04/11/2021
പെരിയ എസ് എന് കോളേജില് യുവ കേരളം,DDU GKY പുതിയ ബാച്ചുകളുടെ തുടക്കം കുറിച്ചു.
പഞ്ചായത്ത് പ്രസിഡന്റ് സി കെ അരവിന്ദാക്ഷന് ഉദ്ഘാടനം ചെയ്തു*
പെരിയ ശ്രീനാരയണ എഡ്യൂക്കേഷണല് & ചാരിറ്റബിള് ട്രസ്റ്റിന് കീഴില് പ്രവര്ത്തിക്കുന്ന എസ് എന് കോളേജ് പെരിയയില് കേന്ദ്ര സംസ്ഥാന സര്ക്കാരുകളുടെ തൊഴില് നൈപുണ്യ വികസന തൊഴില്ദായക പരിപാടികളായ DDU GKY, യുവ കേരളം എന്നിവയുടെ ഭാഗമായി വിവിധ പരിപാടികള് സംഘടിപ്പിച്ചു.
സംസ്ഥാന സര്ക്കാര് റീബില്ഡ് കേരളയുടെ ഭാഗമായി തുടക്കം കുറിച്ച യുവ കേരളം പദ്ധതിയില് ഹോട്ടല് മാനേജ്മെന്റ് & ഫ്രണ്ട് ഓഫീസ് അസോസിയേറ്റ് ബാച്ചുകളുടെയും DDU GKY അക്കൗണ്ടിംങ്ങ് ബാച്ചുകളുടെയും ഉദ്ഘാടനവും കേന്ദ്ര സംസ്ഥാന സര്ക്കാര് പദ്ധതിയായ DDU GKY ഫാഷന് ഡിസൈനിംഗ് ബാച്ചിന്റെ കോഴ്സ് സര്ട്ടിഫിക്കറ്റ് വിതരണവും ഫാഷന് ഷോയും പുല്ലൂര് പെരിയ ഗ്രാമ പഞ്ചായത്ത് പ്രസിഡന്റ് സി കെ അരവിന്ദാഷന് ഉദ്ഘാടനം ചെയ്തു. കുടുംബശ്രീ ജില്ലാ മിഷന് കോര്ഡിനേറ്റര് ടി ടി സുരേന്ദ്രന് മുഖ്യാതിഥിയായി. കുടുംബശ്രീ എഡിഎംസി പ്രകാശന് പാലായി ഫാഷന് ഡിസൈനിങ്ങ് കോഴ്സ് പൂര്ത്തിയാക്കിയ വിദ്യാര്ത്ഥികള്ക്ക് സര്ട്ടിഫിക്കറ്റുകള് നല്കി.
എസ് എന് ട്രസ്റ്റ് വിദ്യാഭ്യാസ സമിതി ചെയര്മാന് ബാലകൃഷ്ണന് കേവീസ്, വ്യാപാരി വ്യവസായി ഏകോപന സമിതി കാഞ്ഞങ്ങാട് യൂണിറ്റ് പ്രസിഡന്റ് സി യൂസഫ് ഹാജി, പ്രോജക്ട് സ്റ്റേറ്റ് ഹെഡ് ബൈജു ആയടത്തില്, വാര്ഡ് മെമ്പര് സുമ കുഞ്ഞികൃഷ്ണന്, വിദ്യാധരന് കെ ജി എന്നിവര് സംസാരിച്ചു. ട്രഷറര് ഐശ്വര്യ കുമാരന് നന്ദി പറഞ്ഞു.
പഠനം പൂര്ത്തിയാക്കി ഇറങ്ങുന്ന ഫാഷന് ഡിസൈനിംഗ് വിദ്യാര്ത്ഥികള് സ്വന്തമായി നെയ്തെടുത്ത വസ്ത്രങ്ങളണിഞ്ഞുള്ള ഫാഷന് ഷോയും പരിപാടിയുടെ ഭാഗമായി സംഘടിപ്പിച്ചു.
