Bodoland University ABSU Kokrajhar

27/11/2025

Thank you once again everyone for today’s support and unity We’ll discuss our next steps later on for now we shall keep our chats private for sometime.

27/11/2025

गिबियावनो आफादारि गाहाम हामग्लायनायखौ बिग्रायारि साफ्रोमबो लोगोफोरनो जासिहरनाय जाबाय।

आसाम सरकारनि गोजां बोथोरनि assembly जिरायनायनि गेजेरजों मोन द' जौगानाय हारिनो ST होनायनि हेंथायै बड'लेण्ड मुलुगसोलोंसालि दालाइसा दुलाराय बर' फरायसा आफाद आरो फरायसा खौसे आफादनि दैदेनगिरि बिथांमोननि जथाइयै बानजायनायाव मैया आरो दिनैनि सोमावसारनायाव गोबां बर' फरायसाफोरजों लोगोसे गोबां गुबुन गुबुन हारिनि ST फरायसाफोराबो बाहागो लाफैनानै जोंनि सोमावसारनाय हाबाफारिखौ जाफुंसार खालामफैयो। बेजोंनो लोगोसे कक्राझार जिला दुलाराय बर' फरायसा आफादनि बानजायनायाव जानाय हान्जा सुरनाय हाबाफारियावबो जोंजों लोगोसे मुलुगसोलोंसालिनि गोबां बर'फरायसा बिथांमोनाबो बाहागो लाहैफायो। बेनिथाखाय बिथांमोन साफ्रोमनोबो आं आफादनि जानानै साबायखर बावहरदों।
आसाखालामो मैया आरो दिनैनि सोमावसारनायाव हाबाफारियाव जोंखौ जेरैबायदि मदद खालामबाय थिग बिदिनो फैबायथानाय समाव हारिनि खैफोदनि समाव नोंथांमोननि मददखौ मोनबाय थागोन बेखौ जों आफादनिफ्राय मिजिंथिहरबाय।
ABSU Long Live ✌️
Bodoland University Unit ABSU Long Live ✌️
CCTOA long live ✌️

27/11/2025

27/11/2025

थागिबि हारि-हारिसाफोरा खौसे जानानै दिसपुर आरो दिल्लीखौ सोमावग्लुंनायनि सम फैबाय ।

17/10/2025

बयनिबो आंगो जुबिन गार्गआ थार बिजिरनाय मोनागौमानि एबसुआ सोमावसारलांगोन: दिपेन बर'

बड'लेण्ड मुलुगसोलोंसालि दालाइ एबसु, क'क्राझार
17 अक्ट'बर, 2025

बड'लेण्ड मुलुगसोलोंसालि दालाइसा एबसुनि बान्जायनायाव दिनै जुबिन गार्गनि थार बिजिरनाय नागिरनानै बड'लेण्ड मुलुगसोलोंसालिनि लांगोनायाव आलारि बाथि फोजोंदों।
बड'लेण्ड मुलुगसोलोंसालि दालाइ एबसुनि आफादगिरि मुस्रि मिथुन बसुमतारीआ मासि लानानै सामलायनाय हाबाफारियाव गाहाइ आलासि महरै बाहागो लायो मिरु एबसुनि मानावगेदेद आफादगिरि मुस्रि दिपेन बर'आ। हाबाफारियावनो बुंथिगिरि महरै बाहागो लाबावो आसुनि लोगो आफादगिरि मानगोनां नब' ज्योति राय आरो बड'लेण्ड मुलुगसोलोंसालिनि लेङाइ गिचिया मानगोनां प्रफेस्वर बाबुलाल आहुजाया ।
आलारि बाथि फोजोंनाय हाबाफारिया मिरु एबसुनि लोगो आफादगिरि मानगोनां मुस्रि खोरोमदाव वारी, गाहाइ नेहाथारि खनिन्द्र बसुमतारीजों लोगोसे मिरु एबसुनि बिबानगिरिफोर, क'क्राझार आरो सिरां जिल्ला एबसुनि बिबानगिरिफोरजों लोगोसे मुलुगसोलोंसालिनिनो हौवासा आरो हिन्जावसा थाग्राखुलिनि अनगायैबो गोबांथार फरायसाफोरनि बाहागो लानायजों मोजाङैनो जाफुंसार जालाङो ।

13/09/2025

अक्ट': 13/09/2025

बड'लेण्ड मुलुगसोलोंसालिनि बान्जायनायाव 03 सेप्तेम्बर 2025 इं निफ्राय जागायनानै 13 सेप्तेम्बर 2025 इं सिम 10 साननि थाखाय बर' फरायसा हारिमुआरि मावबादा हाबाफारिखौ दिनै फोजोबनाय जाबाय।
दिनैनि बे फोजोबनाय हाबाफारियाव मासिगिरि लानानै उरायदाव बसुमतारीआ दैदेननायाव आलासि महरै मिरु दुलाराय बर' फरायसा आफादनि मावख' नेहाथारि एबा आथिखाल बड’लेण्ड मुलुग सोलोंसालि दालाइ दुलाराय बर' फरायसा आफादनि बोसोनगिरि मानिजाथाव रोदोम बसुमतारीआ बाहागो लादोंमोन।
हारिमुआरि नेहाथारिफोर सानसुला बर', काराबि बर' आरो नेहाथारि पोजोंषा नारजारी, लोगो सोलोंथाइ नेहाथारि देबजिद बसुमतारी आरो खोरोमसार बसुमतारी बिथांमोननि नुजाथिनायाव सोलोंथाइ होनाय हारिमुआरि मावबादानि फोरोंगिरिफोरनि फोरोंनायजों रोंनो हानाय साफ्रोम सोलोंगिरि खाम, सिफुं, सेरजा, गंगना, बागुरुमबा, आरो खामाव बारखोनाय मोसागिरिफोरनो बड’लेण्ड मुलुग सोलोंसालि दालाइ दुलाराय बर' फरायसा आफादा गांफा गांफा सारथिफिकेट हरनाय जादों।

05/09/2025

अक्ट' :- 5 सेप्तेम्बर 2025

सिरां जिल्लानि आवथाइयाव थानाय Govt. Model Degree कलेजनि फरायसाफोरनि बानजायनायाव गिबि खेब "फोरोंगिरि सान" फालिनाय हाबाफारियाव गाहाइ आलासि महरै बाहागो लानो हायो दुलाराय बर' फरायसा आफादनि सोलोंथाइ नेहाथारि मुस्रि सोमावसार बसुमतारी बिथाङा।
हाबाफारियाव मिरु एबसुनि सुबुं फोनांजाब नेहाथारि मुस्रि नितु बर',बड'लेण्ड मुलुगसोलोंसालि दालाइ एबसुनि आफादगिरि मिथुन बसुमतारी,बड'लेण्ड मुलुगसोलोंसालि दालाइ एबसुनि बारग' गाहाइ नेहाथारि पबित नार्जारीजों लोगोसे निसिमा दख'रा एबसुनि आफादगिरि फुलेन ब्रह्म आरो दख'रा एबसुनि दैदेनगिरि बिथांमोनहाबो बाहागो लानो हायो।

03/09/2025

खालार: 03 सेप्तेम्बर 2025
दिनै बड'लेण्ड मुलुगसोलोंसालि दालाइ दुलाराय बर' फरायसा आफादनि बान्जायनायाव हारिमुवारि मावबादा हाबाफारिखौ दिनै 3 सेप्तेम्बर, 2025इं निफ्राय जागायजेन्नानै 13 सेप्तेम्बर, 2025इं अक्टसिम थाखाय बेखेवनानै होनाय जाबाय।
दिनैनि बे हारिमुवारि मावबादा हाबाफारियाव बेखेवगिरि आलासि महरै बाहागो लाना हाबाफारिखौ बेखेवनानै होयो बडलेण्ड मुलुग सोलोंसालिनि रेबसंग्रा नि PS मानगोनां सार ड॰ रिमोनला बसुनतारि आरो गाहाइ आलासि महरै बाहागो लानानै मिरु दुलाराय बर' फरायसा आफादनि सोलोंथाइ नेहाथारि मानिजाथाव सोमावसार बसुमतारी सार बिथांआ बड'फा गोजोरथियारि सोलायनाय मावथांखि बादियै हारिमुआरि जौगाखांहोनाय थाखाय बिबुंथि होलाङो।आरो बे हाबाफारियावनो नुजाथिनो हाबावदों मिरु दुलाराय बर’ फरायसा आफादनि सुबुं फोनांजाब नेहाथारि मानिजाथाव नितु बर’ सार बिथांआ। लोगोसे नुजाथिनो हाबावदों BUSU नि आफादगिरि बिथां दिपांखर बसुमतारि आरो BU Unit ABSU नि मावथि बिथांमोनहाबो मैखोमै बाहागो लायो।

31/08/2025

अक्ट' :- 31 आगष्ट', 2025

क'क्राझार जिल्ला एबसुनि सिङाव थानाय रामफलबिल हायार सेकेण्डारी फरायसालिया मैया गोदान फरायसा बरायनाय हाबाफारिखौ सानसेनि मेहेरगोनां हाबाफारिजों खुंफुंनाय हाबाफारियाव गाहाइ आलासि महरै बाहागो लानो हायो दुलाराय बर' फरायसा आफादनि मानगोनां सोलोंथाइ नेहाथारि मुस्रि सोमावसार बसुमतारी बिथाङा। हाबाफारि आव बाहागो लानो हादों बड'लेण्ड मुलुगसोलोंसालि दालाइ दुलाराय बर'फरायसा आफादनि मानगोनां आफादगिरि मिथुन बसुमतारी बाहागो लानो हाबावदों कक्राझार जिल्ला दुलाराय बर'फरायसा आफादनि रांगिरि निजोम बसुमतारी बिथांमोनहा।

28/08/2025

अक्ट: 28/08/2025
बड’लेण्ड मुलुग सोलोंसालि
दिनै बड’लेण्ड मुलुग सोलोंसालिनि बर’ बिफाननि सावराय खथा याव बडलेण्ड मुलुग सोलोंसालि दालाइ दुलाराय बर’ फरायसा आफादनि 4थि मावफुं मेल जानानै थांङो।हाबाफारियाव मिरु दुलाराय बर’ फरायसा आफादनि मावख’ नेहाथारि आथिखाल बड’लेण्ड मुलुग सोलोंसालि दालाइ दुलाराय बर’ फरायसा आफादनि बोसोनगिरि मानगोनां बिथां रोदोम बसुमतारि आरो दालाइ आफादनि बोसोनगिरि पबित नार्जारि बारग’ लोगो आफादगिरि ब्रह्मानन्द बसुमतारि बिथांमोनहाबो बाहागो लायो। दिनैनि मावफुं मेलनि गेजेरजों गोथौ आरो गुवारै सावरायनायनि गेजेरजों गुबुन गुबुन बोसोराव खुंबोनोाय बादिनो देग्लायबो हारिमुवारि मावबादाखौ फैगौ सेप्तेम्बर दाननि 3 अक्टनिफ्राय 13 अक्टसिम आरो Inter Departmental football and kabaddi tournament खौ सेप्तेम्बर दाननि 13-15 अक्टसिम खुंफुंनो थांखि दैखांना लानाय जायो।

15/08/2025

खालार : 15 आगस्त 2025
बड’लेण्ड मुलुग सोलोंसालि,
दिनै Bodoland University नि खुंथायारि मावख’ नि मोखांआव 79 थि उदांस्रि सान खौ मुलुग सोलोंसालिनिनो Vice Chancellor, Registrar, Professor’s, मावख’गिरि , BUSUआरो Unit ABSU नि बिबानगिरिफोर आरो फरायसा बिथांमोननि नुजाथिनायाव गाजा गोमजायै फालिनाय जायो।