Shivjagruti Senior College, Nalegaon

25/09/2026

*शिवजागृती महाविद्यालयात पंडित दीनदयाल उपाध्याय जयंती साजरी* --------------------------------------- नळेगाव :येथील शिवजागृती महाविद्यालयातील सांस्कृतिक विभागाच्या वतीने दि 25/09/ 2026 रोजी अंत्योदय दिवस व पंडित दीनदयाल उपाध्याय यांची जयंती साजरी करण्यात आली. या कार्यक्रमात डाॅ.लहू वाघमारे यांनी अंत्योदय दिवस आणि पंडित दीनदयाल उपाध्याय यांचे चरित्र कार्य आणि विचार यासंबंधी उपस्थितांना मार्गदर्शन केले यावेळी या कार्यक्रमाला डॉ.कैलास पाळणे, प्रा निळकंठ बोळेगावे,प्रा राहूलदेव कदम, शिवाजी शिरुरे यांच्यासह महाविद्यालयातील सर्व विद्यार्थी,शिक्षक आणि शिक्षकेत्तर कर्मचारी यांची उपस्थिती होती.

25/09/2026

*शिवजागृती महाविद्यालयात आरोग्य विषयक मार्गदर्शन संपन्न*---------------------------------------- नळेगाव :येथील शिवजागृती महाविद्यालयातील युवती मंडळ आणि लैंगिक उत्पिडन समिती यांच्या संयुक्त विद्यमाने दि.25 सप्टेंबर 2026 रोजी महाविद्यालयात महाविद्यालयीन युवतींसाठी आरोग्य विषयक मार्गदर्शन संपन्न झाले. या कार्यक्रमाला अध्यक्ष म्हणून डॉ.लहू वाघमारे यांची उपस्थिती होती. तर मार्गदर्शक म्हणून प्रयाग हॉस्पिटल नळेगाव येथील डॉ.कल्पना देवानंद शेटे यांची उपस्थिती होती. याप्रसंगी मार्गदर्शन करताना डॉ.कल्पना शेटे यांनी वर्तमान काळातील आरोग्य विषयक समस्या, त्या निर्माण होण्याची कारणे, निरोगी राहण्यासाठी घ्यावयाची काळजी, वर्तमान काळातील महिलांच्या आरोग्य विषयक समस्या व त्यावरील उपाय यांविषयी सखोल मार्गदर्शन केले. यावेळी अध्यक्षीय मनोगत व्यक्त करताना डॉ.लहू वाघमारे यांनी विविध आजार निर्माण होण्याची विविध कारणे, महाविद्यालयीन तरुणींनी मानसिक व शारीरिक आरोग्य व्यवस्थित ठेवण्यासाठी घ्यावयाची काळजी, निरोगी तरुणांची देशाला असलेली आवश्यकता यांविषयी मनोगत व्यक्त केले. या कार्यक्रमाचे प्रास्ताविक डॉ. मधुबाला हुडगे यांनी केले.सूत्रसंचालन कु.काशिमबी धानुरे यांनी केले. तर आभार कु.सविता दाडगे यांनी मानले. या कार्यक्रमाला महाविद्यालयातील महिला शिक्षिका व विद्यार्थिनी यांची मोठ्या संख्येने उपस्थिती होती.

24/09/2026

*शिवजागृती महाविद्यालयात रासेयो स्थापना दिन संपन्न* ----------------------------------------- नळेगाव: येथील शिवजागृती महाविद्यालयातील राष्ट्रीय सेवा योजना विभागाच्या वतीने दि. 24 सप्टेंबर 2026 रोजी महाविद्यालयात 'राष्ट्रीय सेवा योजना स्थापना दिन' हा कार्यक्रम संपन्न करण्यात आला. याप्रसंगी या कार्यक्रमाला अध्यक्ष म्हणून डॉ.लहू वाघमारे यांची उपस्थिती होती. तर प्रमुख पाहुणे म्हणून श्रीमती सुशीलादेवी देशमुख महाविद्यालय, लातूर येथील इंग्रजी विभागप्रमुख व स्वामी रामानंद तीर्थ मराठवाडा विद्यापीठ नांदेड येथील राष्ट्रीय सेवा योजना विभागाचे माजी संचालक डॉ.मल्लिकार्जुन करजगी यांची उपस्थिती होती. याप्रसंगी स्वयंसेवकांना मार्गदर्शन करताना त्यांनी राष्ट्रीय सेवा योजनेची उद्दिष्टे, महत्त्व, स्वयंसेवकांची कर्तव्ये आणि वर्तमानकालीन विविध सामाजिक समस्या यांविषयी युवकांसाठी प्रेरणादायी मार्गदर्शन केले. अध्यक्षीय मनोगतातून डॉ.लहू वाघमारे यांनी राष्ट्रीय सेवा योजनेच्या स्थापनेचा उद्देश, या योजनेच्या कार्याचा इतिहास आणि वर्तमान काळात या योजनेची असलेली आवश्यकता यांविषयी मनोगत व्यक्त केले. याप्रसंगी काही स्वयंसेवक व स्वयंसेविकांनीही मनोगत व्यक्त केले. या कार्यक्रमाचे प्रास्ताविक राष्ट्रीय सेवा योजनेचे कार्यक्रमाधिकारी डॉ. चंद्रशेखर ढोले यांनी केले. सूत्रसंचालन अशोक पाटील यांनी केले. तर आभार कनिष्ठ महाविद्यालयाच्या राष्ट्रीय सेवा योजनेचे कार्यक्रमाधिकारी प्रा.विजयकुमार तोंडारे यांनी मानले. या कार्यक्रमाला डॉ.राजाभाऊ माने डॉ.बालाजी डिगोळे, डॉ. नृसिंह बिरादार, प्रा.संतोष वायगावकर प्रा.पी.एम.जाधव यांच्यासह महाविद्यालयातील स्वयंसेवक व स्वयंसेविका मोठ्या संख्येने उपस्थित होत्या.

22/09/2026

*शिवजागृती महाविद्यालयात स्वयंसिद्धा सुविधेबद्दलची प्रबोधन कार्यशाळा*------------------------------------- नळेगाव: येथील शिवजागृती महाविद्यालयातील युवती मंडळाच्या वतीने महाविद्यालयात दिनांक 22 सप्टेंबर 2026 रोजी महाविद्यालयीन विद्यार्थिनींसाठी कार्यरत असलेल्या स्वयंसिद्धा या शासकीय योजनेबद्दलची माहिती विद्यार्थिनींना देण्यासाठी कार्यशाळा घेण्यात आली. स्वामी रामानंद तीर्थ मराठवाडा विद्यापीठ, नांदेड यांनी सुचित केल्याप्रमाणे आयोजित करण्यात आलेल्या या कार्यशाळेत या योजनेच्या संकेत स्थळासंबंधी व सुविधांच्या लिंकसंबंधी माहिती देण्यात आली.यात महाविद्यालयीन विद्यार्थिनींसाठीच्या शासकीय योजना, त्यांच्यासाठींची अस्तित्वात असलेली वस्तिगृहे, समुपदेशन केंद्रे, वन स्टॉप सेंटर्स, सखी निवास, शक्ती सदन, विविध शिष्यवृत्त्या तसेच स्वतःचे फोटो आणि व्हिडिओ या संकेतस्थळावर कसे अपलोड करावे आणि ते कसे पाहावे यासंबंधी यावेळी विद्यार्थिनींना सविस्तर मार्गदर्शन करण्यात आले. या मार्गदर्शनासाठी युवती मंडळाचे प्रमुख ग्रंथपाल डॉ.मधुबाला हुडगे आणि प्रा.गोविंद आदावळे यांची उपस्थिती होती . ही कार्यशाळा यशस्वी करण्यासाठी प्रा.विशाल सोनवणे आणि विनोद सराफ यांनी परिश्रम घेतले

22/09/2026

*शिवजागृती महाविद्यालयात कर्मवीर भाऊराव पाटील यांची जयंती साजरी* ---------------------------------- नळेगाव:- येथील सांस्कृतिक विभाग आणि राष्ट्रीय सेवा योजना विभाग यांच्या संयुक्त विद्यमाने दि 22 सप्टेंबर 2026 रोजी महाविद्यालयात कर्मवीर भाऊराव पाटील यांची जयंती साजरी करण्यात आली. या जयंतीचे औचित्य साधून कर्मवीर भाऊराव पाटील यांच्या प्रतिमेस पुष्पहार अर्पण करून अभिवादन करण्यात आले. या कार्यक्रमासाठी प्रा.डाॅ.लहू वाघमारे, प्रा.विजयकुमार तोंडारे,डॉ. कैलास पाळणे, प्रा.राहूलदेव कदम,डॉ.मधुबाला हुडगे, प्रा.संतोष वायगावकर, संदीप बुंडे,विनोद सराफ, शिवाजी शिरुरे तसेच रासेयो स्वयंसेवक आणि विद्यार्थी यांची उपस्थिती होती.

20/09/2026

https://youtube.com/shorts/FBg36wyte88?si=npJtsXtIpsjsKqzo

Enjoy the videos and music you love, upload original content, and share it all with friends, family, and the world on YouTube.

17/09/2026

शिवजागृती महाविद्यालयात मराठवाडा मुक्ती संग्राम दिन आणि स्वामी रामानंद तीर्थ मराठवाडा विद्यापीठ वर्धापन दिन साजरा करण्यात आला. याप्रसंगी श्री स्वामी विवेकानंद बहुउद्देशीय विकास मंडळ नळेगावचे अध्यक्ष मा. बब्रुवान जाधव यांच्या हस्ते राष्ट्रध्वजाचे ध्वजारोहण करण्यात आले. तर प्राचार्य डॉ.संजय वाघमारे यांच्या हस्ते विद्यापीठ ध्वजाचे ध्वजारोहण करण्यात आले. या कार्यक्रमाला संस्थेचे सचिव मा.उमाकांत मळभागे, कोषाध्यक्ष डॉ. उमाकांत शेटे, सदस्य सुनील गिरवलकर, श्रीमती सुमती गोस्वामी यांची प्रमुख उपस्थिती होती. या उपक्रमाला महाविद्यालयातील सर्व शिक्षक व शिक्षकेत्तर कर्मचारी आणि विद्यार्थी यांची उपस्थिती होती.

07/09/2026

*शिवजागृती महाविद्यालयात ग्रंथ परीक्षणावर कार्यशाळा* --------------------------------------- नळेगाव: येथील शिवजागृती महाविद्यालयातील ग्रंथालय व मराठी विभाग यांच्या संयुक्त विद्यमाने दि.७ सप्टेंबर २०२६ रोजी 'ग्रंथपरीक्षण' या विषयावर कार्यशाळा संपन्न झाली. या कार्यशाळेसाठी अध्यक्ष म्हणून महाविद्यालयाचे प्राचार्य डॉ.संजय वाघमारे यांची उपस्थिती होती. तर मार्गदर्शक म्हणून मराठी विभाग प्रमुख डॉ.लहू वाघमारे यांची उपस्थिती होती. यावेळी मार्गदर्शन करताना डॉ.लहू वाघमारे यांनी ग्रंथ परीक्षण म्हणजे काय, ग्रंथ परीक्षण कसे करावे, ग्रंथ परीक्षणाचे घटक प्रकार, ग्रंथ परीक्षणाची आवश्यकता, त्याचे महत्त्व, स्वरूप आणि परंपरा या अनुषंगाने अनेक साहित्यकृतींची उदाहरणे देऊन मार्गदर्शन केले. कार्यक्रमाच्या अध्यक्षीय मनोगतातून प्राचार्य डॉ.संजय वाघमारे यांनीही ग्रंथ परीक्षणाच्या अनुषंगाने मनोगत व्यक्त केले. या कार्यक्रमाचे प्रास्ताविक ग्रंथपाल डॉ.मधुबाला हुडगे यांनी मांडले, सूत्रसंचालन कु.काशीमबी धानुरे यांनी केले. तर आभार डॉ.बालाजी डिगोळे यांनी मानले. हा कार्यक्रम यशस्वी करण्यासाठी प्रा. गोविंद आदावळे डॉ.अर्चना धनवे प्रा.संतोष वायगावकर , विनोद सराफ यांनी परिश्रम घेतले.या कार्यक्रमाला विद्यार्थी व शिक्षकांची उपस्थिती होती.

06/09/2026

*शिवजागृती महाविद्यालयात शिक्षक दिन साजरा* ------------------------------------------ नळेगाव: येथील शिवजागृती महाविद्यालयातील सांस्कृतिक विभाग आणि राष्ट्रीय सेवा योजना विभाग यांच्या संयुक्त विद्यमाने दि.5 सप्टेंबर 2026 रोजी 'शिक्षक दिन'आणि 'डॉ.सर्वपल्ली राधाकृष्णन'यांची जयंती साजरी करण्यात आली. यावेळी प्रथम महाविद्यालयाचे प्राचार्य डॉ. संजय वाघमारे यांच्या हस्ते डाॅ.सर्वपल्ली राधाकृष्णन यांच्या प्रतिमेला पुष्पहार अर्पण करून अभिवादन करण्यात आले. त्यानंतर शेख सायमा या विद्यार्थिनीने आपले मनोगत व्यक्त केले. या दिनाचे औचित्य साधून श्री.स्वामी विवेकानंद बहुउद्देशीय विकास मंडळ, नळेगाव या संस्थेच्या वतीने महाविद्यालयातील सर्व शिक्षक व शिक्षकेतर कर्मचारी यांचा सत्कार करण्यात आला. या सत्कार समारंभासाठी अध्यक्ष म्हणून महाविद्यालयाचे प्राचार्य डॉ.संजय वाघमारे यांची उपस्थिती होती. संस्थेचे अध्यक्ष मा.बब्रुवान जाधव व सचिव मा. उमाकांत मळभागे यांनी महाविद्यालयातील सर्व शिक्षक व शिक्षकेतर कर्मचारी यांचा पुष्प देऊन सत्कार केला. याप्रसंगी मा.उमाकांत मळभागे यांनी मनोगत व्यक्त केले. तर प्राचार्य डॉ.संजय वाघमारे यांनी अध्यक्षीय मनोगत व्यक्त केले.याप्रसंगी मंचावर प्रा.निळकंठ बोळेगावे यांचीही उपस्थिती होती. या कार्यक्रमाचे प्रास्ताविक, सूत्रसंचालन आणि आभार सांस्कृतिक विभाग प्रमुख डॉ.लहू वाघमारे यांनी केले. या कार्यक्रमाच्या यशस्वीतेसाठी प्रा.विजयकुमार तोंडारे,प्रा.राहूलदेव कदम, डॉ.अर्चना धनवे, डॉ.अरविंद कदम, प्रा विशाल सोनवणे, प्रा.संतोष वायगावकर, प्रा.शिवराम दोडके, श्याम कांबळे, भीमाशंकर सूर्यवंशी, विद्यार्थी तोसिफ दरोगे, राजेश कदम,कु.धानुरे कासिमबी यांनी परिश्रम घेतले.

04/09/2026

*शिवजागृती महाविद्यालयात एड्स जनजागृती अभियान*. ---------------------------------- नळेगाव: येथील शिवजागृती महाविद्यालयातील राष्ट्रीय सेवा योजना विभाग आणि महाराष्ट्र शासन आरोग्य विभाग यांच्या संयुक्त विद्यमाने दि. 4 सप्टेंबर 2026 रोजी महाविद्यालयात 'एड्स जनजागृती अभियान' हा कार्यक्रम साजरा करण्यात आला. या कार्यक्रमाला अध्यक्ष म्हणून महाविद्यालयाचे प्राचार्य डॉ.संजय वाघमारे यांची उपस्थिती होती. तर मार्गदर्शक म्हणून एच.आय. व्ही. विभाग उपजिल्हा रुग्णालय, उदगीर येथील समुपदेशक श्रीमती सुरेखाताई इंगळे यांची उपस्थिती होती. त्यांनी यावेळी विद्यार्थ्यांना या रोगाची कारणे,परिणाम, आजचे या रोगाचे स्वरूप आणि या रोगावरील उपाय यांविषयी मार्गदर्शन केले. यावेळी एच.आय.व्ही विभाग उपजिल्हा रुग्णालय,उदगीर येथील प्रयोगशाळा तंत्रज्ञ श्री गोपाळ श्रीमंगले व एच.आय.व्ही विभाग लातूर येथील जिल्हा सहयोगी राम सदानंदे यांची प्रमुख उपस्थिती होती.अध्यक्षीय मनोगतातून प्राचार्य डॉ. संजय वाघमारे यांनी प्रस्तुत विषयास अनुसरून उपस्थितांना मार्गदर्शन केले. या कार्यक्रमाचे प्रास्ताविक रासेयो कार्यक्रमाधिकारी डॉ. चंद्रशेखर ढोले यांनी केले. सूत्रसंचालन अशोक पाटील यांनी केले. तर आभार रासेयो कार्यक्रमाधिकारी प्रा.विजयकुमार तोंडारे यांनी मानले. या कार्यक्रमाला महाविद्यालयातील रासेयो स्वयंसेवक व शिक्षक यांची उपस्थिती होती.