03/03/2026
*શ્રી સી.એન.પી.એફ.આર્ટ્સ એન્ડ ડી.એન. સાયન્સ કોલેજ,ડભોઇ* દ્વારા સાત દિવસીય N.S.S.વાર્ષિક શિબિરનું શંકરપુરા ગામ મુકામે આયોજન કરવામાં આવ્યું.
*સરદાર@૧૫૦ અંતર્ગત સ્વરછતા હી સેવા* થીમ સાથે તારીખ :૦૧-૦૩-૨૦૨૬ થી ૦૭-૦૩-૨૦૨૬ સુધી ડભોઇ તાલુકાના શંકરપુરા મુકામે શ્રી સી.એન. પી. એફ. આર્ટ્સ એન્ડ ડી.એન.સાયન્સ કોલેજ, ડભોઇ દ્વારા સાત દિવસીય N.S.S. શિબિર N.S.S. પ્રોગ્રામ ઓફિસર ડૉ. અલ્પેશ કોતર, ડૉ. સુરેશભાઈ આહિર અને ડૉ.રાકેશભાઈ ગામીતના નેતૃત્વમાં અને આચાર્યશ્રી સુનિલભાઈ પટેલના માર્ગદર્શન હેઠળ આયોજન કરવામાં આવેલ છે.
👉આ N.S.S. શિબિરનો ઉદ્દઘાટન સમારોહ સુનિલભાઈ પટેલની અધ્યક્ષતામાં યોજાયો હતો. જેમાં અતિથિ તરીકે મંડળના કારોબારી સભ્ય શ્રી રાજુભાઈ પટેલ, ગામના સરપંચ શ્રી ગિરીશભાઈ પટેલ અને પ્રાથમિક શાળાન આચાર્ય શ્રી ચતુરભાઈ, ભુતપૂર્વ પ્રોગ્રામ ઓફિસર લાયન પ્રોફેસર અશોકકુમાર બારિયા, અતિથિ વિશેષ તરીકે ગામના અગ્રણી તેમજ સમગ્ર કોલેજ પરિવારના અધ્યાપકો અને કર્મચારીઓ અને પંચ પ્રકલ્પના કન્વિનરશ્રીઓ, N.S.S.ના સ્વયંમસેવકો, ગ્રામજનો સહિત પ્રાથમિક શાળાના બાળકો ઉપસ્થિત રહયા હતાં.
👉કાર્યક્રમનો શુભારંભ પ્રાર્થના અને N.S.S.ગીતથી કરવામાં આવ્યો હતો. ત્યારબાદ મંચસ્થ મહાનુભાવોના વરદહસ્તે દીપ પ્રાગટ્ય કર્યા બાદ કોલેજના આચાર્યશ્રી દ્વારા મહેમાનોનો પરિચય આપી, શાબ્દિક સ્વાગતની સાથે સાથે #સરદાર@૧૫૦ અંતર્ગત #સ્વચ્છતા_હી_સેવા થીમ અંતર્ગત એન.એસ.એસ. અને કોલેજ દ્વારા થનાર વિવિધ કામગીરીઓનો વિગતવાર પરીચય કરાવ્યો હતો. અને જણાવ્યું હતું કે આજનો યુવાન એન. એસ. એસ.ના માધ્યમથી અનેકવિધ પ્રવૃત્તિઓ કરીને પોતાનો તો વિકાસ સાધે જ છે પણ સમાજના અને રાષ્ટ્રના વિકાસમાં સહભાગી બને છે અને ભારતને વિકસતા રાષ્ટ્ર્રમાંથી વિકસિત રાષ્ટ્ર તરફ અગ્રેસર કરવામાં ગ્રામોત્થાન થકી વિશ્વગુરુ તરફ લઇ જવામાં પોતાનું યોગદાન આપે એવી અપેક્ષા વ્યક્ત કરી હતી અને કેમ્પમાં શ્રેષ્ઠ કામગીરી કરી કોલેજનું નામ રોશન કરવા માટેની હાંકલ કરી હતી.
👉 વડોદરા જિલ્લા કેળવણી મંડળના પ્રમુખશ્રી શશીકાંતભાઇ પટેલ આજના કાર્યક્રમમાં ઉપસ્થિત રહી ન શક્યાનું દુઃખ વ્યક્ત કરી શિબિરની સફળતા માટેનો સંદેશો પાઠવ્યો હતો. *ભારત ૨૦૪૭ સુધીમાં વિકસિત રાષ્ટ્રની હરોળમાં અગ્રેસર બની વિશ્વગુરૂ બને" વડાપ્રધાનશ્રીનું આ સ્વપ્ન સાકાર કરવા માટે આજના યુવાનો અને N.S.S.ના સ્વયંસેવકો સરકારના આ અભિગમને સાર્થક કરવા માટે કટીબદ્ધ બને અને શિક્ષણ સાથે સમાજ સેવા દ્વારા છેવાડાના માનવીને મદદરૂપ થવાના ધ્યેયને સાર્થક કરવા માટે રાષ્ટ્રીય સેવા યોજનનું સૂત્ર , ને પોતાનો જીવન મંત્ર બનાવવાની અપીલ વિવિધ ઉદાહરણો આપીને કરી હતી.
👉 એન.એસ.એસ. પ્રોગ્રામ ઓફિસર ડૉ. અલ્પેશભાઈ કોતરે સમગ્ર કાર્યક્રમનું સંચાલન કરતાં કરતાં સાત દિવસીય શિબિરની થીમ અને શિબિર દરમિયાન થનારા વિવિધ કાર્યક્રમોની રૂપરેખાથી સૌને અવગત કરાવતા જણાવ્યું હતું કે...N.S.S. સ્વયંસેવકો પોતાના વિકાસની સાથે સમાજ અને રાષ્ટ્ર નિર્માણમાં પોતાનું યોગદાન આપે, અને તેઓમાં નેતૃત્વ શકિત, નિર્ણય શકિત, આત્મ વિશ્વાસ જેવા ગુણો કેળવાય, સમાજ જીવન અને સમૂહ જીવનની તાલીમ દ્વારા સ્વનિર્ભર બને એ જ એન.એસ.એસ. શિબિરનો મુખ્ય હેતુ છે.
👉આ શિબિરમાં મુખ્યત્વે એન.એસ.એસ. વિભાગ સાથે સમગ્ર કોલેજના અધ્યાપકો દ્વારા સરકારશ્રીના પંચ પ્રકલ્પ અંતર્ગત શંકરપુરા અને તેની આજુબાજુના ગામોમાં કોલેજના તમામ અધ્યાપકોના માર્ગદર્શન હેઠળ પર્યાવરણ , સ્વછતા, જળ સંચય અને જળ સંરક્ષણ, ગૌ આધારિત પ્રાકૃતિક ખેતી, ફીટ ઇન્ડીયા કાર્યક્રમ અંતર્ગત વિવિધ રમતો, નશાબંધી, અંધશ્રદ્ધા અને કુરિવાજ નિવારણ, રકતદાન શિબિર તેમજ સ્વાતંત્ર્ય સેનાનીઓનું યોગદાન અને જીવન પરિચય જેવા વિવિધ પ્રકલ્પ અંતર્ગત જુદા-જુદા ગામોમાં વિવિધ કાર્યક્રમો જેવા કે...
કેમ્પસ સફાઇ, જાહેર સ્થળો, શાળા કેમ્પસ, સમગ્ર ગામના ધાર્મિક, સામાજિક સંસ્થાઓમાં અને જાહેર રસ્તા પર સ્વચ્છતા અભિયાન, પોસ્ટર અને ચિત્ર સ્પર્ધા, સ્વચ્છ ગામ સ્વસ્થ ગામ અભિયાન ,વ્યસન મુક્તિ, બેટી બચાવો બેટી પઢાઓ, પ્લાસ્ટિક અવેરનેસ, પર્યાવરણ, વ્યશન મૂક્તિ...જેવી વિવિધ થીમ સાથે વિશાળ રેલીનું આયોજન, રાસાયણિક ખાતરની અસરો, ગૌ આધારિત પ્રાકૃતિક ખેતી અભિયાન અને કુદરતી ખાતરના ફાયદાની માહિતી સાથે વિવિધ કાર્યકમો, પ્રાથમિક શાળામાં શૈક્ષણિક કાર્ય, શાળાના બાળકો અને ગામના બાળકો માટે વિવિધ સ્પર્ધાઓનું આયોજન, શિબિરાર્થીઓ માટે વિવિધ સ્પર્ધાઓનું આયોજન ,યોગ અભ્યાસ, વ્યસન મૂક્તિ માટે નુક્કળ નાટક, પશુ સ્વાસ્થ કાર્યક્રમ, આર્થિક, સામાજિક, શૈક્ષણિક, સરકારની વિવિધ યોજનાઓ અને વિધવાઓનો સર્વે, સરકારી વિવિધ યોજનાઓની માહિતિ, સુવિચાર અને સૂત્ર સ્પર્ધા, નશાબંધી, અંધશ્રદ્ધા અને કુરિવાજ નિવારણ કાર્યક્રમ, અંતર્ગત શેરી નાટક દ્વારા આજુ-બાજુના ગામમાં જાગૃતિકરણ અભિયાન, સ્વાતંત્ર્ય સેનાનીઓનું યોગદાન અને જીવન પરિચય અને વિવિધ વિષયો ઉપર બૌદ્ધિક વ્યાખ્યાનો, જેવા અનેક કાર્યોનું આયોજન કરવામાં આવનાર છે.
👉કાર્યક્રમના અંતે N.S.S. પ્રોગ્રામ ઓફિસર ડૉ.રાકેશભાઈ ગામીતે સૌનો આભાર વ્યક્ત કરતા જણાવ્યું હતું કે.... અમારા સ્વયંસેવકોમાં જે સાત દિવસ સુધી સતત શ્રેષ્ટ કામગીરી કરી કોલેજ અને સંસ્થાનું નામ ઉજાગર કરશે તેમને ઇનામથી અને દરેકે દરેક સ્વયંસેવકને પ્રમાણપત્રથી સન્માનિત કરવામાં આવશે. અંતે સમુહમાં રાષ્ટ્રગીતથી કાર્યક્રમ સંપન્ન થયો હતો.
