04/08/2022
ઝેડ એફ વાડિયા વુમન્સ કોલેજ એ. કે જોટા ઓફ કોલેજ ઓફ કોમર્સ ,સુરત માં તારીખ 21/ 7/2022 ના રોજ બપોરે 12:00 કલાકે NSS ના ઉપક્રમે "ભારતીય સંસ્કૃતિમાં ગુરુ પરંપરા અને ગુરુનું મહત્વ" વિષય પર વિચાર ગોષ્ટિ અને ગુરુ વંદના નું આયોજન કરવામાં આવ્યું હતું.
આ કાર્યક્રમમાં વક્તા શ્રી શ્રીમતી અદિતિબેન કટિયારે ને પુષ્પ અને પુસ્તક આપી સન્માનિત કરવામાં આવ્યા હતા. ઉપરાંત કોલેજના આચાર્ય શ્રી ડો.અશોકભાઈ દેસાઈ તથા તમામ અધ્યાપક સ્ત્રીઓનું વિદ્યાર્થીનીઓ દ્વારા ચરણસ્પદ અને પુષ્પ થકી સન્માન કરવામાં આવ્યું હતું. સ્વાગત પરિચય અને દીપ પ્રાગટ્ય પછી વક્તા શ્રી અદિતિબેન કટ્યારે ભારતીય સંસ્કૃતિમાં ગુરુનું સ્થાન આપણા પ્રાચીન શાસ્ત્રો અને ગ્રંથોમાં ગુરુનો મહિમા તથા પ્રાચીન સમયમાં થયેલા ગુરુ અને શિષ્યના ઉદાહરણ આપી તત્કાલિક સમયમાં ગુરુનો મહિમા વિશાળતા પૂર્વક સમજાવ્યું હતું. દા.ત:ગુરુ દ્રોણાચાર્ય,એકલવ્ય રામકૃષ્ણ પરમહંસ,સ્વામી વિવેકાનંદ,ભગિની નિવેદિતા ,આચાર્ય વિષ્ણુ ગુપ્તા(કૌટિ લ્ય), ચંદ્રગુપ્ત મૌર્ય વગેરે ઉદાહરણ દ્વારા સચોટ અને રસપ્રદ શૈલીમાં સમજાવ્યું હતું.
આ કાર્યક્રમમાં 185 વિદ્યાર્થીનીઓ એ ઉત્સાહભેર ભાગ લીધો હતો. આ કાર્યક્રમમાં કોલેજના આચાર્યશ્રી એ પણ ગુરુ શિષ્યની સમજણ આપી હતી. આ ઉપરાંત NSS પ્રોગ્રામ ઓફિસર પ્રાધ્યાપક એમ.બી દેસાઈ,ડો.સીસી ચૌધરી એ પણ ગુરુ શિષ્ય વિશે સમજણ આપી હતી. આ કાર્યક્રમમાં NSS ના સ્વયંમ સેવિકાઓ મોટી સંખ્યામાં હાજર રહ્યા હતા અને કોલેજ નો સ્ટાફ પણ હાજર રહ્યો હતો. સમગ્ર કાર્યક્રમનું સફળ સંચાલન સ્વયંસેવિકાઓ દ્વારા કરવામાં આવ્યું હતું. કાર્યક્રમનું સમાપન આધાર વિધિ અને રાષ્ટ્રગીત ગાયને પૂર્ણ કરવામાં આવ્યું હતું.
