो, साफ्रोमबो फरायसा लोगो नोंथांमोनखौ खावलायहरो, जेन' साफ्रोमबो बर' बिजाथिनो भत होनानै देरहासार खालामो। नोंथांमोननि मोनफा मोनफा भतआनो देरहासारनायनि गेदेर बिहोमा जागोन। 1994 इं मायथाइनिफ्रायनो थाद'नाय गैयाजासे दिनैसिम बर' फरायसाफोरानो बरमा फरायसालिमा फरायसा खौसे आफादखौ सालायबोबाय। बेखौ नोजोर बोनानै 2023-24 मायथाइ बोसोरनि बिसायख'थियावबो बर' बिजाथिखौनो देरहासार खालामनांगौनि सार्थआव गासैबो फरायसा लोगो नोंथांमोनखौ भत होनानै देरहासार खालामनो थाखाय खावलायहरबाय। मानोना, जों बे गोलाव 29 बोसोरनि जाफुंसारनायनि जारिमिनाव गोसोम दागो फोननो हानाय नङा। फरायनायजों लोगोसे बरमा फरायसालिमायाव बर'नि राव, हारिमु, दोहोरोम आरो थुनलाइ बिथिंखौबो ग्रोम ग्रोम लाखिलांबाय थानायनि थांखिजों जों बर' फरायसाफोरा खौसे जानांगोन। आसा खालामो, 16 मार्च खालाराव बयबो बर' फरायसाफोरा बर' बिजाथिनोनो भत होनानै देरहासार खालामगोन होननानै।

गोजोनथों।

जै बरमा फरायसालिमा फरायसा खौसे आफादनि
जै बरमा फरायसालिमा बर' फरायसा गौथुमनि।।🙏✊✊💪

खालार:16/03/2024

02/09/2023

बिजनि सोलोंसालिमा बर' थुनलाइयारि आफादनि बानजायनायाव सानजारां लक्षेस्वर ब्रह्मनि 40 थि थैनाय सान आरो खुंगा 32 थि थैनाय गोसोखां सान फालिनायाव बरमा फरायसालिमाया गुबुन गुबुन सोलोंसालि आरो मुलुग सोलोंसालिमानि गेजेराव बयनिख्रुइबो बांसिन बान्था देरहासार जानो हानानै साबसिन बादायारि सोलोंसालिमा थामहिनबा "सानजारां देरहासार बान्था -2023" आरो साबसिन बादायारि बान्था मोन्नो हादों।
🥰💐💐❤️
जै आफा बोराइ बाथौनि🙏
जै बरमा फरायसालिमानि💐
जै बरमा फरायसालिमा बर' फरायसा गौथुमनि 💐
🙏❤️❤️😊
खालार: 2/09/23 इं मायथाइ

बरमा फरायसालिमा बर' फरायसा गौथुम,बरमा

18/05/2026

12/05/2026

12/04/2026

12/04/2026

11/04/2026

16/02/2026

16/11/2025

16/11/2025

16/08/2025

12/03/2024

02/09/2023

Address

Website

Alerts

Shortcuts

Share

Category

Listing takedown request