Háskólinn á Akureyri

Háskólinn á Akureyri Háskólinn á Akureyri (HA) var stofnaður árið 1987 og fyrsti rektorinn, Haraldur Bessason var ráðinn um sumarið það ár. Frá upphafi hefur vöxtur HA verið hraður.

Fyrsta starfsárið var boðið upp á nám í tveimur deildum, heilbrigðisdeild og rekstrardeild. Kennslan fór fram í tveimur stofum í Íþróttahöllinni og tvær skrifstofur starfsmanna voru í Þingvallastræti 23. Fastráðnir starfsmenn voru fjórir og nemendur voru 31. Námsframboð hefur aukist jafnt og þétt, nemendum og starfsfólki hefur fjölgað, ýmsir samstarfsaðilar hafa komið til og byggingar hafa risið.

Nú er boðið upp á grunnnám í eftirtöldum greinum: félagsvísindi, fjölmiðlafræði, hjúkrunarfræði, iðjuþjálfun, kennarafræði (leik- og grunnskóla), líftækni, lögfræði, lögreglufræði, nútímafræði, sálfræði, sjávarútvegsfræði og viðskiptafræði. Þá er einnig boðið upp á framhaldsnám á heilbrigðisvísindasviði, í félagsvísindum, viðskiptafræði og auðlindafræði.

Við erum öll í sama liði! 🩵Treyjudagurinn 2026. HA-ingar tóku að sjálfsögðu þátt í deginum!
04/09/2026

Við erum öll í sama liði! 🩵

Treyjudagurinn 2026. HA-ingar tóku að sjálfsögðu þátt í deginum!

🤝 Öflugra samstarf um nýsköpun á NorðurlandiHáskólinn á Akureyri og Drift EA hafa undirritað samstarfssamning við Fab La...
04/09/2026

🤝 Öflugra samstarf um nýsköpun á Norðurlandi

Háskólinn á Akureyri og Drift EA hafa undirritað samstarfssamning við Fab Lab Akureyri sem markar mikilvægt skref í átt að enn nánari samvinnu um nýsköpun, frumkvöðlastarfsemi og uppbyggingu öflugs nýsköpunarumhverfis á Norðurlandi.

Samstarfið skapar aukin tækifæri fyrir stúdenta, starfsfólk og frumkvöðla til að þróa hugmyndir og koma þeim í framkvæmd. 💡

Nánar í meðfylgjandi frétt í athugasemd.

👮 Tíu ár af lögreglunámi á háskólastigi!Í haust eru tíu ár frá því að fyrstu stúdentarnir hófu diplómanám fyrir verðandi...
03/09/2026

👮 Tíu ár af lögreglunámi á háskólastigi!

Í haust eru tíu ár frá því að fyrstu stúdentarnir hófu diplómanám fyrir verðandi lögreglumenn við Háskólann á Akureyri.

Frá því að lögreglunám var fært á háskólastig árið 2016 hefur námið fest sig í sessi og rannsóknir benda til þess að breytingin hafi styrkt fagvæðingu og menntastig lögreglunnar. Aukin áhersla hefur verið lögð á fagþekkingu, fjölbreytta hæfni og gagnrýna ígrundun – og að tengja saman fræðilega þekkingu og reynslu af vettvangi.
Í dag er um helmingur starfandi lögreglumanna hérlendis með menntun á háskólastigi. 🚓🎓

🔗 Lesið meira um tíu ára þróun lögreglunámsins í meðfylgjandi frétt í athugasemd.

🎓 Í fyrsta sinn er hægt að ljúka meistaragráðu í iðjuþjálfun hér á landi! Við stöndum svo sannarlega á ánægjulegum tímam...
27/08/2026

🎓 Í fyrsta sinn er hægt að ljúka meistaragráðu í iðjuþjálfun hér á landi!

Við stöndum svo sannarlega á ánægjulegum tímamótum. Nú hafa fyrstu stúdentarnir hafið meistaranám í iðjuþjálfun við HA. Með nýju námi er nú í fyrsta sinn hægt að ljúka meistaragráðu í iðjuþjálfun á Íslandi.

Námið er meðal annars afrakstur norræns samstarfs í gegnum OSNord – Nordic Occupational Science Hub, þar sem HA vinnur með Gautaborgarháskóla, Arcada í Finnlandi og OsloMet í Noregi að því að efla meistaranám í iðjuþjálfun og iðjuvísindum.

Samstarfið opnar jafnframt ný tækifæri fyrir stúdenta og starfandi iðjuþjálfa til náms og þekkingarmiðlunar þvert á landamæri og styrkir tengsl íslenskrar iðjuþjálfunar við norrænt og alþjóðlegt fræðasamfélag.

Við erum einstaklega ánægð með að bjóða fyrsta hóp meistaranema í iðjuþjálfun velkominn til náms við HA og óskum þeim velfarnaðar í náminu! 🎓✨

Velkomin í HA, nýnemar á Heilbrigðis-, viðskipta- og raunvísindasviði ❤️Í morgun fylltum við Hátíðarsalinn okkar og gott...
27/08/2026

Velkomin í HA, nýnemar á Heilbrigðis-, viðskipta- og raunvísindasviði ❤️

Í morgun fylltum við Hátíðarsalinn okkar og gott betur en það þegar við tókum á móti nýnemum í grunnnámi á Heilbrigðis-, viðskipta- og raunvísindasviði.

🔔 Í dag var það Jóel Kárason nýnemi í tæknifræði sem hringdi inn skólaárið. Hann er hér ásamt Aðalbirni forseta SHA.

☔ Það er svo sannarlega gaman að vera HA-ingur og því hafa fulltrúar SHA og nýnemarnir ekki látið rigninguna skemma fyrir sér í dag. Góða skemmtun áfram í dag og kvöld kæru HA-ingar!

Velkomin í HA, nýnemar á Hug- og félagsvísindasviði! ❤️Í morgun tókum við formlega á móti nýnemum í grunnnámi á Hug- og ...
25/08/2026

Velkomin í HA, nýnemar á Hug- og félagsvísindasviði! ❤️

Í morgun tókum við formlega á móti nýnemum í grunnnámi á Hug- og félagsvísindasviði. Markmið Nýnemadaga er að bjóða nýnema hjartanlega velkomna í HA og gefa þeim tækifæri til að kynnast starfsfólki og þjónustu HA. Þá eru Nýnemadagar jafnframt mikilvægur vettvangur þar sem nýnemar fá tækifæri til að kynnast og mynda tengsl sín á milli.

Stúdentafélag Háskólans á Akureyri - SHA, leikur stórt hlutverk í skipulagningu og framkvæmd Nýnemadaga og á stórt hrós skilið fyrir frábæra vinnu 👏

Frá því að Íslandsklukkan var sett upp á háskólasvæðinu árið 2000 hefur skapast sú hefð að hringja henni við upphaf hvers skólaárs. Í dag fékk Emma Ýr Kristjönudóttir, nýnemi í félagsvísindum, það skemmtilega hlutverk að hringja Íslandsklukkunni 26 högg til að marka upphaf skólaársins 2026–2027 🔔

Hér er Emma Ýr ásamt Aðalbirni Jóhannssyni, forseta SHA, sem hefur leitt starf félagsins áfram af miklum krafti.

Kæru nýnemar á Hug- og félagsvísindasviði, enn og aftur, hjartanlega velkomin í HA! Við hlökkum til skólaársins fram undan! ❤️

Á fimmtudag tökum við á móti nýnemum á Heilbrigðis-, viðskipta- og raunvísindasviði og við hlökkum til að sjá ykkur.

⚗️ Vísindafólkið okkar👤 Thanh Viet Nguyen, prófessor við Auðlindadeild Háskólans á Akureyri❤ Ég er fæddur og uppalinn í ...
19/08/2026

⚗️ Vísindafólkið okkar

👤 Thanh Viet Nguyen, prófessor við Auðlindadeild Háskólans á Akureyri

❤ Ég er fæddur og uppalinn í Víetnam, landi með meira en 3.000 kílómetra strandlengju og sterk tengsl við hafið. Þar sá ég hversu mikilvægur sjávarútvegur er fyrir afkomu fólks og áhugi minn á sjálfbærri stjórnun sjávarauðlinda kviknaði.

🔬 Rannsóknir mínar snúast um hagfræði sjávarútvegs og sjálfbæra stjórnun sjávarauðlinda. Ég skoða hvernig hagfræði, vistfræði og stefnumótun hafa áhrif á sjávarútveg og heilbrigði vistkerfa sjávar. Markmiðið er að skapa þekkingu sem nýtist við ákvarðanatöku og stuðlar að jafnvægi milli umhverfislegrar sjálfbærni og efnahagslegs ávinnings 🌊🐟

📚 Ég kenni fiskveiðistjórnun, auðlindahagfræði, umhverfishagfræði og megindlegar aðferðir. Það sem mér finnst mest gefandi er að sjá stúdenta öðlast sjálfstraust í greinandi hugsun og nýta fræðilega þekkingu til að takast á við raunverulegar áskoranir.

🎶 Uppáhaldslagið mitt er „Mother of Mine“ með Neil Reid. Ég hef elskað lagið frá barnæsku. Það minnir mig á fjölskylduna, þakklæti og mikilvægi þess að halda tengslum við ræturnar – sama hvert lífið leiðir okkur.

⚡ Ég hef búið og stundað nám í fimm löndum: Víetnam, Noregi, Danmörku, Bandaríkjunum og Íslandi 🌍
⚡ Áður en ég varð prófessor starfaði ég sem sérfræðingur í sjávarútvegi hjá víetnömskum stjórnvöldum og síðar sem ráðgjafi í alþjóðlegum þróunarverkefnum.
⚡ Ég nýt þess að vinna með stúdentum alls staðar að úr heiminum og hef leiðbeint rannsakendum og framhaldsnemum frá Afríku, Asíu og Evrópu í gegnum Sjávarútvegsskóla GRÓ.

❤️ Heilræði: Þekking hefur mest áhrif þegar henni er miðlað, hún nýtt í framkvæmd og látin bæta líf fólks – um leið og náttúran er vernduð fyrir komandi kynslóðir.

🔗 Ítarlegri umfjöllun í viðhengi

☀️🌑 Í tilefni dagsins er gaman að skoða myndasafn háskólans og rifja upp síðasta sólmyrkva. Þann 20. mars 2015 huldi tun...
12/08/2026

☀️🌑 Í tilefni dagsins er gaman að skoða myndasafn háskólans og rifja upp síðasta sólmyrkva. Þann 20. mars 2015 huldi tunglið um 98% sólarinnar, séð frá Akureyri.

Starfsfólk og stúdentar HA komu sér vel fyrir á þaki Borga og fjöldi gesta fylgdist með þessu stórbrotna sjónarspili á háskólasvæðinu.

Njótið sólmyrkvans í dag, kæru vinir – og munið að fara varlega!

📣 Opið er fyrir umsóknir í eftirtaldar námsleiðir til og með 13. ágúst: ▫ Fjölmiðlafræði BA▫ Nútímafræði BA🎓 Sótt er um ...
05/08/2026

📣 Opið er fyrir umsóknir í eftirtaldar námsleiðir til og með 13. ágúst:
▫ Fjölmiðlafræði BA
▫ Nútímafræði BA

🎓 Sótt er um á umsóknarvef HA!
ℹ️ Ítarlegri upplýsingar má nálgast í meðfylgjandi frétt í athugasemd.

☀ Háskólinn á Akureyri verður lokaður frá mánudeginum 6. júlí til og með mánudagsins 3. ágúst📞Svarað verður í síma á ski...
03/07/2026

☀ Háskólinn á Akureyri verður lokaður frá mánudeginum 6. júlí til og með mánudagsins 3. ágúst

📞Svarað verður í síma á skiptiborði alla virka daga milli kl. 10 og 14 frá 6. júlí til og með 3. ágúst

📩Erindum og beiðnum um vottorð eða námsferla sem berast á [email protected] og [email protected] verður ekki svarað fyrr en eftir 3. ágúst

🏫Byggingar háskólans verða lokaðar frá 6. júlí til og með 3. ágúst. Starfsfólk hefur aðgang að byggingum með sínu aðgangskorti. Stúdentar munu ekki hafa aðgang á meðan sumarlokun stendur nema þeir séu í sumarstörfum.

❤ Háskólinn opnar aftur þriðjudaginn 4. ágúst

👇Frekari upplýsingar í hlekk í fyrstu ummælum

Address

Norðurslóð 2
Akureyri
600

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Website

Alerts

Be the first to know and let us send you an email when Háskólinn á Akureyri posts news and promotions. Your email address will not be used for any other purpose, and you can unsubscribe at any time.

Contact The University

Send a message to Háskólinn á Akureyri:

Shortcuts

Share

Category