NAM College Kallikkandy

26/01/2024

നന്ദി...!!

മഹത്തായ ഈ രണ്ടക്ഷരങ്ങളെക്കാൾ വലുതായൊന്നും ഇവിടെ പ്രകടിപ്പിക്കാനില്ല.

എൻഎഎം അലുംമ്‌നി യുഎഇയുടെ ബാനറിൽ ഒരു ഫാമിലി മീറ്റ് പ്ലാൻ ചെയ്യുമ്പോൾ എങ്ങിനെയാണ് സംഘടിപ്പിക്കുക എന്ന ഉൾഭയം ശക്തമായിരുന്നു. എന്നാൽ പേടിച്ചു കൊണ്ട് തുടങ്ങിയ പ്ലാനിങ് ശക്തമായ ഒരു ടീമിന്റെ പിൻബലത്തോടെ വളരെ എളുപ്പത്തിൽ വൻവിജയമാക്കാനായി എന്നതിന് ആദ്യമായി നന്ദി പറയുന്നത് പടച്ചവനാണ്...!!

ശക്തമായ ഒരു ടീമിനെ നൽകിയതിന്....!!

പിന്നെ ടീം മെംബേർസ് ഓരോരുത്തർക്കും....!!

പിന്നീട് പരിപാടി ഇത്രയും ഭംഗിയോയായി നടത്താൻ സഹായിച്ചു കൊണ്ട് മുന്നോട്ട് വന്ന സ്പോൺസേർസ് ഓരോരുത്തർക്കും. പ്രത്യേകിച്ചും വിലയേറിയ ഒരു ഡയമണ്ട് റിങ് നൽകിയ അൽ ഹിന്ദ് ഗോൾഡ് ആൻഡ് ഡയമണ്ട് , മറ്റ് സമ്മാനദാതാക്കളായ ഹോട്ട് പാക്ക്, അൽ റാഹി റോസ്‌റ്ററി, ഹോംവേ, ഒയാസിസ് ക്യൂസിൻസ്, മംഗോ ഹൈപ്പർമാർക്കറ്റ്, നാഷണൽ പ്രിന്റിങ് പ്രസ് തുടങ്ങി എല്ലാവർക്കും നന്ദി...!!

അതിലധികം പരിപാടിയിൽ പങ്കെടുത്ത മുഴുവൻ അംഗങ്ങൾക്കും ആപ്പിളും മുന്തിരിയും വത്തക്കയുമെന്നല്ല വരിക്കച്ചക്കയടക്കം ഫ്രൂട്ട്സ് വയറു നിറയെ നൽകിയ നൗഷാദ്, ഹോട്ട് പാക്കിൽ നിന്നും സമ്മാനങ്ങൾ എത്തിച്ചു നൽകിയ ഫായിസ്. പേരെടുത്തു പറയുന്നില്ല എല്ലാവർക്കും നന്ദി...!!

പരിപാടിയിലേക്ക് ക്ഷണിച്ചു കൊണ്ട് അയച്ച മെസ്സേജിൽ അലുംനി കമ്മിറ്റി നൽകിയ ഉറപ്പ് കൈനിറയെ സമ്മാനങ്ങളും, വയറു നിറയെ ഭക്ഷണവും, മനസ്സ് നിറയെ ഓർമ്മകളുമായിരുന്നു. ഉച്ചയൂണും ചായയും ഡിന്നറുമടക്കം വയറുനിറയെ ഭക്ഷണവും ഡയമണ്ട് മോതിരമടക്കം കൈനിറയെ സമ്മാനങ്ങളും നൽകാൻ ദൈവ സഹായത്താൽ കഴിഞ്ഞു. കൂടാതെ വർഷങ്ങൾക്ക് ശേഷമുള്ള ഒത്തുചേരലുകളും കളിയുമായി മനസ്സും നിറഞ്ഞാണ് എല്ലാവരും പിരിഞ്ഞത്.

അതിനേക്കാളെല്ലാം ഉയരെ മുഴുവൻ ആളുകളുടെയും മനസ്സ് നിറച്ചതായി മാറി പരിപാടിയുടെ ഏറ്റവും അവസാനം നടന്ന ലക്കി ഡ്രോ.... പങ്കെടുത്ത മുഴുവൻ അംഗങ്ങളുടെയും പേരെഴുതി നിക്ഷേപിച്ച ഗ്ലാസ് ബൗളായിരുന്നു രാത്രി വൈകിയും മരം കോച്ചുന്ന തണുപ്പിലും കുട്ടികളും കുടുംബവുമായി എല്ലാവരെയും അവസാന നിമിഷം വരെ പിടിച്ചിരുത്തിയത്. ആരായിരിക്കും ആ ഭാഗ്യവാൻ / ഭാഗ്യവതി എന്നൊരു ചോദ്യം ഇടയ്ക്കിടെ ഉയർന്നു കേട്ടെങ്കിലും സംഘാടകരുടെ കർശന നിയന്ത്രണം അവസാന നിമിഷം വരെ മനോഹരമാക്കി....

എന്നാൽ വലിയ വിലയേറിയ രത്ന മോതിരം കിട്ടിയ വ്യക്തി, അത്രയും നേരം കാത്തിരുന്ന സ്ത്രീജനങ്ങൾക്ക് വേണ്ടി തന്റെ ഭാഗ്യം നൽകാൻ തയ്യാറായപ്പോൾ ആയൊരു നന്മയിൽ ഏവരുടെയും മനസ്സും നിറഞ്ഞു...!!

നന്ദി നുഫൈൽ....!!

ഇനിയും നന്ദി പറയേണ്ടതായി ഒരുപാടുപേരുണ്ട്...!!

ഉച്ചയ്ക്ക് പന്ത്രണ്ടു മണിമുതൽ രാത്രി പത്തരമണിവരെ പരിപാടിയിൽ പങ്കെടുത്തവർ... j കൈ മെയ് മറന്ന് പരിപാടിയുടെ ഓരോ സ്റ്റേജിലും വളണ്ടിയര്മാരായ അലുംനി അംഗങ്ങൾ..... അലുംനി മെമ്പർമാരുടെ ഭാര്യമാർ .... അലുംനി അംഗങ്ങളല്ലെങ്കിലും അംഗങ്ങളെപ്പോലെ അല്ലെങ്കിൽ അതിലുമധികം പരിപാടിയുടെ വിജയത്തിനായി പ്രവർത്തിച്ച അംഗങ്ങളുടെ ഭർത്താക്കന്മാർ....

നന്ദി....ഏവർക്കും...!!

23/01/2024

സബീൽ പാർക്കിൽ NAM കോളേജ് UAE അലുംനി നടത്തിയ ഫാമിലി മീറ്റാണ് വേദി ..

കോളേജിൽ പഠിച്ചിറങ്ങിയ ആദ്യ ബാച്ചിലെ വിദ്യാർത്ഥിയും അവരുടെ കുടുംബങ്ങളും അടക്കം അടുത്തിടെ പാസ് ഔട്ട് ആയ വിദ്യാർത്ഥികൾ ഉൾപ്പടെ
ഇരുന്നൂറിൽ പരം ആളുകൾ പങ്കെടുത്ത അപൂർവമായ കൂടി ചേരൽ...

കുട്ടികളും മുതിർന്നവരും ഒരു പോലെ ആസ്വദിച്ച മത്സര പരിപാടികളും ,ഭക്ഷണവും ,വിജയികൾക്കുള്ള സമ്മാന ദാനവും കഴിഞ്ഞു ഏവരും ലക്കി ഡ്രോയിക്ക് വേണ്ടി ആകാംക്ഷയോടു കൂടി കാത്തിരിക്കുകയാണ്.!!

അൽഹിന്ദ് ഗോൾഡ് ( Alhind Gold & Diamonds) നൽകുന്ന 1500 ദിർഹംസിനു മുകളിൽ വില വരുന്ന ഡയമണ്ട് റിങ് ആണ് വിജയിയെ കാത്തിരിക്കുന്നത്!!!

നറുക്കെടുപ്പ് സമയം വേദിയിൽ ഉള്ള ആളുകളെ മാത്രമേ വിജയി ആയി പരിഗണിക്കൂ എന്ന നിബന്ധന സംഘാടകർ മുൻ കൂട്ടി അറിയിച്ചിരുന്നു!

നറുക്കെടുപ്പ് ആരംഭിക്കാൻ പോകുകയാണ് ,ചുറ്റിലും നിശബ്ദത ....

തണുത്ത കാറ്റിലും കുട്ടികളും സ്ത്രീകളുമടക്കം എല്ലാവരും ശ്വാസം അടക്കി നിൽക്കുകയാണ് !

ആരായിരിക്കും ആ ഭാഗ്യവാൻ???

ഗ്ലാസ് ബൗളിൽ നിറഞ്ഞു നിൽക്കുന്ന നീല നിറത്തിലുള്ള ക്കൂപ്പണുകളിലേക്ക് എല്ലാവരും ഇമ വെട്ടാതെ നോക്കി നിൽക്കെ ഒരു കൂപ്പൺ മാത്രം മുകളിലേക്ക് ഉയർന്നു വന്നു....

അതെ ,ഏവരും അക്ഷമനായി കാത്തിരുന്ന ആ വിജയി!!

ചങ്കിടിപ്പുകൾക്ക് വേഗത കൂടിയ നിമിഷങ്ങൾ!!......

കൂപ്പൺ ഉയർത്തി പിടിച്ച സംഘാടകരിൽ ഒരാൾ വിജയിയുടെ പേര് ഉറക്കെ വായിച്ചു !!

"നുഫൈൽ കെസി "!!!!

Nufail KC

ചുറ്റിലും കൂടിയ ആളുകളുടെ കണ്ണുള്‍ നുഫൈലിന് വേണ്ടി തിരയുകയാണ്....

ആൾ സ്ഥലത്തു ഇല്ല എന്ന തോന്നലിന്‌ വിരാമം
നൽകി നുഫൈൽ ചിരിച്ചു കൊണ്ട് മുന്നോട്ടേക്ക് കടന്നു വരുന്നു.!

ഇനിയാണ് നാടകീയ രംഗങ്ങൾ !!!!!

ചുറ്റിലും കൂടിയ ആളുകളെ അമ്പരിപ്പിച്ചു കൊണ്ട് നുഫൈൽ തനിക്ക് കിട്ടിയ സമ്മാനം മറ്റൊരു ഫാമിലിക്ക് റീ ഡ്രൊയിലൂടെ നൽകാൻ ഒരുക്കമാണെന്ന് നിറഞ്ഞ പുഞ്ചിരിയോടെ ധീരമായി പ്രഖ്യാപിക്കുന്നു .!!

ചുറ്റിലും നിറഞ്ഞ കൈയടികൾ ,ആർപ്പു വിളികൾ ..

നുഫൈലിന്റെ കൈ കൊണ്ട്
വീണ്ടും നറുക്കെടുപ്പ് നടക്കാൻ പോകുകയാണ് !!

ഒരുനിമിഷം വീണ്ടും നിശബ്ദത !!

ആകാംക്ഷയ്ക്കൊടുവിൽ അവിടെ ഉണ്ടായിരുന്ന അലുംനി മെമ്പറുടെ ഭാര്യക്ക് തന്നെ നറുക്ക് വീഴുന്നു ,നുഫൈൽ തന്നെ ഡയമണ്ട് റിങ് നിറഞ്ഞ ചിരിയോടുകൂടി അവർക്ക് കൈ മാറി!!

ചുറ്റിലും ആരവങ്ങൾ ,കൈയടികൾ ..ചിലർ നുഫൈലിനെ മുകളിലേക്ക് എടുത്ത് ഉയർത്തി..ചിലർ കെട്ടി പിടിച്ചു !!

പരിപാടിക്കഴിഞ്ഞു എല്ലാവരോടും യാത്ര പറഞ്ഞു
തിരിച്ചു അൽഐനിലേക്കുള്ള മടക്ക യാത്രയിൽ മനസ്സു നിറയെ നുഫൈൽ ആയിരുന്നു!!!

ഡയമണ്ട് റിങ് കിട്ടിയ 'നുഫൈൽനേക്കാൾ' ജ്വലിച്ചു നിൽക്കുന്നത് വേറൊരാൾക്ക് നൽകാൻ തയ്യാറായ 'നുഫൈൽ' തന്നെ!!

ഡയമണ്ട് അല്ല ഈ ലോകത്തുള്ള എന്ത് വിലപിടിപ്പുള്ളത് വെച്ചാലും നുഫൈലിന്റെ ത്രാസ് ഉയർന്നു തന്നെ നിൽക്കും !!

'നേടിയെടുക്കൽ 'മാത്രമല്ല 'വിട്ടു കൊടുക്കലും' വിജയമാണെന്ന വലിയൊരു പാഠം ഇന്നിന്റെ തലമുറയോട് നുഫൈൽ പറയാതെ പറയുന്നുണ്ട്...

അതെ ഇനിയും 'നുഫൈലുമാരെ' കൊണ്ട് മനോഹരമുള്ളതാകട്ടെ നമ്മുടെ ഈ ലോകം!!!

- ഷംനാസ് ബിൻ കാസിം

16/04/2022

04/12/2021

08/07/2021

2020 ബാചിന്റെ കാര്യം ഓർത്ത്‌ നോകിയെ 😩😭😷

04/07/2021

Join our club