03/04/2024
~ਗੁਰੂ ਨਾਨਕ ਨੈਸ਼ਨਲ ਕਾਲਜ ਨਕੋਦਰ ਦੀ 54ਵੀਂ ਸਲਾਨਾ ਅਥਲੈਟਿਕ ਮੀਟ ਵਿੱਚ ਲੜਕਿਆਂ ਵਿਚੋਂ ਹਰਕੀਰਤ ਸਿੰਘ ਅਤੇ ਲੜਕੀਆਂ ਵਿਚੋਂ ਸੋਨੀਆ ਬੈਸਟ ਐਥਲੀਟ ਬਣੇ
ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੇ ਖ਼ੇਡ ਵਿਭਾਗ ਵੱਲੋਂ ਸਰੀਰਕ ਸਿੱਖਿਆ ਵਿਭਾਗ ਦੇ ਮੁਖੀ ਪ੍ਰੋ. ਡਾ. ਇੰਦਰਜੀਤ ਸਿੰਘ ਅਤੇ ਡਾ. ਚਰਨਜੀਤ ਕੌਰ ਦੀ ਨਿਗਰਾਨੀ ਹੇਠ ਕਾਲਜ ਵਿੱਚ ਦੋ ਰੋਜ਼ਾ 54ਵੀਂ ਸਲਾਨਾ ਅਥਲੈਟਿਕ ਮੀਟ ਕਾਲਜ ਦੀ ਖ਼ੇਡ ਗਰਾਉਂਡ ਵਿੱਚ ਕਰਵਾਈ ਗਈ । ਇਸ ਅਥਲੈਟਿਕ ਮੀਟ ਵਿੱਚ ਖਿਡਾਰੀਆਂ ਨੇ ਬੜੇ ਉਤਸ਼ਾਹ ਨਾਲ ਹਿੱਸਾ ਲਿਆ । ਇਸ ਅਥਲੈਟਿਕ ਮੀਟ ਦੇ ਬੈਸਟ ਐਥਲੀਟ ਬਣਨ ਦਾ ਮਾਣ ਲੜਕਿਆਂ ਵਿਚੋਂ ਬੀ.ਏ. ਸਮੈਸਟਰ ਚੌਥਾ ਦੇ ਵਿਦਿਆਰਥੀ ਹਰਕੀਰਤ ਸਿੰਘ ਅਤੇ ਲੜਕੀਆਂ ਵਿਚੋਂ ਬੀ.ਐਸ.ਸੀ. ਸਮੈਸਟਰ ਦੂਜਾ ਦੀ ਵਿਦਿਆਰਥਣ ਸੋਨੀਆ ਨੇ ਹਾਸਿਲ ਕੀਤਾ । ਲੜਕਿਆਂ ਦੇ 100 ਮੀਟਰ ਰੇਸ ਮੁਕਾਬਲੇ ਵਿੱਚ ਹਰਕੀਰਤ ਸਿੰਘ ਨੇ ਪਹਿਲਾ, ਉਦੇਸ਼ ਮਹਿਮੀ ਨੇ ਦੂਸਰਾ ਅਤੇ ਸੰਨੀ ਨੇ ਤੀਸਰਾ ਸਥਾਨ, 200 ਮੀਟਰ ਰੇਸ ਵਿੱਚ ਮਗਨਦੀਪ ਸਿੰਘ ਨੇ ਪਹਿਲਾ, ਦਿਲਜੀਤ ਸਿੰਘ ਨੇ ਦੂਸਰਾ ਅਤੇ ਮੋਹਿਤ ਭਾਰਤੀ ਨੇ ਤੀਸਰਾ ਸਥਾਨ, ਜੈਵਲਿਨ ਥਰੋ ਵਿੱਚ ਰਾਹੁਲ ਨੇ ਪਹਿਲਾ, ਭਾਰਤ ਜੱਖੂ ਨੇ ਦੂਸਰਾ ਅਤੇ ਧਨਵੀਰ ਸਿੰਘ ਨੇ ਤੀਸਰਾ, ਸ਼ਾਟ-ਪੁੱਟ ਵਿੱਚ ਹਰਕੀਰਤ ਸਿੰਘ ਨੇ ਪਹਿਲਾ, ਨਮਨ ਜੋਸ਼ੀ ਨੇ ਦੂਸਰਾ ਅਤੇ ਲੋਕੇਸ਼ ਕੁਮਾਰ ਨੇ ਤੀਸਰਾ ਸਥਾਨ ਹਾਸਿਲ ਕੀਤਾ । ਲੜਕੀਆਂ ਦੇ 100 ਮੀਟਰ ਰੇਸ ਵਿੱਚ ਰਾਜਵੀਰ ਨੇ ਪਹਿਲਾ, ਨੇਹਾ ਨੇ ਦੂਸਰਾ ਅਤੇ ਤਾਨੀਆ ਨੇ ਤੀਸਰਾ ਸਥਾਨ, 200 ਮੀਟਰ ਰੇਸ ਵਿੱਚ ਸੋਨੀਆ ਨੇ ਪਹਿਲਾ, ਰਾਜਵੀਰ ਨੇ ਦੂਸਰਾ ਅਤੇ ਨਵਪ੍ਰੀਤ ਨੇ ਤੀਸਰਾ ਸਥਾਨ, ਲੰਮੀ ਛਾਲ ਵਿੱਚ ਸੋਨੀਆ ਨੇ ਪਹਿਲਾ, ਨੇਹਾ ਨੇ ਦੂਸਰਾ ਅਤੇ ਸਿਮਰਨਪ੍ਰੀਤ ਕੌਰ ਨੇ ਤੀਸਰਾ, ਸ਼ਾਟ-ਪੁੱਟ ਵਿੱਚ ਰਜਨੀ ਨੇ ਪਹਿਲਾ, ਜੈਸਮੀਨ ਆਹੀਰ ਨੇ ਦੂਸਰਾ ਅਤੇ ਸਿਮਰਨਪ੍ਰੀਤ ਕੌਰ ਨੇ ਤੀਸਰਾ ਸਥਾਨ ਹਾਸਿਲ ਕੀਤਾ ਇਸ ਤੋਂ ਇਲਾਵਾ ਬਹੁਤ ਸਾਰੇ ਈਵੈਂਟਸ ਵਿੱਚ ਵਿਦਿਆਰਥੀਆਂ ਨੇ ਵੱਧ ਚੜ ਕੇ ਹਿੱਸਾ ਲਿਆ ਲੜਕਿਆਂ ਦੇ ਰੱਸਾ-ਕੱਸੀ ਮੁਕਾਬਲੇ ਵਿੱਚ ਸਾਹਿਬਜ਼ਾਦਾ ਜੁਝਾਰ ਸਿੰਘ ਹਾਊਸ ਨੇ ਪਹਿਲਾ ਸਥਾਨ ਅਤੇ ਲੜਕੀਆਂ ਦੇ ਰੱਸਾ-ਕੱਸੀ ਮੁਕਾਬਲੇ ਵਿੱਚ ਬੇਬੇ ਨਾਨਕੀ ਹਾਊਸ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ । ਇਸ ਮੌਕੇ ਸਮੂਹ ਟੀਚਿੰਗ ਅਤੇ ਨਾਨ ਟੀਚਿੰਗ ਸਟਾਫ ਨੇ ਪੂਰਨ ਸਹਿਯੋਗ ਦਿੱਤਾ । ਕਾਲਜ ਦੇ ਪ੍ਰਧਾਨ ਸ. ਜਗੀਰ ਸਿੰਘ ਸੋਹੀ, ਸਕੱਤਰ ਸ. ਗੁਰਪ੍ਰੀਤ ਸਿੰਘ ਸੰਧੂ, ਖਜਾਨਚੀ ਸ. ਸੁਖਬੀਰ ਸਿੰਘ ਸੰਧੂ ਅਤੇ ਕਾਰਜਕਾਰੀ ਪ੍ਰਿੰਸੀਪਲ ਸ੍ਰੀ ਪ੍ਰਬਲ ਕੁਮਾਰ ਜੋਸ਼ੀ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਅਤੇ ਅੱਗੇ ਤੋਂ ਖੇਡਾਂ ਵਿੱਚ ਹੋਰ ਵੱਧ ਚੜ ਕੇ ਹਿੱਸਾ ਲੈਣ ਲਈ ਪ੍ਰੇਰਿਤ ਕੀਤਾ ।
