26/05/2020
Bass..
Bass itni hi kahaani thi meri..
Ek kitab thi jise maine semester bhar chhua nahi tha. Kuch Professors the jo abhi bhi iss ummeed mein the ki shayad launda pass ho jaye. Ek roomie tha jo pagal tha. Ek aur kitab thi jo course ki nai thi jise mai 3 baar padh chuka tha. Mera lappy tha, Mobile tha, Beer ki bottlen thi, aur yeh ek dimag tha jo hamara sath chhod chuka tha, aur yeh ek hamara dil tha jisme ab bhi himmat baki thi. Hum padh sakte the, par kiske liye? Hum fod sakte the, par kiske liye? Mere dost, hostel, college ki galiyan, sab mujhse chhut raha tha, par rakh bhi kiske liye lete. Mere dil ki takat ya toh mujhe pass kara sakti thi ya meri watt laga sakti thi... Par sala ab padhe kaun, kaun fir se mehnat kare? Xerox karane ko, Notes ratane ko. Abey, koi to awaaz deke rok lo! Yeh faculty jo class mein har roz hamari lete rehte hain, aaj bhi agar theek se padhaye toh mahadev ki kasam top kar jayen.. par nahi, ab sala mood nahi hai, Kitab band kar lene me hi sukh hai, Notes rakh dene mein he bhalai hai.
Par uthenge kisi roz, back papers clear karwane ko, B.tech ke degree lene ko, Garv se ENGINEER kehlane ko....!!!
