جامعة الهدى الإسلامية، كولكاتا

28/09/2026

26/09/2026

شہر کولکاتا و مضافات کے اشخاص کے لیے خوشخبری.
پروگرام میں اپنی شرکت کو یقینی بنائیں، جزاکم اللہ خیرا

03/09/2026

جامعہ الہدی الاسلامیہ ہوڑہ میں ششماہی امتحان جاری و ساری
جامعہ الہدی الاسلامیہ ہوڑہ (کولکاتا) مغربی بنگال ایک مثالی تربیت گاہ اور منفرد دانش کدہ ہے جہاں طلبہ کو شرعی وعصری علوم میں اتقان و تمہر کے ساتھ عربی زبان و ادب کے خد وخال سے روشناس کرایا جاتا ہے،اور ضبط بالصدور کے ساتھ ضبط بالسطور پر بھی زور دیا جاتا ہے اور ان کی علمی گہرائی و گیرائی کو پرکھنے کے لیے تین فصلوں میں امتحان بھی لیا جاتا ہے، اس امتحان کا مقصد طلبہ کو فیل یا پاس کرنا نہیں ہے بلکہ ان کی تعلیمی پیش رفت کی پڑتال ہے، اسی غرض سے فصل ثانی (ششماہی) کا امتحان جاری ہے جو 3 ستمبر سے شروع ہوا ہے اور 16 ستمبر 2026 تک جاری رہے گا. اساتذہ کی سخت نگرانی میں یہ امتحان جاری ہے، اور 17 ستمبر 2026 سے 27 ستمبر 2026 تک تعطیل رہے گی.اس امتحان کی سب سے بڑی خوبی یہ ہے طلبہ سوالوں کے جوابات عربی زبان ہی میں لکھتے ہیں اور یہی جامعہ کا مطلوب بھی ہے تاکہ انھیں شرعی علوم کے ساتھ عربی زبان میں بھی دسترس حاصل ہو. اللہ تعالی تمام طلبہ کو کامیابی سے ہمکنار کرے. آمین

23/08/2026

مسابقہ حدیث کی ایک جھلک

23/08/2026

*جامعہ الہدی الاسلامیہ ہوڑہ میں مسابقہ حفظ حدیث اختتام پزیر*
حدیث نبوی کی بڑی اہمیت و فضیلت ہے، یہ اسلامی شریعت کا مصدر ثانی ہے، اس کو صحابہ نے محفوظ کیا اور امت تک پہنچایا، حفظ حدیث بہت عظیم عمل ہے، نبی صلی اللہ علیہ وسلم نے حدیث یاد کرنے والوں کو دعا دی " اللہ تعالی اس شخص کو تروتازہ اور شاداب وبارونق رکھے جس نے مجھ سے ایک بھی حدیث سنی، اسے یاد کیا اور محفوظ رکھا اور پھر اسے دوسروں تک پہنچایا" نیز بعض سلف نے کہا ہے: "من حفظ المتون حفظ الفنون" جس نے متون یاد کیا اس نے فنون کو حاصل کیا اور یہ بھی کہا گیا ہے : "من حفظ الحديث حفظ النصيب" جس نے حدیث یاد کیا اس نے علم کا بہت بڑا حصہ حاصل کرلیا، حفظ حدیث کی اسی اہمیت کے پیش نظر جامعہ الہدی الاسلامیہ ہوڑہ میں حفظ متون کا اہتمام ہوتا ہے، اسی سلسلے کی ایک اہم کڑی حفظ حدیث کا مسابقہ ہے، جس کے لیے مراحل کے اعتبار سے حدیث کی مختلف کتابوں سےسو سو حدیثوں کا انتخاب کیا گیا، متوسطہ کے لیے بلوغ المرام سے، ثانویہ کے لیے مشکاۃ المصابیح سے، عالمیت اولی کے لیے سنن ترمذی سے، عالمیت ثانی کے لیے سنن ابوداود سے سو سو حدیثیں منتخب کی گئیں جبکہ اولی متوسطہ کے لیے اخلاقیات وآداب سے متعلق چالس حدیثیں مقرر کی گئیں،جن کو طلبہ نے پوری دلجمعی، لگن اور محنت سے یاد کیا.اور جامعہ کے سو فیصد طلبہ نے بصد شوق ورغبت اس مسابقہ میں شرکت کی، یہ مسابقہ آج بتاریخ 22 اگست 2026 بروز سنیچر آٹھ بجے سے پورے آب و تاب کے ساتھ منعقد ہوا، جس کا آغاز طالب امتیاز انصاری کی تلاوت کلام پاک سے ہوا اور طالب شباب انور نے نعت نبی پیش کیا، پھر جامعہ کے پرنسپل شیخ محمد عالمگیر تابش تیمی نے مسابقہ حدیث کی اہمیت پر روشنی ڈالی، اس مسابقہ کے اصول و ضوابط بیان کیا، اور پورے اطمینان و سکون کے ساتھ پوچھے گئے سوالات کے جوابات دینے کی تلقین کی، بعد ازاں مرحلہ وار متوسطہ، ثانویہ اور عالمیت کے حفظ حدیث کا مسابقہ ہوا، اور ستر سے زیادہ نمبرات حاصل کرنے والے تمام طلبہ کو بحکم مدیر جامعہ مولانا ذکی احمد مدنی حفظہ اللہ نقدی انعامات اور توصیفی اسناد سے نوازے جانے کا اعلان کیا گیا، واضح رہے کہ اولی متوسطہ سے اولی ثانویہ تک کی صدارت عمید الجامعہ شیخ محمد عالمگیر تابش تیمی کی اور ثانیہ ثانویہ سے عالمیت ثانی تک کا مسابقہ مدیر جامعہ شیخ ذکی احمد مدنی کی زیر صدارت جاری رہا، جبکہ حکم کی ذمہ داری شیخ فہیم اختر سلفی ، شیخ جمال الدین سلفی، شیخ احتشام الحق ندوی، شیخ عبد الرحمن ندوی، شیخ انوار الاسلام ندوی اور شیخ وحید الزماں تیمی نے نبھائی.
خوش آیند بات یہ ہے کہ مدیر جامعہ بنفس نفیس شروع سے اخیر تک اس مسابقہ میں موجود رہے اور طلبہ کی کارکردگی و مظاہرہ کا مشاہدہ کیا اور اخیر میں طلبہ کو اپنی قیمتی نصیحتوں سے نوازا، جس میں انھوں نے خاص طور پرحفظ حدیث کے فوائد پر روشنی ڈالتے ہوئے مسابقہ میں طلبہ کی بہترین کار کردگی پر مسرت وشادمانی کا اظہار کیا، اور کہا کہ نقدی انعام طلبہ کے لیے بشری عاجل ہے جبکہ اس کا اصل مقصد آپ طلبہ کو زیور علم سے آراستہ کرنا ہے، آپ کو معلوم ہونا چاہیے کہ روایت بالمعنی گرچہ جائز ہے لیکن آپ کے لیے روایت باللفظ ضروری ہے،اس میں ایک لفظ یا حرکت کا رد وبدل نہیں ہونا چاہیے، تب آپ کی محنت نتیجہ خیز ہوگی، اور اس کا معنوی ثمرہ آپ کو ملے گا، اللہ تعالی تمام طلبہ کو کامیابی سے ہمکنار کرے. آمین
اس مسابقہ میں جامعہ کے تمام طلبہ واساتذہ نے شرکت کی اور پروگرام الحمد للہ بہت کامیاب رہا.

22/08/2026

*جامعہ الہدی الاسلامیہ ہوڑہ میں مسابقہ حفظ حدیث جاری وساری*
حدیث نبوی کی بڑی اہمیت و فضیلت ہے، یہ اسلامی شریعت کا مصدر ثانی ہے، اس کو صحابہ نے محفوظ کیا اور امت تک پہنچایا، حفظ حدیث بہت عظیم عمل ہے، نبی صلی اللہ علیہ وسلم نے حدیث یاد کرنے والوں کو دعا دی " اللہ تعالی اس شخص کو تروتازہ اور شاداب وبارونق رکھے جس نے مجھ سے ایک بھی حدیث سنی، اسے یاد کیا اور محفوظ رکھا اور پھر اسے دوسروں تک پہنچایا" نیز بعض سلف نے کہا ہے: "من حفظ المتون حفظ الفنون" جس نے متون یاد کیا اس نے فنون کو حاصل کیا اور یہ بھی کہا گیا ہے : "من حفظ الحديث حفظ النصيب" جس نے حدیث یاد کیا اس نے علم کا بہت بڑا حصہ حاصل کرلیا، حفظ حدیث کی اسی اہمیت کے پیش نظر جامعہ الہدی الاسلامیہ ہوڑہ مین حفظ متون کا اہتمام ہوتا ہے، اسی سلسلے کی ایک اہم کڑی حفظ حدیث کا مسابقہ ہے، جس کے لیے مراحل کے اعتبار سے حدیث کی مختلف کتابوں سےسو سو حدیثوں کا انتخاب کیا گیا، متوسطہ کے لیے بلوغ المرام سے، ثانویہ کے لیے مشکاۃ المصابیح سے، اولی عالیت کے سنن ترمذی سے، ثانیہ عالمیہ کے لیے سنن ابوداود سے سو سو حدیثیں منتخب کی گئیں جن کو طلبہ نے پوری دلجمعی، لگن اور محنت سے یاد کیا. اسی کا مسابقہ آج بتاریخ 22 اگست 2026 بروز سنیچر آٹھ بجے سے پورے آب و تاب کے ساتھ منعقد ہوا، جس کا آغاز طالب امتیاز انصاری کی تلاوت کلام پاک سے ہوا اور طالب شباب انور نے نعت نبی پیش کیا پھر مرحلہ متوسطہ کے حفظ حدیث کا مسابقہ شروع ہوا جو ابھی جاری وساری ہے. اس کے بعد مرحلہ ثانویہ، اور عالمیت کے حفظ حدیث کا مسابقہ ہوگا ان شاء اللہ، اور ستر سے زیادہ نمبرات حاصل کرنے والے تمام طلبہ کو بحکم مدیر جامعہ مولانا ذکی احمد مدنی حفظہ اللہ نقدی انعامات اور توصیفی اسناد سے نوازنے کا اعلان کیا گیا ہے اور حفل ختامی میں ان تمام طلبہ کو انعام سے نوازا جائے گا. ان شاء اللہ، اللہ تعالی تمام طلبہ کو کامیابی سے ہمکنار کرے. آمین

15/08/2026

جامعۃ الہدیٰ الاسلامیہ میں یومِ آزادی کی مناسبت سے پرچم کشائی
جامعۃ الہدیٰ الاسلامیہ ہوڑہ، کولکاتا محض ایک تعلیمی و تربیتی ادارہ ہی نہیں، بلکہ ہندوستانی آئین، ملکی قوانین اور قومی اقدار کے احترام و پاسداری کا بھی علم بردار ہے۔ جامعہ میں دینی و عصری تعلیم کے ساتھ طلبہ کو ملک کے آئینی تقاضوں، قانونی ضوابط اور قومی ذمہ داریوں سے بھی آگاہ کیا جاتا ہے، تاکہ وہ ایک ذمہ دار، باصلاحیت اور مفید شہری کی حیثیت سے ملک و ملت کی خدمت انجام دے سکیں۔
اسی جذبۂ حب الوطنی اور قومی یکجہتی کے تحت 15 اگست 2026ء کو جامعۃ الہدیٰ الاسلامیہ میں یومِ آزادی کے موقع پر ایک پُروقار تقریبِ پرچم کشائی کا انعقاد کیا گیا، جس میں جامعہ کے تمام اساتذہ اور طلبہ نے شرکت کی۔
عمید الجامعہ شیخ محمد عالمگیر تابش تیمی حفظہ اللہ کے دست مبارک سے قومی پرچم لہرایا گیا ۔ پرچم کشائی کا یہ منظر نہایت پُرجوش اور قابلِ دید تھا، جس نے حاضرین کے دلوں میں وطن سے محبت اور قومی وابستگی کے جذبات کو مزید مہمیز دی۔ پھر طالب شباب انور اور عبدالرحمن نے قومی ترانہ پیش کیا، اسی مناسبت سے
طالب محمد حذیفہ نے "ہندوستان کی آزادی میں مدارس اسلامیہ کا حصہ" کے موضوع پر جامع اور معلوماتی تقریر پیش کی۔ جس میں انہوں نے آزادیِ ہند کی جدوجہد میں مسلمانوں اور علمائے مدارس کی قربانیوں اور خدمات پر روشنی ڈالی. اخیر میں جامعہ کے پرنسپل شیخ محمد عالمگیر تابش تیمی حفظہ اللہ نے ہندوستان کی آزادی کے پس منظر اور اس کے لیے دی جانے والی عظیم قربانیوں پر تفصیلی خطاب فرمایا۔ انہوں نے واضح کیا کہ آزادی کسی ایک دن یا ایک طبقے کی جدوجہد کا نتیجہ نہیں، بلکہ اس کے حصول کے لیے ایک طویل اور صبر آزما جدوجہد کی گئی، جس میں مختلف طبقات و مذاہب کے افراد نے اپنی جان، مال اور آرام و آسائش کی قربانیاں پیش کیں۔
انہوں نے بتایا کہ اس طویل معرکۂ آزادی میں متعدد اہلِ علم اور مجاہدین نے انگریز استعمار کے خلاف آواز بلند کی، قید و بند کی صعوبتیں برداشت کیں، کالا پانی دریائے شور کی سزائیں جھیلیں، جلاوطنی اختیار کی اور نہ جانے کتنے لوگوں نے تختہ دار کو گلے لگایا اور اپنی جانوں کا نذرانہ پیش کیا۔ اس سلسلے میں شاہ اسماعیل شہید، علامہ فضلِ حق خیرآبادی، مولانا احمد اللہ شاہ، حافظ ضامن شہید، مولانا عبدالجلیل علی گڑھی، منگل پانڈے، سوامی شردھانند، رام پرساد بسمل اور لالہ لاجپت رائے،مہاتما گاندھی، مولانا ابوالکلام آزاد، بھگت سنگھ، مولانا جعفر تھانیسری اورمولانا یحی علی سمیت متعدد شخصیات کی خدمات اور قربانیاں قابل ذکر ہیں. انھی قربانیوں کی بدولت آج ہم ہندوستان کے 80ویں یومِ آزادی کا جشن منارہے ہیں اور ہمارا قومی پرچم آسمان کی بلندیوں میں لہرا رہاہے، ہمارے قومی پرچم کے تین رنگ اور اس کے وسط میں موجود اشوک چکر ہمیں ملک کی تاریخ، قومی اتحاد اور آزادی کی جدوجہد کی یاد دلاتے ہیں۔ چونکہ آزادی بڑی قربانیوں کے بعد ملی ہے اور سبھوں کی اس میں شرکت رہی یے۔ اس لیے ہمیں آزادی کی قدر کرتے ہوئے ملک کے امن، اتحاد، ترقی اور خوش حالی میں اپنا مثبت کردار ادا کرنا چاہیے۔ جس طرح سے ہم نے ایک ساتھ قدم سے قدم ملا کر آزادی کے خواب کو شرمندۂ تعبیر کیا، اسی طرح ہم شیر و شکر ہوکر قومی یکجہتی کا مظاہرہ کریں گے، علم و ہنر کے میدان میں عمدہ کارنامے انجام دیں گے تو ہمارا ملک تعمیر وترقی کی راہ پر گامزن ہوگا، ہندستانی ہونے کے ناطے ہم پر یہ ذمہ داری عائد ہوتی ہے کہ ہم ملک کے قوانین کا پاس و لحاظ رکھیں، اور قومی یکجہتی و اتحاد کو قائم رکھیں اور ملک کی سالمیت و امن کے لیے ہمیشہ دعا کریں. اس مختصر اور جامع خطاب کے بعد طلبہ کے مابین شیرینی کی تقسیم ہوئی،
یہ تقریب طلبہ کے اندر حب الوطنی، قومی یکجہتی، تاریخی شعور اور ذمہ دار شہری ہونے کے احساس کو بیدار کرنے میں نہایت مفید اور مؤثر ثابت ہوئی۔