23/01/2026
ठाण्यात खळबळ! गुन्हे शाखेचा मोठा अॅक्शन — दोन गावठी पिस्तूल व चार जिवंत काडतुसे जप्त
ठाणे | प्रतिनिधी
ठाणे शहरात अवैध शस्त्र विक्रीचा धंदा उघडकीस आणत ठाणे पोलिसांच्या गुन्हे शाखेने मोठी कारवाई केली आहे. खंडणीविरोधी पथकाने केलेल्या धडक कारवाईत दोन गावठी बनावटीची पिस्तूल आणि चार जिवंत काडतुसे जप्त करण्यात आली असून, आरोपीला ताब्यात घेण्यात आले आहे.
गोपनीय माहितीच्या आधारे १८ सप्टेंबर २०२५ रोजी वागळे इस्टेट परिसरातील सुमरास साई पान शॉपजवळ, इंटरसिटी मॉलच्या बाजूला सापळा रचण्यात आला. संशयित आरोपी अवैध शस्त्रांची विक्री करण्याच्या तयारीत असतानाच गुन्हे शाखेच्या पथकाने रंगेहात पकडले.
जप्त करण्यात आलेल्या शस्त्रांची अंदाजे किंमत २ लाख ९८ हजार रुपये इतकी असून, आरोपीविरोधात वागळे इस्टेट पोलीस ठाण्यात गुन्हा दाखल करण्यात आला आहे. सदर प्रकरणाचा पुढील तपास गुन्हे शाखेकडून सुरू आहे.
ही कारवाई ठाणे पोलिस आयुक्तालयातील वरिष्ठ अधिकाऱ्यांच्या मार्गदर्शनाखाली खंडणीविरोधी पथकाने यशस्वीरीत्या पार पाडली. शहरात अवैध शस्त्रांवर पोलिसांचा कडक वचक कायम असल्याचा संदेश या कारवाईतून देण्यात आला आहे.
Thane Police Commissionerate
