28/04/2026
🫸🏽 ကိုယ်ကြိုက်တဲ့အရာကို လိုက်ကြိုက်စရာမလိုဘူး
Su အဖြစ်ချင်ဆုံးပုံစံ ပြောပါဆိုရင် Open minded ဖြစ်တဲ့ လူတစ်ယောက် ဖြစ်ချင်တယ် အဲ့လိုဖြစ်ချင်လို့လဲ ကိုယ့်ရဲ့အတွေးအခေါ် ယုံကြည်ချက်တွေ ဘယ်ကလာလဲ၊ ကိုယ်ဘယ်လိုစိတ်နဲ့ လူတစ်ယောက်ကို တုန့်ပြန်လိုက်တာလဲဆိုတာကို အမြဲလိုလို ကိုယ့်ကိုကိုယ် အမှန်တိုင်း မေးဖြစ်တယ်
Open minded ဖြစ်တဲ့လူတွေဆီမှာ ဒီလို mindsetတွေရှိတယ်တဲ့
၁။ ငါသာမှန်တယ်ဆိုတဲ့ အစွဲသူတို့မှာ မရှိဘူး
သူတို့ ပေါင်းတဲ့သူတွေက သူတို့နဲ့တူစရာမလိုဘူးဆိုတာ လက်ခံတယ်
လူတွေက ကိုယ်ကြိုက်တဲ့အရာကို လိုက်ကြိုက်စရာမလိုသလို ကိုယ်မကြိုက်တဲ့အရာကိုလဲ လိုက်မုန်းစရာမလိုဘူးဆိုတာ သူတို့ကောင်းကောင်းသဘောပေါက်တယ်
ကိုယ်နဲ့မတူတဲ့သူတွေနဲ့ အတူရှင်တွဲနေထိုင်နိုင်တာကမှ တကယ့်အလှအပတစ်ခုဆိုတာ သူတို့နားလည်တယ်လေ
၂။ Open minded ဖြစ်တဲ့သူတွေက အခြားသူတွေရဲ့ အတွေးအမြင်ကို လေးစားတယ်
ကိုယ်နဲ့ Idea ယုံကြည်ချက်မတူတဲ့ သူတွေနဲ့ စကားပြောတဲ့အခါ “ဒါမှားတယ်” ဆိုတာထက် “ဘာကြောင့် ဒီလိုထင်တာလဲ “ဆိုတဲ့ မေးခွန်းနဲ့အတူ သေသေချာချာနားထောင်ပြီး စဉ်းစားတတ်တယ်
သူတို့ခံယူထားတာနဲ့ လုံးဝကြီးကွာခြားနေရင်တောင် မျက်စိပျက် မျက်နှာပျက်မဖြစ်ဘဲ အေးအေးဆေးဆေး တည်တည်ငြိမ်ငြိမ် နားထောင်နိုင်တာကလဲ သူတို့ရဲ့ လက္ခဏာတစ်ရပ်ဘဲ
Suတော့ အဲ့လိုပုံစံမျိုးကို သိပ်ပြီး
သဘောကျတယ် ကိုယ့်ကိုကိုယ် အဲ့လိုပုံစံမျိုးနဲ့ မြင်ကြည့်ရင် အရမ်းကို ကျက်သရေရှိတာဘဲ😁🤭
၃။ Open minded ဖြစ်တဲ့သူတွေက ကိုယ့်ရဲ့အမှားကို လက်ခံနိုင်သလို ကိုယ့်ထက်ကောင်းတဲ့ idea တွေတွေ့ရင်လဲ လက်ခံလိုက်ဖို့ဝန်လေး မနေတတ်ဘူး။
ဘာလို့ဆို သူတို့က result ပိုကောင်းတဲ့ Qualityတစ်ခု ထွက်လာဖို့ကိုဘဲ အဓိကထား လိုချင်တာကို။ ဒါပေမယ့်လဲ open mindedဖြစ်တဲ့သူတွေရဲ့အများစုမှာ သတ်သတ်မှတ်မှတ်ရှိတဲ့ ယုံကြည်ချက် ရပ်တည်ချက်တွေ ရှိကြတယ် ။ တိကျသေချာတဲ့ ယုံကြည်ချက်တွေနဲ့ သူတို့ရဲ့ခွက်တွေကို အပြည့်ဖြည့်ထားတတ်ကြပြီး သူတပါးရဲ့ယုံကြည်ချက်တွေကိုလဲ အပြည့်အဝ respectပေးတာမျိုးပေါ့။
တစ်စုံတစ်ယောက် အောင်မြင်ဖို့ တစ်စုံတစ်ယောက် ကျရှုံးရတယ်ဆိုတဲ့ idea က မှန်ရော မှန်ရဲ့လား?
Stay positive, trust the process, and believe that better days are on the way. ✨
Noted from Pika Sharing
