21/08/2026
15 મી ઓગસ્ટ 2026 ના રોજ સુરત શહેરના ચોક બજાર સ્થિત કિલ્લા પર સ્વાતંત્રતા ઉજવણી અંગેનો એક કાર્યક્રમ યોજવામાં આવ્યો હતો. જ્યાં વહેલી સવારે 8:00કલાકે ધ્વજવંદન બાદ સમગ્ર કાર્યક્રમ હાથ ધરવામાં આવ્યો હતો. પ્રસ્તુત કાર્યક્રમમાં સુરત મ્યુનિસિપલ કોર્પોરેશન દ્વારા એનએસએસ માં સારી કામગીરી કરવા બદલ સર્ટીફીકેટ આપી વિદ્યાર્થીઓનું સન્માન કરવામાં આવ્યું હતું. સુરત શહેર ઉમિયાધામ ખાતે અગાઉ યોજાયેલ યુવા આપદા મિત્ર શિબિર માં શેઠ સી.ડી. બરફીવાલા કોલેજ ઓફ કોમર્સના 10 વિદ્યાર્થીઓએ ઉત્સાહભેર ભાગ લીધો હતો. અને બેસ્ટ કામગીરી બદલ એવોર્ડ પણ પ્રાપ્ત કર્યો હતો. તો તે અંતર્ગત કોલેજના બે વિદ્યાર્થીઓને સન્માનિત કરવા માટેનું આમંત્રણ મળ્યું હતું, જે અંતર્ગત અમારી કોલેજના એનએસએસ સ્વયંસેવકમાં દીક્ષિત મોહક લીલાધરભાઇ અને ડોડીયા આસ્થા નરેશભાઈને સર્ટિફિકેટ આપી સન્માનિત કરવામા આવ્યા હતા. જે કોલેજ માટે ખૂબ જ ગૌરવની લાગણી કહી શકાય. તેથી કોલેજ પરિવાર બંને વિદ્યાર્થીઓને અને યુવા આપદામાં ભાગ લેનાર દરેક વિદ્યાર્થીને અભિનંદન પાઠવે છે.
પ્રસ્તુત કાર્યક્રમમાં 8:30 થી 9:30 દરમિયાન ટેરેસ ગાર્ડન અંગેની તાલીમ આપવામાં આવી હતી. જેમાં ટેરેસ પર વિવિધ છોડ કેવી રીતે ઉગાડી શકાય તેનું પ્રેક્ટીકલ જ્ઞાન પૂરું પાડ્યું હતુ. ત્યારબાદ 9:30 પછી સન્માન સમારોહ શરૂ કરવામાં આવ્યો હતો, જેમાં સુરતના ડિવિઝનલ ઓફિસર, ચીફ ડેપ્યુટી ઓફિસર, સુરત શહેરના મેયર શ્રી તેમજ અન્ય ઉચ્ચ હોદ્દેદારો ઉપસ્થિત રહ્યા હતા. સુરતના મેયર શ્રી Mayaben Dharmendrabhai Mavani અને Chief fire officer Basant Parekh સાહેબ દ્વારા અમારી કોલેજના બે વિદ્યાર્થીઓને સર્ટીફીકેટ આપી સન્માનિત કરવામાં આવ્યા હતા.
પ્રસ્તુત કાર્યક્રમમાં વિદ્યાર્થીઓને મોકલવા અંગેની કામગીરી કોલેજના આચાર્યશ્રી ડૉ . હિના એસ. ઓઝા મેડમના માર્ગદર્શન હેઠળ NSS ઓફિસર્સ ડૉ.કુણાલ પી રાજપુત અને ડૉ.અસ્મિતા વી. પાનસુરીયા દ્વારા હાથ ધરવામાં આવી હતી.
