27/01/2025
ABP शिक्षण समूहामध्ये 76 वा प्रजासत्ताक दिन उत्साह पूर्ण वातावरणात संपन्न
नवे पारगाव:
वारणा शिक्षण संस्था वारणा -कोडोली संचलित ABP शिक्षण समूहामध्ये विविध शाखांच्या मार्फतABP शिक्षण समूहाच्या पटांगणामध्ये प्रजासत्ताक दिन उत्साहपूर्ण वातावरणात संपन्न झाला.
कार्यक्रमाचे प्रमुख पाहुणे मुख्यमंत्र्यांचे स्वीय सहाय्यक श्री सतीश जाधव साहेब यांच्या शुभहस्ते ध्वजारोहण करण्यात आले. याप्रसंगी सर्व विद्यार्थ्यांनी संविधानाचे वाचन केले.
विविध विभागातील विद्यार्थ्यांनी भाषणे सादर केलीत, तसेच विविध सांस्कृतिक व देशभक्तीपर गाणी देखील विद्यार्थ्यांनी सादर केली.
या वेळेला तायक्वांदो, मर्दानी खेळ, मानवी मनोरा व लेझीमच्या विद्यार्थ्यांनी सादर केलेल्या प्रात्यक्षिकानी उपस्थिताची मने जिंकून घेतली.
प्रजासत्ताक दिनाचे औचित्य साधून उपस्थित सर्व मान्यवरांनी व विद्यार्थ्याना तंबाखू मुक्तीची शपथ माजी सैनिक मोहन पाटील सर यांच्या मार्गदर्शनात . माजी सैनिक मोहन पाटील सर यांच्या मार्गदर्शनाखाली MCC च्या विद्यार्थ्यांनी संचलन करून ध्वजास मानवंदना दिली.
कार्यक्रमास उपस्थित बीएसएफ मध्ये सध्या कार्यरत असणाऱ्या वर्षा पाटील मॅडम यांनी विद्यार्थ्यांच्या समोर आपला संघर्षमय जीवन प्रवास उलगडून दाखवला. आपल्या अवघ्या दहा महिन्यांच्या बाळाला घरी ठेवून कर्तव्यावर रुजू झाल्या. आई शेतात मोलमजुरी करत होते तर वडील हमालीचे काम करून प्रतिकूल परिस्थितीमध्ये आपल्या मुलीला शिकवलं. व त्यांच्यामुळे जीवनातील हे यश मी साध्य करू शकले याचं सार श्रेय त्यांनी आपल्या आई-वडिलांना दिलं. लग्नानंतर पतीने प्रोत्साहन दिल्यामुळेच आज दिल्ली येथील राजपथावरती बाईक स्टंट करण्याची संधी मला मिळाली. जीवनात जितका संघर्ष असेल तितकच यश हे प्रेरणादायी असतं. विद्यार्थ्यांनी शालेय जीवनामध्ये पहिल्यांदा आपल्या करिअरला प्राधान्य दिलं पाहिजे. आपल्या भावनेपेक्षा आपण कर्तव्याला प्राधान्य देऊन जीवनात पुढे गेलं पाहिजे असं प्रतिपादन केलं.
आजच्या कार्यक्रमाचे प्रमुख पाहुणे माननीय श्री सतीश जाधव सर यांनी आई-वडिलांच्या कष्टाची जाणीव ठेवून आपण जीवनात यश मिळवणं गरजेचं आहे. जोपर्यंत मी माझं ध्येय गाठत नाही,तोपर्यंत मी स्वस्थ बसणार नाही असा चंग बांधला पाहिजे. एमपीएससी परीक्षेमधून राज्यात चौथा क्रमांक मिळवून आज महाराष्ट्राचे मुख्यमंत्री यांचे स्वीय सहाय्यक म्हणून काम करता आले.
शालेय जीवनामध्ये परीक्षेची फी भरण्याकरिता पैसे नसताना देखील त्यावर मात करत जीवनात हे नेत्रदीपक यश मिळवले असे त्यांनी नमूद केले.
तसेच विद्यार्थ्यांनी आपल्या आयुष्यात कोणतेही व्यसन करू नये असा संदेश त्यांनी उपस्थित विद्यार्थ्यांना दिला.
कार्यक्रमास उपस्थित पोलीस निरीक्षक माननीय विवेक पाटील सर यांनी जीवनात कष्टाशिवाय, व योग्य मार्गदर्शनाशिवाय यश नाही असे नमूद केले.
संस्थेचे सचिव आदरणीय अमोल कुमार पाटील सर यांनी आपल्या भाषणात मिळालेला स्वातंत्र्याचा उपभोग हा मानवी कल्याणासाठी व देश हितासाठी व्हावा विद्यार्थ्यांनी संविधानाची मूल्ये अंगीकारून त्या पद्धतीने एक आदर्श नागरिक बनावे असे विशद केले.
आजच्या कार्यक्रमाचे अध्यक्ष आदरणीय ए बी पाटील सर यांनी आपल्या भाषणात उपस्थित सर्वांना आवाहन केलं की आयुष्यात आपणाला ऋणानुबंध जपता आलं पाहिजेत व जोपासता आलं पाहिजेत.
मुलं ही राष्ट्राची अनमोल संपत्ती असून त्यांना आदर्शवत नागरिक बनवणं हेच आपल्या एबीपी शिक्षण समूहाचे ध्येय आहे असं नमूद केलं.
आजच्या यशामागे यशोदा पाटील आजी व स्वर्गीय कांचन पाटील माई यांचं खूप मोलाचं योगदान आहे. त्यांच्या त्यागावरतीच आज एबीपी शिक्षण समूह उभा आहे. असं नमूद केलं.
कार्यक्रमास संस्थेचे संस्थापक अध्यक्ष माननीय श्री. ए.बी. पाटील सर, संस्थेचे सचिव माननीय श्री. अमोल कुमार पाटील सर, संस्थेच्या सचिवा सौ.राजलक्ष्मी पाटील मॅडम, संस्थेच्या संचालिका सौ.आकांक्षा पाटील मॅडम, श्री मगदूम सर,संस्थेचे सर्व पदाधिकारी, ग्रामस्थ, वारणा विद्यानिकेतन चे प्राचार्य श्री एस आर पाटील सर, अनिवासी माध्यमिक विभागाचे विभाग प्रमुख श्री प्रमोद चव्हाण सर, श्री पाराशर विद्यामंदिरच्या मुख्याद्यापिका सौ.स्मिता भोसले मॅडम, ज्युनिअर कॉलेजच्या विभागप्रमुखा सौ मोहिते मॅडम, यशोका इंटरनॅशनलच्या सौ मनीषा जाधव मॅडम, विविध विभागातील शिक्षक - शिक्षकेतर कर्मचारी, सर्व विद्यार्थी व पालक मोठ्या संख्येने उपस्थित होते. कार्यक्रमाचे प्रास्ताविक श्री आर एस खरजे सर यांनी केले तर कार्यक्रमाचे सूत्रसंचालन सौ एस एम बामणे व विजय गुरव सर यांनी केले.
# ambap
# Amol Ashok Patil ABP Shikshan Samuh छत्रपती शिवाजी विद्यानिकेतन , पेठ वड्गांव . Adarsh Gurukul Kolhapur Sports Club Ashokrao Mane Group Of Institution (amgoi) ,Vathar,Kolhapur. Suraj Kalyankar Suresh Jamadade Suraj Patil Satish Patil KK news S News Kolhapur B News Kolhapur group
