19/09/2026
🚨 அவசர மருந்துப் பொருட்களை அனுப்பும் முன் ஒருமுறை யோசிப்போம்!
நாம் கூரியர் சேவையை நாடுவது எதற்காக?
ஒரு பொருளை அவசரமாகவும், பாதுகாப்பாகவும், குறிப்பிட்ட நேரத்திற்குள் கொண்டு சேர்ப்பதற்காகத்தானே!
குறிப்பாக மருந்துப் பொருட்கள் என்றால், அதன் அவசரத்தன்மை இன்னும் அதிகம்.
சமீபத்தில் ST Courier – மடிப்பாக்கம் கிளையிலிருந்து ஒரு மருந்துப் பொருள் 17-09-2026 அன்று புக் செய்யப்பட்டது. மறுநாள், அதாவது 18-09-2026 அன்று, டெலிவரி ஆக வேண்டும் என்ற நம்பிக்கையில்தான் அனுப்பப்பட்டது.
ஆனால் Tracking Number மூலம் பார்த்தபோது, “அப்படியொரு Consignment Book செய்யப்படவில்லை” என்று காட்டியது.
உள்ளூர் ST Courier அலுவலகத்தைத் தொடர்பு கொண்டபோது,
“இந்த Consignment இன்னும் Book ஆகவே இல்லை. நீங்கள் எங்கு கொடுத்தீர்களோ அங்கேதான் இருக்கிறது. இன்று Book செய்வார்கள்” என்று கூறினார்கள்.
மடிப்பாக்கம் கிளையைத் தொடர்பு கொண்டால்,
“நாங்கள் எல்லா Consignment-களையும் அனுப்பிவிட்டோம்” என்கிறார்கள்.
Customer Care-ஐ தொடர்பு கொண்டாலும்,
“உங்களுடைய Consignment நேற்று Book ஆகவில்லை. இன்று தான் Book (18-09-26) செய்யப்பட்டுள்ளது. (19 -9)நாளைதான் கிடைக்கும்” என்ற பதில்தான் வருகிறது.
🤔 அப்படியானால் கேள்வி என்ன?
அவசரத் தேவைக்காக மருந்தை இன்று அனுப்பி, நாளைக்கு கிடைக்கும் என்ற நம்பிக்கையில் கூரியரைப் பயன்படுத்துவதற்கே முடியாத நிலை என்றால், கூரியர் சேவையின் பயன் என்ன?
இன்று அனுப்பினால் நாளை கிடைக்கும் என்ற நம்பிக்கையை வைத்திருக்க முடியாத சூழ்நிலையில், மருந்து போன்ற அவசரப் பொருட்களை குறைந்தது இரண்டு நாட்களுக்கு முன்பே அனுப்ப வேண்டிய கட்டாயம் ஏற்படுகிறது.
இது ஒரு நிறுவனத்தை மட்டும் குறை கூறுவதற்கான பதிவு அல்ல.
அவசரப் பொருட்களை அனுப்பும் வாடிக்கையாளர்கள் சந்திக்கும் ஒரு நடைமுறை சிக்கலைப் பகிர்ந்து கொள்வதற்கான பதிவு.
தொழில்முறை கூரியர் சேவைகளிடமிருந்தும் இதுபோன்ற அனுபவங்கள் ஏற்படும்போது, நம்பிக்கையுடன் கூரியரை நாடும் வாடிக்கையாளர்களுக்கு ஏமாற்றம்தான் மிஞ்சுகிறது.
💊 குறிப்பாக சென்னை, மதுரை போன்ற நகரங்களிலிருந்து திருநெல்வேலி போன்ற தொலைதூர நகரங்களுக்கு அவசரமாக மருந்துகளைப் பெற வேண்டியவர்கள், கூரியர் சேவையை மட்டுமே நம்பாமல், வேறு பாதுகாப்பான மற்றும் உறுதியான வழிமுறைகளையும் பயன்படுத்துவது அவசியமாகிறது.
“அவசர மருந்து என்றால் இன்று அனுப்பி நாளை கிடைக்கும்” என்ற நம்பிக்கை இருக்க வேண்டிய இடத்தில், “இரண்டு நாட்களுக்கு முன்பே அனுப்பினால்தான் சரியான நேரத்தில் கிடைக்கும்” என்ற நிலை வருவது கவலைக்குரியது.
📌 மருந்து என்பது சாதாரண பார்சல் அல்ல.
அதன் தாமதம் ஒருவரின் உடல்நலத்தையே பாதிக்கக்கூடும்.
