23/08/2024
એમ.પી.શાહ એજ્યુકેશન સોસાયટી, સંચાલિત.
મણિબેન એમ.પી.શાહ મહિલા કોલેજ, કડી દ્વારા.
એક નવતર પ્રકલ્પનો શુભારંભ કરવામાં આવ્યો.
---------------------
મણિબેન એમ.પી.શાહ મહિલા કોલેજના પ્રિન્સીપાલ ડૉ.હિનાબેન એમ.પટેલની દીર્ઘ દ્વષ્ટિ અને માનવતાવાદી વિચારને મૂર્તિમંત સ્વરૂપ અપાયું.
કોલેજમાં અભ્યાસ કરતી મોટાભાગની છાત્રાઓ ગામડામાંથી આવે છે. અને ગરીબ વર્ગની છે. જેમાંથી મોટાભાગની છાત્રાઓ Under Weight, weak body વાળી અને લોહીની ઉણપ વાળી હોય છે.તેવુ ધ્યાને આવતા, એમનાં સારાં સ્વાસ્થ્ય માટે આપણે શું કરી શકીએ? એવા વિચાર બીજ સ્ટાફ મિટિંગમાં પ્રિ.ડૉ.હીનાબેન દ્વારા રોપવામાં આવ્યું. જેના પરિપાક રૂપે ટીચીગ અને નોન ટીચીગના ફંડફાળાથી પ્રારંભિક તબક્કે દરરોજ ફણગાવેલા કઠોળ,પલાળેલા સીંગદાણા,સલાડ અને ક્યારેક ફ્રૂટ જેવા પ્રોટીન,લૉ કેલોરી અને વિટામિન્સથી ભરપૂર Nutrition value વાળો અલ્પાહાર આપવાનો આ નવતર પ્રયોગ તારીખ :૧૭/૦૮/૨૦૨૪ ના રોજથી શરૂ કરવામાં આવ્યો છે.
બાલમંદિર અને પ્રાથમિક શિક્ષણના બાળકોને તો યુકતાહાર કે પોષણ યુક્ત ખોરાક સરકારી યોજના હેઠળ અપાય છે. પરંતુ ઉચ્ચ શિક્ષણમાં/ કોલેજ લેવલે ગુજરાત આખામાં કદાચ " મણિબેન એમ.પી.શાહ મહિલા કોલેજ" પહેલી કોલેજ હશે.
પ્રારંભિક તબક્કે શુભ શરૂઆત તો, સ્ટાફના અને સેવાભાવી લોકોના સાથ સહકારથી થઈ ગઈ છે. પરંતુ આ Initiative નું અંદાજીત વાર્ષિક બજેટ ૭૦,૦૦૦/-થી ૭૫,૦૦૦/- રૂપિયા થશે.
ઉપરોક્ત નાણાં કડી અને કડીના આસપાસના દાતાશ્રી ઓના સાથ સહકાર અને દાનથી સફળતા પૂર્વક સંપન્ન કરવાનો અથાગ પ્રયત્ન પ્રિ.ડૉ.હિનાબેન પટેલ દ્વારા કરવામાં આવી રહ્યો છે. અને આ નવતર પ્રકલ્પ જરૂર સફળ થશે એવો આશાવાદ એમણે વ્યક્ત કર્યો હતો.
શારીરિક અને માનસિક રીતે સશક્ત યુવા પેઢી જ આપણું સુવર્ણ ભવિષ્ય છે.એવી ઉત્તમ ભાવના આ પ્રકલ્પ પાછળ રહેલી છે.
___________________
-- મણિબેન એમ.પી.શાહ મહિલા કોલેજ, પરિવાર.
