Dattajirao Kadam Arts, Science and Commerce College, Ichalkaranji, Survey No. 17/436, Shivajinagar, Near Shahu Putala, Kolhapur Road, Ichalkaranji, Ichalkaranji (2026)

12/09/2026

१२ सप्टेंबर २०२६

छत्रपती शिवाजी महाराज – शौर्य, स्वराज्य आणि प्रेरणेचा दीपस्तंभ : डॉ. व्ही. एन. शिंदे
डी.के.ए.एस.सी. महाविद्यालयात अतिथी व्याख्यान उत्साहात संपन्न
इचलकरंजी : श्री स्वामी विवेकानंद शिक्षण संस्था, कोल्हापूर संचालित दत्ताजीराव कदम आर्ट्स, सायन्स अँड कॉमर्स कॉलेज, इचलकरंजी येथे स्टाफ अकॅडमी व IQAC यांच्या संयुक्त विद्यमाने ‘छत्रपती शिवाजी महाराज – शौर्य, स्वराज्य आणि प्रेरणेचा दीपस्तंभ’ या विषयावर अतिथी व्याख्यान संपन्न झाले.
प्रमुख पाहुणे शिवाजी विद्यापीठ, कोल्हापूरचे कुलसचिव डॉ. व्ही. एन. शिंदे यांनी छत्रपती शिवाजी महाराजांचे शौर्य, स्वराज्याची संकल्पना, नेतृत्वगुण व प्रेरणादायी कार्य यावर मार्गदर्शन केले. छत्रपती शिवाजी महाराज हे केवळ पराक्रमी योद्धे नव्हते, तर दूरदृष्टी असलेले प्रशासक, कुशल संघटक आणि लोककल्याणकारी राजे होते, असे त्यांनी सांगितले. त्यांच्या विचारांतून शिस्त, ध्येयवाद, नियोजन व नेतृत्वगुण आत्मसात करण्याचे आवाहन त्यांनी केले.
कार्यक्रमाच्या अध्यक्षस्थानी महाविद्यालयाचे प्राचार्य प्रो. (डॉ.) एस. के. खाडे होते. त्यांनी छत्रपती शिवाजी महाराजांच्या विचारांचे आजच्या काळातील महत्त्व स्पष्ट केले.
कार्यक्रमाचे स्वागत व प्रास्ताविक स्टाफ अकॅडमीच्या समन्वयक डॉ. प्रभा पाटील यांनी केले, तर आभार डॉ. सचिन बोलईकर यांनी मानले. कार्यक्रमासाठी IQAC समन्वयक डॉ. दीपक कुंभार, श्री. ज्ञानदेव यादव, प्रा. स्वप्नल जगदाळे, डॉ. मोहन कांबळे व डॉ. आर्या कुलकर्णी यांचे सहकार्य लाभले. कार्यक्रमास महाविद्यालयातील कनिष्ठ व वरिष्ठ विभागातील प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते.

11/09/2026

११ सप्टेंबर २०२६
"दत्ताजीराव कदम आर्ट्स, सायन्स आणि कॉमर्स महाविद्यालयातील समाजशास्त्र विभागात संशोधन पेपर व प्रकल्प लेखन या विषयावर एक दिवसीय कार्यशाळा संपन्न"
इचलकरंजी:
येथील डीकेएएससी महाविद्यालयामध्ये समाजशास्त्र विभागाच्या वतीने संशोधन पेपर व प्रकल्प लेखन या विषयावर एक दिवसीय कार्यशाळेचे आयोजन करण्यात आले. सदर कार्यशाळा हि दोन सत्रांत संपन्न झाली.
प्रथम सत्रात प्रमुख व्याख्याते प्रा. अभिजित पाटील यांनी संशोधन प्रकल्प लेखन या विषयी सविस्तर माहिती दिली. त्यात त्यांनी संशोधन करत असताना विषय निवड, समस्या निश्चिती, गृहीतक, साहित्य समीक्षा, संशोधन पद्धती, निष्कर्ष, शिफारशी इत्यादी बाबींचा विचार करणे गरजेचे आहे तरच संशोधनाचा आवाका समजण्यास मदत होईल असे मत मांडले.
द्वितीय सत्रात प्रमुख व्याख्याते डॉ. गंगाधर चव्हाण यांनी संशोधन पेपर लेखन या विषयी सविस्तर माहिती दिली. त्यात त्यांनी संशोधन पेपर कशा पद्धतीने मांडावा, त्याची रूपरेषा कशी असावी या संदर्भात मार्गदर्शन केले.
संशोधन म्हणजे ज्ञानाचे घर आहे. समाजामध्ये सध्या नवनवीन समस्यांचा उदय होत आहे. याची उकल आपणास असणे गरजेचे आहे. या समस्यांकडे आपले संशोधक म्हणून पाहणे काळाची गरज आहे. संशोधनाला सैद्धांतिकदृष्ट्या पाहून संशोधनाच्या अनुषंगाने सर्व बाबींचा विचार करून आपले विचार मांडणे गरजेचे आहे. यातून खऱ्या अर्थाने संशोधन प्रकल्प आणि संशोधन पेपर यास आपण न्याय देऊ शकतो. या सर्वांचा विचार विद्यार्थ्यांनी करणे क्रमप्राप्त आहे. असे मत प्रस्तुत कार्यशाळेचे प्रमुख पाहुणे, माजी विभागप्रमुख प्रा. एम. एम. कांबळे यांनी मांडले.
कार्याकार्माचे अध्यक्ष महाविद्यालयाचे मा. प्राचार्य प्रो. (डॉ.) एस. के. खाडे होते. शिक्षण घेत असताना संशोधकाचे गुण आत्मसात करणे आवश्यक आहे. यातून आपली विचाराची प्रगल्भता सिद्ध होण्यास मदत होते. विचारांच्या माध्यमातून आपण जगापर्यंत पोहोचतो. पीएच. डी. करत असतांना सदर कार्यशाळेचा आपणास नकीच फायदा होईल, असे मत मा. प्राचार्य प्रो. (डॉ.) एस. के. खाडे यांनी आपल्या अध्यक्षीय मनोगतात मांडले.
कार्यक्रमाचे स्वागत-प्रास्ताविक समाजशास्त्र विभागप्रमुख प्रा. डी‌ आर. नागर्थवार यांनी केले. सूत्रसंचालन प्रा. डॉ. आर्या कुलकर्णी यांनी केले तर आभार प्रा. डॉ. रुपाली सांभारे यांनी मानले. यावेळी समाजशास्त्र विषयाचे विद्यार्थी – विद्यार्थिनी मोठ्या संख्येने उपस्थित होते.

11/09/2026

०२ सप्टेंबर २०२६

जागतिक नारळ दिनानिमित्त ‘कोकोक्राफ्ट : नारळाच्या टाकाऊ भागांपासून सुंदर कलाकृतीकडे’ उपक्रम उत्साहात संपन्न

इचलकरंजी : दत्ताजीराव कदम कला, विज्ञान व वाणिज्य महाविद्यालय, इचलकरंजी येथील वनस्पतीशास्त्र विभाग व IQAC यांच्या संयुक्त विद्यमाने दि. २ सप्टेंबर २०२६ रोजी जागतिक नारळ दिनानिमित्त ‘Cococraft – From Waste to Wonder’ या अभिनव उपक्रमाचे आयोजन करण्यात आले.

या उपक्रमात विद्यार्थ्यांनी नारळाची करवंटी, साल, काथ्या, पाने व इतर टाकाऊ घटकांचा पुनर्वापर करून कुंड्या, पेन स्टँड, पक्ष्यांसाठी खाद्यपात्र, कोकोनट लॅम्प, वॉल हॅंगिंग व सजावटीच्या वस्तू तयार केल्या. या उपक्रमातून विद्यार्थ्यांमध्ये सर्जनशीलता, नवकल्पना, संघभावना तसेच पर्यावरण संवर्धन व कचरा व्यवस्थापनाबाबत जागरूकता निर्माण झाली.

उपक्रमाचे उद्घाटन प्रोफेसर डॉ. सुरेश पाटील सर, डॉ. जीवन घोडके, डॉ. व्ही. बी. थोरबोले, प्रो. प्रभाकर व्ही. पाटील, डॉ. अमोल सोनवणे, प्रो. डॉ. शहाजी पाटील, मालोजी व्ही. कदम (रजिस्ट्रार), प्राचार्य डॉ. एस. के. खाडे, विभाग प्रमुख प्रोफेसर एस. टी. इंगळे व डॉ. एस. डी. पाटील यांच्या हस्ते करण्यात आले.

यावेळी वनस्पतीशास्त्र विभागातील सर्व प्राध्यापक, शिक्षकेतर कर्मचारी व विद्यार्थी उपस्थित होते. ‘कचऱ्यातून कलाकृती आणि कलाकृतीतून शाश्वततेचा संदेश’ देणारा हा उपक्रम प्रेरणादायी ठरला.

10/09/2026

०९ सप्टेंबर २०२६

डी के ए.एस.सी. महाविद्यालयात शिक्षणमहर्षी डॉ. बापूजी साळुंखे व संस्थामाता सुशीलादेवी साळुंखे यांच्या नियोजित पुतळ्यांचे भूमिपूजन संपन्न...

इचल : येथील दत्ताजीराव कदम आर्ट्स, सायन्स अँड कॉमर्स कॉलेज, इचलकरंजी येथे शिक्षणमहर्षी डॉ. बापूजी साळुंखे व संस्थामाता सुशीलादेवी साळुंखे यांच्या नियोजित पुतळ्यांचा भूमीपूजन समारंभ श्री स्वामी विवेकानंद शिक्षण संस्थेचे कार्याध्यक्ष मा. प्राचार्य अभयकुमार साळुंखे यांच्या शुभहस्ते उत्साहात संपन्न झाला. यावेळी महाविद्यालयाचे सीडीसी सदस्य मा. सुनील पाटील, संस्थेचे आजीव सेवक मा. भूपाल कुंभार,आजीव सेवक मा. आर. ए. भोजकर, आजीव सेवक प्राचार्या डॉ. श्रुती जोशी, महाविद्यालयाचे प्राचार्य प्रो. (डॉ.) एस. के. खाडे, दत्ताजीराव कदम लॉ कॉलेजच्या प्राचार्या डॉ. सी. एस. बागडी तसेच सेवानिवृत्त प्राध्यापक एम. एम. कांबळे आणि व्ही. बी. पाटील यांची विशेष उपस्थिती होती. सर्वच मान्यवरांच्या हस्ते भूमिपूजन संपन्न झाले. महाविद्यालयाचे प्राचार्य प्रो. (डॉ.) एस. के. खाडे यांनी उपस्थित मान्यवरांचे स्वागत केले.
कार्याध्यक्ष प्राचार्य मा. अभयकुमार साळुंखे यांनी मार्गदर्शन करताना, "शिक्षणमहर्षी डॉ. बापूजी साळुंखे आणि संस्थामाता सुशीलादेवी साळुंखे यांनी रुजविलेल्या ज्ञान, विज्ञान आणि सुसंस्कारांच्या विचारांचा वारसा जपणे व बापूजींना अभिप्रेत असणारी सुसंस्कृत पिढी निर्माण करणे ही काळाची गरज आहे. महाविद्यालय परिसरात उभारण्यात येणारे हे पुतळे भावी पिढ्यांसाठी प्रेरणास्थान ठरतील." असा विश्वास त्यांनी व्यक्त केला.
शिक्षणमहर्षी डॉ. बापूजी साळुंखे व संस्थामाता सुशीलादेवी साळुंखे यांच्या प्रतिमा पूजनाने सुरू झालेल्या या समारंभास महाविद्यालयाचे दुपार सत्र प्रमुख प्रा. डी. ए. यादव, सकाळ सत्र प्रमुख प्रो. डॉ. सुभाष जाधव, डॉ. प्रभा पाटील, प्रा. लेफ्टनंट विनायक भोई, डॉ. सुचय खोपडे, प्रबंधक श्री. रघुनाथ जोग यांच्यासह गुरुदेव कार्यकर्ते, प्रशासकीय सेवक, कर्मचारी आणि विद्यार्थी मोठ्या संख्येने उपस्थित होते. कार्यक्रमाचे सूत्रसंचालन व आभार प्रा. रोहित शिंगे यांनी केले.

10/09/2026

डी के ए एस सी कॉलेज, इचलकरंजी.

शिक्षणमहर्षी डॉ.बापूजी साळुंखे व संस्थामाता सुशिलादेवी साळुंखे यांच्या नियोजित पुतळ्यांचा....🎊

🎊भूमिपूजन समारंभ...🎊

10/09/2026

५ सप्टेंबर २०२६
डी. के. ए. एस. सी. कॉलेज इचलकरंजी येथे रसायनशास्त्र विभागात शिक्षक दिन उत्साहात साजरा.
इचलकरंजी — ५ सप्टेंबर २०२६
दत्ताजीराव कदम आर्ट्स, सायन्स अँड कॉमर्स कॉलेज, इचलकरंजी येथील बी.एस्सी. भाग ३ आणि एम.एस्सी. रसायनशास्त्र विभागाच्या विद्यार्थ्यांनी शिक्षकांविषयी आदर आणि कृतज्ञता व्यक्त करण्यासाठी शिक्षक दिनाचे आयोजन केले होते.
या कार्यक्रमाच्या अध्यक्षस्थानी महाविद्यालयाचे प्राचार्य डॉ. एस. के. खाडे उपस्थित होते. याप्रसंगी रसायनशास्त्र विभागप्रमुख डॉ. डी. ए. कुंभार यांच्यासह विभागातील प्राध्यापक श्री. आर. पी. भरसट, डॉ. एस. व्ही. मुळीक, डॉ. व्ही. व्ही. गावडे, कु. एस. एस. पूजारी आणि कु. व्ही. डी. पाटणकर प्रामुख्याने उपस्थित होते.
बी.एस्सी. भाग ३ च्या विद्यार्थ्यांनी या कार्यक्रमाचे आयोजन केले होते. यामध्ये विद्यार्थ्यांनी शिक्षकांचा सत्कार करून आपल्या भावना व्यक्त केल्या. अध्यक्षीय भाषणात प्राचार्य डॉ. एस. के. खाडे यांनी विद्यार्थ्यांच्या या उपक्रमाचे कौतुक केले आणि विद्यार्थ्यांच्या घडणीत शिक्षकांचे स्थान अत्यंत महत्त्वाचे असल्याचे प्रतिपादन केले. कार्यक्रमाची सांगता आभार प्रदर्शन आणि अल्पोपहाराने झाली.

09/09/2026

०४ सप्टेंबर २०२६

*डी के ए एस सी महाविद्यालय इचलकरंजीत आंतर विभागीय योगासन स्पर्धा उत्साहात संपन्न; स्पर्धेत डी के ए एस सी महाविद्यालयातील खेळाडूंचे वर्चस्व*

इचलकरंजी (प्रतिनिधी) : येथे श्री स्वामी विवेकानंद शिक्षण संस्था, कोल्हापूर संचालित दत्ताजीराव कदम आर्ट्स, सायन्स अँड कॉमर्स कॉलेज मध्ये शिवाजी विद्यापीठ कोल्हापूर अंतर्गत आंतर विभागीय योगासन स्पर्धा (सन २०२६-२७) अत्यंत उत्साहात संपन्न झाली. संस्थामाता श्रीमती सुशीलादेवी साळुंखे यांच्या जयंतीनिमित्त या विशेष स्पर्धेचे आयोजन करण्यात आले होते.
या भव्य स्पर्धेमध्ये विविध भागांतील एकूण २७ महाविद्यालयांनी सहभाग घेतला होता. यामध्ये ८९ उत्कृष्ट खेळाडूंनी आपल्या योगासन कौशल्याचे अप्रतिम सादरीकरण केले. अत्यंत अटीतटीच्या झालेल्या या स्पर्धेतून दर्जेदार कामगिरीच्या जोरावर १८ खेळाडूंची अखिल भारतीय आंतर विद्यापीठ योगासन स्पर्धेकरिता निवड करण्यात आली आहे.
कार्यक्रमाच्या उद्घाटन समारंभाला प्रमुख पाहुण्या म्हणून श्री स्वामी विवेकानंद शिक्षण संस्थेच्या आजीव सेवक तथा प्र. प्राचार्या, ए. आर. पी. कन्या महाविद्यालय (इचलकरंजी) मा. प्र. प्राचार्या डॉ. श्रुती जोशी मॅडम उपस्थित होत्या. कार्यक्रमाचे अध्यक्षस्थान महाविद्यालयाचे प्राचार्य मा. प्रो. (डॉ.) एस. के. खाडे यांनी भूषवले. सदर स्पर्धे करता प्रायोजक म्हणून प्रा . डी. ए यादव आर्थिक साह्य केले.स्पर्धेचे कामकाज अत्यंत पारदर्शक व सुविहितपणे पार पाडण्यासाठी निवड समितीची नियुक्ती करण्यात आली होती. यामध्ये समिती चेअरमन म्हणून प्रा. सुरेश धुरे यांनी तर सदस्य म्हणून डॉ. सुनील खराडे आणि मनीषा शिंदे यांनी चोख जबाबदारी पार पाडली. संपूर्ण स्पर्धेचे सूक्ष्म निरीक्षण करण्यासाठी स्पर्धा निरीक्षक म्हणून डॉ. योगिता परमणे यांनी काम पाहिले. स्पर्धेचे पंच म्हणून क्रीडा शिक्षक सुहास पोवळे व त्यांच्या टीमने उत्कृष्ट कामगिरी केली.
हा कार्यक्रम यशस्वी करण्यासाठी शारीरिक शिक्षण संचालक डॉ. सुचय एस. खोपडे आणि क्रीडा संचालक (ज्यु. विभाग) प्रा. लेफ्ट. विनायक भोई यांच्यासह जिमखाना समितीतील प्रा. रोहित शिंगे, प्रा. प्रथमेश गवळी, प्रा. वरुण पाटील प्रशासकीय सेवक स्वप्नील सूर्यवंशी यांनी विशेष परिश्रम घेतले. निवड झालेल्या सर्व खेळाडूंचे संस्थेचे पदाधिकारी, प्राचार्य आणि प्राध्यापकांकडून कौतुक व अभिनंदन होत आहे.

09/09/2026

समाजशास्त्र विभागाची ग्रामपंचायत माले येथे अभ्यास भेट

इचलकरंजी : दत्ताजीराव कदम आर्ट्स, सायन्स अँड कॉमर्स कॉलेज, इचलकरंजीच्या समाजशास्त्र विभागाच्या वतीने बी.ए. व एम.ए. *समाजशास्त्र* विषयाच्या विद्यार्थ्यांसाठी *दिनांक ९ सप्टेंबर २०२६* रोजी *ग्रामपंचायत माले*, ता. हातकणंगले, जि. कोल्हापूर येथे अभ्यास भेट आयोजित करण्यात आली.
या अभ्यास भेटी दरम्यान विद्यार्थ्यांनी ग्रामपंचायतीची रचना व कार्यपद्धती, स्थानिक स्वराज्य संस्था, ग्रामविकासाची कामे, शासकीय योजना, महिला व बालकल्याण, स्वच्छता, आरोग्य व सामाजिक विकास याबाबत माहिती घेतली.
प्रश्नावलीच्या माध्यमातून ग्रामपंचायत सदस्यांकडून विविध विषयांची माहिती जाणून घेत विद्यार्थ्यांनी ग्रामीण समाजजीवनाचा प्रत्यक्ष अनुभव घेतला. याप्रसंगी समाजशास्त्र विभागातील १५ पेक्षा अधिक विद्यार्थ्यांनी या अभ्यासभेटीत सहभाग घेतला.
या अभ्यासभेटीस महाविद्यालयाचे माननीय प्राचार्य प्रो. (डॉ.) एस. के. खाडे यांचे मोलाचे मार्गदर्शन लाभले. सदर अभ्यास भेट ही समाजशास्त्र विभाग प्रमुख प्रा. दिगंबर नागर्थवार व विभागातील प्राध्यापिका डॉ. रूपाली सांभारे आणि डॉ. आर्या कुलकर्णी यांच्या नियोजन व व्यवस्थापन यामुळे शक्य झाले तसेच सदर उपक्रमास ग्रामपंचायतीचे सरपंच, ग्रामविकास अधिकारी, पदाधिकारी व कर्मचारी तसेच ग्रामस्थ यांचे मार्गदर्शन व सहकार्य लाभले.

Dattajirao Kadam Arts, Science and Commerce College, Ichalkaranji

12/09/2026

11/09/2026

11/09/2026

10/09/2026

10/09/2026

10/09/2026

09/09/2026

09/09/2026

Address

Telephone

Website

Alerts

Contact The University

Shortcuts

Share

Category

Listing takedown request