30/07/2026
*सौ. स. म. लोहिया हायस्कूल व ज्युनि. कॉलेज कोल्हापूर मध्ये गुणवंत विद्यार्थ्यांचा गुणगौरव समारंभ उत्साहात संपन्न.*
दि न्यू एज्युकेशन सोसायटी संचलित, सौ.स.म. लोहिया हायस्कूल व ज्युनि कॉलेज कोल्हापूर मध्ये गुणवंत विद्यार्थ्यांचा गुणगौरव समारंभ उत्साहात संपन्न झाला. कार्यक्रमाचे अध्यक्ष *श्री. विनोदकुमार लोहिया* सल्लागार गव्हर्निंग कौन्सिल दि न्यू एज्युकेशन सोसायटी कोल्हापूर हे होते. तर कार्यक्रमाचे प्रमुख पाहुणे, मा. *सौ. प्रभावती कोळेकर* शिक्षण उपसंचालक कोल्हापूर विभाग या होत्या. कार्यक्रमासाठी प्रमुख उपस्थिती *मा. निर्मलकुमार लोहिया* अध्यक्ष गव्हर्निंग कौन्सिल दि न्यू एज्युकेशन सोसायटी कोल्हापूर तसेच संस्थेचे सचिव *मा. श्री. प्रभाकर हेरवाडे सर* आणि प्रशालेचे माजी प्राचार्य व संस्थेचे सहसचिव *मा. श्री. एस.एस. चव्हाण सर, मा.श्री. अशोक रोकडे* व्हाईट आर्मीचे संस्थापक हे होते. कार्यक्रमाचे स्वागत व प्रास्ताविक प्रशालेच्या *प्राचार्या सौ. एस. बी. पाटील* यांनी केले. प्रास्ताविकामध्ये प्रशालेमध्ये राबवल्या जाणा-या विविध शैक्षणिक उपक्रमांचा आढावा घेवून शेर्भाणक क्षेत्रात सौ. स. म. लोहिया हायस्कूलने मिळविलेल्या उज्वल यशाचा त्यांनी आढावा घेतला, कार्यक्रमाचे प्रमुख पाहुण्या मा. सौ. प्रभावती कोळेकर यांनी सौ. स. म. लोहिया हायस्कूल व ज्युनि कॉलेज कोल्हापूर यांनी राबवत असलेल्या विविध अभिनव शैक्षणिक प्रयोगांचे कौतुक करत विद्यार्थ्यांशी हितगुज साधले. नेहमी सकारात्मक ऊर्जेचा वापर करून जिद्द, कष्ट आणि प्रामाणिक पणाच्या जोरावर विद्यार्थ्यांनी आपला सर्वांगीण विकास करण्यासाठी प्रयत्नशिल रहावे असे आवाहन त्यांनी केले. कार्यक्रमाचे अध्यक्ष विनोदकुमार लोहिया यांनी सौ.स.म.लोहिया हायस्कूलच्या उत्कृष्ट कामगिरीबद्दल सर्वांचे अभिनंदन केले.
यावेळी श्री. सागर बगाडे यांचा अटल बिहारी वाजपेयी सेवा सन्मान पुरस्कार मिळालेबद्दल मान्यवरांच्या हस्ते सत्कार करण्यात आला. तसेच इयत्ता १० वी १२ वी ९० टक्केच्या वरील विद्यार्थ्यांचा तसेच इ.५ वी ८ वी शिष्यवृत्ती प्राप्त विद्यार्थी, एन सी. सी., गणित प्रज्ञा, एन.एम.एम.एस. परीक्षेत उज्चल यश मिळवलेल्या विद्यार्थ्यांचा सत्कार मान्यवरांच्या हस्ते पार पडला. कार्यक्रमाचे आभार ज्युनि. कॉलेजच्या उपप्राचार्या सौ. गौरी नानिवडेकर यांनी मांडले. बक्षिस पात्र विद्यार्थ्यांचे यादी वाचन श्री. सचिन शिंदे यांनी केले. कार्यक्रमाचे सुत्रसंचालन श्री. गोमटेश्वर माळी यांनी केले. कार्यक्रमाची सांगता सौ. स. म. लोहिया हायस्कूल च्या संगीत वाद्यवृंदाने गायलेल्या पसायदानाने झाली.
यावेळी उपमुख्याध्यापिका सौ. एस.ए.देसाई, ज्युनि कॉलेज चे एम. सी. व्ही. सी. विभाग प्रमुख श्री. र्शाशकुमार माने, पर्यवेक्षक श्री. बी. एस. चोपदार, श्री. डी एस. पाटील विद्यार्थी, पालक, शिक्षक-शिक्षिका,
