15/10/2026
श्रीराम एज्युकेशन सोसायटी फलटणचे, सौ. वेणूताई चव्हाण गर्ल्स हायस्कूल व ज्युनिअर कॉलेज फलटण येथे शारदीय नवरात्रोत्सव सालाबाद प्रमाणे उत्साहात संपन्न --------
सर्व मंगल मांगल्ये
शिवे सर्वार्थ साधिके
शरण्ये त्र्यंबके गौरी
नारायणी नमोस्तुते
सोमवार, दिनांक: 12 ऑक्टोबर 2026 ते 14 ऑक्टोबर 2026 या कालावधीत प्रशालेत शारदीय नवरात्रोत्सवानिमित्त विविध कार्यक्रमांचे आयोजन करण्यात आले.
याअंतर्गत सोमवार दिनांक 12 ऑक्टोबर 2026 रोजी विद्यार्थिनींसाठी प्रशालेत फनी गेम्स, फूड फेस्टिवल ,सक्षम व्यवसाय कार्यशाळा, रांगोळी स्पर्धा व भोंडला असा भरगच्च कार्यक्रम राबविण्यात आला. रोजच्या शालेय अभ्यासक्रमातून बाहेर पडून विद्यार्थिनींनी फनी गेम्सचा मनमुराद आनंद लुटला. यामध्ये डोळे बांधून फुगा फोडणे, पायाला फुगे बांधून ते फोडणे, चमचा गोटी अशा विविध फनी गेम्सचा समावेश करण्यात आला.
फनी गेम्स नंतर विद्यार्थिनींना पाक कौशल्यातून व्यवसाय कसा करता येईल याचा अनुभव घेण्यासाठी फूड फेस्टिवलचे आयोजन करण्यात आले. संस्थेच्या अध्यक्षा श्रीमती. सविता सुभाषराव सूर्यवंशी (बेडके) यांच्या हस्ते फूड फेस्टिवलचे उद्घाटन करण्यात आले. यावेळी नियामक मंडळाच्या सदस्या सौ. ज्योती सचिन सूर्यवंशी (बेडके) याही उपस्थित होत्या. त्यांनी फूड स्टॉलला भेट देऊन विद्यार्थिनींनी तयार केलेल्या पदार्थांचा आस्वाद घेऊन सर्व विद्यार्थिनींचे कौतुक केले. सर्व विद्यार्थिनींनी फूड स्टॉलमध्ये आवळा, पेरू, चिंच, उपवासाचे पदार्थ, पावभाजी, खरवस ते मोमोज अशा विविध पदार्थांची चव चाखली.
शासनाने यावर्षीपासून 'सक्षम व्यवसाय कार्यशाळा' हा उपक्रम सुरू केला आहे, मात्र श्रीराम एज्युकेशन सोसायटीचे मानद सचिव डॉ. श्री. सचिन सुभाषराव सूर्यवंशी (बेडके) यांच्या मार्गदर्शनाखाली गेली अनेक वर्षे विद्यार्थिनींमध्ये व्यावसायिक कौशल्य विकसित व्हावे म्हणून प्रशालेमध्ये हा उपक्रम राबविला जात आहे. या उपक्रमांतर्गत विद्यार्थिनींनी मॅट रांगोळी, सुवासिक मेणबत्त्या, टाकाऊ पासून टिकाऊ वस्तू, आर्टिफिशियल फुले, मोत्यांचे अलंकार, पणत्या अशा विविध वस्तूंचे प्रदर्शन व विक्री केली. याचबरोबर रांगोळी स्पर्धेत विद्यार्थिनींनी आपला उत्स्फूर्त सहभाग नोंदविला. यामध्ये विद्यार्थिनींनी फुलांची रांगोळी, पाण्यातील रांगोळी, धान्याची रांगोळी काढून त्यातून देवीची विविध रूपे रेखाटली.
प्रशालेमध्ये महाराष्ट्रातील एक पारंपरिक आणि सांस्कृतिक लोककला उत्सव 'भोंडला' या कार्यक्रमाचे आयोजन करण्यात आले. अश्विन महिन्यात हा सण विशेषतः नवरात्रात साजरा केला जातो. यामध्ये विद्यार्थिनींनी शेती, पाऊस, निसर्ग यांच्या प्रती कृतज्ञता व्यक्त करणारी गाणी म्हणून एकमेकींची खिरापत ओळखून आनंद लुटला.
मंगळवार, दिनांक: 13 ऑक्टोबर 2026 रोजी देवीची प्रतिष्ठापना श्रीराम एज्युकेशन सोसायटीच्या अध्यक्षा श्रीमती. सविता सुभाषराव सूर्यवंशी (बेडके), संस्थेचे मानद सचिव आदरणीय डॉ. श्री. सचिन सुभाषराव सूर्यवंशी (बेडके), नियामक मंडळाचे सदस्य श्री. महेंद्र सुभाषराव सूर्यवंशी (बेडके), सदस्या सौ. ज्योती सचिन सूर्यवंशी (बेडके), तसेच सौ. वेणूताई चव्हाण गर्ल्स हायस्कूल व ज्युनिअर कॉलेजच्या प्राचार्या सौ. सुरवसे व्ही. के., यशवंतराव चव्हाण हायस्कूल व ज्युनिअर कॉलेजच्या प्राचार्या सौ. गायकवाड एन. एम., मालोजीराजे प्राथमिक विद्यालयाच्या प्राचार्या सौ. खरात जे. ए., यशवंतराव चव्हाण हायस्कूलचे उपप्राचार्य श्री. घनवट पी. डी., तसेच सर्व शिक्षक, शिक्षकेतर कर्मचारी तसेच माजी सेवानिवृत्त पर्यवेक्षिका सौ. भट्टड ए. बी., सर्व विद्यार्थिनी व पालक उपस्थित होते.
देवी प्रतिष्ठापनेनंतर प्रशालेतील शिक्षिकांनी देवीची आरती व भजन सादर केले. नंतर वर्षभर विद्यार्थिनी ज्या कार्यक्रमाची आतुरतेने वाट पाहतात, अशा सांस्कृतिक कार्यक्रमाची सुरुवात श्रीराम एज्युकेशन सोसायटीच्या अध्यक्षा श्रीमती. सविता सुभाषराव सूर्यवंशी (बेडके) व नियामक मंडळाच्या सदस्या सौ. ज्योती सचिन सूर्यवंशी (बेडके) वहिनींच्या हस्ते दीपप्रज्वलनाने करण्यात आली. सर्वप्रथम प्रशालेतील विद्यार्थिनींनी स्वहस्ते तयार केलेल्या 'अंकुर' या हस्तलिखिताचे उद्घाटन करण्यात आले. यानंतर विविध स्पर्धांमध्ये विशेष प्राविण्य मिळवलेल्या विद्यार्थिनींना मान्यवरांच्या हस्ते बक्षीस वितरण करण्यात आले.
सांस्कृतिक कार्यक्रमाची सुरुवात मराठी साहित्याचा प्रवास दर्शविणाऱ्या *'आजी सोनियाचा दिनु'* या ज्ञानेश्वर माऊलींच्या अभंगाने करण्यात आली. यानंतर विविध गुणदर्शनाचे कार्यक्रम विद्यार्थिनींनी उत्कृष्टरित्या सादर केले. या कार्यक्रमाचे सूत्रसंचालन उपशिक्षिका सौ. पवार एस. आर. व प्रशालेतील विद्यार्थिनी यांनी केले. प्रास्ताविक उपशिक्षिका सौ. वाघमारे एस एन. व आभार उपशिक्षिका सौ. सोनवणे एम. व्ही. यांनी मानले.
बुधवार, दिनांक: 14 ऑक्टोबर 2026 रोजी प्रशालेतील विद्यार्थिनींसाठी ह. भ. प. श्री. पोपटराव शंकरराव नाळे महाराज यांचे *'कर्म आणि परमार्थ'* कीर्तन आयोजित करण्यात आले होते . या कीर्तन सेवेत राम कृष्ण हरी का म्हणावे, रामाचे आपल्या जीवनातील महत्त्व काय आहे हे किर्तनरुपी सेवेतून विद्यार्थिनींना पटवून सांगितले. यानंतर विद्यार्थिनींसाठी प्रशालेत महाप्रसादाचे आयोजन करण्यात आले. देवीला नैवेद्य दाखविल्यानंतर श्रीराम संकुलातील सौ. वेणूताई चव्हाण गर्ल्स हायस्कूल व ज्युनिअर कॉलेज फलटण, यशवंतराव चव्हाण हायस्कूल व ज्युनिअर कॉलेज फलटण, सौ.वेणूताई चव्हाण डी फार्मसी कॉलेज फलटण नामदेवराव नामदेवराव सूर्यवंशी (बेडके) महाविद्यालय फलटण, श्रीमंत मालोजीराजे प्राथमिक विद्यामंदिर फलटण, सोनाई बालक मंदिर फलटण, येथील सर्व विद्यार्थी, विद्यार्थिनी, शिक्षक व शिक्षकेतर यांनी महाप्रसादाचा आस्वाद घेतला.
अशाप्रकारे मोठ्या उत्साहात आनंददायी वातावरणात शारदीय नवरात्र उत्सव प्रशालेत संपन्न झाला.
#फलटण
