http://www.mahilaartshimatnagar.org/

Mahila Arts College Vidhyanagari, Vidhyanagari Campus, Motipura By Pass Road, Himatnagar (2026)

20/09/2026

વિદ્યાનગરી હિંમતનગર ખાતે "સંસ્કૃતિ જ્ઞાન પરીક્ષા" યોજાઈ

મહિલા આર્ટસ કોલેજ, વિદ્યાનગરી, હિંમતનગર ખાતે કોલેજના પ્રિન્સિપાલ ડૉ કનૈયાલાલ એલ પટેલ ના માર્ગદર્શન હેઠળ તારીખ : 19-09-2026 ના રોજ સંસ્કૃત વિભાગ અને જ્ઞાનધારા ના સંયુક્ત ઉપક્રમે ગાયત્રી પરિવાર, હરિદ્વાર દ્વારા આયોજિત “સંસ્કૃતિ જ્ઞાન પરીક્ષા” યોજાઈ હતી. આ પરીક્ષાનો મુખ્ય હેતુ વિદ્યાર્થીઓમાં ભારતીય સંસ્કૃતિ, સંસ્કાર, પરંપરા, નૈતિક મૂલ્યો અને ભારતીય જ્ઞાન પરંપરા અંગે જાગૃતિ કેળવવાનો હતો. કોલેજની વિદ્યાર્થીનીઓએ ઉત્સાહપૂર્વક પરીક્ષામાં ભાગ લીધો હતો.
આ પ્રસંગે કોલેજના આચાર્યશ્રી ડૉ. કનૈયાલાલ એલ. પટેલે વિદ્યાર્થીઓને ભારતીય સંસ્કૃતિ અને સંસ્કારોના જતન સાથે જ્ઞાનપ્રાપ્તિ માટે પ્રેરિત કર્યા હતા. આ જ્ઞાનવર્ધક પરીક્ષાના નું સંચાલન સંસ્કૃત વિભાગના અધ્યક્ષ ડૉ. આર જે જોશી, ડૉ. દીક્ષા સાવલા, ડૉ. કે. વી ગાવીત, ડૉ. પી એચ પટેલ, જ્ઞાનધારા ના કન્વીનર ડૉ. અરવિંદ એસ પટેલ તથા મોટી સંખ્યામાં હાજર પરીક્ષાર્થીઓના સહયોગથી પરીક્ષા સફળતાપૂર્વક સંપન્ન થઈ હતી. આવા આધ્યાત્મિક કાર્યક્રમો કરવા બદલ કેળવણી મંડળના પ્રમુખ ડૉ. ડી એલ પટેલ અને ટ્રસ્ટી શ્રી મહેન્દ્રભાઈ પટેલે આયોજકોને બિરદાવી અભિનંદન પાઠવ્યા હતા.

18/09/2026

મહિલા આર્ટ્સ કોલેજ, વિદ્યાનગરી હિંમતનગર ખાતે ગણેશ મહોત્સવની ભવ્ય ઉજવણી

હેમચંદ્રાચાર્ય ઉત્તર ગુજરાત યુનિવર્સિટી, પાટણ સંલગ્ન મહિલા આર્ટ્સ કોલેજ, વિદ્યાનગરી, હિંમતનગર ખાતે કોલેજના પ્રિન્સિપાલ ડૉ કનૈયાલાલ એલ પટેલ ના અધ્યક્ષ સ્થાને તારીખ : 16-09-2026 થી 18-09-2026 દરમિયાન કોલેજના એન.એસ.એસ. વિભાગના ઉપક્રમે ગણેશ મહોત્સવની ભવ્ય ઉજવણી કરવામાં આવી હતી. કાર્યક્રમના પ્રારંભે વિઘ્નહર્તા ભગવાન શ્રી ગણેશજીની મૂર્તિની સ્થાપના કરી વૈદિક મંત્રોચ્ચાર સાથે પૂજન-અર્ચન તથા આરતી કરવામાં આવી હતી. આ પ્રસંગે કોલેજના પ્રિન્સિપાલ ડૉ કનૈયાલાલ એલ પટેલ, કેમ્પસ ના સીઈઓ શ્રી ગૌરવભાઈ દરજી અને તમામ સ્ટાફ પરિવાર તથા મોટી સંખ્યામાં વિદ્યાર્થીનીઓ ઉપસ્થિત રહી, ભગવાન શ્રી ગણેશજીના આશીર્વાદ પ્રાપ્ત કર્યા હતા.
આ પ્રસંગે આચાર્યશ્રીએ પોતાના પ્રાસંગિક ઉદબોધનમાં ભગવાન શ્રી ગણેશજીને જ્ઞાન, બુદ્ધિ, વિવેક અને શુભ કાર્યના પ્રતીક ગણાવી તેમના જીવનમૂલ્યોને આત્મસાત કરવાની હાકલ કરી હતી. તેમણે જણાવ્યું હતું કે, ગણેશ મહોત્સવ માત્ર ધાર્મિક ઉત્સવ ન રહેતા સમાજમાં એકતા, સંસ્કાર, સહકાર અને પર્યાવરણ પ્રત્યેની જાગૃતિનો સંદેશ આપતો ઉત્સવ બને તે જરૂરી છે.
વિદ્યાર્થીનીઓ દ્વારા ગણેશજીની આરતી, ભજન તથા સમગ્ર પરિસરમાં ‘ગણપતિ બાપ્પા મોરિયા’ના જયઘોષથી ભક્તિમય વાતાવરણ સર્જાયું હતું.
કોલેજ પરિવાર દ્વારા આયોજિત આ ગણેશ મહોત્સવમાં વિદ્યાર્થીઓમાં ભારતીય સંસ્કૃતિ, પરંપરા અને આધ્યાત્મિક મૂલ્યો પ્રત્યે જાગૃતિ કેળવવાનો સુંદર પ્રયાસ કરવામાં આવ્યો હતો. કાર્યક્રમના અંતે સૌએ ભગવાન શ્રી ગણેશજીને સુખ, શાંતિ, સમૃદ્ધિ અને સૌના કલ્યાણ માટે પ્રાર્થના કરી હતી. આવા કાર્યક્રમને કેળવણી મંડળના પ્રમુખ ડૉ ડી એલ પટેલ અને ટ્રસ્ટી શ્રી મહેન્દ્રભાઈ પટેલે આયોજકોને બિરદાવી અભિનંદન પાઠવ્યા હતા.

16/09/2026

મહિલા આર્ટસ કોલેજ, વિદ્યાનગરી હિંમતનગર ખાતે રાષ્ટ્રીય સમૂહ ગાન સ્પર્ધા-2026 યોજાઈ.

વિશ્વમંગલમ કેળવણી મંડળ સંચાલિત મહિલા આર્ટસ કોલેજ, વિદ્યાનગરી, હિંમતનગર તથા ભારત વિકાસ પરિષદના સંયુક્ત ઉપક્રમે તારીખ : 16-09-2026 ના રોજ "રાષ્ટ્રીય સમૂહ ગાન સ્પર્ધા-2026" કેળવણી મંડળના પ્રમુખ ડૉ. ડી એલ પટેલ ના અધ્યક્ષ સ્થાને યોજાઈ.
કાર્યક્રમના આરંભે કોલેજના પ્રિન્સિપાલ ડૉ કનૈયાલાલ એલ પટેલે કાર્યક્રમની ભૂમિકા રજુ કરી સૌ મહેમાનોનું ઉષ્માભેર સ્વાગત કર્યું હતું. આ સ્પર્ધામાં હિંમતનગર ની વિવિધ સ્કૂલો ના સ્પર્ધકો જોડાયા હતા. આ સ્પર્ધાનો મુખ્ય ઉદ્દેશ્ય વિદ્યાર્થીનીઓમાં રાષ્ટ્રપ્રેમ, દેશભક્તિ, રાષ્ટ્રીય એકતા તથા સાંસ્કૃતિક ભાવનાનો વિકાસ કરવાનો હતો. સ્પર્ધામાં વિવિધ ટીમોએ દેશભક્તિપૂર્ણ અને રાષ્ટ્રભાવનાથી ઓતપ્રોત ગીતોની સુંદર રજૂઆત કરી હતી. સ્પર્ધામાં ભાગ લેનાર વિદ્યાર્થીનીઓએ સમૂહગાન દ્વારા રાષ્ટ્રની એકતા અને અખંડિતતાનો સંદેશો આપ્યો હતો.
કાર્યક્રમ દરમિયાન ઉપસ્થિત કોલેજના પ્રિન્સિપાલ ડૉ કનૈયાલાલ એલ પટેલ, ટ્રસ્ટી શ્રી મહેન્દ્રભાઈ પટેલ, ભારત વિકાસ પરિષદના સૌ હોદ્દેદાર શ્રીઓએ વિદ્યાર્થીનીઓને પ્રોત્સાહિત કરી રાષ્ટ્રીય મૂલ્યો અને દેશભક્તિના સંસ્કારોને જીવનમાં ઉતારવા અનુરોધ કર્યો હતો.
સમૂહગાન ની સુંદર અને તાલબદ્ધ રજૂઆતથી સમગ્ર વાતાવરણ દેશભક્તિના રંગે રંગાઈ ગયું હતું. સ્પર્ધામાં શ્રેષ્ઠ પ્રદર્શન કરનાર ટીમોને પ્રમાણપત્રો તથા પુરસ્કારો આપી સન્માનિત કરવામાં આવી હતી. કાર્યક્રમને સફળ બનાવવા માટે કોલેજના એન.એસ.એસ. પ્રોગ્રામ ઓફિસર ડૉ આર.જે જોષી, ડૉ. અરવિંદ એસ પટેલ,‌ ડૉ. પી એચ પટેલ, ડૉ. બી. એલ પટેલ તેમજ ભારત વિકાસ પરિષદના પ્રતિનિધિઓ તથા સમગ્ર સ્ટાફ પરિવાર દ્વારા જરૂરી માર્ગદર્શન અને સહયોગ આપવામાં આવ્યો હતો. આ સમગ્ર કાર્યક્રમ વિદ્યાર્થીનીઓ માં રાષ્ટ્રપ્રેમ અને રાષ્ટ્રીય એકતાની ભાવનાને વધુ મજબૂત બનાવવામાં પ્રેરણાદાયી સાબિત થયો હતો.

14/09/2026

" હિન્દી ભાષા માત્ર સંવાદનું માધ્યમ નથી પરંતુ તે ભારતની સાહિત્યિક, સાંસ્કૃતિક અને સામાજિક પરંપરાની સમૃદ્ધ અભિવ્યક્તિ છે." - ડૉ. કનૈયાલાલ એલ પટેલ

હેમચંદ્રાચાર્ય ઉત્તર ગુજરાત યુનિવર્સિટી સંલગ્ન મહિલા આર્ટ્સ કોલેજ, વિદ્યાનગરી, હિંમતનગર ખાતે તારીખ : 14-09-2026 ના રોજ કોલેજના પ્રિન્સિપાલ ડૉ. કનૈયાલાલ એલ પટેલ ના અધ્યક્ષ સ્થાને હિન્દી વિભાગના ઉપક્રમે હિન્દી દિવસની ભવ્ય ઉજવણી કરવામાં આવી.
કાર્યક્રમનો મુખ્ય હેતુ વિદ્યાર્થીઓમાં હિન્દી ભાષા પ્રત્યે પ્રેમ, ગૌરવ અને અભિરુચિ કેળવવા તેમજ હિન્દી ભાષાના રાષ્ટ્રીય અને સાંસ્કૃતિક મહત્વથી વિદ્યાર્થીઓને પરિચિત કરવાનો હતો. કાર્યક્રમ દરમિયાન હિન્દી ભાષાના ઇતિહાસ, વિકાસ અને વર્તમાન સમયમાં તેની ઉપયોગિતા અંગે હિન્દી વિષયના અધ્યક્ષ પ્રો. વી જી પટેલ, ડૉ. અરવિંદ એસ પટેલ, તેમજ નિવૃત્ત પ્રોફેસર ડૉ. વાય એચ પટેલે વિશેષ ઉપસ્થિત રહી માર્ગદર્શન આપ્યું હતું.
કોલેજના પ્રિન્સિપાલ ડૉ. કનૈયાલાલ એલ પટેલે જણાવ્યું કે હિન્દી ભાષા માત્ર સંવાદનું માધ્યમ નથી, પરંતુ તે ભારતની સાહિત્યિક, સાંસ્કૃતિક અને સામાજિક પરંપરા ની સમૃદ્ધ અભિવ્યક્તિ છે. આ પ્રસંગે હિન્દી ભાષાની મહત્તા, રાષ્ટ્રના એકીકરણ માં તેની ભૂમિકા તથા સાહિત્ય અને સંસ્કૃતિના સંવર્ધનમાં હિન્દી ભાષાના યોગદાન અંગે કોલેજની વિદ્યાર્થીનીઓએ વક્તવ્ય રજૂ કરવામાં આવ્યું હતું. વિદ્યાર્થીનીઓએ હિન્દી ભાષા અને સાહિત્યને લગતી વિવિધ પ્રવૃત્તિઓમાં ઉત્સાહપૂર્વક ભાગ લીધો હતો.
સમગ્ર કાર્યક્રમ નું સંચાલન ડૉ. પી એચ પટેલ અને આભાર દર્શન પ્રો. બી.એફ. દેસાઈએ કહ્યું હતું કર્યું હતું. કોલેજના સૌ અધ્યાપકો તથા વિદ્યાર્થીનીઓએ સક્રિય સહયોગ આપ્યો હતો. આવા કાર્યક્રમો ના આયોજન બદલ કેળવણી મંડળના પ્રમુખ ડૉ ડી એલ પટેલ અને ટ્રસ્ટી શ્રી મહેન્દ્રભાઈ પટેલે આયોજકોને બિરદાવી અભિનંદન પાઠવ્યા હતાં.

11/09/2026

વિદ્યાનગરી હિંમતનગર ખાતે જ્ઞાનેશ્વર મહાદેવ મંદિરમાં શ્રાવણ માસની ભક્તિમય ઉજવણીમાં વિદ્યાર્થીઓએ કરાવ્યો બાર જ્યોતિર્લિંગનો મહિમા

વિશ્વમંગલમ કેળવણી મંડળ, સંચાલિત મહિલા આર્ટસ કોલેજ, વિદ્યાનગરી, હિંમતનગર ખાતે વિદ્યાનગરી શૈક્ષણિક સંકુલ માં આવેલા જ્ઞાનેશ્વર મહાદેવ મંદિરમાં પવિત્ર શ્રાવણ માસની ભવ્ય અને ભક્તિમય ઉજવણી કરવામાં આવી હતી.
શ્રાવણ માસના પાવન અવસરે તારીખ : 29-08-2026 થી તારીખ : 11-09-2026 દરમિયાન કોલેજના પ્રિન્સિપાલ ડૉ. કનૈયાલાલ એલ પટેલ ના માર્ગદર્શન હેઠળ યોજાયેલા આ ધાર્મિક-સાંસ્કૃતિક કાર્યક્રમમાં કોલેજની વિદ્યાર્થીનીઓએ ઉત્સાહભેર ભાગ લીધો હતો. કાર્યક્રમમાં ભગવાન શિવની આરાધના અને પૂજા-અર્ચના સાથે સમગ્ર મંદિર પરિસરમાં ભક્તિમય વાતાવરણ સર્જાયું હતું.
આ પ્રસંગે વિદ્યાર્થીનીઓ દ્વારા ભગવાન શિવના બાર જ્યોતિર્લિંગોના મહિમાનું વક્તવ્યના માધ્યમથી સુંદર અને ભાવસભર પ્રસ્તુતિકરણ કરવામાં આવ્યું હતું. વિદ્યાર્થીનીઓએ સોમનાથ, મલ્લિકાર્જુન, મહાકાલેશ્વર, ઓમકારેશ્વર, કેદારનાથ, ભીમાશંકર, કાશી વિશ્વનાથ, ત્ર્યંબકેશ્વર, વૈદ્યનાથ, નાગેશ્વર, રામેશ્વર અને ઘૃષ્ણેશ્વર સહિતના બાર જ્યોતિર્લિંગોના ધાર્મિક, પૌરાણિક, ઐતિહાસિક તથા આધ્યાત્મિક મહત્ત્વ વિશે માહિતીસભર વક્તવ્ય રજૂ કર્યું હતું. વિદ્યાર્થીનીઓની રજૂઆતથી ઉપસ્થિત સૌમાં ભારતીય સંસ્કૃતિ અને સનાતન પરંપરા પ્રત્યે ગૌરવની લાગણી પ્રસરી હતી. કાર્યક્રમનો મુખ્ય ઉદ્દેશ વિદ્યાર્થીનીઓને ભારતીય ધાર્મિક અને સાંસ્કૃતિક વારસાથી પરિચિત કરાવવાનો તેમજ આધ્યાત્મિક મૂલ્યોનું સંવર્ધન કરવાનો હતો. ભાગ લેનાર સૌ વિદ્યાર્થીઓને મોમેન્ટો આપીને સન્માન કરવામાં આવ્યું હતું.
શ્રાવણ માસની આ ઉજવણી દરમિયાન ‘હર હર મહાદેવ’ના નાદથી જ્ઞાનેશ્વર મહાદેવ મંદિર ગુંજી ઊઠ્યું હતું. સમગ્ર કાર્યક્રમનું આયોજન જ્ઞાનેશ્વર મહાદેવ સમિતિના પ્રમુખ અને મહિલા આર્ટસ કોલેજના પ્રિન્સિપાલ ડૉ કનૈયાલાલ એલ પટેલ અને મંત્રી શ્રી પ્રકાશકુમાર પટેલ ના માર્ગદર્શન હેઠળ કરવામાં આવ્યું હતું.
કાર્યક્રમને સફળ બનાવવા માટે વિદ્યાનગરી શૈક્ષણિક સંકુલના તમામ ભગિની સંસ્થાઓ ના આચાર્યશ્રીઓ તથા સહભાગી થનાર સૌ વિદ્યાર્થીનીઓને કેળવણી મંડળના પ્રમુખ ડૉ ડી એલ પટેલ અને ટ્રસ્ટી શ્રી મહેન્દ્રભાઈ પટેલ, શ્રી જયદીપભાઇ પટેલ, શ્રી અક્ષયભાઈ પટેલે આયોજકોને બિરદાવી અભિનંદન પાઠવવામાં આવ્યા હતા.

10/09/2026

મહિલા આર્ટસ કોલેજ વિદ્યાનગરી હિંમતનગર ખાતે શિક્ષક દિનની ઉત્સાહપૂર્વક ઉજવણી કરવામાં આવી.

હેમચંદ્રાચાર્ય ઉત્તર ગુજરાત યુનિવર્સિટી સંલગ્ન મહિલા આર્ટસ કોલેજ, વિદ્યાનગરી, હિંમતનગર ખાતે કોલેજના પ્રિન્સિપાલ ડૉ. કનૈયાલાલ એલ પટેલના માર્ગદર્શન હેઠળ ભારતના ભૂતપૂર્વ રાષ્ટ્રપતિ અને મહાન શિક્ષણવિદ્ ડૉ. સર્વપલ્લી રાધાકૃષ્ણનના જન્મદિન નિમિત્તે શિક્ષક દિનની ભવ્ય ઉજવણી કરવામાં આવી હતી.
કાર્યક્રમની શરૂઆત ડૉ. સર્વપલ્લી રાધાકૃષ્ણની પ્રતિમાને પુષ્પાંજલિ અર્પણ કરવામાં આવી હતી. શિક્ષણક્ષેત્રમાં તેમના અમૂલ્ય યોગદાન, તેમના શૈક્ષણિક વિચારો અને શિક્ષક તરીકેની તેમની પ્રતિબદ્ધતાને યાદ કરવામાં આવ્યા હતા.
કાર્યક્રમમાં કોલેજના અધ્યાપકોએ શિક્ષકના જીવનમાં રહેલી જવાબદારી, વિદ્યાર્થીઓના સર્વાંગી વિકાસમાં શિક્ષકની ભૂમિકા તથા સમાજના ઘડતરમાં શિક્ષકના યોગદાન અંગે પ્રેરણાદાયી વિચારો વ્યક્ત કર્યા હતા. શિક્ષક માત્ર જ્ઞાન આપનાર નથી, પરંતુ વિદ્યાર્થીના વ્યક્તિત્વનું ઘડતર કરી તેને જીવનમાં યોગ્ય દિશા આપનાર માર્ગદર્શક છે, તે અંગે પણ પ્રકાશ પાડવામાં આવ્યો હતો.
આ પ્રસંગે કોલેજના પ્રિન્સિપાલ ડૉ કનૈયાલાલ એલ પટેલે શિક્ષક દિનની શુભેચ્છા પાઠવતાં જણાવ્યું હતું કે, “શિક્ષક એ સમાજના ભવિષ્યના ઘડવૈયા છે. શિક્ષકના જ્ઞાન, સંસ્કાર અને મૂલ્યો દ્વારા વિદ્યાર્થીઓનું જીવન ઘડાય છે અને સશક્ત સમાજનું નિર્માણ થાય છે.”
કાર્યક્રમ દરમિયાન સ્વયં શિક્ષક બનેલા ટ્રસ્ટીશ્રી, આચાર્યશ્રી તેમજ સૌ અધ્યાપકો એક દિવસ અધ્યાપક અધ્યાપન કાર્ય કરી, તેમના ઉત્સાહમાં વધારો કર્યો હતો તમામ શિક્ષકોનું સન્માન કરવામાં આવ્યું હતું. આ પ્રસંગે વિદ્યાર્થીઓએ પણ શિક્ષક પ્રત્યે આદર અને કૃતજ્ઞતા વ્યક્ત કરી હતી. સમગ્ર કાર્યક્રમ ઉત્સાહપૂર્ણ અને ભાવસભર વાતાવરણમાં સંપન્ન થયો હતો.
કાર્યક્રમનું સમગ્ર સંચાલન ડૉ અરવિંદ એસ પટેલે અને આભાર વિધિ પ્રો. બી એફ દેસાઈએ કરી હતી, આ કાર્યક્રમને સફળ બનાવવા કોલેજના ડૉ. એ.વી. દેસાઈ, ડૉ. આર.જે જોશી ડૉ. કે.વી ગાવીત ડૉ. દીક્ષા સાવલા તેમજ સમગ્ર સ્ટાફ પરિવાર તથા વિદ્યાર્થીઓ ના ઉત્સાહપૂર્વક સહયોગ થી કાર્યક્રમ સફળ રહ્યો હતો. આવા કાર્યક્રમોને કેળવણી મંડળના પ્રમુખ ડૉ ડી એલ પટેલ અને ટ્રસ્ટી શ્રી મહેન્દ્રભાઈ પટેલે આયોજકોને બિરદાવી અભિનંદન પાઠવ્યા હતા.

02/09/2026

મહિલા આર્ટ્સ કોલેજ, વિદ્યાનગરી હિંમતનગર ખાતે સંસ્કૃત સપ્તાહની ઉજવણી કરવામાં આવી.

હેમચંદ્રાચાર્ય ઉત્તર ગુજરાત યુનિવર્સિટી પાટણ સંલગ્ન મહિલા આર્ટ્સ કોલેજ, વિદ્યાનગરી હિંમતનગર ખાતે સંસ્કૃત વિભાગ દ્વારા કોલેજના પ્રિન્સિપાલ ડૉ કનૈયાલાલ એલ પટેલ ના અધ્યક્ષ સ્થાને અને માર્ગદર્શન હેઠળ તારીખ : 27-08-2026 થી તારીખ : 02-09-2026 દરમિયાન સંસ્કૃત સપ્તાહ ની ઉજવણી કરવામાં આવી, સંસ્કૃત વિભાગના અધ્યક્ષ ડો રીટાબેન જોશી દ્વારા સંસ્કૃતનું ગૌરવ અને તેનું મહત્વ ખુબ સરસ રીતે સમજાવ્યું અને તે અંતર્ગત સંસ્કૃત શ્લોકગાન , અંતાક્ષરી, ક્વિઝ, વિષય વર્તુળ, ચર્ચા મંચ, સંસ્કૃત સંભાષણ તેમજ સંસ્કૃત નાટિકા જેવા વિવિધ કાર્યક્રમોનું નુ પણ આયોજન કરવામાં આવ્યું. ડૉ. દીક્ષા સાવલા એ સંસ્કૃત ભાષાને ઉજાગર કરે તેવા વિવિધ આયામો વિશે માહિતી આપી. સાંપ્રત સમયમાં સંસ્કૃત ભાષાની ઉપયોગીતા અને સંસ્કૃત જન ભાષા બને તે માટે વિદ્યાર્થીનીઓ પાસે સંકલ્પ કરાવેલ હતા. મોટી સંખ્યામાં હાજર વિદ્યાર્થીનીઓના સહકારથી કાર્યક્રમ સફળ રહ્યો હતો. ડૉ. એ વી દેસાઈએ સમગ્ર કાર્યક્રમની આભાર વિધિ કરેલ હતી. વિદ્યાર્થીનીઓને ઉપયોગી કાર્યક્રમો કરવા બદલ સંચાલક મંડળના પ્રમુખ શ્રી ડૉ. ડી એલ પટેલ અને ટ્રસ્ટી શ્રી મહેન્દ્રભાઈ પટેલે આયોજકોને બિરદાવી અભિનંદન પાઠવ્યા હતા.

01/09/2026

મહિલા આર્ટ્સ કોલેજ, વિદ્યાનગરી, હિંમતનગર ખાતે રાષ્ટ્રીય શાયર ઝવેરચંદ મેઘાણીની જન્મજયંતીની ઉજવણી.

વિશ્વમંગલમ કેળવણી મંડળ સંચાલિત તથા હેમચંદ્રાચાર્ય ઉત્તર ગુજરાત યુનિવર્સિટી, સંલગ્ન મહિલા આર્ટ્સ કોલેજ, મોતીપુરા, વિદ્યાનગરી, હિંમતનગર ખાતે તારીખ : ૨૮-૦૮-૨૦૨૬ ના રોજ ગુજરાતી વિભાગના ઉપક્રમે રાષ્ટ્રીય શાયર ઝવેરચંદ મેઘાણીની જન્મજયંતીની ભાવભીની ઉજવણી કોલેજના પ્રિન્સિપાલ ડૉ. કનૈયાલાલ એલ.પટેલના અધ્યક્ષસ્થાને સંપન્ન થઈ.
કાર્યક્રમના પ્રારંભે ગુજરાતી વિભાગ ના અધ્યક્ષ ડૉ. કુસુમબેન ગાવીતે ઝવેરચંદ મેઘાણીના જીવન, સાહિત્યસર્જન અને રાષ્ટ્રપ્રેમી વ્યક્તિત્વની યથાર્થ ઓળખ આપવામાં આવી હતી. આ પ્રસંગે પ્રો.ડૉ. અરવિંદ એસ. પટેલે મેઘાણીના વૈવિધ્યસભર સર્જન, લોકસાહિત્ય પ્રત્યેના તેમના અમૂલ્ય પ્રદાન તેમજ શૌર્ય અને રાષ્ટ્રભાવનાને ઉજાગર કરતી તેમની કૃતિઓ વિશે અસરકારક અને વિસ્તૃત રજૂઆત કરી હતી. આ પ્રસંગે કોલેજની વિદ્યાર્થિનીઓ ચારણ ઉન્નતી, હર્ષિદા, ઝાલા સંધ્યા તથા પંચાલ જાનકીએ ઝવેરચંદ મેઘાણીના જીવન અને સાહિત્યને લગતી સુંદર રજૂઆતો કરીને કાર્યક્રમને જીવંત બનાવ્યો હતો.
કોલેજના પ્રિન્સિપાલ ડૉ. કે. એલ. પટેલે મેઘાણીના ઊંડા અને બહુમુખી વ્યક્તિત્વ તથા એક સશક્ત અને સંવેદનશીલ સર્જક તરીકેની તેમની પ્રતિભાને ઉજાગર કરી, વક્તવ્ય આપનાર તમામ વિદ્યાર્થીનીઓને અભિનંદન પાઠવ્યા હતા. કાર્યક્રમના અંતે આભાર વિધિ ડો. ડી.કે. ભોયાએ કરી હતી. કાર્યક્રમમાં પ્રો. ડૉ. પી. એચ. પટેલ, દીક્ષાબેન સાવલા, બી. એફ. દેસાઈ સહિતના અધ્યાપકમિત્રોએ સહયોગ આપી કાર્યક્રમને સફળ બનાવ્યો હતો. મોટી સંખ્યામાં વિદ્યાર્થિનીઓ ઉપસ્થિત રહી કાર્યક્રમને ઉત્સાહપૂર્ણ અને યાદગાર બનાવ્યો હતો.
કાર્યક્રમ દરમિયાન ઉત્તમ રજૂઆત કરનાર વિદ્યાર્થિનીઓને પ્રોત્સાહક ઇનામો અને પ્રશસ્તિ પત્ર દ્વારા નવાજવામાં આવી હતી. આવા સાહિત્યિક કાર્યક્રમના સફળ આયોજન માટે મંડળના પ્રમુખશ્રી ડૉ. ડી. એલ. પટેલ તથા ટ્રસ્ટીશ્રી મહેન્દ્રભાઈ પટેલે અભિનંદન પાઠવી આયોજકોને બિરદાવ્યા હતા.

24/08/2026

મહિલા આર્ટસ કોલેજ વિદ્યાનગરીમાં વિશ્વ ગુજરાતી ભાષા દિવસની દબદબાભેર ઉજવણી થઇ.

વિશ્વમંગલમ કેળવણી મંડળ સંચાલિત મહિલા આર્ટસ કોલેજ, વિદ્યાનગરી, હિંમતનગર ખાતે તારીખ : 24-08-2026 ના રોજ વીર કવિ નર્મદની જન્મજયંતી નિમિત્તે વિશ્વ ગુજરાતી ભાષા દિવસની દબદબાભેર ઉજવણી કરવામાં આવી હતી. કોલેજના પ્રિન્સિપાલ ડૉ. કનૈયાલાલ એલ. પટેલના માર્ગદર્શન હેઠળ તથા ડૉ. રીટાબેન જોશીના અધ્યક્ષપદે યોજાયેલા આ કાર્યક્રમમાં ગુજરાતી ભાષા, સાહિત્ય અને સંસ્કૃતિ પ્રત્યે ગૌરવની લાગણી વ્યક્ત કરવામાં આવી હતી.
કાર્યક્રમની શરૂઆતમાં ડૉ. કુસુમબેન ગાવીતે કાર્યક્રમની ભૂમિકા રજૂ કરી ગુજરાતી ભાષાના ઐતિહાસિક, સાંસ્કૃતિક અને સાહિત્યિક મહત્ત્વ અંગે પ્રાસંગિક વાતો કરી હતી. ત્યારબાદ પ્રો. ડૉ. અરવિંદ પટેલે વીર કવિ નર્મદના જીવન, તેમના સાહિત્યસર્જન તથા ગુજરાતી ભાષાના મહાત્મ્ય વિષય પર મનનીય અને જ્ઞાનસભર પ્રવચન આપ્યું હતું. તેમણે નર્મદના વ્યક્તિત્વ અને કૃતિત્વને ઉજાગર કરતાં ગુજરાતી ભાષાના ગૌરવ, અસ્મિતા અને અસ્તિત્વ જાળવવામાં નર્મદના પ્રદાનને વિશેષ રીતે રેખાંકિત કર્યું હતું.
આ પ્રસંગે વિદ્યાર્થીનીઓ ચારણ ઉન્નતી, ખુશી પ્રજાપતિ, હબીબા મેમણ અને દિયા ઉપાધ્યાયે ગુજરાતી ભાષા વિશે પોતાના વિચારો વ્યક્ત કરી ભાષા પ્રત્યેનો પ્રેમ, ગૌરવ અને જવાબદારી વ્યક્ત કરી હતી. વિદ્યાર્થીનીઓના વક્તવ્યોથી કાર્યક્રમમાં વિશેષ જીવંતતા અને ઉત્સાહનો માહોલ સર્જાયો હતો.
કાર્યક્રમનું સંચાલન પ્રો. ડૉ. દિનેશ ભોયાએ કર્યું હતું, આભારવિધિ પ્રો. ડૉ. પી. એચ. પટેલે કરી હતી. કાર્યક્રમમાં ડો. દીક્ષાબેન સાવલા અનામિકા ગુપ્તા, કોલેજના અધ્યાપકો,તથા મોટી સંખ્યામાં વિદ્યાર્થીનીઓ ઉપસ્થિત રહી ગુજરાતી ભાષા પ્રત્યે પોતાની લાગણી વ્યક્ત કરી હતી.
કાર્યક્રમના સુંદર આયોજન બદલ મંડળના પ્રમુખ ડૉ. ડી. એલ. પટેલ તથા ટ્રસ્ટી મહેન્દ્રભાઈ પટેલે આયોજકોને અભિનંદન પાઠવી ગુજરાતી ભાષા અને સાહિત્ય પ્રત્યે વિદ્યાર્થીઓમાં જાગૃતિ કેળવતા આવા કાર્યક્રમો સતત યોજાતા રહે તેવી શુભેચ્છા વ્યક્ત કરી હતી.

22/08/2026

મહિલા આર્ટસ કોલેજ, વિદ્યાનગરી, હિંમતનગર ખાતે "બ્લડ ડોનેશન કેમ્પ" યોજાયો.

હેમચંદ્રાચાર્ય ઉત્તર ગુજરાત યુનિવર્સિટી સંલગ્ન તથા વિશ્વમંગલમ કેળવણી મંડળ, સંચાલિત મહિલા આર્ટસ કોલેજ, વિદ્યાનગરી, હિંમતનગર ખાતે એન.એસ.એસ. વિભાગના ઉપક્રમે તા. 21-08-2026ના રોજ કોલેજના પ્રિન્સિપાલ ડૉ. કનૈયાલાલ એલ પટેલના માર્ગદર્શન હેઠળ રેડ ક્રોસ હિંમતનગર ના સહયોગથી "બ્લડ ડોનેશન કેમ્પ" નું આયોજન કરવામાં આવ્યું હતું.
કાર્યક્રમનો મુખ્ય ઉદ્દેશ રક્તદાન અંગે સમાજમાં જાગૃતિ ફેલાવવાનો તથા જરૂરિયાતમંદ દર્દીઓ માટે રક્ત ઉપલબ્ધ કરાવવામાં સહભાગી બનવાનો હતો. બ્લડ ડોનેશન કેમ્પમાં કોલેજના પ્રોફેસર ડૉ. અરવિંદ એસ પટેલે બ્લડ ડોનેટ કરીને વિદ્યાથીઓના પ્રેરણા રૂપ બન્યા હતા. વિદ્યાનગરી કેમ્પસ ના સ્ટાફ અને વિદ્યાર્થી ઓ દ્વારા કુલ 95 બોટલ રક્તદાન થયું હતું.
આ પ્રસંગે કોલેજના પ્રિન્સિપાલ ડૉ. કનૈયાલાલ એલ પટેલે રક્તદાનનું મહત્વ સમજાવતા જણાવાયું હતું કે, “રક્તદાન એ મહાદાન છે” અને આપણા દ્વારા કરવામાં આવેલ રક્તદાન કોઈ જરૂરિયાતમંદ વ્યક્તિનું જીવન બચાવવામાં અમૂલ્ય સાબિત થઈ શકે છે. યુવાનોમાં સેવાભાવ, સામાજિક જવાબદારી અને માનવતાની ભાવના વિકસે તે માટે આવા સેવાકીય કાર્યક્રમોનું આયોજન જરૂરી છે.
કેમ્પ ને સફળ બનાવવા એન.એસ.એસ. પ્રોગ્રામ ઓફિસર ડૉ. આર જે જોશી, ડૉ. પી.એચ. પટેલ તથા કોલેજના સૌ અધ્યાપક મિત્રો અને સ્વયં-સેવક વિદ્યાર્થીનીઓ સહયોગથી કાર્યક્રમ ઉત્સાહપૂર્ણ અને સેવાભાવનાપૂર્ણ વાતાવરણમાં સંપન્ન થયો હતો. આવા કાર્યક્રમોને કેળવણી મંડળના પ્રમુખ ડૉ. ડી એલ પટેલ અને ટ્રસ્ટી શ્રી મહેન્દ્રભાઈ પટેલ આયોજકો બિરદાવી અભિનંદન પાઠવ્યા હતા

Mahila Arts College Vidhyanagari

20/09/2026

18/09/2026

16/09/2026

14/09/2026

11/09/2026

10/09/2026

02/09/2026

01/09/2026

24/08/2026

22/08/2026

Address

Website

Alerts

Shortcuts

Share

Category

Listing takedown request