Vasantrao Purke Art & Sci Jr. College Pusad

21/09/2026

*जिल्हास्तरीय कुस्ती स्पर्धेत व्हि. पी. कनिष्ठ महाविद्यालयाच्या आदित्य करणची दमदार कामगिरी*

व्हि. पी. कला व विज्ञान कनिष्ठ महाविद्यालय, बोरगडी येथील वर्ग बारावी सायन्स मधील विद्यार्थी आदित्य मारोती करण याने जिल्हास्तरीय कुस्ती स्पर्धेत उल्लेखनीय कामगिरी करत ५५ किलो वजन गटात प्रथम क्रमांक पटकावला. त्याच्या या यशामुळे त्याची विभागीय कुस्ती स्पर्धेसाठी निवड झाली असून महाविद्यालयाच्या शिरपेचात आणखी एक मानाचा तुरा खोवला गेला आहे.

आदित्य करण याने जिल्हास्तरीय कुस्ती स्पर्धेत आपल्या उत्कृष्ट खेळाचे प्रदर्शन करत प्रतिस्पर्ध्यांवर मात केली. मेहनत, सातत्य, शिस्त आणि आत्मविश्वासाच्या जोरावर त्याने ५५ किलो वजन गटात प्रथम क्रमांक मिळविला. त्याच्या या उल्लेखनीय कामगिरीबद्दल महाविद्यालय परिसरात आनंदाचे वातावरण निर्माण झाले आहे.

आदित्यच्या यशाबद्दल व्हि. पी. कला व विज्ञान कनिष्ठ महाविद्यालयाच्या प्राचार्य प्रांजली दीक्षित मॅडम यांनी त्याचे अभिनंदन करून पुढील विभागीय स्पर्धेसाठी हार्दिक शुभेच्छा दिल्या. तसेच संस्थेचे अध्यक्ष मा. रंगराव काळे साहेब यांनीही आदित्यच्या यशाचे कौतुक करत त्याला पुढील वाटचालीसाठी शुभेच्छा दिल्या.

यावेळी महाविद्यालयातील सर्व शिक्षक व शिक्षकेतर कर्मचारी यांनी आदित्यचे अभिनंदन केले. ग्रामीण भागातील विद्यार्थ्यांमध्येही क्रीडा क्षेत्रात उत्तम गुणवत्ता असून योग्य मार्गदर्शन, सराव आणि संधी मिळाल्यास विद्यार्थी विविध स्तरांवर यश संपादन करू शकतात, हे आदित्यच्या कामगिरीतून दिसून आले.

आदित्यने मिळविलेल्या या यशाबद्दल त्याचे सर्व स्तरांतून कौतुक होत असून, आगामी विभागीय कुस्ती स्पर्धेतही त्याने उत्तम कामगिरी करून महाविद्यालयाचे नाव उज्ज्वल करावे, अशा शुभेच्छा प्राचार्य, संस्थाध्यक्ष, शिक्षक व शिक्षकेतर कर्मचाऱ्यांनी व्यक्त केल्या.

06/09/2026

🌸 Happy Teachers’ Day! 🌸

V. P. Arts & Science Jr. College, Borgadi, celebrated Teachers’ Day with great enthusiasm and respect for our wonderful teachers. 📚✨

The programme was graced by the presence of our respected Principal, Dixit Ma’am, and President, Rangrao Kale Sir, along with our dedicated Teaching & Non-Teaching Staff and enthusiastic students.

On this special occasion, our students took the initiative to handle the school/college activities, experiencing the responsibilities of teachers and expressing their gratitude towards their mentors. 👩‍🏫👨‍🏫

A heartfelt thank you to all our teachers for guiding, inspiring, and shaping the future of our students. ❤️

🌷 Happy Teachers’ Day to all our inspiring teachers! 🌷

03/09/2026

20/08/2026

सद्भावना दिवस उत्साहात साजरा

व्ही. पी. आर्ट्स अँड सायन्स ज्युनिअर कॉलेज, बोरगडी येथे सद्भावना दिवस उत्साहपूर्ण वातावरणात साजरा करण्यात आला. यावेळी महाविद्यालयाच्या प्राचार्या दिक्षित मॅडम, अध्यक्ष रंगराव काळे सर, तसेच महाविद्यालयातील सर्व शिक्षक व शिक्षकेतर कर्मचारी उपस्थित होते.

कार्यक्रमादरम्यान उपस्थितांनी राष्ट्रीय एकात्मता, बंधुभाव, शांतता आणि सामाजिक सलोखा यांची भावना जोपासण्याची प्रतिज्ञा घेतली. समाजात प्रेम, सहकार्य आणि सद्भावना वाढविण्यासाठी प्रत्येकाने योगदान द्यावे, असा संदेश यावेळी देण्यात आला.

प्राचार्या दिक्षित मॅडम यांच्या मार्गदर्शनाखाली आयोजित करण्यात आलेल्या या कार्यक्रमास अध्यक्ष रंगराव काळे सर तसेच शिक्षक व शिक्षकेतर कर्मचाऱ्यांचा उत्स्फूर्त सहभाग लाभला. कार्यक्रमाच्या माध्यमातून विद्यार्थ्यांमध्ये एकता, बंधुभाव आणि सामाजिक जबाबदारीची जाणीव निर्माण करण्याचा संदेश देण्यात आला.

15/08/2026

व्हि. पी. कला व विज्ञान कनिष्ठ महाविद्यालय व एम.जे.के. इंग्लिश स्कूल, बोरगडी येथे ८० वा स्वातंत्र्य दिन उत्साहात साजरा

बोरगडी : व्हि. पी. कला व विज्ञान कनिष्ठ महाविद्यालय व एम.जे.के. इंग्लिश स्कूल, बोरगडी येथे ८० वा स्वातंत्र्य दिन देशभक्तीपूर्ण वातावरणात उत्साहात साजरा करण्यात आला. संस्थेचे अध्यक्ष मा. रंगराव काळे साहेब, सचिव सौ. अनिताताई काळे मॅडम, प्रियंका काळे मॅडम, कनिष्ठ महाविद्यालयाच्या प्राचार्या प्रांजली दीक्षित मॅडम व एम.जे.के. इंग्लिश स्कूलचे प्राचार्य तुषार देशमुख सर यांची प्रमुख उपस्थिती होती.

प्रियंका काळे मॅडम यांच्या हस्ते ध्वजारोहण करण्यात आले. त्यानंतर राष्ट्रगीताचे सामूहिक गायन करण्यात आले. विद्यार्थ्यांनी नृत्य, भाषण, देशभक्तीपर गीत व विविध सांस्कृतिक कार्यक्रम सादर करून उपस्थितांची मने जिंकली. भूमिका राठोड व संतोषी वंजारे यांनी प्रभावी देशभक्तीपर भाषणे केली, तर बारावीच्या विद्यार्थिनींच्या समूह नृत्याला विशेष दाद मिळाली.

‘हर घर तिरंगा’ अभियानांतर्गत भाषण, नृत्य, देशभक्तीपर गीत व रांगोळी अशा विविध स्पर्धांचे आयोजन करण्यात आले. उत्कृष्ट कामगिरी करणाऱ्या विद्यार्थ्यांचा प्रमाणपत्र व मेडल देऊन गौरव करण्यात आला.

यावेळी अध्यक्ष मा. रंगराव काळे साहेब यांनी विद्यार्थ्यांना देशप्रेम, शिस्त व सामाजिक बांधिलकी जोपासण्याचे आवाहन केले. प्राचार्या प्रांजली दीक्षित मॅडम यांनी विद्यार्थ्यांना नशामुक्तीची शपथ, तसेच इयत्ता दहावी व बारावीच्या विद्यार्थ्यांना कॉपीमुक्तीची शपथ दिली.

कार्यक्रमास शिक्षक , शिक्षकेतर कर्मचारी, विद्यार्थी व पालक मोठ्या संख्येने उपस्थित होते. सर्वांच्या उत्स्फूर्त सहभागामुळे स्वातंत्र्य दिनाचा सोहळा आनंददायी व शिस्तबद्ध वातावरणात संपन्न झाला.

27/01/2026

*व्ही. पी. कला व विज्ञान कनिष्ठ महाविद्यालय, बोरगडी येथे क्रॉप सायन्स या विषयांतर्गत भव्य सीड प्रदर्शनीचे आयोजन*

दि:26/01/2025 रोजी
व्ही. पी. कला व विज्ञान कनिष्ठ महाविद्यालय, बोरगड येथे क्रॉप सायन्स या विषयांतर्गत भव्य सीड (बियाणे) प्रदर्शनाचे आयोजन करण्यात आले होते. या प्रदर्शनात तब्बल 1000 पेक्षा अधिक प्रकारच्या बियांची आकर्षक मांडणी करण्यात आली होती. यामध्ये विविध प्रकारच्या फळभाज्या, फुले, कडधान्ये, रानबिया, तेलबिया तसेच दुर्मिळ व पारंपरिक जातींच्या बियांचा व विविध प्रकारच्या औषधी वनस्पतीच्या बियांचा समावेश होता.

या प्रदर्शनात विद्यार्थ्यांनी मोठ्या उत्साहाने सहभाग नोंदविला. प्रत्येक विद्यार्थ्याने आपले सादरीकरण अतिशय नाविन्यपूर्ण, माहितीपूर्ण व शास्त्रीय पद्धतीने केले. दुर्मिळ जातींच्या बिया संकलित करून त्यांची माहिती देत विद्यार्थ्यांनी आपली संशोधनवृत्ती आणि सर्जनशीलता दाखवून दिली.

विद्यार्थ्यांच्या सादरीकरणाच्या आधारे गुणांकन करण्यात आले. त्यामध्ये
इयत्ता १२ वी विज्ञान विभागातून
1. पार्थ व्यवहारे
2. आर्यन पाईकराव
3. स्वरा सोनटक्के
इयत्ता ११ वी विज्ञान विभागातून
1. धनश्री दुधाने
2. सेजल घाटे
3. सृष्टी बेहेरे
या विद्यार्थ्यांनी उत्कृष्ट सादरीकरण केल्याबद्दल त्यांना विशेष गुण देण्यात आले.

या कार्यक्रमाच्या उद्घाटनप्रसंगी संस्थेच्या सचिव मा. सौ. अनिताताई काळे मॅडम, चिलवाडी गावच्या सरपंच संगीताताई काळे मॅडम, प्रियंका काळे मॅडम तसेच महाविद्यालयाच्या प्राचार्या दीक्षित मॅडम उपस्थित होत्या. उपस्थित मान्यवरांनी सीड प्रदर्शनाचे भरभरून कौतुक करत विद्यार्थ्यांच्या उपक्रमशीलतेचे अभिनंदन केले व पुढील वाटचालीस शुभेच्छा दिल्या.
क्रॉप सायन्स विषयाच्या विभागप्रमुख प्रा. कोल्हे मॅडम यांनी या सीड एक्झिबिशनसाठी विशेष पुढाकार घेऊन अत्यंत उत्कृष्ट नियोजन केले. त्यांच्या मार्गदर्शनामुळे हा उपक्रम यशस्वीरीत्या पार पडला.

या कार्यक्रमाच्या यशस्वी आयोजनासाठी महाविद्यालयातील सर्व शिक्षक व शिक्षकेतर कर्मचारी यांचे मोलाचे सहकार्य लाभले.

26/01/2026

*व्हि.पी. कला व विज्ञान कनिष्ठ महाविद्यालय, बोरगडी येथे ७७ वा प्रजासत्ताक दिन उत्साहात साजरा*

व्हि.पी. कला व विज्ञान कनिष्ठ महाविद्यालय, बोरगडी येथे भारताचा ७७ वा प्रजासत्ताक दिन अत्यंत उत्साहपूर्ण व देशभक्तीमय वातावरणात साजरा करण्यात आला. कार्यक्रमाच्या अध्यक्षस्थानी संस्थेचे अध्यक्ष सन्माननीय रंगरावजी काळे साहेब होते. त्यांच्या शुभहस्ते ध्वजारोहण संपन्न झाले. यावेळी ध्वजारोहणाच्या आधी संविधानाच्या उद्देशिकेचे वाचन प्राचार्य दिक्षित मॅडम यांनी केले.

या वेळी संस्थेचे उपाध्यक्ष डॉ. अनुरंग काळे सर, संस्थेच्या सचिव मा. अनिताताई काळे मॅडम, महाविद्यालयाच्या प्राचार्य
दिक्षित मॅडम, तसेच प्रियंका काळे मॅडम तसेच डॉक्टर संकेत काळे सर यांची प्रमुख उपस्थिती होती.

प्रजासत्ताक दिनाच्या निमित्ताने इयत्ता बारावी विज्ञान शाखेच्या विद्यार्थ्यांनी देशभक्तीपर भाषणे सादर केली. यामध्ये वेदांत वझरकर, आर्यन पाईकराव व अतिश जुमले या विद्यार्थ्यांनी ७७ व्या प्रजासत्ताक दिनाचे महत्त्व, भारतीय संविधानाची मूल्ये आणि देशप्रेम याविषयी आपले विचार प्रभावीपणे मांडले.
तसेच याच कार्यक्रमात इयत्ता बारावी विज्ञान शाखेचा विद्यार्थी राधेश्याम बेदरकर यांनी देशभक्तीपर गीत “वंदे मातरम्” सादर केले.
यावेळी महाविद्यालयाच्या गुणवत्ता यादीत स्थान मिळवलेल्या विद्यार्थ्यांचा सत्कार करण्यात आला. विज्ञान शाखेमधून कु. प्रज्ञा अगम, श्रेया बांगर व उन्नती सोनटक्के, तर कला शाखेतून प्रथम क्रमांक प्राप्त करणाऱ्या अश्विनी खडसे, भाविका पाईकराव व अनुष्का हारके या विद्यार्थिनींचा मान्यवरांच्या हस्ते सत्कार करण्यात आला. तसेच खेळ व इतर विविध उपक्रमांमध्ये यश संपादन करणाऱ्या विद्यार्थ्यांना ट्रॉफी व प्रमाणपत्रे देऊन गौरविण्यात आले.
कार्यक्रमाच्या समारोपप्रसंगी संस्थेचे अध्यक्ष माननीय रंगरावजी काळे साहेब यांनी मार्गदर्शनपर भाषण केले. त्यांनी विद्यार्थ्यांना येणाऱ्या बारावीच्या परीक्षेसाठी मनःपूर्वक शुभेच्छा दिल्या तसेच भारतीय संविधानाचे महत्त्व, त्यातील मूल्ये व जबाबदार नागरिक म्हणून विद्यार्थ्यांनी बजावायच्या भूमिकांबाबत सविस्तर माहिती दिली.
संपूर्ण कार्यक्रम देशभक्तीच्या घोषणांनी, उत्साहपूर्ण वातावरणात आणि आनंददायी वातावरणात संपन्न झाला.

12/01/2026

*महाविद्यालयीन गटाच्या वकृत्व स्पर्धेत तृतीय क्रमांक प्राप्त विद्यार्थिनी कु. भूमिका वसंता राठोड हिचा गौरव*

पुसद : श्री रामकृष्ण विवेकानंद सेवा संस्था, पुसद यांच्या वतीने आयोजित महाविद्यालयीन गटाच्या वकृत्व स्पर्धेत वसंतराव पुरके कला व वाणिज्य महाविद्यालय, बोरगडी (ता. पुसद) येथील विद्यार्थिनी कु. भूमिका वसंता राठोड हिने उत्कृष्ट सादरीकरण करत तृतीय क्रमांक प्राप्त केला. या उल्लेखनीय यशाबद्दल तिची बक्षीसाकरिता निवड करण्यात आली .
या प्रसंगी संस्थेचे माननीय अध्यक्ष श्री. रंगराव काळे साहेब यांनी कु. भूमिकाचे मनःपूर्वक अभिनंदन करून तिच्या पुढील शैक्षणिक व वक्तृत्व क्षेत्रातील वाटचालीसाठी शुभेच्छा दिल्या. विद्यार्थ्यांमधील वक्तृत्व कौशल्य, आत्मविश्वास आणि विचारमांडणी विकसित होण्यासाठी अशा स्पर्धा अत्यंत उपयुक्त ठरतात, असे मत त्यांनी व्यक्त केले.

कार्यक्रमास महाविद्यालयाचे प्राचार्य दीक्षित मॅडम, प्राध्यापक देशमुख मॅडम तसेच अन्य मान्यवर उपस्थित होते. यावेळी कु. भूमिका राठोड हिने मान्यवरांच्या हस्ते बक्षीस स्वीकारले. तिच्या यशामुळे महाविद्यालयाच्या शैक्षणिक व सांस्कृतिक परंपरेला नवी उंची प्राप्त झाली असल्याची भावना उपस्थितांनी व्यक्त केली.

या यशाबद्दल महाविद्यालयातील सर्व शिक्षक व शिक्षकेतर कर्मचाऱ्यांनी कु. भूमिकाचे अभिनंदन करून तिला पुढील स्पर्धांसाठी प्रोत्साहन व शुभेच्छा दिल्या. विद्यार्थिनीच्या या यशामुळे इतर विद्यार्थ्यांनाही प्रेरणा मिळेल, असा विश्वास यावेळी व्यक्त करण्यात आला.

कार्यक्रमाचे वातावरण उत्साहपूर्ण असून कु. भूमिका राठोडच्या यशाचे सर्वत्र कौतुक करण्यात येत आहे.

05/12/2025

*व्ही.पी. कला व विज्ञान कनिष्ठ महाविद्यालयाला तालुकास्तरीय विज्ञान प्रदर्शनात तिसरा क्रमांक*

पुसद, दि. 5 डिसेंबर
शालेय शिक्षण व क्रीडा विभाग महाराष्ट्र शासन, राज्य विज्ञान संस्था नागपूर, शिक्षण विभाग पंचायत समिती पुसद यांच्या विद्यमाने आयोजित ५३ वे तालुकास्तरीय विज्ञान प्रदर्शनी २०२५-२६ उत्साहात पार पडली. या प्रदर्शनात व्ही.पी. कला व विज्ञान कनिष्ठ महाविद्यालय, बोरगडी येथील विद्यार्थ्यांनी उल्लेखनीय सहभाग नोंदविला.

या विज्ञान प्रदर्शनीत कनिष्ठ महाविद्यालयातील दोन प्रोजेक्ट्स सादर करण्यात आले
🔹Smart AI Irrigation System — विद्यार्थी –आदित्य वखरकर
🔹 Green Energy Smart City — विद्यार्थी श्री कुरिल, शुभ कुरिल व मोहित नायक

सादर केलेल्या प्रोजेक्ट्सपैकी “Smart AI Irrigation System” या प्रकल्पाला परीक्षकांकडून विशेष प्रशंसा प्राप्त झाली आणि या प्रकल्पाला प्रदर्शनीत तिसरा क्रमांक मिळाल्याची गौरवशाली नोंद झाली. हा संपूर्ण प्रोजेक्ट प्रा. डॉ.माथनकर सर यांच्या मार्गदर्शनाखाली यशस्वीरीत्या सादर करण्यात आला.

यावेळी संस्थेच्या प्राचार्या प्रांजली दीक्षित मॅडम विद्यार्थ्यांसोबत उपस्थित राहून त्यांनी पुरस्कार स्विकारला. त्यांच्या सततच्या प्रेरणा व मार्गदर्शनाचा विद्यार्थ्यांना मोठा आधार मिळाला. तसेच संस्थेचे अध्यक्ष माननीय रंगराव काळे साहेब यांच्या मार्गदर्शनाखाली हा प्रकल्प अधिक उत्कृष्ट बनला.

यावेळी संस्थेचे अध्यक्ष मा. रंगराव काळे साहेब प्राचार्य प्रांजली दीक्षित मॅडम तसेच सर्व शिक्षक व शिक्षकेतर कर्मचारी यांनी सहभागी सर्व विद्यार्थ्यांचे तसेच क्रमांक पटकावलेल्या विद्यार्थ्यांचे मनःपूर्वक अभिनंदन केले. विद्यार्थ्यांनी यापुढील वाटचालीत यश संपादन करावे, अशा शुभेच्छाही दिल्या.