LAI SIM NI

Directions

LAI SIM NI Contact information, map and directions, contact form, opening hours, services, ratings, photos, videos and announcements from LAI SIM NI, Delhi.

I SINTAWM DING HILungtomna pen i neihsa hi a,Lungduaina pen i sintawm ding hi. Maigumna pen i neihsa hi a,Maitaina pen i...
19/09/2026

I SINTAWM DING HI

Lungtomna pen i neihsa hi a,
Lungduaina pen i sintawm ding hi.

Maigumna pen i neihsa hi a,
Maitaina pen i sintawm ding hi.

Ki-elna pen i neihsa hi a,
Kilemna pen i sintawm ding hi.

Kimuhdahna pen i neihsa hi a,
Ki-itna pen i sintawm ding hi.

Kihuatna pen i neihsa hi a,
Kingaihna pen i sintawm ding hi.

Kahna pen i neihsa hi a,
Nuihna pen i sintawm ding hi.

Gitlohna pen i neihsa hi a,
Migitna pen i sintawm ding hi.

Kimawhsakna pen i neihsa hia,
Kimaisakna pen i sintawm ding hi.

Kigawtna pen i neihsa hi a,
Kihehpihna pen i sintawm ding hi.

Hun sawtpi lai in gamlak mun khat ah keivom khat om hi. Amah pen zuauphuah hat mahmah hi. Ni khat an a nek laitakin sagu...
01/09/2026

Hun sawtpi lai in gamlak mun khat ah keivom khat om hi. Amah pen zuauphuah hat mahmah hi. Ni khat an a nek laitakin saguh khat a gawl ah awk hi. Amahleh amah hanciam in a kibawl hangin hemkhia theilo hi. "Ah! Nasam ei maw ci in heh mahmah a, lakkhiatloh phamawh ding hi" ci'n ngaihsun hi.
Tua bangin a ngaihsut laitak in, vakaang khat a leng mu hi. Tua ciangin keivom in, "Ka gawl a awk saguh nong hepkhiatsak theih leh thaman lian mahmah kong pia ding hi" ci hi.
Tua ciangin vakaang in a muk sau mahmah keivom kam
sungah thun suk a a gawl a saguh peh khiatsak hi. Tua ciang in,
"Kathaman ding koi ah?" ci-in ngen pah hi.
Keivom in thaman piak ding in ngaihsun lo hi. "Nang' keivom kamsung pan in cidam a suakta na hih manin, tuaciang zong thaman lianpi salo na hi hiam?" a cih kawmkawm in nui a paikhiat san vingveng hi. Vakaang in,
"Kei aw ei! haizen mah
sing maw! Hizah a zuauphuak keivom (wolf) huh a, thaman ka lamet mahmah" ci in ki ngaihsun kik hi.

SINDING:
(Gilo khat kiang pan dikna thupha lamen kei in.)

Nidanglai in ah gampalak munkhat ah sazuktal khat teng hi.Nisim in tui dawn in a paitakteh amahleh amah hoih kisa mahmah...
30/08/2026

Nidanglai in ah gampalak munkhat ah sazuktal khat teng hi.
Nisim in tui dawn in a paitakteh amahleh amah hoih kisa mahmah hi. A zawdeuh in a kii tawh kilawm kisa mahmah hi.
Ahizongin a khete a ki et takteh neu gekgak in hoihsalo ahih manin maizum huai kisa hi. "Ken hizah in a kilawm mahmah ki (horns) nei ing a, ka khete neu gekgak in mel hoihlo ahih pen ka deih kei hi" ci-in ngaihsun hi.
Ni khat Kamkei a kici sahang nam khat in nek dingin delh
hi. Sazuk zong a khe te mah tawh manlang tak in tai a Kamkei in phazolo hi.
A sawt loin, Sazuk ii akii pen singhiang khat ah awk hi.
Sazuk in a suahtak theih na dingin nakpi in a kitom hangin suakta zolo hi. Tua ciangin Kamkei in pha a a khecin tawh mancip pah hi. Tua ciangin Sazuk in hoih a sak mahmah a ki (horns) sangin, hoih a sak kholloh a khete kizang thei zaw ahih lam phawk vat hi.

SINDING:
(Na khat peuhpeuh a puatham muhna ciang bek
tawh thukhen kei in.)

Khua ta khat ah ui huaiham mahmah khat om hi. Ni khat meh zuakna sai lam manawh in hong vak khiat le sasai gei khat ah s...
29/08/2026

Khua ta khat ah ui huaiham mahmah khat om hi.
Ni khat meh zuakna sai lam manawh in hong vak khiat le sasai gei khat ah saguh bawkpi khat hong mu hi.
Ui in, "hih bang saguhpi ka nekloh zawh a k*m in paita hi" ci hi. Sasaipa in a et hithiat laitak mah in ui in saguhpi damtak in tawm khiankhian a taipih vingveng hi. A tai kawmkawm in ui in, "hizah a saguh gol mawk pen ui dang a ne kha ngei peuhmah omlo ding hi" ci-in ngaihsun hi.
Ui in a kamsung ah saguh pet kawm sa in tai a, lui kiang khat hong tung hi. Lui gei ah ui a dak suk leh tui sung pan amah bang lian khat ahi a lim kimu hi. "Hua tak a tui sung ah ui khat in saguh bawk lianpi khat ne hilo maw. Ken hua duh zaw ing" ci-in ngaihsutna hong nei hi.
Tui gei pan Ui in ama lim mah mu in tawng tadih a, a kam a kat phet in, a kam sung a a peh sagguhpi tui sungah kiatsuah hi. Ui in lungkham tak in bang hong ngaihsun hiam cihleh, "Ka neihsa tawh lungkim ziau hileng, ka kam sung a omsa saguh tanlawh lo mah ding hiveng maw" ci hi.

SINDING:
(Huaihamna pen suplawhna suak thei hi.)

Nidanglai in ah, Kumpipa khat in lampi ah suangtum lianpi khat koih hi. Lampi tawn a apai mi khatpeuh in a hemkhia hiam ...
28/08/2026

Nidanglai in ah, Kumpipa khat in lampi ah suangtum lianpi khat koih hi.
Lampi tawn a apai mi khatpeuh in a hemkhia hiam cih amuh theih nadingin a pam deuh pan in encik hi. Kumpipa mihaute le sumbawl tampiten nawk napi in kuaman suangtum hemkhia loin pelh diamdiam in paisan uhi.
Mi tampite in lampi ki hahlo ci in k*mpipa mawhsak in
phunsan uhi.
Amau zonglah hemkhia tuanlo hi.A denciangin mi khat vantampi pua kawmsa in hong pai hi.
Suangtum pi gei hong tun ciangin a van kinga in lam laizang a om suangtumpi hong sawnkhiat sawm hi. Nakpi takin hanciam in a sawn ciangin lampi nawl ciang hong sawnkhiazo hi.
Mipa amankhit ciangin a van omna ah a van la dingin
hongpai kik hi. Den a a suangtum sawncilna a van gei ah sumbawm khat aom mu hi.
Sumbawm hong in a etleh a sungah khamleh suangmanpha pawlkhat aom mu a, tuate gei ah lai kigelh khat zong na om hi.
A lai asimleh, "hih kham le suangmanphate pen suangtum golpi a hemkhia pen pen a ding a kakoih ahihi" cih lai kigelh hi.

SINDING:
(I tawtna lampi ah haksatna i tuahkhakte pen i nuntakna a kilamdan theih na ding hithei hi. Haksatna na tuah ciang phunpah kei inla, na sep zawh ding ahihleh sem pah in.)

Muvanlai in huihpi nung ding mukhol thei ahihlam na thei hiam?Tua bang hun ciangin muvanlai mun khat ah kibucip lo in, h...
27/08/2026

Muvanlai in huihpi nung ding mukhol thei ahihlam na thei hiam?
Tua bang hun ciangin muvanlai mun khat ah kibucip lo in, huihpi nun ding ngak gige zaw hi.
Huihpi hong nun ciangin muvanlai in a khate zaak in huihpi
hatna tha zangin a sangzaw ah kilamto sak hi.

SINDING:
Haksatna huihpi in hong nawk ciangin muvanlai bangin kilam sak in leng ding hi hang. Na nuntakna sungah hong nung haksatna huihpite lau kei in. A sang zaw na kah zawh na ding in ama hatna zangin kilam sak in.

Rev.Dr.JM Paupu Thugelh ######xKILAWMZAW LEH KILAWMA kilawmzaw ding ngaihsutna tawh hih a nuai a thute kong gelh hi. Mim...
26/10/2021

Rev.Dr.JM Paupu Thugelh
######x

KILAWMZAW LEH KILAWM

A kilawmzaw ding ngaihsutna tawh hih a nuai a thute kong gelh hi. Mimal kuamah tawh kisai hi loin i minam bup khualna, khangtoh leh picin nading deihsakna hi-zaw hi.

1. Pasian thugenna vai limci i neih ciangin, a min dingin "Cialpi," "Kha Annkuang luina," "Gupna Thusinna," "Revival Kikhopna" cih ahi zongin kizang thei leh cih ngaihsutna hih tawh a thumveina kong gelh hi ta ding hi. Tuhun tawh a kituak nawn lo, Khamtung khua khat pawlpi khawngin a zat leh phamawh lo napi-in, facebook khawngah a kammal "CRUSADE" cih i koih lailai pen khawl hunlua mahmah ta hi. Middle East khawng a i Khristianpihte' ngawngtan a thuakna uh a hang pen i lawmte'n nidangin Khristiante'n "hih" min tawh amau tul tampi kithat a hihlam mangngilh lo uh hi. Zomi facebook ciang zang theite buangin hih kammal nong zat nawn loh ding uh ngaihsutna kong hansuah hi. Pasian thugen leitung mun tuamtuam a zin thei ciangciangte'n hih thu i lim ngaihsut ding kisam kasa hi. Mite'n nang ngaihsut bangin hih thu na sang nawn lo ahih lam phawkhuai hi.

2. Gamsa, Vok, Bawng leh Sial: Vai thupi i neih ciangin bawng, vok leh sial cih bang tawh lungdamna annkuan i vaihawm thei uh hi. Tuate i zat ding mah zong hi kha ding hi. Ahi zongin bawnggil, vokgil, sialgil bawl-lai, a gilzang khawng i zut lai, sa-si thun lai cih khawng facebook ah i suah pen zat nawn loh ding hi. Vok gawh lai, sial kaplup lai cih bang i koih pen ei lam panin thupi mahmah in i ngaihsut ahih hangin ei vai hong theihpih lote'n na thupi sim het lo uh hi. Tuhun ciangin gamsa na mat leh "pasal pha" cih kammal kizang nawn lo a, "Wildlife Preservation" k*mpite thukhun nial in hong kingaihsun ahih lam phawkhuai hi.

3. Nau neih vai: Facebook ah nau neithakte'n naungek suaktung nong koih thei uh hi. Hong kilungdampih mahmah hangin naungek photo (maan) pen koihtuak leh koihtuak loh om hi. Naunawi piak lai bang nong koih nawn loh ding uh deihhuai hi. Nau nei khin phet a nu zong gimlua, tawllua mel tawh naungek lim leh mel hong kikoih thei hi. A nu kipuah siang khin zo, maitai khin zo, naungek mahmah zong kisilsiang khin zo cih bang hi leh etlawm hi. Naunawi piak lai pen ei lam panin bangmah a i thupi sim loh hangin namdangte'n zahmawh in na ngaihsun uh hi.

4. Online-live a kikhah: Tuhun ciangin smart phone, tablet i tawi ciat uh hi. Program khat peuhpeuh "live" in kikhah hong tam mahmah hi. "Live" a khah ding leh khah loh ding zong i khentel kisam mahmah kasa hi. I biakinn ah "TV-Media recording" i neih leh tuate a hoihzaw ding ahih ciangin amau kiang panin leithei in kepcing dingin nei leng hoihzaw ding hi. "Live" hong kikhah tampite i biakinn sung a lamna, pukna, dianna khawng ahih ciangin tua mun a omte adingin thupha sanna khat ahih hangin tua bang huihnunna munah om lote' (upna kibatpih lohte) adingin lamdangpi na suak thei hi. Online-live a khah tuak leh khah tuak lo khentel kisam mahmah hi......

By JM Ngul Khan Pau
Crd.Zomi Express March 31,2018

Theihhuai: Leitung ah Inn (house) lian pen leh a tam man penLeitung innlian pen leh inn tam man pen a nei pa min Mukesh ...
20/10/2021

Theihhuai: Leitung ah Inn (house) lian pen leh a tam man pen

Leitung innlian pen leh inn tam man pen a nei pa min Mukesh Ambani hi a, India gam Mumbai city ah teng hi. Mukesh Ambani in Reliance Industries Limited (RIL), a Fortune Global 500 company leh India's most valuable company te ah Indian business magnate, the chairman, managing director, leh the largest shareholder hihna nei hi. Asia gam ah a hau pen hi in leitung bup ah a hau pen 13 na ahihi cih 2019 k*m March in the Forbes magazine in suah hi.

A inn min : Antilia building
A nei pa min : Mukesh Ambani
A min pi : Mukesh Dhirubhai Ambani
A suah ni : 19 April 1957 (k*m 62)
A zi min : Nita Ambani (1985 k*min kiteng)
A biakna : Hinduism
Ta thum nei (tapa 2 leh tanu khat)
A tapa nih te min : Anant Ambani leh and Akash Ambani
A tanu min : Isha Ambani
Mukesh Ambani sum neih zah : US $50 billion (March,2019)
A om na : Altamount Road, Cumballa Hill, Mumbai, India
A hon ni : 5 February 2010
Sum bei zah : US $2 billion
A sanna : 173 m (568 ft)
Security cialna : kha khat Rs. 1500000
Innmun(land) golna : 4,532-square-metre (1.120-acre)
A inn sung(interior space) : 400,000 square feet

A inn a om te;
1) Cial (storey) : 27
2) Staff om na : 600
3) Helicopter tutna (helipad) : 3
4) Car koihna (garage) : 160 (six floor)
5) private movie theater : 1
6) swimming pool : 3
7) fitness center : 1

Mukesh Ambani in Jet vanleng nei in Yatch a kici tembaw te, Car leh security 600 nei a, a inn tungah helicopter thum tut theihna helipad leh car 160 koihna garage zong nei hi.

Mukesh Ambani car neih te;

1) Bentley Bentayga : Rs.38.5 million
2) Rolls Royce Phantom Drophead Coupe : Rs.76 million
3) Mercedes Maybach 62 : Rs.51.5 million
4) Armoured BMW 760 Li : Rs. 85 million
5) Mercedes-Maybach Benz S660 Guard : Rs.105 million
6) Aston Martin Rapide : Rs. 38.8 million
7) Rolls Royce Phantom : Rs. 4 million
😎 Bentley Continental Flying Spur : Rs. 36.9 million

Mukesh Ambani in pahtawina Awards and honors a ngah te;

Year of Award or Honor Name of Award or Honor Awarding Organization
1) A ngah k*m : 2000
Award/honir min : Ernst & Young Entrepreneur of the Year
A pia te : Ernst & Young India

2) A ngah k*m : 2010
Award/honor min : Global Vision Award at The Awards Dinner
Apia te : Asia Society

3) Angah k*m : 2010 Business Leader of the Year[50] NDTV India

4) A ngah k*m : 2010
Award/honor min : Businessman of the Year
A pia te : Financial Chronicle

5) A ngah k*m : 2010
Award/honor min : School of Engineering and Applied Science Dean's Medal
A pia te : University of Pennsylvania

6) A ngah k*m : 2010
Award/honor min : ranked 5th-best performing global CEO
A pia te : Harvard Business Review

7) A ngah k*m : 2010
Award/honor min : Global Leadership Award
A pia te : Business Council for International Understanding

😎 A ngah k*m : 2010
Award/honor min : Honorary Doctorate (Doctor of Science)
A pia te : M. S. University of Baroda

9) A ngah k*m : 2013
Award/honor min : Millennium Business Leader of the Decade at Indian Affairs India Leadership Conclave Awards 2013)
A pia te : India Leadership Conclave & Indian Affairs Business Leadership Awards

10) A ngah k*m : 2016
Award/honor : Foreign member, U. S. National Academy of Engineering
A pia te : National Academy of Engineering

11) A ngah k*m : 2016
Award/honor min : Othmer Gold Medal
A pia te : Chemical Heritage Foundation

Address

Delhi
5008

Website

Alerts

Be the first to know and let us send you an email when LAI SIM NI posts news and promotions. Your email address will not be used for any other purpose, and you can unsubscribe at any time.

Shortcuts

Share