13/07/2025
शिष्यवृत्तीधारक व एम.टी.एस. परीक्षेतील गुणवंतांचा सत्कार सोहळा.
नूतन विद्यालयातील शिष्यवृत्ती परीक्षेतील शिष्यवृत्तीधारक विद्यार्थी व महाराष्ट्र प्रज्ञाशोध परीक्षेतील गुणवंत विद्यार्थी यांचा सत्कार समारंभ दिनांक 12 जुलै 2025 रोजी नूतन विद्यालयाच्या कै.रा.ब. गिल्डा सभागृहात मोठ्या उत्साहात पार पडला.
समारंभाच्या अध्यक्षस्थानी संस्थेचे सचिव प्राचार्य डॉ विनायकराव कोठेकर होते. प्रमुख पाहुणे व शाळेचे माजी विद्यार्थी सेलू येथील प्रसिद्ध अस्थितज्ञ डॉक्टर अशोक नाईकनवरे यांच्या शुभहस्ते शिष्यवृत्ती व महाराष्ट्र प्रज्ञाशोध परीक्षेतील एकूण 30 विद्यार्थ्यांना स्मृतिचिन्ह व गुलाब पुष्प देऊन सन्मानित करण्यात आले.
"विद्यार्थ्यांनी चिकाटी राखत सातत्याने प्रयत्न केल्यास स्पर्धा परीक्षेत हमखास यश मिळते" असे प्रतिपादन डॉक्टर अशोक नाईकनवरे यांनी विद्यार्थ्यांना मार्गदर्शन करताना केले.
प्रमुख उपस्थिती लाभलेले संस्थेचे कार्यकारिणी सदस्य प्राचार्य डॉक्टर शरद कुलकर्णी यांनी उपस्थित विद्यार्थ्यांना मार्गदर्शन केले. अध्यक्षीय समारोप संस्थेचे सचिव प्राचार्य डॉ विनायकराव कोठेकर यांनी केला.
कार्यक्रमाचे स्वागत गीत श्री सच्चिदानंद डाखोरे व संच, प्रास्ताविक उपमुख्याध्यापक श्री किरण देशपांडे, पाहुण्यांचा परिचय श्री अशोक लिंबेकर, सूत्रसंचालन श्री बाळू बुधवंत,सत्कार समारंभाचे सूत्रसंचालन श्री सुनील तोडकर,आभार प्रदर्शन श्री सुधीर जोशी यांनी केले.
कार्यक्रमाच्या यशस्वीतेसाठी श्री बन्सीलाल पद्मावत, श्री अरविंद अंबेकर, श्री किशोर कटारे,श्री संतोष मलसटवाड, श्री विजय धापसे, श्री फुलसिंग गावित, श्री गजानन मुळी व श्री प्रभू भुसारे यांनी सहकार्य केले.
