Vasantrao Purke Art & Sci Jr. College Pusad

02/05/2026

🏆 *शंभर टक्के निकालाची परंपरा कायम; व्ही.पी. कला व विज्ञान कनिष्ठ महाविद्यालयाचा भव्य यशोत्सव*🏆

बोरगडी येथील व्ही.पी. कला व विज्ञान कनिष्ठ महाविद्यालयाने शैक्षणिक वर्ष २०२५-२६ मध्ये पुन्हा एकदा १००% निकालाची उज्ज्वल परंपरा कायम राखत जिल्ह्यात आपली गुणवत्ता सिद्ध केली आहे. ४०७ विद्यार्थ्यांपैकी सर्व ४०७ विद्यार्थी उत्तीर्ण होत शंभर टक्के निकालाची नोंद करण्यात आली.
या उल्लेखनीय यशामुळे संस्थेच्या गुणवत्तापूर्ण शिक्षणाची पुन्हा एकदा प्रचिती आली.सातत्य, शिस्त आणि गुणवत्तेचा मिलाफ साधत महाविद्यालयाने केवळ निकालातच नव्हे, तर विद्यार्थ्यांच्या सर्वांगीण विकासातही उल्लेखनीय कामगिरी केली आहे. या यशामुळे संपूर्ण परिसरात आनंदाचे आणि अभिमानाचे वातावरण निर्माण झाले आहे.

महाविद्यालयाचा निकाल हा केवळ आकड्यांचा खेळ नसून विद्यार्थ्यांच्या अथक परिश्रमांचा, शिक्षकांच्या मार्गदर्शनाचा आणि संस्थेच्या दूरदृष्टीपूर्ण नियोजनाचा परिणाम आहे. विद्यार्थ्यांनी वर्षभर केलेल्या नियमित अभ्यास, सराव परीक्षा, तसेच वेळोवेळी घेतलेल्या मार्गदर्शन सत्रांचा या यशामध्ये मोठा वाटा आहे.

🔹 विज्ञान शाखेचा दैदिप्यमान निकाल :
विज्ञान शाखेमध्ये यंदा विद्यार्थ्यांनी उल्लेखनीय यश संपादन करत उच्च दर्जाची कामगिरी केली आहे.
*🔹बायोलॉजी या विषयांमध्ये 82 विद्यार्थ्यांनी 90 पेक्षा जास्त गुण मिळवून दैदीप्यमान यश मिळविले. यामध्ये शिक्षकांचेअथक परिश्रम व विद्यार्थ्यांची जिद्द व मेहनत दिसून येते*

*१)मानसी राजीव भेंडे हिने ९१.१७% गुणांसह प्रथम क्रमांक पटकावला*
*२)श्रेया रुपेश महालनकर हिने ९१% गुण मिळवत द्वितीय स्थान मिळवले*
*३)पार्थ प्रफुल व्यावहारे याने ९०.५०% गुणांसह तृतीय स्थान मिळवले*

या विज्ञानशाखेत एकूण ६९ विद्यार्थ्यांनी विशेष प्राविण्य मिळवले असून तब्बल १८३ विद्यार्थ्यांनी प्रथम श्रेणीमध्ये यश संपादन केले आहे तसेच 58 विद्यार्थी हे द्वितीय श्रेणीत उत्तीर्ण झाले आहेत. अनेक विद्यार्थ्यांनी ८०% पेक्षा अधिक गुण मिळवत महाविद्यालयाचा लौकिक उंचावला आहे. ही बाब महाविद्यालयाच्या गुणवत्तेची साक्ष देणारी आहे.

🔹 कला शाखेचा उल्लेखनीय प्रवास :
कला शाखेतील विद्यार्थ्यांनीही आपल्या गुणवत्तेची छाप पाडत उत्कृष्ट निकाल नोंदवला आहे.

१)अंशुमन किरण पडघने – ७७.००% (प्रथम)
२)कु. सलोनी अविनाश चव्हाण – ७६.५०% (द्वितीय)
३)कु. महेक हबीब सय्यद – ६८.५०% (तृतीय)

कला शाखेत २ विद्यार्थ्यांनी विशेष प्राविण्य मिळवले असून २५ विद्यार्थ्यांनी प्रथम श्रेणीत यश मिळवले आहे तर 57 विद्यार्थ्यांनी द्वितीय श्रेणी प्राप्त करून संस्थेचे नाव उंचावले. ही कामगिरी विद्यार्थ्यांच्या मेहनतीसोबतच शिक्षकांच्या सातत्यपूर्ण मार्गदर्शनाचे फलित आहे.

🔹 यशामागील प्रेरणास्थान :
या भव्य यशामागे संस्थेचे अध्यक्ष मा. रंगराव काळे साहेब यांचे प्रेरणादायी नेतृत्व मोलाचे ठरले आहे. त्यांच्या दूरदृष्टीमुळे महाविद्यालयाने शैक्षणिक गुणवत्ता आणि शिस्त यांचा उत्तम समतोल साधला आहे.

तसेच प्राचार्या दिक्षित मॅडम यांनी विद्यार्थ्यांसाठी अभ्यासपूर्ण, सकारात्मक आणि स्पर्धात्मक वातावरण निर्माण करत त्यांना सतत प्रोत्साहन दिले. विद्यार्थ्यांच्या शैक्षणिक प्रगतीसोबतच त्यांच्या व्यक्तिमत्व विकासावरही विशेष भर देण्यात आला.

🔹 शिक्षक व कर्मचाऱ्यांचे योगदान :
महाविद्यालयातील सर्व शिक्षकांनी विद्यार्थ्यांना विषयांची सखोल समज देण्यासाठी विशेष प्रयत्न केले. नियमित तास, अतिरिक्त वर्ग, शंका निरसन सत्रे आणि सराव परीक्षांद्वारे विद्यार्थ्यांचा आत्मविश्वास वाढवण्यात आला.

शिक्षकेतर कर्मचाऱ्यांनीही प्रशासनिक कामकाज सुरळीत पार पाडत शैक्षणिक प्रक्रियेला बळकटी दिली. त्यांच्या सहकार्यामुळेच संपूर्ण व्यवस्थापन कार्यक्षमतेने पार पडले.

🔹 पालक व विद्यार्थ्यांमध्ये उत्साह :
या उल्लेखनीय निकालामुळे पालकवर्गात समाधानाचे वातावरण निर्माण झाले असून विद्यार्थ्यांमध्ये नव्या उंची गाठण्याची प्रेरणा निर्माण झाली आहे. अनेक विद्यार्थ्यांनी आपल्या पुढील शिक्षणासाठी मोठी स्वप्ने पाहण्यास सुरुवात केली आहे.

🔹 भविष्यासाठी नवा संकल्प :
व्ही.पी. कला व विज्ञान कनिष्ठ महाविद्यालयाने पुन्हा एकदा सिद्ध केले आहे की, योग्य मार्गदर्शन, शिस्तबद्ध अभ्यास आणि प्रामाणिक प्रयत्न यांच्या जोरावर यशाची शिखरे गाठणे शक्य आहे.

महाविद्यालयाने आगामी वर्षातही याच परंपरेला अधिक बळकट करत विद्यार्थ्यांना दर्जेदार शिक्षण देण्याचा संकल्प केला आहे.
हा निकाल केवळ यश नाही, तर परिश्रम, जिद्द आणि विश्वास यांचा प्रेरणादायी उत्सव आहे.

17/04/2026

Addmission Open Session 2026-27

27/01/2026

*व्ही. पी. कला व विज्ञान कनिष्ठ महाविद्यालय, बोरगडी येथे क्रॉप सायन्स या विषयांतर्गत भव्य सीड प्रदर्शनीचे आयोजन*

दि:26/01/2025 रोजी
व्ही. पी. कला व विज्ञान कनिष्ठ महाविद्यालय, बोरगड येथे क्रॉप सायन्स या विषयांतर्गत भव्य सीड (बियाणे) प्रदर्शनाचे आयोजन करण्यात आले होते. या प्रदर्शनात तब्बल 1000 पेक्षा अधिक प्रकारच्या बियांची आकर्षक मांडणी करण्यात आली होती. यामध्ये विविध प्रकारच्या फळभाज्या, फुले, कडधान्ये, रानबिया, तेलबिया तसेच दुर्मिळ व पारंपरिक जातींच्या बियांचा व विविध प्रकारच्या औषधी वनस्पतीच्या बियांचा समावेश होता.

या प्रदर्शनात विद्यार्थ्यांनी मोठ्या उत्साहाने सहभाग नोंदविला. प्रत्येक विद्यार्थ्याने आपले सादरीकरण अतिशय नाविन्यपूर्ण, माहितीपूर्ण व शास्त्रीय पद्धतीने केले. दुर्मिळ जातींच्या बिया संकलित करून त्यांची माहिती देत विद्यार्थ्यांनी आपली संशोधनवृत्ती आणि सर्जनशीलता दाखवून दिली.

विद्यार्थ्यांच्या सादरीकरणाच्या आधारे गुणांकन करण्यात आले. त्यामध्ये
इयत्ता १२ वी विज्ञान विभागातून
1. पार्थ व्यवहारे
2. आर्यन पाईकराव
3. स्वरा सोनटक्के
इयत्ता ११ वी विज्ञान विभागातून
1. धनश्री दुधाने
2. सेजल घाटे
3. सृष्टी बेहेरे
या विद्यार्थ्यांनी उत्कृष्ट सादरीकरण केल्याबद्दल त्यांना विशेष गुण देण्यात आले.

या कार्यक्रमाच्या उद्घाटनप्रसंगी संस्थेच्या सचिव मा. सौ. अनिताताई काळे मॅडम, चिलवाडी गावच्या सरपंच संगीताताई काळे मॅडम, प्रियंका काळे मॅडम तसेच महाविद्यालयाच्या प्राचार्या दीक्षित मॅडम उपस्थित होत्या. उपस्थित मान्यवरांनी सीड प्रदर्शनाचे भरभरून कौतुक करत विद्यार्थ्यांच्या उपक्रमशीलतेचे अभिनंदन केले व पुढील वाटचालीस शुभेच्छा दिल्या.
क्रॉप सायन्स विषयाच्या विभागप्रमुख प्रा. कोल्हे मॅडम यांनी या सीड एक्झिबिशनसाठी विशेष पुढाकार घेऊन अत्यंत उत्कृष्ट नियोजन केले. त्यांच्या मार्गदर्शनामुळे हा उपक्रम यशस्वीरीत्या पार पडला.

या कार्यक्रमाच्या यशस्वी आयोजनासाठी महाविद्यालयातील सर्व शिक्षक व शिक्षकेतर कर्मचारी यांचे मोलाचे सहकार्य लाभले.

26/01/2026

*व्हि.पी. कला व विज्ञान कनिष्ठ महाविद्यालय, बोरगडी येथे ७७ वा प्रजासत्ताक दिन उत्साहात साजरा*

व्हि.पी. कला व विज्ञान कनिष्ठ महाविद्यालय, बोरगडी येथे भारताचा ७७ वा प्रजासत्ताक दिन अत्यंत उत्साहपूर्ण व देशभक्तीमय वातावरणात साजरा करण्यात आला. कार्यक्रमाच्या अध्यक्षस्थानी संस्थेचे अध्यक्ष सन्माननीय रंगरावजी काळे साहेब होते. त्यांच्या शुभहस्ते ध्वजारोहण संपन्न झाले. यावेळी ध्वजारोहणाच्या आधी संविधानाच्या उद्देशिकेचे वाचन प्राचार्य दिक्षित मॅडम यांनी केले.

या वेळी संस्थेचे उपाध्यक्ष डॉ. अनुरंग काळे सर, संस्थेच्या सचिव मा. अनिताताई काळे मॅडम, महाविद्यालयाच्या प्राचार्य
दिक्षित मॅडम, तसेच प्रियंका काळे मॅडम तसेच डॉक्टर संकेत काळे सर यांची प्रमुख उपस्थिती होती.

प्रजासत्ताक दिनाच्या निमित्ताने इयत्ता बारावी विज्ञान शाखेच्या विद्यार्थ्यांनी देशभक्तीपर भाषणे सादर केली. यामध्ये वेदांत वझरकर, आर्यन पाईकराव व अतिश जुमले या विद्यार्थ्यांनी ७७ व्या प्रजासत्ताक दिनाचे महत्त्व, भारतीय संविधानाची मूल्ये आणि देशप्रेम याविषयी आपले विचार प्रभावीपणे मांडले.
तसेच याच कार्यक्रमात इयत्ता बारावी विज्ञान शाखेचा विद्यार्थी राधेश्याम बेदरकर यांनी देशभक्तीपर गीत “वंदे मातरम्” सादर केले.
यावेळी महाविद्यालयाच्या गुणवत्ता यादीत स्थान मिळवलेल्या विद्यार्थ्यांचा सत्कार करण्यात आला. विज्ञान शाखेमधून कु. प्रज्ञा अगम, श्रेया बांगर व उन्नती सोनटक्के, तर कला शाखेतून प्रथम क्रमांक प्राप्त करणाऱ्या अश्विनी खडसे, भाविका पाईकराव व अनुष्का हारके या विद्यार्थिनींचा मान्यवरांच्या हस्ते सत्कार करण्यात आला. तसेच खेळ व इतर विविध उपक्रमांमध्ये यश संपादन करणाऱ्या विद्यार्थ्यांना ट्रॉफी व प्रमाणपत्रे देऊन गौरविण्यात आले.
कार्यक्रमाच्या समारोपप्रसंगी संस्थेचे अध्यक्ष माननीय रंगरावजी काळे साहेब यांनी मार्गदर्शनपर भाषण केले. त्यांनी विद्यार्थ्यांना येणाऱ्या बारावीच्या परीक्षेसाठी मनःपूर्वक शुभेच्छा दिल्या तसेच भारतीय संविधानाचे महत्त्व, त्यातील मूल्ये व जबाबदार नागरिक म्हणून विद्यार्थ्यांनी बजावायच्या भूमिकांबाबत सविस्तर माहिती दिली.
संपूर्ण कार्यक्रम देशभक्तीच्या घोषणांनी, उत्साहपूर्ण वातावरणात आणि आनंददायी वातावरणात संपन्न झाला.

12/01/2026

*महाविद्यालयीन गटाच्या वकृत्व स्पर्धेत तृतीय क्रमांक प्राप्त विद्यार्थिनी कु. भूमिका वसंता राठोड हिचा गौरव*

पुसद : श्री रामकृष्ण विवेकानंद सेवा संस्था, पुसद यांच्या वतीने आयोजित महाविद्यालयीन गटाच्या वकृत्व स्पर्धेत वसंतराव पुरके कला व वाणिज्य महाविद्यालय, बोरगडी (ता. पुसद) येथील विद्यार्थिनी कु. भूमिका वसंता राठोड हिने उत्कृष्ट सादरीकरण करत तृतीय क्रमांक प्राप्त केला. या उल्लेखनीय यशाबद्दल तिची बक्षीसाकरिता निवड करण्यात आली .
या प्रसंगी संस्थेचे माननीय अध्यक्ष श्री. रंगराव काळे साहेब यांनी कु. भूमिकाचे मनःपूर्वक अभिनंदन करून तिच्या पुढील शैक्षणिक व वक्तृत्व क्षेत्रातील वाटचालीसाठी शुभेच्छा दिल्या. विद्यार्थ्यांमधील वक्तृत्व कौशल्य, आत्मविश्वास आणि विचारमांडणी विकसित होण्यासाठी अशा स्पर्धा अत्यंत उपयुक्त ठरतात, असे मत त्यांनी व्यक्त केले.

कार्यक्रमास महाविद्यालयाचे प्राचार्य दीक्षित मॅडम, प्राध्यापक देशमुख मॅडम तसेच अन्य मान्यवर उपस्थित होते. यावेळी कु. भूमिका राठोड हिने मान्यवरांच्या हस्ते बक्षीस स्वीकारले. तिच्या यशामुळे महाविद्यालयाच्या शैक्षणिक व सांस्कृतिक परंपरेला नवी उंची प्राप्त झाली असल्याची भावना उपस्थितांनी व्यक्त केली.

या यशाबद्दल महाविद्यालयातील सर्व शिक्षक व शिक्षकेतर कर्मचाऱ्यांनी कु. भूमिकाचे अभिनंदन करून तिला पुढील स्पर्धांसाठी प्रोत्साहन व शुभेच्छा दिल्या. विद्यार्थिनीच्या या यशामुळे इतर विद्यार्थ्यांनाही प्रेरणा मिळेल, असा विश्वास यावेळी व्यक्त करण्यात आला.

कार्यक्रमाचे वातावरण उत्साहपूर्ण असून कु. भूमिका राठोडच्या यशाचे सर्वत्र कौतुक करण्यात येत आहे.

05/12/2025

*व्ही.पी. कला व विज्ञान कनिष्ठ महाविद्यालयाला तालुकास्तरीय विज्ञान प्रदर्शनात तिसरा क्रमांक*

पुसद, दि. 5 डिसेंबर
शालेय शिक्षण व क्रीडा विभाग महाराष्ट्र शासन, राज्य विज्ञान संस्था नागपूर, शिक्षण विभाग पंचायत समिती पुसद यांच्या विद्यमाने आयोजित ५३ वे तालुकास्तरीय विज्ञान प्रदर्शनी २०२५-२६ उत्साहात पार पडली. या प्रदर्शनात व्ही.पी. कला व विज्ञान कनिष्ठ महाविद्यालय, बोरगडी येथील विद्यार्थ्यांनी उल्लेखनीय सहभाग नोंदविला.

या विज्ञान प्रदर्शनीत कनिष्ठ महाविद्यालयातील दोन प्रोजेक्ट्स सादर करण्यात आले
🔹Smart AI Irrigation System — विद्यार्थी –आदित्य वखरकर
🔹 Green Energy Smart City — विद्यार्थी श्री कुरिल, शुभ कुरिल व मोहित नायक

सादर केलेल्या प्रोजेक्ट्सपैकी “Smart AI Irrigation System” या प्रकल्पाला परीक्षकांकडून विशेष प्रशंसा प्राप्त झाली आणि या प्रकल्पाला प्रदर्शनीत तिसरा क्रमांक मिळाल्याची गौरवशाली नोंद झाली. हा संपूर्ण प्रोजेक्ट प्रा. डॉ.माथनकर सर यांच्या मार्गदर्शनाखाली यशस्वीरीत्या सादर करण्यात आला.

यावेळी संस्थेच्या प्राचार्या प्रांजली दीक्षित मॅडम विद्यार्थ्यांसोबत उपस्थित राहून त्यांनी पुरस्कार स्विकारला. त्यांच्या सततच्या प्रेरणा व मार्गदर्शनाचा विद्यार्थ्यांना मोठा आधार मिळाला. तसेच संस्थेचे अध्यक्ष माननीय रंगराव काळे साहेब यांच्या मार्गदर्शनाखाली हा प्रकल्प अधिक उत्कृष्ट बनला.

यावेळी संस्थेचे अध्यक्ष मा. रंगराव काळे साहेब प्राचार्य प्रांजली दीक्षित मॅडम तसेच सर्व शिक्षक व शिक्षकेतर कर्मचारी यांनी सहभागी सर्व विद्यार्थ्यांचे तसेच क्रमांक पटकावलेल्या विद्यार्थ्यांचे मनःपूर्वक अभिनंदन केले. विद्यार्थ्यांनी यापुढील वाटचालीत यश संपादन करावे, अशा शुभेच्छाही दिल्या.

13/11/2025

13/11/2025

बोरगडी(दि.१३ नोव्हेंबर २०२५): व्हि.पी. कला व विज्ञान कनिष्ठ महाविद्यालय बोरगडी पुसद येथे “करिअर व कायदा : विशेष संवाद” या विषयावर एक प्रेरणादायी, माहितीपूर्ण व विद्यार्थ्यांना दिशा दाखवणारे मार्गदर्शन सत्र भव्यतेने व उत्साहाने पार पडले. या कार्यक्रमात आयपीएस अधिकारी मा. श्री. हर्षवर्धन बीजे साहेब (सहाय्यक पोलीस अधीक्षक तथा उपविभागीय पोलीस अधिकारी, पुसद) यांनी प्रमुख अतिथी म्हणून उपस्थित राहून आपल्या विचारप्रवर्तक व प्रेरणादायी भाषणाने सर्व विद्यार्थ्यांना उज्ज्वल भविष्याची वाट दाखवली.

*करिअर निवडीवरील सखोल मार्गदर्शन*:
आपल्या प्रभावी भाषणात बीजे साहेबांनी विद्यार्थ्यांना सांगितले की, करिअरची निवड ही आयुष्यातील सर्वात महत्त्वाची व निर्णायक पायरी आहे. फक्त समाजात प्रतिष्ठा मिळवण्यासाठी किंवा आर्थिक स्थैर्यासाठीच करिअरची निवड करू नये, तर आपल्या आवडी, क्षमता, कौशल्ये, प्रयत्नशीलता आणि समाजातील बदलत्या गरजा लक्षात घेऊन निर्णय घ्यावा. स्वतःवर विश्वास ठेवून जिद्दीने प्रयत्न करणारा प्रत्येक विद्यार्थी यशाच्या शिखरावर पोहोचू शकतो, असे त्यांनी सांगितले.

*कायद्याचे महत्त्व आणि पोलीस प्रशासनाची भूमिका*:
सत्रादरम्यान त्यांनी विद्यार्थ्यांना कायद्याचे महत्त्व समजावून सांगितले. कायदा हा केवळ शिक्षा करण्याचे साधन नसून तो न्याय, समता, सुरक्षा आणि समाजातील शिस्त प्रस्थापित करण्याचे सर्वात मोठे साधन आहे, असे त्यांनी ठामपणे सांगितले. त्यांनी पोलीस प्रशासन हे केवळ गुन्हेगारी रोखण्यासाठी नसून नागरिकांच्या सुरक्षेसाठी, न्यायासाठी आणि समाजाच्या सर्वांगीण विकासासाठी कार्यरत आहे, हे स्पष्ट केले
*हक्क व कर्तव्यांवर भर*:
विद्यार्थ्यांना त्यांनी हेही अधोरेखित केले की, चांगला नागरिक होण्यासाठी फक्त आपले हक्क ओळखणे पुरेसे नसून आपली जबाबदारी व कर्तव्येही पार पाडली पाहिजेत. कायद्याचे पालन करणे, प्रामाणिक राहणे, शिस्त पाळणे व इतरांना मदत करणे या छोट्या गोष्टी एकत्र येऊनच सशक्त समाज निर्माण करतात.
*विद्यार्थ्यांशी संवाद व प्रश्नोत्तर सत्र*:
सत्र अधिक उत्साही करण्यासाठी विद्यार्थ्यांनी आयपीएस अधिकाऱ्यांना थेट प्रश्न विचारले. “आयपीएस होण्यासाठी काय तयारी करावी?”, “तणावावर कसे मात करावी?”, “पोलीस दलात कार्यरत असताना येणाऱ्या आव्हानांना कसे सामोरे जावे?” अशा अनेक प्रश्नांची त्यांनी संयमपूर्वक उत्तरे दिली. वास्तव जीवनातील उदाहरणे देऊन त्यांनी विद्यार्थ्यांच्या मनातील शंका दूर केल्या. यामुळे विद्यार्थ्यांना केवळ माहितीच मिळाली नाही, तर आत्मविश्वास, नवा दृष्टिकोन आणि समाजासाठी कार्य करण्याची प्रेरणाही मिळाली.
या विशेष कार्यक्रमाला व्हि. पी. कला व विज्ञान कनिष्ठ महाविद्यालय, बोरगडी, पुसद येथील प्राचार्य दीक्षित मॅडम, संस्थेच्या अध्यक्षा अनिताताई काळे मॅडम, तसेच सचिव माजी शिक्षणाधिकारी मा. रंगराव काळेसाहेब विशेष उपस्थित होते.
तसेच शिक्षकवर्ग, शिक्षकेत्तर कर्मचारी व विद्यार्थी मोठ्या संख्येने उपस्थित होते. सर्वांनी या कार्यक्रमाचा मनापासून लाभ घेतला.
कार्यक्रमाचे सूत्रसंचालन प्रा. सविता तावडे यांनी केले केले, तर आभार प्रदर्शन प्रा. विजया देशमुख मॅडमनी केले.
कार्यक्रमाच्या शेवटी संस्थेचे सचिव व कार्यक्रमाचे अध्यक्ष मा. रंगराव काळे साहेब मॅडम यांनी असे सांगितले की , “या विशेष संवादामुळे विद्यार्थ्यांना केवळ करिअर निवड आणि कायद्याविषयी सखोल माहितीच मिळाली नाही, तर जीवनात योग्य दिशा निवडण्यासाठी आत्मविश्वास आणि प्रेरणाही मिळाली आहे. भविष्यात या संवादाचा नक्कीच दूरगामी परिणाम दिसून येईल आणि आपल्या विद्यार्थ्यांमधून जबाबदार, यशस्वी व समाजाभिमुख नागरिक घडतील.”

एकूणच, हा कार्यक्रम विद्यार्थ्यांसाठी जीवन बदलणारा ठरला. आयपीएस अधिकारी मा. हर्षवर्धन बीजे साहेबांचे मार्गदर्शन हे विद्यार्थ्यांसाठी अमूल्य ठेवा ठरले असून, त्यातून त्यांनी केवळ करिअरची दिशा नव्हे तर समाजासाठी कार्य करण्याची जाणीव आणि प्रेरणा मिळवली.

09/10/2025

*व्ही.पी. कला व विज्ञान कनिष्ठ महाविद्यालय बोरगडीचा विद्यार्थी महेश नेमाडे यांचा पंतप्रधान मोदी यांच्या हस्ते गौरव*

बोरगडी : व्ही.पी. कला व विज्ञान कनिष्ठ महाविद्यालयाचा विद्यार्थी महेश सुनील नेमाडे यांचा सत्कार दिल्ली येथे पंतप्रधान नरेंद्र मोदी यांच्या हस्ते करण्यात आला. यवतमाळ जिल्ह्यातील औद्योगिक प्रशिक्षण संस्था (ITI) यवतमाळ येथील इलेक्ट्रिशियन ट्रेडमध्ये अभिमानास्पद कामगिरी करणाऱ्या महेश यांनी अखिल भारतीय व्यवसाय (CTS) परीक्षा 2025 मध्ये भारतातून पहिला क्रमांक मिळवून आपल्या कौशल्याचे आणि कठोर परिश्रमाचे प्रात्यक्षिक दिले आहे.

ITI मधील दोन्ही वर्षांच्या अभ्यासक्रमात महेश नेमाडे यांनी बाराशे पैकी बाराशे मार्क्स मिळवून आपली चमक दाखवली. दरवर्षी भारत सरकार देशातील सर्वोत्तम प्रशिक्षणार्थी विद्यार्थ्यांचा सन्मान करत असते, आणि या वर्षी महेश नेमाडे यांचा गौरव पंतप्रधान नरेंद्र मोदी यांच्या हस्ते करण्यात आला.

व्हि.पी.कनिष्ठ महाविद्यालय बोरगडी येथे सत्काराच्या वेळी महेश नेमाडे यांनी उपस्थित विद्यार्थ्यांना मार्गदर्शन करत सांगितले, "कठोर परिश्रम, सातत्य आणि प्रामाणिकपणा यावर तुम्ही यश मिळवू शकता." तसेच प्राचार्या प्रांजली दीक्षित मॅडम यांनी विद्यार्थ्यांना आयुष्यात येणाऱ्या प्रत्येक संधीचा उपयोग करून सोनं करण्याचे आवाहन केले. महाविद्यालयाचे सचिव मा. रंगराव काळे साहेब यांनीही विद्यार्थ्यांना महेश नेमाडे यांचा आदर्श घेण्यासाठी "कठोर परिश्रम, जिद्द आणि चिकाटी" आवश्यक असल्याचे सांगितले.

डोंगरगाव ता. महागाव येथील रहिवासी महेश सुनील नेमाडे अत्यंत गरीब कुटुंबातील असून, वडिल नसल्यामुळे आई व दोन बहिणींसह कठीण परिस्थितीतून शिक्षण पूर्ण केले आहे. त्यांच्या मेहनतीच्या जोरावर ITI यवतमाळच्या इलेक्ट्रिशियन ट्रेडमध्ये त्यांनी उत्कृष्ट कामगिरी करत अखिल भारतीय व्यवसाय परीक्षेत टॉप केले आहे, जे सर्वांसाठी प्रेरणादायी ठरले आहे.

महेश नेमाडे हा व्ही.पी. कला व विज्ञान कनिष्ठ महाविद्यालय बोरगडी येथील विद्यार्थी असून त्याचा सत्कार आयोजित करण्यात आला. या कार्यक्रमात संस्थेच्या अध्यक्षा सौ. अनिताताई काळे मॅडम, सचिव मा. रंगराव काळे साहेब, प्राचार्या प्रांजली दीक्षित मॅडम यांच्यासह सर्व शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते. कार्यक्रमादरम्यान महेश यांचा प्रवास, कठोर परिश्रम आणि यशाबद्दल माहिती देण्यात आली, ज्यामुळे उपस्थित विद्यार्थ्यांसाठी हा अनुभव अत्यंत प्रेरणादायी ठरला.

सत्काराने विद्यार्थ्यांसाठी एक आदर्श निर्माण झालाआहे आणि महेश नेमाडे यांचा धैर्य, मेहनत व चिकाटी हा प्रत्येक युवा विद्यार्थ्यांसाठी प्रेरणास्त्रोत ठरला आहे.

08/10/2025

देवराज मंदाडे यांची राज्यस्तरीय टेनिस स्पर्धेसाठी निवड

पुसद : वाशिम जिल्हा क्रीडा संकुल येथे नुकत्याच पार पडलेल्या डिव्हिजन टेनिस स्पर्धेत व्ही. पी. कला आणि विज्ञान ज्युनियर कॉलेज, बोरगडीचे विद्यार्थी देवराज मंदाडे यांनी उत्कृष्ट कामगिरी करत दुसरे स्थान पटकावले.
त्यांच्या या यशामुळे त्यांची राज्यस्तरीय टेनिस स्पर्धेसाठी निवड करण्यात आली आहे.

या उल्लेखनीय कामगिरीबद्दल कॉलेजच्या अध्यक्षा सौ. अनिताताई काळे मॅडम, सचिव रंगरावजी काळे सर, प्राचार्य प्रांजली दीक्षित मॅडम, क्रीडा विभाग प्रमुख तसेच सर्व शिक्षक व शिक्षकेत्तर कर्मचारी आणि विद्यार्थ्यांनी देवराजचे अभिनंदन केले.
देवराज यांना राज्यस्तरीय स्पर्धेसाठी सर्वांकडून मनःपूर्वक शुभेच्छा देण्यात येत आहेत.

26/09/2025

Enthusiastic Participation of Students in Science Exhibition on 26th Sep 2025

A grand science exhibition was organized at V P Arts and Science Jr College, Borgadi.

Guiding Secretary Rangrao Kale Saheb, Chairperson Kale Madam, and Principal Pranjali Dixit Madam graced the occasion as chief guests.

The exhibition was organized by Dr. Mathankar Sir, Abid Sir, Nayak Sir, Behre Sir, Chavan Sir, Tawde Madam, Thakre Madam, Kolhe Madam, Dhabale Madam, and Deshmukh Madam, with enthusiastic support from the college’s non-teaching staff as well.

Students presented various science-related projects, experiments, and innovative ideas, earning appreciation from the audience.

This exhibition witnessed the wholehearted participation of students, which will surely contribute to strengthening the scientific outlook of the younger generation