20/01/2023
सातव महाविद्यालयात गुणवंत विद्यार्थी पारितोषिक वितरण सोहळा संपन्न....
कै डॉ शंकरराव सातव महाविद्यालयात शैक्षणिक वर्ष २०२१-२०२२ मध्ये यश संपादन केलेल्या गुणवंतांचा पारितोषिक वितरण सोहळा काल महाविद्यालयात सुप्रसिद्ध साहित्यिक व मालदीव येथे पार पडलेल्या सहाव्या शब्द विश्व साहित्य संमेलनाचे अध्यक्ष प्राचार्य डॉ नागनाथ पाटील यांचे उपस्थितीत संपन्न झाला.या कार्येक्रमाच्या अध्यक्षस्थानी महाविद्यालयाचे प्राचार्य डॉ बबन पवार हे होते.
या कार्यक्रमात गुणवंताना मान्यवरांच्या हस्ते
महाविद्यालयाच्या वतीने व वैयक्तिक स्वरुपात देण्यात येणारी पारितोषिके देण्यात आली. प्रथम महाविद्यालयाच्या वतीने कला शाखेत प्रथम वर्षात प्रथम कु पतंगे ॠतुजा,द्वितीय वर्षात प्रथम कु.सातभाई चैताली व तृतीय वर्षात प्रथम मोकळे राजु तसेच वाणिज्य शाखेतील प्रथम वर्षात प्रथम कु.भोजे अंजली,द्वितीय वर्षात प्रथम कु मगर शिवशक्ती व तृतीय वर्षात प्रथम डवरे पवन या गुणवंत विद्यार्थ्यांना प्रमाणपत्र व स्मृतीचिन्ह देऊन गौरविण्यात आले.
त्याच बरोबर वाणिज्य शाखेतील तिन्ही वर्गात प्रथम येणाऱ्या विद्यार्थ्यांना व १२ वीला सर्वाधिक गुण घेऊन प्रवेश घेणाऱ्या विद्यार्थ्यांला डॉ. आर.एस.मुसळे यांचे वतीने अनुक्रमे कु.अंजली भोजे,कु.मगर शिवशक्ती डवरे पवन व भालेराव नागेश यांना कै.श्यामराव मुसळे स्मृतीप्रीत्यर्थ व कै.गयाबाई मुसळे स्मृतीप्रीत्यर्थ रोख रकमेच्या स्वरूपात एकुण चार पारितोषिक देण्यात आली.
तसेच कला शाखेतील विद्यार्थ्यांना मराठी विभागाच्या वतीने
प्रा.टी.जे.कदम यांचे वतीने कै जयराम कदम स्मृतीप्रीत्यर्थ पारितोषिक राजु मोकळे यास व मराठी विषयात प्रथम येणारी कु.साक्षी कदम हीला प्रा.प्रमोद इंगोले यांचे वतीने कै.किशनराव इंगोले स्मृतीप्रीत्यर्थ पारितोषिक व सौ.माधुरी वाकडे यांच्या वतीने कै.कु.रोहीणी वाकडे स्मृतीप्रीत्यर्थ पारितोषिक देण्यात आली.
हिंदी मध्ये प्रथम येणाऱ्या सय्यद अझहर या विद्यार्थ्याने डॉ.एस.एल.पैठणकर यांच्या वतीने दिला जाणारा कै.सौ.भागेरथाबाई पैठणकर स्मृतीप्रीत्यर्थ पुरस्कार प्राप्त केला.
इतिहास विभागाच्या वतीने, प्राचार्य डॉ बबन पवार यांचे वतीने कै.तोलाजी पवार स्मृतीप्रीत्यर्थ देण्यात येणारे पारितोषिक कु.कदम साक्षी,तर कै.मंगलाबाई पवार स्मृतीप्रीत्यर्थ पुरस्कार इतिहास विषयात प्रथम आलेल्या चंद्रकिशोर बुलबुले याला मिळाला.तसेच डॉ महेंद्र इंगळे यांचे वतीने प्रथम वर्षात इतिहास विषयात प्रथम कु.गुजरे नेहा व द्वितीय वर्षात इतिहास प्रथम मस्के पवन यांना कै.मोतीराम रामजी इंगळे स्मृतीप्रीत्यर्थ पारितोषिके देण्यात आली.
अर्थशास्त्र विभाग प्रमुख डॉ मारोती भोसले यांचे वतीने तिन्ही वर्गात अर्थशास्त्र विषयात प्रथम येणाऱ्या अनुक्रमे कु.लोंढे दिव्या,सय्यद अफताब व पाचपुते कानबाराव यांना कै.विठ्लराव भोसले व कै.रुखमिणीबाई भोसले स्मृतीप्रीत्यर्थ पारितोषिके देण्यात आली.
लोकप्रशासन विभागाच्या वतीने लोकप्रशासन विषयात प्रथम येणारे घोटेकर निखील,कु.पंचलिगे प्रिती व मोकळे राजु यांनी डॉ.सुरेखा शिंदे याने यांचे वतीने कै.सिताबाई माने स्मृतीप्रीत्यर्थ,कै.रामराव माने स्मृतीप्रीत्यर्थ व कै.सदाशिवराव शिंदे स्मृतीप्रितीर्थ पारितोषिके व डॉ डी.के.खोकले यांचे वतीने कै.बहिर्जी खोकले स्मृतीप्रीत्यर्थ व कै.सोनाबाई खोकले स्मृतीप्रीत्यर्थ पारितोषिके पटकावली.
तसेच महाविद्यालयाचे वरिष्ठ लिपिक अशोक जटाळे यांचे वतीने कला व वाणिज्य शाखेतुन प्रथम क्रमांक मिळविणाऱ्या आदिवासी विद्यार्थ्यांसाठी देण्यात येणारे कै.गयाबाई जटाळे स्मृतीप्रीत्यर्थ पारितोषिके कु.गुहाडे ज्योतीका व डवरे पवन यांना तर कै.मुक्ताबाई जटाळे स्मृतीप्रीत्यर्थ पारितोषिक वानोळे देवानंद याला देण्यात आले.
तसेच ग्रंथपाल डी डी.कव्हर यांचे वतीने देण्यात येणारे कै नामदेवराव कव्हर स्मृतीप्रित्यर्थ पारितोषिक १२ वी कला शाखेत सर्वाधिक गुण घेऊन प्रथम वर्षात प्रवेशीत होणारा वायकोळे संकेत याला मिळाले.तसेच वाणिज्य द्वितीय वर्षात असलेली विद्यार्थ्यांनी कु निशा सोनवणे हीला डॉ सुरेखा शिंदे यांचे वतीने विशेष पारितोषिक देण्यात आले.
या कार्यक्रमाचे सूत्रसंचालन व आभार प्रदर्शन प्रा प्रमोद इंगोले यांनी केले.यावेळी मंचावर प्रा डॉ सतिष तिवारी,प्रा.टी.जे.कदम यांची उपस्थिती होती.
या कार्यक्रमाच्या यशस्वीतेसाठी समन्वयक प्रा प्रमोद इंगोले यांचे समवेत डॉ.मारोती भोसले, डॉ.सतिष तिवारी, डॉ.सतिष पैठणकर, डॉ.डी.के.खोकले,प्रा.डी.बी.केद्रें प्रा.डी.डी.कव्हर,श्री.विजय पाटील श्री.अशोक जटाळे, नागोराव सुरोशे, कौशिक जटाळे व मांगीलाल चव्हाण यांनी परिश्रम घेतले.
या कार्यक्रमासाठी विद्यार्थी,पालक, शिक्षक व शिक्षकेतर कर्मचारी यांची मोठ्या प्रमाणात उपस्थिती होती.
