Devgad college

02/05/2026

19/04/2026

*भौतिकशास्त्र (Physics) विभागातील विद्यार्थ्यांचे यश*
दरवर्षी राष्ट्रीय पातळीवर घेण्यात येणाऱ्या नॅशनल ग्राज्युएट फिजिक्स एक्झामिनेशन (NGPE) मध्ये भौतिकशास्त्र विभागाच्या विद्यार्थ्यांनी चमकदार कामगिरी केली आहे. कु. नुपूर मकरंद लळित (तृतीय वर्ष), कु. प्रेरणा शंकर गोसावी (तृतीय वर्ष) व कु. आर्यन रामदास गुरव (प्रथम वर्ष) या तीन विद्यार्थ्यांची राष्ट्रीय पातळीवर टॉप १% विद्यार्थ्यांमध्ये निवड झाली आहे. पुढील शैक्षणिक व संशोधन क्षेत्रातील करिअरमध्ये या परीक्षेतील यश महत्वाचे समजले जाते. सदर NGPE ही परीक्षा २५ जानेवारी २०२६ रोजी घेण्यात आली होती. भारतभरातून ३०९२ विद्यार्थ्यांनी ही परीक्षा दिली होती, त्यामध्ये देवगड महाविद्यालयातील फिजिक्स विभागाचे १२ परीक्षार्थी होते. यशस्वी विद्यार्थ्यांना 'इंडियन असोसिएशन ऑफ फिजिक्स टीचर्स' IAPT कडून विशेष प्रमाणपत्र देण्यात आले आहे. भौतिकशास्त्र प्राध्यापिका डॉ. सुनेत्रा ढेरे व विभागप्रमुख डॉ. लक्ष्मण सुरवसे यांचे मार्गदर्शन या विद्यार्थ्यांना लाभले. विद्यार्थ्यांच्या या यशाबद्दल प्राचार्य डॉ. विजयकुमार कुनुरे, उपप्राचार्य प्रा. श्रीकांत सिरसाठे व अध्यापक महाविद्यालयाचे प्राचार्य प्रा. भालचंद्र मुंबरकर यांचे हस्ते प्रशस्तीपत्र देऊन गौरवण्यात आले.

15/04/2026

https://forms.gle/wEjLsAro2JhCQLNT7

शिक्षण विकास मंडळ संचलित श्री. स. ह. केळकर महाविद्यालय, देवगड येथे २४ एप्रिल, २०२६ मध्ये रोजगार मेळावा आयोजित करण्यात येणार आहे. सदर मेळावा जिल्हा कौशल्य विकास, रोजगार व उद्योजकता मार्गदर्शन केंद्र, सिंधूदुर्ग, श्री. स. ह. केळकर महाविद्यालय, देवगड आणि शासकीय औद्योगिक प्रशिक्षण संस्था, जामसंडे यांच्या संयुक्त विद्यमाने आयोजित करण्यात येणार आहे. सदर मेळाव्यामध्ये सिंधूदुर्ग व इतर जिल्ह्यातील उमेदवार सहभागी होऊ शकतात. या रोजगार मेळाव्यामध्ये विविध क्षेत्रातील कंपन्या सहभागी होणार आहेत. तरी इच्छुक उमेदवारांनी नावनोंदणी करावी.

Whatsapp Group
https://chat.whatsapp.com/Lhc2c8JFIr7KmtoxmSih0S?mode=gi_t

शिक्षण विकास मंडळ संचलित श्री. स. ह. केळकर महाविद्यालय, देवगड येथे २४ एप्रिल, २०२६ रोजी रोजगार मेळावा आयोजित करण्या....

07/03/2026

जागतिक महिला दिनाचे निमित्त महाविद्यालयाच्या महिला विकास कक्ष (CWDC) मार्फत दि. ७ मार्च २०२६ रोजी वेलनेस सत्राचे आयोजन करण्यात आले.
सहभागी: शिक्षक आणि शिक्षकेतर कर्मचारी, विद्यार्थी
उद्दिष्ट: मानसिक आणि शारीरिक आरोग्याला प्रोत्साहन देऊन आणि निरोगीपणामध्ये लिंग समावेशकतेला प्रोत्साहन देऊन महिला दिन साजरा करणे.
CWDC समन्वयक यांनी पाहुण्यांचे आणि सत्रातील सहभागींचे औपचारिक स्वागत केले, शारीरिक आणि मानसिक निरोगीपणाचे महत्त्व अधोरेखित केले आणि महिलांच्या योगदानाचे कौतुक केले. तज्ञ श्रीम. सुनयना दाते यांनी कामाच्या ठिकाणी तणाव व्यवस्थापन, आरोग्य समस्याचे लवकर निदान आणि संतुलित, पौष्टिक आहार यावर सहभागींना संबोधित केले.
मार्गदर्शन सत्रानंतर BMI, जैविक वय, व्हिसेरल फॅट, मसल मास इत्यादी शरीराच्या पॅरामीटर्सची तपासणी करण्यात आली. निकालांच्या आधारे, उपस्थितांना जीवनशैली आणि आहाराबद्दल सूचना देण्यात आल्या.
या सत्राचा ५० हून अधिक व्यक्तींना लाभ झाला. या कार्यक्रमाला सर्व सहभागींनी उत्तम प्रतिसाद दिला.

02/03/2026

सोलापूर इतिहास संशोधन मंडळ, सोलापूर आणि श्री. स. ह. केळकर कला, वाणिज्य आणि विज्ञान महाविद्यालय देवगड, यांचे संयुक्त विद्यमाने राष्ट्रीय आंतरविद्याशाखीय परिषदेचे आयोजन
स्थळ: श्री. स. ह. केळकर कला, वाणिज्य आणि विज्ञान महाविद्यालय देवगड
दिनांक: १३ आणि १४ मार्च २०२६
विषय:- भारताच्या निर्मितीमध्ये आणि कोकण पर्यटनात महिलांचे योगदान
शोधनिबंध पाठवण्यासाठी इमेल: [email protected]
नोंदणीसाठी लिंक: https://forms.gle/gCiErPrrvHKb8ex27

14/01/2026

देवगड महाविद्यालयाच्या राष्ट्रीय छात्र सेनेचा (NCC) कॅडेट कु. संभाजी जकप्पा माने रा. हिंदळे, देवगड याची अग्नीवीर (टेक्निकल श्रेणी) करिता निवड झाली आहे. चिकाटी, प्रामाणिक प्रयत्न आणि सातत्य या जोरावर त्याने हे यश संपादन केले आहे. NCC आणि क्रीडा क्षेत्रातील त्याच्या यशामुळे त्याने महाविद्यालयाचे नाव वेळोवेळी विविध स्तरावर उंचावले आहे. नवी दिल्ली येथे सप्टेंबर २०२५ मध्ये झालेल्या राष्ट्रीय थल सैनिक कॅम्पमध्ये त्याने महाराष्ट्र निदेशालयाच्या संघामधून भाग घेतला होता. संभाजीचे ई. ११वी पासूनचे शिक्षण देवगड महाविद्यालयामधे झाले असून सध्या तो बी. एस्सी. प्रथम वर्षामध्ये शिकत आहे. महाविद्यालयाच्या कला, क्रीडा, NCC, शैक्षणिक अशा सर्व उपक्रमांमध्ये त्याचा सक्रिय सहभाग असायचा. यातून आत्मविश्वास, व्यक्तिमत्व विकास, करियर मार्गदर्शन इत्यादीचा लाभ त्याला झाला. प्रशस्त मैदान, जिमखाना, ग्रंथालय आणि वाचनगृह अशा महाविद्यालयाच्या सुविधांचा त्याने सर्वांगीण प्रगतीकरिता प्रभावीपणे वापर केला. NCC अधिकारी लेफ्ट. सुनेत्रा ढेरे आणि ५८ महा. बटालियन सिंधुदुर्गच्या अधिकाऱ्यांचे मार्गदर्शन आणि सहकार्य त्याच्या या यशामध्ये मोलाचे आहे.
देवगड महाविद्यालय आणि राष्ट्रीय छात्र सेना विभागाला त्याचा अभिमान आहे. संस्थापदाधिकारी, महाविद्यालयाचे प्राचार्य डॉ. विजयकुमारे कुनुरे, उपप्राचार्य प्रा. श्रीकांत सिरसाठे, डॉ. लक्ष्मण सुरवसे, डॉ. पारस जाधव तसेच सर्व शिक्षक आणि शिक्षकेतर कर्मचारी यांचा पाठिंबा व सहकार्य त्याला वेळोवेळी लाभले. संभाजीच्या या कामगिरीबद्दल त्याचे संस्था पदाधिकारी व महाविद्यालयाच्या सर्व घटकांकडून हार्दिक अभिनंदन करण्यात येत आहे.

14/01/2026

युवाशक्ती - उद्याच्या बदलाची शिल्पकार - या संकल्पनेवर आधारित देवगड महाविद्यालयाच्या युवा महोत्सवाची जय्यत तयारी
देवगड :
देवगड महाविद्यालयामार्फत दरवर्षी आयोजित करण्यात येणारा देवगड युवा महोत्सव (DYF 2025–2026) येत्या दि. 16 व 17 जानेवारी 2026 रोजी आयोजित करण्यात आला आहे. युवकांच्या कलागुणांना व्यासपीठ मिळावे आणि त्यांच्या सर्जनशीलतेला चालना मिळावी, या उद्देशाने हा महोत्सव आयोजित केला जात आहे.
यंदाच्या युवा महोत्सवाची संकल्पना
“Youth Power – Change Makers of Tomorrow”
अशी असून, युवकांच्या शक्तीवर आणि उद्याच्या समाजघडणीतील त्यांच्या भूमिकेवर भर देण्यात आला आहे.
या दोन दिवसीय महोत्सवात गायन, नृत्य, नाट्यप्रकार, स्किट, एकांकिका तसेच विविध सांस्कृतिक व कलात्मक स्पर्धांचे आयोजन करण्यात आले आहे. महाविद्यालयीन विद्यार्थी मोठ्या उत्साहाने या महोत्सवात सहभागी होत असून, महाविद्यालय परिसरात सध्या तयारीची लगबग सुरू आहे.
देवगड महाविद्यालयाच्या वतीने या युवा महोत्सवाच्या यशस्वी आयोजनासाठी सर्व विभाग कार्यरत असून, प्राध्यापक, कर्मचारी व विद्यार्थ्यांचे सहकार्य लाभत आहे. युवकांच्या व्यक्तिमत्त्व विकासासाठी आणि सांस्कृतिक जडणघडणीसाठी हा महोत्सव उपयुक्त ठरणार असल्याचे मत महाविद्यालय प्रशासनाने व्यक्त केले आहे.

13/01/2026