Karmaveer Bhaurao Patil University Satara

24/04/2026

Dr Lesan Azadi, Director of the Bahá'í Academy,

24/04/2026

Congratulations .......
Madhura Dhamangaonkar and Ojas Deotale

14/04/2026

13/04/2026

कर्मवीर भाऊराव पाटील विद्यापीठाच्या पदाधिकाऱ्यांची राज्यपालांसोबत बैठक

मुंबई, दि. १३ एप्रिल : राज्यातील समूह विद्यापीठांची महत्त्वपूर्ण आढावा बैठक आज दुपारी १२ वाजता लोकभवन, मुंबई येथे माननीय राज्यपालांच्या उपस्थितीत पार पडली. या बैठकीत समूह विद्यापीठांच्या गुणवत्तावाढीबाबत आणि राष्ट्रीय स्तरावरील मानांकन सुधारण्याबाबत महत्त्वपूर्ण मार्गदर्शन करण्यात आले.
यावेळी राज्यपाल तथा विद्यापीठांचे कुलपती मा. जिष्णु देव वर्मा यांनी सांगितले की, समूह विद्यापीठे नव्याने स्थापन झाली असली तरी त्यांच्याशी संलग्न असलेली महाविद्यालये जुनी व नामांकित आहेत. त्यामुळे या विद्यापीठांनी राष्ट्रीय विद्यापीठ मानांकनामध्ये आपले स्थान उंचावण्यासाठी अधिक प्रयत्नशील राहणे गरजेचे आहे. गुणवत्ता वृद्धीसाठी ठोस आणि नियोजनबद्ध उपक्रम राबविण्याच्या सूचनाही त्यांनी दिल्या.
या बैठकीला कर्मवीर भाऊराव पाटील विद्यापीठाचे कुलाधिकारी श्री. चंद्रकांत दळवी, कुलगुरू डॉ. ज्ञानदेव म्हस्के, प्रभारी कुलसचिव प्रा. डॉ. विजय कुंभार, राज्यपाल यांचे सचिव मा. डॉ. प्रशांत नारनवरे यांच्यासह राज्यातील इतर समूह विद्यापीठांचे कुलगुरू व कुलसचिव उपस्थित होते.
विकसित भारताच्या दिशेने वाटचाल करताना क्षयरोगाचे (टीबी) समूळ उच्चाटन होणे आवश्यक असल्याचे नमूद करून राज्यपालांनी ‘टीबी मुक्त भारत’ अभियानात विद्यार्थ्यांचा सक्रिय सहभाग वाढविण्याचे आवाहन केले. यासाठी विद्यापीठांनी पोस्टर स्पर्धा, मराठी व हिंदी भाषेतील जिंगल्स स्पर्धा तसेच विविध नाविन्यपूर्ण उपक्रम राबवावेत, असेही त्यांनी सुचविले.
बैठकीदरम्यान समूह विद्यापीठांनी आपल्या कार्याचा आढावा सादर केला. यात राष्ट्रीय शैक्षणिक धोरणाची अंमलबजावणी, नाविन्यपूर्ण अभ्यासक्रम, सर्वोत्तम पद्धती, संशोधन प्रकल्प, कौशल्य विकास अभ्यासक्रम, विद्यार्थ्यांची नोंदणी, वैशिष्ट्यपूर्ण कामगिरी तसेच देश-विदेशातील विद्यापीठांसोबत सुरू असलेल्या सहकार्याची माहिती राज्यपालांना देण्यात आली.

11/04/2026

जागतिक तिरंदाजी स्पर्धा मेक्सिको 2026
कर्मवीर भाऊराव पाटील विद्यापीठाचे घटक महाविद्यालय असलेल्या छत्रपती शिवाजी कॉलेजची विद्यार्थीनी कु. मधुरा धामणगावकर हिचा समावेश असलेल्या महिला भारतीय तिरंदाजी संघाने, मेक्सिको मधील Pubela येथे झालेल्या 50 मी. Compound Round स्पर्धेत अमेरिका संघाचा 233 - 232 अशा अटीतटीच्या लढतीत पराभव करत देशासाठी सुवर्णपदक खेचून आणले! त्याबद्दल तिचे हार्दिक अभिनंदन व शुभेच्छा
💐💐

11/04/2026

11/04/2026

कु. मधुरा धामणगावकर हिची जागतिक तिरंदाजी स्पर्धेत अंतिम फेरीत धडक! तर ओजस कास्य पदकासाठी लढणार!

जागतिक तिरंदाजी स्पर्धा २०२६: पुबेला (मेक्सिको)

मेक्सिको मधील पुबेला येथे ७ एप्रिल ते १२ एप्रिल दरम्यान होत असलेल्या जागतिक तिरंदाजी स्टेज १ स्पर्धेत रयत शिक्षण संस्थेच्या छत्रपती शिवाजी कॉलेज, साताराची (कर्मवीर भाऊराव पाटील विद्यापीठ, सातारा) आंतरराष्ट्रीय खेळाडू कु. मधुरा धामणगावकर हिचा समावेश असलेल्या भारतीय महिला तिरंदाजी संघाने ५० मी.कम्पौंड राउंड सांघिक प्रकारात अंतिम फेरीत धडक मारताना तुर्की संघाचा २३३-२३० अशा गुणांनी पराभव केला. यात नेत्रदीपक खेळ करत मधुराने भारतीय संघासाठी मोलाची कामगिरी बजावली.
मधुरा, ज्योती वेंनाम, प्रगती यांचा समावेश असलेल्या भारतीय महिला संघाची अंतिम फेरीत अमेरिकेच्या संघाबरोबर लढत होणार असून ती भारतीय प्रमाण वेळेनुसार ११ एप्रिल रोजी रात्री ९.४५ वाजता सुरु होईल.

या स्पर्धेत छत्रपती शिवाजी कॉलेज, साताराचा आंतरराष्ट्रीय खेळाडू (कर्मवीर भाऊराव पाटील विद्यापीठ, सातारा), अर्जुन पुरस्कार विजेता ओजस देवतळे हा सुद्धा खेळत असून मिश्र प्रकारात प्रगतीच्या साथीने भारतासाठी कास्य पदकासाठी भारतीय प्रमाण वेळेनुसार १२ एप्रिल रोजी रात्री २.00 लढत देणार आहे. उपांत्य सामन्यात या भारतीय जोडीचा डेन्मार्क कडून १५७ – १४९ अशा गुणांनी पराभव झाला. तत्पूर्वी मधुरा आणि ओजसचे वैयक्तिक प्रकारात तिसऱ्या फेरीत आव्हान संपुष्टात आले.
२०२८ ऑलिम्पिक स्पर्धेत तिरंदाजी मिश्र कम्पौंड राउंड प्रकाराचा समावेश झाल्याने त्या पार्श्व भूमीवर या स्पर्धामधील भारतीय खेळाडूंचे यश महत्वाचे आहे.