What are the opening hours?

Monday 9:30am - 5:30pm Tuesday 9:30am - 5:30pm Wednesday 9:30am - 5:30pm Thursday 9:30am - 5:30pm Friday 9:30am - 5:30pm Saturday 9:30am - 1pm

http://www.sangamnercollege.edu.in/

Sangamner College, Sangamner, Pune/Nashik Highway, Sangamner (2026)

24/09/2026

'सेवाभावाची वाट धरून समाजपरिवर्तनाचे शिल्पकार बना' — प्रा. बाबा खरात
(राष्ट्रीय सेवा योजना वर्धापन दिन उत्साहात साजरा)
संगमनेर नगरपालिका कला, दा. ज. मालपाणी वाणिज्य व ब. ना. सारडा विज्ञान महाविद्यालय (स्वायत्त), संगमनेर, राष्ट्रीय सेवा योजना विभागाच्या वतीने २४ सप्टेंबर रोजी राष्ट्रीय सेवा योजना वर्धापन दिन उत्साहात साजरा करण्यात आला.
या कार्यक्रमासाठी प्रमुख पाहुणे म्हणून सह्याद्री बहुजन विकास संस्थेचे सचिव प्रा. बाबा खरात उपस्थित होते. त्यांनी विद्यार्थ्यांना मार्गदर्शन करताना राष्ट्रीय सेवा योजनेच्या माध्यमातून समाजाशी नाते दृढ करण्याचे, सामाजिक बांधिलकी जपण्याचे आणि सेवाभावातून व्यक्तिमत्त्व विकास घडविण्याचे महत्त्व अधोरेखित केले. ‘स्वतःपुरते न जगता समाजासाठी योगदान देणे’ हीच राष्ट्रीय सेवा योजनेची खरी भावना असल्याचे त्यांच्या मार्गदर्शनातून विद्यार्थ्यांना जाणवले.
याप्रसंगी व्यासपीठावर महाविद्यालयाचे प्राचार्य प्रो. डॉ. अरुण गायकवाड, विस्तार उपक्रमांचे समन्वयक डॉ. प्रताप फलफले, राष्ट्रीय सेवा योजना कार्यक्रमाधिकारी डॉ. रोशन भगत डॉ. राजेश्वरी ओझा इत्यादी मान्यवर उपस्थित होते.
राष्ट्रीय सेवा योजनेच्या ‘Not Me But You’ अर्थात ‘मी नव्हे, तू’ या सेवाभावी विचाराला अधोरेखित करणारा हा वर्धापन दिन विद्यार्थ्यांसाठी प्रेरणादायी ठरला.
या समारंभात राष्ट्रीय सेवा योजनेच्या स्वयंसेवकांनी मोठ्या संख्येने व उत्साहात सहभाग नोंदविला.

21/09/2026

संगमनेर महाविद्यालयात ‘मायक्रोबायोलॉजी डे’ उत्साहात; विद्यार्थ्यांची फ्रूट वाईन निर्मिती ठरली मुख्य आकर्षण!
एआय इन मायक्रोबायोलॉजी' आणि विद्यार्थ्यांच्या फ्रूट वाईन निर्मितीचे विशेष आकर्षणसंगमनेर:संगमनेर महाविद्यालयातील सूक्ष्मजीवशास्त्र (मायक्रोबायोलॉजी) विभागाच्या वतीने आज 'आंतरराष्ट्रीय सूक्ष्मजीवशास्त्र दिन' (International Microorganism Day) मोठ्या उत्साहात साजरा करण्यात आला.
या कार्यक्रमाच्या माध्यमातून विद्यार्थ्यांना क्षेत्रातील करिअरच्या संधी आणि आधुनिक तंत्रज्ञानाविषयी मोलाचे मार्गदर्शन लाभले.या कार्यक्रमासाठी प्रमुख पाहुण्या म्हणून 'व्हॅरेक्स इमेजिंग इंडिया प्रायव्हेट लिमिटेड'च्या रेग्युलेटरी अफेयर्स स्पेशालिस्ट प्रज्ञा कडू उपस्थित होत्या.
तसेच शिक्षण प्रसारक संस्थेचे मा. महेश डंग साहेब, सौ. सपना डंग मॅडम, संगमनेर महाविद्यालयाचे प्राचार्य प्रो. डॉ. अरुण गायकवाड आणि संगमनेर विधी महाविद्यालयाचे प्राचार्य डॉ. संजय कुमार मणियार यांची प्रमुख उपस्थिती होती.कार्यक्रमाची सुरुवात सूक्ष्मजीवशास्त्र विभाग प्रमुख माका मॅडम यांच्या प्रास्ताविकाने झाली. त्यांनी विभागाच्या उपक्रमांचा आढावा घेतला.
विद्यार्थ्यांच्या कलागुणांचे सादरीकरण व प्रदर्शन या महोत्सवाचे मुख्य आकर्षण होते.
सूक्ष्मजीवशास्त्र विभागातील विद्यार्थ्यांनी तयार केलेले विविध प्रकल्प आणि कलाकृती होते:प्रथम वर्ष: विद्यार्थ्यांनी आकर्षक 'ग्रीटिंग कार्ड्स' तयार करून उपस्थितांचे लक्ष वेधून घेतले.द्वितीय वर्ष: विद्यार्थ्यांनी 'एआय इन मायक्रोबायोलॉजी' (AI in Microbiology) या अत्यंत आधुनिक विषयावर उत्कृष्ट पोस्टर प्रेझेंटेशन सादर केले.
तसेच 'वाईन बॉटल पेंटिंग' करून आपल्यातील कलात्मकता दाखवून दिली.तृतीय वर्ष: विद्यार्थ्यांनी आपल्या अभ्यासक्रमातील प्रात्यक्षिकांचा वापर करून प्रत्यक्ष 'फ्रूट वाईन' (Fruit W**e Preparation) तयार करून त्याचे प्रदर्शन मांडले.या कार्यक्रमाच्या यशस्वीतेसाठी सूक्ष्मजीवशास्त्र विभागातील सर्व शिक्षक, शिक्षकेतर कर्मचारी आणि विद्यार्थ्यांनी विशेष परिश्रम घेतले.

19/09/2026

Workshop on Prompt to Pedagogy: AI for effective teaching and learning by IQAC
Resource person: Dr Rajmohan Pardeshi

19/09/2026

‘प्रॉम्प्ट टू पेडॅगॉजी’ कार्यशाळेत प्राध्यापकांना कृत्रिम बुद्धिमत्तेचे प्रत्यक्ष प्रशिक्षण

संगमनेर : संगमनेर नगरपालिका कला, दा. ज. मालपाणी वाणिज्य आणि ब. ना. सारडा विज्ञान महाविद्यालय, संगमनेर (अधिकारप्रदत्त स्वायत्त महाविद्यालय) येथील अंतर्गत गुणवत्ता हमी कक्षाच्या वतीने ‘प्रॉम्प्ट टू पेडॅगॉजी : प्रभावी अध्यापन आणि अध्ययनासाठी कृत्रिम बुद्धिमत्तेचा वापर’ या विषयावर प्राध्यापकांसाठी कार्यशाळेचे आयोजन करण्यात आले. शनिवार, दि. १९ सप्टेंबर २०२६ रोजी साईबाबा सभागृहात ही कार्यशाळा संपन्न झाली.
कार्यशाळेच्या अध्यक्षस्थानी शिक्षण प्रसारक संस्था, संगमनेरचे मानद सचिव डॉ. आर. एस. लढ्ढा होते. महाविद्यालयाचे प्राचार्य प्रा. डॉ. ए. एच. गायकवाड यांची प्रमुख उपस्थिती होती, तर कृत्रिम बुद्धिमत्ता प्रशिक्षक व संशोधक डॉ. राजमोहन परदेशी यांनी प्रमुख संसाधन व्यक्ती म्हणून प्राध्यापकांना मार्गदर्शन व प्रत्यक्ष प्रशिक्षण दिले.
कार्यक्रमाच्या प्रारंभी अंतर्गत गुणवत्ता हमी कक्षाचे समन्वयक डॉ. एस. ए. पिंगळे यांनी उपस्थितांचे स्वागत करून कार्यशाळेमागील भूमिका स्पष्ट केली.

प्रा. डॉ. एस. ए. आरोटे यांनी प्रमुख संसाधन व्यक्ती डॉ. राजमोहन परदेशी यांचा परिचय करून दिला व त्यांचा सत्कार करण्यात आला.

त्यानंतर प्राचार्य प्रा. डॉ. ए. एच. गायकवाड यांनी आपल्या मनोगतात बदलत्या शैक्षणिक वातावरणात प्राध्यापकांनी नवीन तंत्रज्ञान आत्मसात करून त्याचा अध्ययन-अध्यापन प्रक्रियेत परिणामकारक वापर करण्याची आवश्यकता अधोरेखित केली.

प्रशिक्षण सत्रात डॉ. राजमोहन परदेशी यांनी कृत्रिम बुद्धिमत्तेच्या विविध शैक्षणिक उपयोगांची माहिती देत प्राध्यापकांना प्रत्यक्ष प्रशिक्षण दिले. चॅटजीपीटी (ChatGPT), गुगल जेमिनी (Google Gemini) आणि क्लॉड (Claude) यांसारख्या साधनांचा अध्यापनात वापर, प्रभावी सूचना लेखन (Prompt Generation), पाठनियोजन, अध्ययन साहित्य निर्मिती, प्रश्ननिर्मिती, मूल्यमापन तसेच विद्यार्थ्यांना अभिप्राय देण्यासाठी कृत्रिम बुद्धिमत्तेचा उपयोग याबाबत त्यांनी प्रात्यक्षिकांसह मार्गदर्शन केले.
कार्यशाळेचे वैशिष्ट्य म्हणजे ती केवळ व्याख्यानापुरती मर्यादित न ठेवता कृतियुक्त प्रशिक्षणाच्या स्वरूपात घेण्यात आली. प्राध्यापकांनी विषयनिहाय लहान गटांमध्ये संगणकाच्या सहाय्याने विविध कृत्रिम बुद्धिमत्ता साधनांचा प्रत्यक्ष वापर केला. आपल्या विषयाशी संबंधित सूचना तयार करून अपेक्षित शैक्षणिक मजकूर निर्माण करण्याचा अनुभव त्यांनी घेतला. प्रशिक्षणानंतर झालेल्या प्रश्नोत्तर व संवाद सत्रात प्राध्यापकांनी कृत्रिम बुद्धिमत्तेचा शैक्षणिक वापर, त्याच्या मर्यादा आणि प्रभावी सूचना लेखनासंबंधी विविध प्रश्न उपस्थित केले.

अध्यक्षीय मनोगतात डॉ. आर. एस. लढ्ढा यांनी शैक्षणिक क्षेत्रात होत असलेल्या तंत्रज्ञानाधारित बदलांचा स्वीकार करताना प्राध्यापकांनी सातत्याने आपले ज्ञान व कौशल्य अद्ययावत ठेवण्याची आवश्यकता व्यक्त केली. बदलत्या काळानुसार अध्यापन अधिक प्रभावी आणि विद्यार्थी-केंद्रित करण्यासाठी अशा प्रशिक्षण उपक्रमांचे महत्त्व त्यांनी अधोरेखित केले.
कार्यशाळेत महाविद्यालयातील अनुदानित व विनाअनुदानित विभागातील प्राध्यापकांनी सहभाग घेतला. कार्यक्रमाचे सूत्रसंचालन डॉ. एस. ए. भोंग यांनी केले, तर अंतर्गत गुणवत्ता हमी कक्षाचे सचिव प्रा. डॉ. डी. एम. घोडके यांनी आभार मानले. कार्यशाळेचे संयोजन अंतर्गत गुणवत्ता हमी कक्षाने केले.

18/09/2026

आज संगमनेर महाविद्यालय हिंदी विभाग आणि संशोधन केंद्राच्या वतीने हिंदी दिवस समारोहाचे उत्साहपूर्ण वातावरणात अप्रतिम आयोजन करण्यात आले.
याप्रंगी शिक्षण प्रसारक संस्थेचे कार्याध्यक्ष डॉ संजय मालपाणी यांचे अतिशय प्रभावी आणि प्रेरक व्याख्यान संपन्न झाले.
या कार्यक्रमाचे प्रसंगी प्राचार्य डॉ अरुण गायकवाड , उपप्राचार्य डॉ रविंद्र ताशिलदार, हिंदी विभाग प्रमुख डॉ जितेंद्र पाटील, शिक्षक व मोठ्या संख्येने विद्यार्थी उपस्थित होते.
हिंदी विभागाने उत्कृष्ट कार्यक्रम आयोजित करून सर्व विद्यार्थ्यांमध्ये चैतन्य निर्माण केले. हिंदी विभागातील सर्व प्राध्यापक व विद्यार्थ्यांचे मनस्वी अभिनंदन !

17/09/2026

चांगले साहित्य माणसाला संवेदनशील बनविते”
- प्राचार्य डॉ.आनंद कुलकर्णी
(महाविद्यालयात सामाजिकशास्त्र मंडळ,वाङ मय मंडळ आणि वाद-विवाद मंडळ उद्घ़ाटन समारंभ - २०२६)

आजच्या डिजिटल जगात समाजात नवनवीन तंत्रज्ञानाचा वापर होत आहे. विद्यार्थ्यांनी तंत्रज्ञानाचा वापर करत असताना, इतरांची मतं ऐकून घेणे गरजेचे आहे. कारण बोलणे आणि व्यक्त होणे या गोष्टी मानवी जीवनात खूप महत्त्वाच्या आहेत. सामाजिकशास्त्र विषय समाजातील सामाजिक समस्यांचा रचनात्मक अभ्यास करण्याचे कार्य करते. वाङ्मयमंडळ माणसाच्या साहित्यिक जाणीवांचा वेध घेते. तर वादविवादातून माणसाची विशिष्ट मूल्यबुद्धी विकसित होत असते.साहित्य व्यक्तीच्या मनाला समृद्ध करत असतानाच ते समाजालाही समृद्ध करत असते. म्हणून विद्यार्थीदशेत साहित्याचे वाचन करणे खूप आवश्यक आहे.मगच स्वतःला व्यक्त होता येते. असे मत नारायणगाव येथील ए.एसी.एस.महाविद्यालयाचे प्राचार्य डॉ.आनंद कुलकर्णी यांनी संगमनेर महाविद्यालयात सामाजिकशास्त्र मंडळ, वांङ्मय मंडळ आणि वाद-विवाद मंडळांच्या उद्घाटनाप्रसंगी बोलताना व्यक्त केले. यावेळी व्यासपीठावर महाविद्यालयाचे प्राचार्य डॉ.अरुण गायकवाड,उपप्राचार्य रवींद्र ताशिलदार, सामाजिकशास्त्र मंडळाचे समन्वयक डॉ.कैलास जाधव, वाङ्मय मंडळाचे समन्वयक डॉ.शशिकांत बांगर, वादविवाद मंडळाचे समन्वयक डॉ.हनुमंत कुरकुटे, आदी मान्यवर उपस्थित होते.

15/09/2026

सावित्रीबाई फुले पुणे विद्यापीठ क्रीडा मंडळ , अहिल्यानगर जिल्हा क्रीडा विभाग
आणि संगमनेर महाविद्यालय (स्वायत्त ) संगमनेर यांच्या संयुक्त विद्यमाने आयोजित
🏵️आंतरमहाविद्यालय 🥊बॉक्सिंग व 🏓टेबल टेनिस स्पर्धा 🏵️
आज दि. 15 सप्टेंबर 2026 संपन्न झाल्या.
सदर स्पर्धेचे उद्घाटन डॉ वाघोलीकर ऋषिकेश यांच्या हस्ते करण्यात आले. या कार्यक्रमाची काही छायाचित्रे

13/09/2026

विज्ञान मंडळाच्या माध्यमातून विद्यार्थ्यांनी संशोधनवृत्ती विकसित करावी
– डॉ. आर. एस. शिंदे
संगमनेर : विद्यार्थ्यांमध्ये विज्ञानाविषयी कुतूहल, जिज्ञासा, प्रयोगशीलता आणि संशोधनाची आवड निर्माण होण्याबरोबरच वैज्ञानिक दृष्टिकोन विकसित व्हावा, यासाठी शिक्षण प्रसारक संस्थेच्या संगमनेर नगरपालिकेच्या कला, दा. ज. मालपाणी वाणिज्य व ब. ना. सारडा विज्ञान महाविद्यालयात विज्ञान मंडळाची स्थापना करण्यात आली असून, त्याचा उद्घाटन समारंभ उत्साहपूर्ण वातावरणात पार पडला. विद्यार्थ्यांच्या सुप्त गुणांना आणि वैज्ञानिक कल्पनाशक्तीला व्यासपीठ मिळवून देण्यासाठी विज्ञान मंडळाच्या माध्यमातून वर्षभर विविध उपक्रम राबविण्यात येणार आहेत. या कार्यक्रमाच्या अध्यक्षस्थानी डॉ. आर. एस. शिंदे, Outstanding Scientist & Head, Magnet Technology Division, DAE, Government of India हे होते. प्रमुख पाहुणे म्हणून मा.कृष्णा मणियार, CEO, Micron Aerosols & Young Entrepreneur, तसेच जसपाल डंग उपस्थित होते. कार्यक्रमास महाविद्यालयाचे प्राचार्य प्रो. डॉ. अरुण गायकवाड, उपप्राचार्य डॉ. पी. टी. त्र्यंबके, विज्ञान मंडळाचे समन्वयक प्रा. डॉ. प्रवीण रॉयलवार आणि प्रा. डॉ. इंदिरा अंडेला यांच्यासह महाविद्यालयातील प्राध्यापक, विद्यार्थी व विज्ञान मंडळाचे सदस्य मोठ्या संख्येने उपस्थित होते.

02/09/2026

शिक्षण प्रसारक संस्थेसाठी आज आनंदवार्तेचा दिवस होता. संगमनेर महाविद्यालयाचे उत्साही आणि क्रियाशील प्राचार्य डॉ. अरुण गायकवाड सर यांना राज्य शिक्षक पुरस्कार प्राप्त झाला. अतिशय सार्थ निवड, योग्य व्यक्तिमत्वाची सुयोग्य पुरस्कारासाठी निवड झाली. संस्थेला या निवडीचा सार्थ अभिमान आहे. मनःपूर्वक अभिनंदन !

01/09/2026

Workshop on “Prompt to Pedagogy: Harnessing AI for Effective Teaching and Learning” for All Grant and Non-Grant teaching staff.

Sangamner College, Sangamner

24/09/2026

21/09/2026

19/09/2026

19/09/2026

18/09/2026

17/09/2026

15/09/2026

13/09/2026

02/09/2026

01/09/2026

Address

Opening Hours

Telephone

Website

Alerts

Contact The University

Shortcuts

Share

Category

Listing takedown request

Monday	9:30am - 5:30pm
Tuesday	9:30am - 5:30pm
Wednesday	9:30am - 5:30pm
Thursday	9:30am - 5:30pm
Friday	9:30am - 5:30pm
Saturday	9:30am - 1pm