North Lakhimpur College - Autonomous Student's Union 2020-21

29/07/2022

নৰ্থ লখিমপুৰ কলেজ (স্বা.)ৰ ২০২০-২১ বৰ্ষৰ ছাত্ৰ একতা সভাৰ কাৰ্যকালৰ শেষৰখন কাৰ্যনিৰ্বাহকত মহাবিদ্যালয়ৰ ছাত্ৰ-ছাত্ৰী, শিক্ষক-শিক্ষয়িত্ৰী আৰু কৰ্মচাৰীসকলৰ সুবিধাৰ্থে এটা Health care centre স্থাপনৰ সিদ্ধান্ত গ্ৰহণ কৰা হৈছিল। উক্ত সিদ্ধান্ত মৰ্মে আৰম্ভ হোৱা Health care centre ৰ নিৰ্মাণ কাৰ্য সম্পূৰ্ণ হোৱাত আজি গৃহটিৰ শুভ উদ্বোধন কৰা হয়। উদ্বোধন কৰে মহাবিদ্যালয়ৰ পৰিচালনা সমিতিৰ মাননীয় সভাপতি ড০ মুকুন্দ ৰাজবংশী মহোদয়ে। এই ক্ষেত্ৰত আমাক সৰ্বটো প্ৰকাৰে সহায় কৰাৰ বাবে অধ্যক্ষ মহোদয়ৰ লগতে সকলো শিক্ষাগুৰুলৈ ধন্যবাদ জ্ঞাপন কৰিলোঁ।

22/12/2021

নৰ্থ লখিমপুৰ কলেজ (স্বা:) ২০২০-২১ বৰ্ষৰ ছাত্ৰ-একতা সভাৰ শেষৰ খন কাৰ্যনিৰ্বাহকত হোৱা প্ৰস্থাৱ, সমৰ্থন মৰ্মে ছাত্ৰ-ছাত্ৰী সকলৰ সুবিধা হোৱাকৈ Health care centre ৰ আধাৰশিলা স্থাপন কৰা হয়, এই ক্ষেত্ৰত সকলো প্ৰকাৰে সহায়- সহযোগিতা কৰাৰ বাবে অধ্যক্ষ মহোদয়ক ধন্যবাদ।

22/12/2021

ছাত্ৰ একতা সভাৰ সাধাৰণ নিৰ্বাচনৰ পূৰ্বে আমি প্ৰতিশ্ৰুতি দিছিলোঁ যে, যদি আমি নিৰ্বাচিত হওঁ, তেতিয়া হ'লে আমি ছাত্ৰ একতা সভাৰ তৰফৰ পৰা হোষ্টেল লাইব্ৰেৰীলৈ গ্ৰন্থৰ সাহাৰ্য্য আগবঢ়াম। বহুতো কাৰিকৰী অসুবিধা তথা পৰিস্থিতিৰ লগতে ব্যস্ততাৰ বাবে এই প্ৰতিশ্ৰুতি বাস্তৱ ক্ষেত্ৰত ৰূপায়ণ কৰাত কিছু পলম হৈছিল।
সেই প্ৰতিশ্ৰুতি মৰ্মে কালি ২১/১২/২১ তাৰিখে মহাবিদ্যালয়ৰ চাৰিটা হোষ্টেল, ক্ৰমে মামনি ৰয়ছম গোস্বামী গাৰ্লছ হোষ্টেল, ইন্দিৰা মিৰি গাৰ্লছ হোষ্টেল,সৌৰভ কুমাৰ চলিহা বইজ হোষ্টেল আৰু নিউ বইজ হোষ্টেলত আমি ছাত্ৰ একতা সভাৰ তৰফৰ পৰা গ্ৰন্থৰ সাহাৰ্য্য আগবঢ়াওঁ।
প্ৰতিশ্ৰুতিসমূহ বাস্তৱায়িত কৰাত আমি সফল হ'লো।
আমাৰ এই পদক্ষেপত সঁহাৰি জনাই আমাক সহায়ৰ হাত আগবঢ়োৱা সকলোৰে শ্ৰদ্ধাৰ আমাৰ মহাবিদ্যালয়ৰ শিক্ষাগুৰুসকলক আমি ছাত্ৰ একতা সভাৰ তৰফৰ পৰা অশেষ ধন্যবাদ আৰু কৃতজ্ঞতা জ্ঞাপন কৰিছোঁ।

17/12/2021

15/12/2021

নৰ্থ লখিমপুৰ কলেজ (স্বা:) ৰ উচ্চতৰ মাধ্যমিক শাখা এই বৰ্ষৰ পৰা উঠাই দিয়াত এই বৰ্ষৰ সকলো বিষয়ৰ বহু মূল্যবান কিতাপ কলেজত অপ্ৰয়োজনীয়ভাৱে ৰৈ গৈছিল। ২০২০-২১ বৰ্ষৰ ছাত্ৰ-একতা সভাই এই কিতাপ খিনি ভিতৰুৱা অঞ্চলৰ ছাত্ৰ-ছাত্ৰীৰ সুবিধা হোৱাকৈ আজি শালমৰা এচ.ডি.কে উচ্চ মাধ্যমিক বিদ্যালয়ত বিতৰণ কৰোঁ।

20/11/2021

বিশ্ববিদ্যালয়লৈ উন্নীত হ'ব নৰ্থ লখিমপুৰ কলেজ (স্বা:)
মুখ্যমন্ত্ৰীৰ ঘোষণা 🌸

06/11/2021

নৰ্থ লখিমপুৰ কলেজ (স্বায়ত্তশাসিত) ছাত্ৰ একতা সভাৰ সাহিত্য আৰু আলোচনী বিভাগৰ উদ‍্যোগত আজি কবিতা নিৰ্মাণ আৰু গল্প লিখন সম্পৰ্কীয় এখনি এদিনীয়া কৰ্মশালা সম্পন্ন হয়। কৰ্মশালাখনৰ উদ্বোধন কৰে মহাবিদ্যালয়ৰ অধ‍্যক্ষ ড০ বিমান চন্দ্ৰ চেতিয়া ছাৰে। কৰ্মশালাখনত সমল ব‍্যক্তি হিচাপে উপস্থিত থাকি কবি, ঔপন্যাসিক ড০ মৃদুল শৰ্মা ছাৰে 'কবিতা নিৰ্মাণ' সম্পৰ্কে; গল্পকাৰ তথা সাতসৰী আলোচনীৰ কাৰ্যবাহী সম্পাদক অতনু ভট্টাচাৰ্য ছাৰে 'গল্প লিখন' সম্পৰ্কে আৰু মহাবিদ্যালয়ৰ অসমীয়া বিভাগৰ মুৰব্বী অধ‍্যাপক, লেখক, সমালোচক ড০ অৰবিন্দ ৰাজখোৱা ছাৰে লেখনৰ সৈতে জড়িত বিভিন্ন কাৰিকৰী কথাৰ বিষয়ে অংশগ্ৰহণকাৰীসকলৰ আগত বক্তব্য দাঙি ধৰে।

06/11/2021

নৰ্থ লখিমপুৰ কলেজ (স্বায়ত্তশাসিত)ৰ অসমীয়া বিভাগ আৰু ছাত্র একতা সভাৰ সাহিত্য আৰু আলোচনী শাখাৰ যৌথ উদ‍্যোগত যোৱা ইং ০৫-১১-২০২১ তাৰিখে মহাবিদ্যালয়ৰ ৰংঘৰ প্ৰেক্ষাগৃহত 'গল্পকথা - গল্প আৰু সংগীতৰ যুগলবন্দী' শীৰ্ষক এক বিশেষ অনুষ্ঠানৰ আয়োজন কৰোঁ।

অনুষ্ঠানটিত উপস্থিত থাকি গল্পপাঠ কৰে বিশিষ্ট গল্পকাৰ অতনু ভট্টাচাৰ্য‌ই। লগতে উপস্থিত থাকে সংগীত শিল্পী মিতালী দে'। মহাবিদ্যালয়ৰ অধ‍্যক্ষ ড০ বিমান চন্দ্ৰ চেতিয়াছাৰে উদ্ধোধন কৰা গল্পকথাত মহাবিদ‍্যালয়ৰ ছাত্ৰ-ছাত্ৰী, শিক্ষক-শিক্ষয়িত্ৰী আৰু মহাবিদ্যালয়ৰ বহুকেইজন প্ৰাক্তন ছাত্র-ছাত্ৰী উপস্থিত থাকে।

#বিশেষ ধন্যবাদ― আমাৰ নিমন্ত্ৰণ ৰক্ষা কৰি সুদূৰ গুৱাহাটীৰ পৰা আহি আমাৰ মাজত উপস্থিত হোৱা অনুষ্ঠানটোৰ মূল ব‍্যক্তিদ্বয় : অতনু ভট্টাচাৰ্য ছাৰ আৰু মিতালী দে' বাইদেউলৈ।

অনুষ্ঠানটো আয়োজনত বিভিন্ন ধৰণেৰে সহায় কৰা প্ৰত‍্যকজন ব‍্যক্তিলৈ অশেষ কৃতজ্ঞতা জনালোঁ।

অনুষ্ঠানটোত উপস্থিত থকা সকলোলৈও আমি আন্তৰিকতাৰে ধন্যবাদ জ্ঞাপন কৰিলোঁ।

19/10/2021

স্নাতক দ্বিতীয় আৰু তৃতীয় বৰ্ষৰ বিনামূলীয়া নামভৰ্তিৰ ক্ষেত্ৰত এই মহামাৰীৰ সময়ত যি ৭৫% উপস্থিতি বাধ্যতামূলক কৰা হৈছে, এই ক্ষেত্ৰত বহুতো ছাত্ৰ-ছাত্ৰী সমস্যাৰ সন্মুখীন হৈছে, সেই সন্দৰ্ভত উচিত ব্যৱস্থা গ্ৰহণ কৰিবলৈ মহাবিদ্যালয়ৰ ছাত্ৰ-একতা সভাই আজি অধ্যক্ষ মহোদয়ক এখন স্মাৰক পত্ৰ প্ৰদান কৰোঁ।

17/10/2021

নৰ্থ লখিমপুৰ কলেজৰ ছাত্ৰ-ছাত্ৰীসকলৰ বাবে‌।

কৰ্মশালাখনত অংশগ্ৰহণৰ বাবে মহাবিদ্যালয়ৰ আগ্ৰহী ছাত্র-ছাত্ৰীসকলে তলত দিয়া লিংকত ক্লিক কৰি হোৱাটচ্এপ গ্ৰুপটোত জ‌ইন হ‌ওক।
https://chat.whatsapp.com/Excd9qsE7orHBIZd5npz3m